Wednesday, December 13, 2006

عـــــــلاقــــه الغــــرام بالأكــــــــــــــــل والمعده


الاغــانى تانــى وتـالت ورابــع وليه لأ ..كل اغنــيه اتغنت او هتتغنـى فيهـــا كوميـديـا خاصـه بيهــا... بـس الاغنيه عازوه اللى يغوص فى المعانـــى ويشيل الغشاوه الغراميـــه اللى عليـــها...علاقه الغرام بالاكل زى الماء والهواء..اى عاشق اصيل لازم يكون اكول كبير.. ولذلك تجد عند معظم الحبيبه التمام..كرش فشر المرحوم محمد رضا
اسمــــع الكـــــــــلام الجميــل فى هذه الاغنيه


ونعيش فى الجمعه سبع تيام
زادنا وذوادنا غرام فى غرام

الناس فى مصر بتقول انا باشتغل علشان لقمه العيش.. وهذا المطرب العبقرى مش محتاج يشتغل... وها تشتغل ليه؟ علشان لقمه العيش؟ ما هو اصلا مش محتاج عيش.. الراجل بياكل فى الجمعه غرام فى غرام.. ويذكر ان مأكول الغرام له طعم مميز والعناصر الغذائيه بتاعته لها فوائد عظيمه ..ولذلك حبس هذا الحبيب حبيبته فى زنزانه وعايشين على مأكول الغرام.. طاب وموضوع الحمّام وخلافه.. يا ناس انتو ما بتفهموش... دا بياكل غرام..والغرام ده ملوش فضلات..


ع البساطه.. البساطه
ياعينى ع البساطه
اكلها جبنه وزيتون
وتعشينى ...بطاطا

حبيب معفن اوى وحبيبته العن منه.. فعلا ربنا يهنى سعيد بسعيده.. الاثنين بٌخلا اوى.. هو قاعد فاضح الدنيا على شويه الجبنه والزيتون وعشمان بأه فى ديك رومى اتاريها متكحرته وضاربها السـلك وجابت له بطاطا.. ويقال ان هذا الحبيب كان عشمان فى بورجر كنج او ماكدنالدز

تحت السجر يا وهيبه
يا مكلنا برتقال


وصاحبك ده.. فاضــح الحبيبه بشـــويه البرتقـال اللى جابــهم...همـه اتنيــن كيلــو عمى بس..فاضح الدنيـا..ماشى فى الشارع بتكلم عن البرتقال..عمل مدونــه اسمها البرتقال...ويقال ان الناس اتخنقت منه فى مصر فبلغوا عنه الحى والبلديه..وعمـلو له محضر نظــافـه لان موسخ البلد كلـــها بقشر البرتــقال


يا حتت مارون جلاسيه
والطعم شيكولاته
سايقه فى دلالك ليه
يا حلوه تاتا تاتا

هذا المطــرب كان من عامه الشعب..وكانت احسن حاجه حلــوه اكلــها فى حياته هى ام على اوطبق بليله وعليه قطعه كنافه..وكان نفسه ومنى عينه يدوق طعم المارون جلاسيه..فاصيب هذا الروميـو بمرض التخيلات والعياذ بالله.. فبقدره قادر اتخيل له ان حبيبته ما هى الا طبــق مارون جلاســيه وهــو قاعــد يجرى وراه..ويتحايــل علي الطبق انه يمشــى بشويش علشــان يلحقه وياكــل منه



338 Comment:

1 – 200 of 338   Newer›   Newest»
الجحيم هو الحقيقه said...

يا سلام عليك يا رافتا نى

ديما بتيجى ع الجرح

دا اسمى انواع الحب
الو احد يخطب
ونسيبه
ها تك يا تزغيط
عشا ن النجم المغفل
حيا خد اكبر مقلب ف حيا ته

ولازم
يخلوه مش مركز
يقومه
عمينه ويكبسو ع مر وحه

وها تك يا كدب
دى
ريها م
هى اللى طبخه وبتا ع
وريها م


اخرها البيض المسلوق

وينكى said...

ههههههههههههههههههههههههههه
على كده بقى أنا احمد ربنا على نعمة العزوبيه
عشان انا باعمل ريجيم اليومين دول
بوست حلو خفيف
تحياتشى

المٌهَــــاجِر المَصْـــــــرى said...

جحيـــــــــــــــــم
مين ريهـــــام دى؟
انت بتشتغلنى؟؟ وتقولى مالكش فى الغراميات

مين ريهام دى؟ انطق يا مان

الحمد لله ..ملناش قراء باسم ريهام..كان حصل ضرب نار
----------------------------------

وينكـــــــــى
ازيك ..شرفتى المهجـــــــــر
الرجال بس اللى بيطلعل لهم كرش غرامــى
لكن النساء لأ
فلا داعى للقلق..يعنى لو ربنا رزق بابن الحلال ..ما تخفيش..هو لو محب بجد وعاشق هيبان من كرشه

شكرا ع الزياره

أنـــا حـــــــــرة said...

انا لسه مقريتش الموضوع
انا بس جاية اقول

منال
عمر
رأفت بيه

شكرا على قراركم الجماعى بالاعدام
مش هعلعب معاكم تانى
علشان مش بحب العب مع ناس مش عايزنى معاهم

لما اقرا الموضوع ابقى اجى اعلق بقى
علشان نازلة
فلما ارجع هقول رأيى


لكن خلاص من غير لعب

كل اللى بيننا انتهى

المٌهَــــاجِر المَصْـــــــرى said...

انــــــا حـــــــــــره
طاب فين الصور والجوابات؟؟

albida said...

يا سلام عليك يا رأفت... طول عمرك نبيه!! بس أنت نسيت المطرب الشعبى الكبير عماد بعرور.. شوف بعد ما كان كحطان وقاعد يأكل فى عنب طول النهار, أهو ربنا فتح عليه دلوقتى وبقى يأكل سمك.. الله أعلم بعد كده هيغنى يقول ايه؟

فى أغنية من التراث بتغنيها واحدة اسمها أمل وهبى بتقول فيها
ماتمرش فيه الشوكولاتة
جبلى الحكاية على بلاطة
قالى خلاص الله يحنن
قالها كده بكل بساطة

يا ساتر يارب!! شفت الدناءة وصلت لايه؟ مستخسرة فى الواد حتة الشكولاتة اللى جابتهاله.. كأنها بتقوله: أطفحها بالسم الهارى يا بعيد

وطبعا مش لازم ننسى الأغنية الشهيرة
ماشربش الشاى, أشرب ازوزة أنا

الأغنية دى مليانة بالمعلومات الطبية لأن جميع الدراسات أثبتت أن الشاى فىه نسبة كافين عالية كمان بيقلل من نسبة الحديد فى الجسم

ياسمين
يا بنتى أنتى لسه متعلمتيش سياسة "مشى حالك" ولا ايه؟
:) :)

manal

المٌهَــــاجِر المَصْـــــــرى said...

منــــــــــال
اولا متقلقيش على ياسمين.. دا طلعت بتشتغلنى..ومات على نفسها م الضحك لما سالتها اذا كانت زعلانه من حكم الاعدام

ثانيا
كم انافخور بيكى علشان الدرر العنائيه اللى انت شرحتى بيها تعليقك..
ياسلام
ما اشربش الشاى ..اشرب ازوزه انا

كما هو رائع هذا المثل الحى على الدناوه العاطفيه..

Anonymous said...

بلا شك أن الأكل أرتبط بالغرام
بالأغاني منذ فجر التاريخ و في جميع الحضارات , يعني أية اللي بيحصل في الثقافة الغربية لما الشب من دولة يسأل الشبة من دولهم Date بياخدها مطعم طبعا ( مش ماكدونالدز و لا برجر كنج لاحسن دة يبقى شاب معفن أوي ) ياخدها مطعم أيطالي ( المطاعم الأيطالية هي مطاعمي المفضلة و مش عارف لية دايما ليها أرتباط بالرومانسية ) يستحسن لو يكون مطعم صغير مش من سلسلة فرانشيز و دول طبعا ماليين نيويورك و فية واحد حلو جدا في أنابوليس , وبعدين أية بأة Set the mood أزاي شمعتين على أزازة Wine على موسيقى أيطالية في الخلفية مش فاهم منها حاجة بس ضرورية جدا عشان تكمل الموود ....و أبقى أدعيلي

Anonymous said...

أنا الأنونيموس اللي فوق دة يا رأفت ^^^^^^

Anonymous said...

أنا الكوبرا الحديدية .^^^^^^^

المٌهَــــاجِر المَصْـــــــرى said...

ادينى عـــــواطف يا كــوبــرا يا اصلى
مطعم ايطالى صغير
سمعتين حلــوين
wine
يعينى ع الحلو لما ببهدله الايــام

هههههههههههههههههههههههههههه
ايه اللى حصل
انت داخل متخفى تانى ليه يا سمسم

المٌهَــــاجِر المَصْـــــــرى said...

احنا عارفــين انك الكوبرا
مفيش حد بيدخل متخفى غيرك
وبعدين تعليقاتك القاتله لهـــا بصمه
ماحدش يقدر يتوه عنها
بأماره زيزوا نتانه

الواد عمر فى امتحان دلوقت
ادعى له

Anonymous said...

ربنا يهديلة العاصي و يعمي عنة عيون المراقبين و يسهلة الصعب .
اللهم شتت شملهم ...
و أجعل كيدهم في نحرهم ...
ورمل نساءهم ...
.
.
.
دعوة ولية ساعة مغربية ياقادر يا كريم .

المٌهَــــاجِر المَصْـــــــرى said...

هههههههههههههههههههههههههههههههههههههههههههههههههههههههههههههه

ياعم الحاج هو رايح يفتح عكا ولا يحرر القدس
دا امتحان علامات تجاريه معفن
هههههههههههههههههههههههه

ربنا يخرب عقلك

Anonymous said...

عندي بوست جديد هيعجبك أوي يا رأفت عن حبيبك عدوية .

المٌهَــــاجِر المَصْـــــــرى said...

نزلته ولا لسه؟؟؟؟؟؟؟؟
طالما فيها عدويــه يبقى امان يا مان

Anonymous said...

معلهش طلعنا الأسطوانة الغلط...
هنيا لك يافاعل الخير و الثواب حسنة قليلة تمنع بلاوي كتيرة و ربنا يخليلك الست يا بية ....اوووف برضة الأسطوانة الغلط .
يلا معلهش ربنا ينتعة بالسلامة .

Anonymous said...

لسة طازة بنار الفرن يامعلم زي رغيف الحوواشي الأسكندراني و هو لسة طالع من الفرن .

المٌهَــــاجِر المَصْـــــــرى said...

امان يا مان
لقيته...الله يكرمك..
بس انت متنكر ليه..انت فى الشغل؟؟

المدونه بتاعه الافعى كالتالى
http://ironcobra40.blogspot.com//

masria said...

المرحوم كان بكرش
ايةةةةةةة ايام(تنهيدة)ا

فكرتني بيه و بكرشة الظريف

وأحنا في عز المشاكل انا مش طايقة الأكل و ده أديله سندوتشي ياكله عادي خالص
و روحت مش طايقة الأكل و ده عمال يكلمني و ياكل
فكرتني الله يسامحك

والله أخر يوم شفته جاب لي هوهوز الي بالكريمة البيضة ده صح اسمه كده؟؟ أكلت نصها مقدرتش أكملها بقوله ممكن تكملها
حطها في بق واحد و تقريبا قالي أحسن

المٌهَــــاجِر المَصْـــــــرى said...

مصـــــــريه
روقى وفرفشى امال..
وكل ما تعوزى تضحكى تعالى عندنا

وقدر الله وما شاء فعل..وان شاء الله الخير قادم

سؤال..
ايه الهوهوز ده؟

masria said...

ده بتاعة بالكريمة أعتقد بربع جنية
أو بخمسين قرش انا مش بحبها
طعمها وحش كيك و محشية كريمة

الحمد لله انا بضحك و عمالة اسمع شريط مامي الجديد تحفة
يمكن واحشني شوية بس هما يومين و هقولكوا الا مين ده الي بتتكلموا عنه

الي يبيعك بيعوه وأكسب فيه يا حاج رأفت
صح ولا أنا غلطانة؟؟؟؟

masria said...

بقولك في اغنية برضة كنا بنرددها في المدرسة أغنيتين

حماتي حماتي حماتي
تاكلي جبنة و فول حيراتي

و أغنية
يا عبيط يا عبيط بكرة تاكل قرنبيط

دول لهم علاقة؟؟؟

المٌهَــــاجِر المَصْـــــــرى said...

مصـــــــــريه
لا طبعــا غلطـــانه

اللى يبيعك بيعوه .. ووببلاش يا باشا

يعنى مش تكسبى فيه .. لا ارميه فى الشارع للى يشيل

فى اغنيه فاشله كده بتقول

اتعلمت يكون فى حياتى حاجات غيرك انت اهم

اتعلمت مشوفش فى بعدك اى عذاب او هم

---------------------
نورتى المهجر والله

بس الهوهوز ده لسه نازل يعنى؟؟؟

المٌهَــــاجِر المَصْـــــــرى said...

طبعا
يا عبيط يا عبيط
بكره تاكل كرنبيبت( اسكندرانى بأه)

الاغنيه دى من الاغانى المؤسسه للغرام الكرشى...

وزى انا ما وضحت ان اى حبيب قديم لازم تلاقى عنده كرش حلو كده

وطالما فى كرش...يبقى فى عبط وهباله

شكرا ع الاغنيه الرائعه

masria said...

بس عشان بفتكره اما تقول كرش و بفتكر حاجات جميلة

لان مشفتش منه اي حاجة وحشة الا مشهد النهاية صراحة
فبس يا ابني
متجيبش سيرة الكرش

الجحيم هو الحقيقه said...

الله يا جما عه
انا من راى مندخلش موضوع

الكروش فى الموضوع
لا ن

الكرش ما لوش دعوه
والهوهوز
ده انا با عشقه

وفعلا هو عنده حق
لان الهوهوز لايقا وم

وانا ضعيف جدا قدامه هو
والتونكيز

فبلاش التحا مل
ع الكرش والهوهوز
عا وزين نبحث عن جوهر الموضوع

masria said...

طيب نتكلم عن اية يا جحيم

يا رب انسي بسرعة

المٌهَــــاجِر المَصْـــــــرى said...

جوهـــــــــر ايه يا عم جحيم

وبعدين ايه الهوهوز والتوينكى ده

masria said...

سبحان الله انا لسه منزلة اغنية الله يسهلك يا حاج رأفت الي انت بتتكلم عليها
نزلتها صدفة و انا بنزل اغاني الشاب مامي من برنامج بير تو بير

المٌهَــــاجِر المَصْـــــــرى said...

انى اغنيه يا مصريه؟؟؟

حاكم الرأفتــانى اغانيه كتيره

masria said...

يا بشر بلاش سيرة الهوهوز ده عشان كان بيحبه
محدش يجيب سيرة المحشي ولا المكرونة بالبشاميل ولا المسقعة بالبشاميل ولا الهوهوز

ولا شافعي بتاع السندوتشات

عشان مفتكرش :(

الجحيم هو الحقيقه said...

بص يا مصريه
يا بنتى
اولا لازم نومن بشىء
انكم لو ربنا كا تبكم لبعض حتبقو لبعض ولو العكس يبقه
ار ادة ربنا
بس حقولك حا جه

حكاية ارادة ربنا منخدها ش شماعه
لان احيا نا العنصر البشرى وشخصية الانسان بيكون لها دور
لو الشخصيه مهزوزه
صدقنى
يبقه ميستهلش حتى
انك تسهر ى لدلوقت

المٌهَــــاجِر المَصْـــــــرى said...

بأه كل المؤكلات دى يا مصـــــريه
ومش عاوزاه يطلع له كرش

ايووووه ع الحريم يا جدعان

masria said...

الله يسهلك الي فات و الي جاي الله يسهلك مش عارف اية انت زي الي جاي و الي راح ولا اثرت في
بتاعت سميرة سعيد الي انت لسه حاكي عنها

ادعولي انا عمالة افتكر و اتنكد بدل ما انسي حاجة تجنن

المٌهَــــاجِر المَصْـــــــرى said...

مصـــــــــريه
انتى لكى فى الكحوليات؟ او المدخنات؟؟

لو ليكى ..روحى خماره برعى فى عماد الدين

واضربى لك كاسين
واسمعى محمد عبد المطلب وهو بيقول

ما عرفش ليه الناس
شربوا سوى م الكاس

الجحيم هو الحقيقه said...

لا بقه
يا مصريه
انتى قا صدنى با لكلام
ده
يحي الهوهوز
تحى المكرونه بالبشا ميل
يحى التونكيز
يحى الرقا ق باللحمه المفروه
يحى المحشى

masria said...

جحيم هو كان كويس و محترم جدا بس المشكلة معرفش يمكن محبنيش كفاية يستحمل عشاني
ويمكن اهلي زودوها معاه شوية
و يمكن والدته محبتنيش


الله اعلم اية الي بوظ الدنيا كلها عوامل


بس انا مقتنعة ان امر المؤمن كله خير
و ان كل شئ مكتوب
وان اكيد الخير في ان مكنتش ابقي معاه

انا قبلها بيوم كنت بدعي مع المطرة ان اكون له
بس ربنا ماستجابش
انا اعرف ان لو الدعاء فيه اذي لإنسان ربنا مش بيجيبه

الحمد لله
انا بس محتاجة فترة استعيد فيها توازني

المٌهَــــاجِر المَصْـــــــرى said...

مصــــــــريه
خلاص يا ستى
انت خليكى لابده معانا هنا
وان شاء الله هتنسى

وربنا عالم بالارزاق

وان شاء الله هتخدنى اللى احسن منه

ومتقوليش لى ان مفيش احسن منه

masria said...

لا يا مهاجر انا دماغي بتفرز مخدر طبيعي كمان لي صديق ظابط ممكن يجيب لنا أحراز قضايا يا معلم
هيهيهي
بس انا مش محتاجة دماغي ضايعة طبيعي

masria said...

في أغنية لذيذة للشاب مامي جاي بالسلامة
حد سمعها؟؟؟؟

الجحيم هو الحقيقه said...

كلنا مرينا بظروف شبيهه يا مصريه
وكنت عن نفسى بقول ان التجربه
دى حتنهى عليه وبتحطم شويه
واهيس واعيش الدور
بس بعديها بشويه
بحس انى كنت عيل صغير
وان الموضوع مكننش محتا ج كل ده
الوقت صدقينى جز ء من العلاج
اهم حا جه نتين واقفين ع رجلينه

masria said...

ما كده فات يومين صح؟؟
من يوم الاتنيين
تصدق محسيتش بالايام الي عدت
كأني كنت في غيبوبة


كل ده فاكرة ان اول امبارح

المهم غيروا الموضوع

ها اجيب الأحراز و نعمل بوست حفلة عليها

الجحيم هو الحقيقه said...

تصدقى يا مصريه
الواد رافت ده طلع عيل

فين السحلب والعشا يا ض

اول مره مصريه تشر فنه
منعملش معا ه الو اجب
فز اعمل اى حا لاجه

أنـــا حـــــــــرة said...

ايه ده انت لسعت
هو فيه فى نيويورك حاجة اسمها ضربها السلك و مكحرت

يالحلولى يا حلولى و ده ايه ده اللى بيحصللى

_______________________

فى اغنية عن الفراخ بانية او الرز بالكبد و الاوانص ؟

_______________________

اه نسيت من غير سلطة


_________________

انا سمعت تؤام روحك بعروروة و هو بيغنى السمك السمك

و سمعت انه نزل اغنية اسمها القصب القصب ياترى الجاى ايه ؟

masria said...

انا لسه شاربة شاي

أنا عايزة كابشتينو

عارفين كل صدمة الواحد بياخد منها خبرة

اغنية الشاب مامي و كاظم اجلس في المقهي
اخر الأغنية بيتفقوا يفضلوا عزاب



ولا أية رأيكم

الجحيم هو الحقيقه said...

سلام مربع لياسمين

اناحره
هنا
لولولىىىىىىىىىىىىىىى

انتى فين يا بنتى

masria said...

حرة أتفضلي معانا

ده رأفت راح يجيب واجب و جاي
وأنا و جحيم بنحضر الجوزة و القعدة
أتفضلي معانا يا فندم

الجحيم هو الحقيقه said...

انا حره
مصريه
انا حتعشى ع السريع وراجع
انا حره عا وزك
ضر ورى
ضر ورى

أنـــا حـــــــــرة said...

انا هنا يا ابن الحلال

طيب انا بنام على روحى مش قادرة
من 10 الصبح فى الشارع
انجز ياعم الشيف رأفت
و الوحش هترجعه و تجيب غيره


______________________

محمد عايزنى خير مطلوب القبض عليا ؟

ايميلى عندى فى البروفيل خده بس لو لقيتنى نمت ابعتلى بالطلبات يا باشا

masria said...

متسيبونييش لوحدي
بسرح و بفتكر

masria said...

ليه أن شا الله تجرحني و أستحمل الله
لا سامحني انا عايز الي يريحني

علي اية انا استني تعمل اية في
يا حبيبي كده كتير علي


يا ربي
ليه كان إنسان كويس
مش لو كان واطي كان هيبقي اسهل ان انسي؟؟؟؟؟؟؟؟

المٌهَــــاجِر المَصْـــــــرى said...

عليكى وعلى خماره برعى فى عماد الدين

اناهنا يا جدعان
كنت باضرب واحد شامبانيا تمام

masria said...

عارف
الي بيشرب خمرة بيفتكر مش بينسي

يفضل يشرب عشان ينسي فيفتكر اكتر

انت بتنسي اية بقي يا باشا

المٌهَــــاجِر المَصْـــــــرى said...

انا باشــــــــــري صياعه مش علشان النسيان

وبعدين انا ممكن اعيش قصه حب قاتله ولو انها عمره ما حصلت

واصح من النوم ناسى
ههههههههههه

أنـــا حـــــــــرة said...

مصرية شكلها هتلسع

أنـــا حـــــــــرة said...

انت هتقولنا يا رأفت
ده حكاياتك فى البلوج سابقاك

المٌهَــــاجِر المَصْـــــــرى said...

انا حــــــــــــــره
ملوش لزمه السـياح دلوقت

masria said...

يا ياسو انا لسعت خلاص

أنـــا حـــــــــرة said...

قشطة انا هروح انام قبل ما السع انا كمان

شيلولى منابى فى الاكل بلاش الحركات دى

أنـــا حـــــــــرة said...

صحيح حد يدخل البلوج بتاعى و يقولى صور موضوع
7

بتظهر و للا لا علشان مش ظاهرة عندى
علشان مش عايزة اتنرفز ع البلوج بتاعى

masria said...

تصبحوا بخير
ادعوا لي ارجوكم

masria said...
This comment has been removed by the author.
عمر said...

عودة إلي أيام الضياع

ايه الأنس دة؟ 63 كومنت علي آخر المسا؟ ربنا يزيد ويبارك

أنا مش فاهم يا أخي البنات بقت بتتقمص من حاجات غريبة قوي.. واحدة بنقولها حنعدمك.. تقوم تزعل؟ إيه يا عم رأفت النظام دة؟

متشكرين يا كوبرا باشا علي الدعوات اللي في الجون.. علي العموم المراقبين كلهم كانوا فوق التسعين.. يعني كل اللي محتاجينه زقة.. وسمعت انك عملت ابحاث في التاريخ المعاصر لعبده تلوث.. يا سيدي ربنا يزيدك من علمه

عمر said...

رأفت: عايزين بوست عن الأباحة في الأغنية المصرية

albida said...

وحدوووووووووه
ايه ده؟ بقى تبقوا قاعدين القاعدة الأنس دى وسايبنى أذاكر؟!! منكم لله

مع احترامى الكبير ليكى يا نهى.. أنا مع جحيم لاخر قطرة فى دمى.. تحيا المكرونة البشاميل

يا عم رأفت؟ أنت تقولى ايه التوينكز والهوهوز وعمر يقولى ايه البوزو؟ أنتم جايين من عطارد زيارة وراجعين تانى ولا ايه؟
:)

manal

الجحيم هو الحقيقه said...

منوله انتى لسه هنا
ولا اه

albida said...

أنا موجودة أهو
ياترى بقيلى أكل؟

manal

الجحيم هو الحقيقه said...

يرضيكى كده ادخل المطبخ اجهز لنفس عشا ارجع الاقى البيت مهدود على دماغ الواد رافت والدنيا خر با نه
طيب ابقه عيل ان جيت عندك يا رافت تا نى
ما علينا انتى عا مله اه يا منو له

albida said...

الحمدلله.. لسه عايشة

ولا يهمك!! تعالى عندى وأنت تلاقى المكرونة والمسقعة وكل حاجة
:)
اصل رأفت ده لا يعتمد عليه-*ماهو مش موجود بقى.. فنتكلم براحتنا*
:) :)

manal

عمر said...

انا شايف ان الوزارة اتقلبت بوفيه مفتوح

وبعدين دلوقتي بقت حواديت ساعة العصرية

انا رأيي نجيب شيش ورقاصة ونسميها دولة المزاج والفرفشة

الجحيم هو الحقيقه said...

ga7im2006@yahoo.com
ضيفنى عند احسن
احسن عينى طلعت من الكومنت
لومفيش مشاكل
لوفيه مش مشكله اتعمى

بالعند ف رافت
هههههههههههه
خليك نايم

الجحيم هو الحقيقه said...

اهلا عمر باشا
انته هنا يا راجل
انا اتخضيت
هههههههههه

albida said...

ههههههه
عندك حق والله يا عمر
:)

جحيم
أنا معنديش
yahoo
لو عندك
hotmail
مفيش مانع

manal

الجحيم هو الحقيقه said...

alprolisi2006@hotmail.com
ليك نايم يا رافت

متقلقش
الجمهوريه فى حمايتى انا وعمر ومنا ل
ههههههههههه

عمر said...

نايم ايه يا عم الحج رأفت كان عنده حفلة وكان بيسلك نفسه تمام

ودلوقتي تلاقيه قاعد في حارة حرام عليك اللي في كوينز بيشرب معسل وياكل ممبار

الجحيم هو الحقيقه said...

ايوه
دافع عنه
رافت
نا م
يا ولاد الحلال
نام
نا م

نا م

أنـــا حـــــــــرة said...

صح يعنى ازاى يا رأفت تعرف ضربها السلك و ماتعرفش هوهوز و توينكز

على فكرة يا منال فى توينكز دلوقتى بس جواه شيكولاته مش كريمة
طعمه أحلى

أنـــا حـــــــــرة said...

عمر

شوف الناس اللى بتتقمص دى
هتعدمها فتزعل
ملهاش حق
ياعم عندك امتحانات يعنى اتقى ربنا بقى

و للا انت مصمم تتعلق من ودانك لما ترجع مصر


صحيح عشت عمرك فى مصر و مش عارف البوزو ليه
ده حتى حرام يا شيخ

المٌهَــــاجِر المَصْـــــــرى said...

يا نهاركم اسود
بأه انا اروح مشــورا صغير(شكرا يا عمر ع السياح بتاع الحفله. كويس انى ماقلت لكش التفاصيل ع التليفون كنت نشرته)
واجى الاقى الدنيا مقلوبه

جحــــــــيم

انت اخدت راحتك اوى يا با.. ايه ظروفك معايا انت؟؟؟


منـــــــــــال
اخبار المذاكره ايه..شدى حيلك
انا لسه شايف أنا حــــــــــره حيه وبتتكلم
حكم الاعدام اتأخر ليه..



عمــــــــــــــــــر
موضوع الاباحيه فى الاغانى المصريه تمام يا صديق..بس النشر هيكون صعب

ايه رأيك نعمل البوست وندعوا الناس الكبيره بس علشان تقراه؟؟

حاكم احنا لنا قراء من جيل الشباب بتاع
هوهوز وتوينكى

المٌهَــــاجِر المَصْـــــــرى said...

عمــــــــــــــــــر
امبارح روحت القهوه يا مان
شربنا معسل واكلنا فلافل
وكان فى رقاصه تمام يا مان
صورتها فيديوا وهابعتهالك
ولا لما انت تيجى الشهر الجاى نعرفك عليها وخلاص

masria said...

رقاصة؟
يا خرابي
رقاصة؟
بكرة ألاقيك بتسمع بوسي سمير

انت انحرفت و عيارك فلت


عموما انا شوية و هنزل القهوة برضة اشوف اصدقاء السوء

المٌهَــــاجِر المَصْـــــــرى said...

مصـــريه
دا كانت رقاصه من روسيا يعنى فشنك..بس اهو اى منظر يفرح الاجانت وخلاص..

فين اياسهـــــــير اوبح

masria said...

الأولاد باعوني يا رأفت و شكلهم ناموا و مش هينزلوا

هكلم صديقي الظابط و نشوف أحراز الهيروين الي معاه
هو ده الحل عشان انسي
ولا انت ليك إقتراح تاني

masria said...

الحب ده شئ وحش قوي بالذات اما تكون بتحب شخص كويس

طيب هتنساه ازاي
و انت مشفتش منه حاجة وحشة الا مشهد النهاية؟؟؟؟؟؟؟

انا عايزة اشرب فانتا كريز
عشان اقدر انسي

المٌهَــــاجِر المَصْـــــــرى said...

لا لا لا
ماوصلتش للهروين...الله يخرب عقلك

هى قزازه بيره..او كاس ويسكى اخرها وخلاص...

masria said...

والله بقالي شهر إلا يوم بقوله هات الحرز ده انا محتجاه و هو مستخسرة في

المٌهَــــاجِر المَصْـــــــرى said...

حرز ايه يا مصريه...

masria said...

3 تذاكر هيروين أحراز قضية و كان يوم عيد ميلادي فقلت له هايل جدا
عيد ميلادي النهاردة ابعتهوملي بقي احتفل
فقالي دول تخديهم هتفوقي السنة الجاية
طبعا انا و هو بنهرج
بس فعلا انا عايزة حاجة افوق بعد سنة و اكون ناسية كل الي حصل

masria said...

انا تقول علي جيل جديد انا 28 سنة الله يسامحك

masria said...

متكالفش نفسك هو منقوع صرم و بوظة

الجحيم هو الحقيقه said...

اهلا
مصريه
اهلا رافت

انته فتحة امته
يا رافت
انا جيت قبل كده لقيتك قا فل؟

المٌهَــــاجِر المَصْـــــــرى said...

احنا فاتحين م الصبح
تشرب شاى ولا معسل

عمر said...

مصرية: انت باين عليكي طيبة وبنت حلال وعشان كدة حقوللك الخلطة السحرية للدماغ

انتي تجيبي الشيشة وبعد ما تظبطي كل حاجة وتسخني الحجر تروحي حاطة كام نقطة ويسكي علي المعسل (كام نقطة هه.. مش نص الإزازة) بس وتروحي رازعة الفحم وإديلوا إدي إديلوا إدي

أنا عن نفسي كنت عامل الدماغ دي يوم 11 سبتمبر 2001 وانا بتفرج علي الهجمات لايف علي التليفزيون.. وأحب اقوللك اني مافهمتش ايه اللي حصل الا لم قريت الجرايد تاني يوم الصبح

بالشفا

masria said...

طيب حلوة دي

طيب تنفع مع الميلك تشيك؟؟ اصل مش بحب ريحة الشيشة؟

المٌهَــــاجِر المَصْـــــــرى said...

عمــــــــــــر
يا سلام يا وريث
طول عمرك مزاج.. ويا سلام بأه لو الميه بتاعه الشيشه تكون بيره بدل ما تكون ميه

عمر said...

يا ريس انت عايز تموت البنية؟ بتقولك ميلك شيك! البيرة والويسكي مع بعض حيعملوا عندها قفلة

شوفي يا مصرية يا بنتي.. لو انتي مش بتحبي تعفري.. ممكن تفردي الويسكي الصبح علي التوست وتحطي عليهم شوية مربة جزر

بيس يعني الويسكي للجميع

المٌهَــــاجِر المَصْـــــــرى said...

مش عارف يا وريث
لو التوست هايكل مع المربه ام ويسكى...
هى شكلها ملهاش فى المكيفات خالص

دى بتاكل ههوووز وكلام من ده

ممكن حته شيكولاته من عندنا هنا تقوم بالواجب

masria said...

مش بحب مربة الجزر .. ممكن مربة مشمش؟؟؟

عمر said...

مصرية: مربة مشمش؟

انتي علي فكرة شكلك كدة جاية تخنقي علي رجالات الدولة.. خليكي فايقة احسن عقابا ليكي

المٌهَــــاجِر المَصْـــــــرى said...

جيـــــــــل جديد يا ورييث معلش
على ايامنا
كانت احسن مربه هى مربه البلح السمانى

عمر said...

هقهقهقهقهقهههعهعهع

ايه ياض البلح السماني دة؟ يخرب بيت فقرك

المٌهَــــاجِر المَصْـــــــرى said...

البلح السمــــانى ده يا وريــث
بلح اصفــر كده ومكعبر
فينك يا كوبرا كنت شرحت لنا تاريخ البلح السمــــــــانى

Anonymous said...

أية يا جدعان أنا شايفكم دخلتم في المية و الذي منة و عمر يقول للبنبة الغلبانة حطي نقطتين و يسكي عالمعسل و يسكي أية بس يا عم عمر و يسكي بيوجعني .
بصوا بقى اهم حاجة مادام أبتدينا نتكلم في ووضوع المية دة أن المية تبقى نضيفة يعني يا مصرية ماتروحيش فرع شركة الكروم اللي قصاد الأمريكين (ال هو لسة موجود ولا لأ) يقوم الراجل ضاحك عليكي و مديكي ربع بولاناكي أوعي تاخدية لية بأة لأن البولاناكي دة براندي أولا و معفن ثانيا و سيبك برضة من البلاك و الريد ليبل اللي الشعب المصري طالع بيهم السما و هو دة أخرتهم مايعرفوش حاجة في الدنيا غيرهم و لما واحد يحب يتفشخر أو يعمل صايع يقوم حاشرهم في النص .
عليكي بأة و على أية الجاك دانيال دة أميركان بيربون بس أية بأة هووبااة و بعدين بعد ماتنقطي تاخديلك مع الدانيا جاك أند كوك مش رم أند كوك-رم أند كوك هتتكحرتي يا ماما- أو ياسلام بأة لو جن أند تونك مع فص لمون ول بأة موهيتو يا عيني علموهيتو و جمالة و صدقيني مش بس هتنسية دأنت هتنسية و تنسي اللي جابوة كمان أة طبعا و عشان مانزعلكيش أبقي مزي بالهوهوز .



الكوبرا الحديدية

Anonymous said...

البلح السماني هو من العائلة البلحية التي يندرج تحتها البلح الرطب و الزغلول و الأمهات ....أاخ.

المٌهَــــاجِر المَصْـــــــرى said...

شفـــــــت يا عم عمــــــــــر
الكوبــــــــرا
جاب لك تاريخ البـــــلح السمــانى

والمفروض كل مواطن عاوز يعمل دماغ يكتب الكومنت بتاع الكـــــــوبــرا

الخاص بالميه..
لان الوصفه دى مش هتلاقيها عند خماره ينى

اللهم قد بلغت

اللى الكـــــــوبرا بكتبه ده
تاريخ يا جدعان
ههههههههههه

Anonymous said...

أية ياعم رأفت بس الصياح دة , عمال تسيحلنا أشي تاريخ على أشي خبرة أية يا عم أنت شايفني جدو و لا أية بيس أوت مان .

عمر said...

كوبرا: يا ريت والله ماتجيش تاني.. انا مرة حعد اضحك كدة لحد ما تجيلي سكتة قلبية

يالا يا مصرية ابسطي اهو عمو الكوبرا جابلك المفيد.. ولو عايزة رأيي.. دوسي في الموهيتو

عمو الكوبرا مش دة برده اللي بيحطوا علي الكاس من برة ملح ويرزعوا فرع نعناع في النص؟ دة حتي شكله يشرح القلب الحزين

المٌهَــــاجِر المَصْـــــــرى said...

يا كــــــــــوبــرا
التاريخ والخبره عمــره ماكان بالسن يامان


التاريخ ده تجارب..وبعون الله انت دايس فى كله..من اول زيزوا وساخه لحد البلح السمانى
هههههههههههههههههههههههههه

Anonymous said...

لا لا لا يا عمر يا أبني أنت لخبطت الموهيتو مع المارجريتا .
الموهيتو يا عمر تجيب و رق النعناع الطازة و تهرسة بقعر الكاس و بعدين تهرس معاة فص كي لايم أو لايم أو لمون و يفضل الكي لايم ( أنت عارف طبعا الفرق مابين الايم و الكي لايم و الليمون الكي لايم هنا هو اللي أحنا بنسمية في مصر لمون ) و بعدين تحط دا كلة في الكاس مع نقطتين عصير كي لايم مع شت باكاردي رم و بعدين ترمي في الكاس عود نعناع مع فص كي لايم و تجرنش حرف الكاس بسكر سنترفيش مش ملح يا عمر و أبقى أدعيلي .

Anonymous said...

يا باشا من بعض ماعندكم .

المٌهَــــاجِر المَصْـــــــرى said...

يا سمسم
بدل ما تدخل
anonymous
اختار
other
وبعدين اكتب اسمك الكـــــــوبرا

Ironcobra said...

علم و نافذ .

masria said...

عااااه

انا اخر دماغ عملتها
كان حلبسة بالشطة مع عصير تين شوكي

و كانت دماغ عالية جدا جدا

انما الي بتقولوه ده انا تهت في النص

المٌهَــــاجِر المَصْـــــــرى said...

مصــــــــــريه
الكلام اللى الكـــــــوبرا وعمــر
بيقولوه لازم تكتبيه بالورقه والكلم...

الناس دى بتيجى زياره عندنا هنا كل سنه مره..وفرصه ناخد خبرتهم الدماغيه

masria said...

فانتا كريز

Ironcobra said...

أستني بس عير تين شوكي أية هو التين الشوكي بيتعصر و بعدين أزاي تخلطي الحلبسة أم شتة مع التين الشوكي .
بس أنتي عارفة عملتي دماغ لية لأن التين الشوكي هو ثمرة نبات الصبار و نبات الصبار بيعملوا من جذورة التيكيلا ... يعني أنت بالصلا عانبي كدة من الأخر أدتيها بلودي ماري .....هاهاهاه

المٌهَــــاجِر المَصْـــــــرى said...

مصــــــــريه
شوفتى الكـــــــــوبرا حلل لك مشروب التين الشوكى بتاعك..طلع بلودى ميرى يا فالحه...


يا سلام يا سمسم...يا خمورجى


عمر كان بسألك على اغنيه مابلاش اللون ده معانا؟؟؟
وبيشك انها بتاعه عدويه ولا لأ

تصدق انا لما قريت الكلام ده حست انى واحد ضربنى بمطواه فى قلبى

ايووه ع الجهل

Ironcobra said...

معلهش يازعيم أعذرة جيل جديد برضة لازم نلتمسلة العذر .

المٌهَــــاجِر المَصْـــــــرى said...

فعلا والله...بس عمـــــــــــر زعلنى جدا بموضوع عدويه ده...

يعنى لو كان سألك على النشيد الوطنى.. ولا الاطلال..ماشى

لكن عدويه

Ironcobra said...

لا لا لا أنا أسف البلودي ميري المشروب الكحولي فية الفودكا مش التكيلا .
ممكن نقول أنها كانت عماملة مارجريتا تين شوكي ( على وزن مارجريتا اللمون و مارجريتا الفراولة ) .

المٌهَــــاجِر المَصْـــــــرى said...

هههههههههههههههههههههههه
هههههههههههههههههههههههه

Ironcobra said...

على فكرة شفت مصرية مسيحالنا في البلوج بتاعها .

المٌهَــــاجِر المَصْـــــــرى said...

لا ياراجل...ازاى
عملت ايه
اروح اشوف

Ironcobra said...

فاكر النشيد الوطني كنا بنغنية أزاي و أحنا عيال في المدرسة :
حماتي حماتي حماتي تاكلي جبنة و فول حراتي

Ironcobra said...

شوف يا عم .

masria said...

اية ده يا كوبرا انت كمان كنت بتغنية

ده كان نشيد جامد جدا


____
موضوع مرجريتا الحلبسة

انا ضربت واحد حلبسة و بعده عصير التين الشوكي
بعدها حسيت ان دماغي دي طايرة فوق فوق فوق

بيعمل شغل عالي جداااااااا

المٌهَــــاجِر المَصْـــــــرى said...

كــــــــــــوبرا
انامش شايف اى سيحان يا مان

عادى ...ده جيل جديد زى ما اتفقنا

heartofme said...
This comment has been removed by the author.
Ironcobra said...

ماشي يا باشا عشان خاطرك أنت بس .

مصرية :
لازم نجرب مارجريتا الحلبسة دة يمكن أعرف أقنعهم يدخلوة في القايمة بتاعة الأوت باك ولا أوليف جاردن .

Ironcobra said...

مصرية :
وأحنا عيال صغيرة في طابور الصباح في المدرسة لما كان يجي معاد النشيد الوطني كنا بنغنبة كدة .

Ma-3lina said...

يخرب عقلك يا مهاجر
اييه يا ابنى انت موسوعة اغانى

بس انت مجمع حبة اغانى فى الجون يعنى

و اكتر واحدة حبيتها بتاعة المرون جلاسيه

انت كنت جعان اكيد ساعةلما كتبت ال
post

المٌهَــــاجِر المَصْـــــــرى said...

ما عليـــــــــنا
انت فين من زمان

ايه رأيك فى الاغانى دى؟؟

ان شاء الله العدد القادم عن الغتاته الغراميه

Ma-3lina said...

علا فكرة انا اعرف البلح السمانى مع انى من الجيل الجديد جيل ال
jel
و الفيضيو كلب

المٌهَــــاجِر المَصْـــــــرى said...

بارك الله فيكى يا ما عليــــــــنا

اهو انتى كده طمنيتنا ع الجيل الجديد..

وسعيد جدا انك عارفه البلح السمانى؟؟

انت مش من القاهره صح؟؟

Ma-3lina said...

انا عايشة طول حياتى فى القاهرة تنفست من السحابة السودا و شربت من مياة الكلور و كلت من الاكل المرشوش

و بلادى بلادى لكى حبى و فوءادى و الرئة كمان علشان عندى حساسية

اما لو كنت بتتملم عن منشا العيلة فهو كفر الشيخ بتاعة زراعة البنجر
check
كتاب الدراسات الاجتماعية سنى خامسة ابتدائى

المٌهَــــاجِر المَصْـــــــرى said...

علشـــــــــان كده عرفتــى البلح السمانى

طاب عارفه

جاب لى العنب عناقيد
والحبه ملو الايد

Ma-3lina said...

طبعا عارفاها دى من التراث يا ابنى

بس سؤال باة انت سيادتك سبت مصر امتى و حفظت الاغانى دى كلها امتى و سمعتها فين ؟؟؟؟؟؟

المٌهَــــاجِر المَصْـــــــرى said...

انا سيبت مصر بعد ما الثانويه العامه
يعنى قبل ما اخلصها بشويه...

ولو تلاحظى ان كل الاغانى اللى انا باكتب عنها كلها قديمه..ما عدا العنب العنب العنب

اللى بصراحه بهرتنى لما تحتويه من معانى ومعالم وفنون جميله

Ironcobra said...

حبة أية اللي ملو الأيد انشاءاللة هو كان عنب محقون هرمونات .

المٌهَــــاجِر المَصْـــــــرى said...

يا كوبـــــــــــرا

دى اغنيه عظيمه للفنانه شفيقه

والاغنيه دى عملت ثوره فى مصر

لان كل واحد كان بيبعت ابنه للفكهانى ويقوله

انا عاوز اتنين كيلو عنب من بتاع شفيقه

Ma-3lina said...

استاذ حديد
زى ما رافت قالك دى اغنية قديمة يعنى مكنش فيه هرمونات كانت كل حاجة لسه بخيرها و العنب قد التفاح و مسكر مش زى دلوقتى

اقول اية بس مااا علينااا

Ironcobra said...

الأغنية و عارفينها يا باشا لكن أنا باحاول أحلل البعد الأستراتيجي البيولوجي اللي خلف الأسقاط دة لأن أحنا عارفين أن الغناء و خصوصا الشعبي أنعكاس للمجتمع و أسلوب للتواصل بين طبقات الشعب الكادح المقموعة لذلك فأنا أحاول فهم امعني الخفي في الأغنية .

Ironcobra said...

يا ماعلينا أن أول مرة أسمع نظرية أن كل حاجة زمان كانت كبيرة لأن حسب ماعرف أن كل حاجة بلدي كانت صغيرة البيض البلدي و الفراخ البلدي و الخيار البلدي و التفاح البلدي ..... ألخ.
وبناء عل ماتقدم فأن هذا يؤكد و يدعم و يوثق نظريتي الرامية بأن هناك شفرة خفية في أغنية السيدة شفيقة مما يؤدي لأستنتاج أنها كانت عضوة في تنظيم سري .

المٌهَــــاجِر المَصْـــــــرى said...

الله اكبـــــــــر ولله الحمد يا كوبــرا

حلو اوى حكايه البيولوجى الاستراتيجى المقموع دى

ياسلام ياسلام

شفيقه كانت ضاربه برشام صراصير
وانت عارف ان البرشام ده بيكبر كل حاجه..
ولذلك اصبح حجم العنب كالتفاحه
زى ما الخبيره
ماعلـــــــــينا وضحت

Ironcobra said...

نظرية برضك يجب أخذها بعين و أنف الأعتبار .

المٌهَــــاجِر المَصْـــــــرى said...

هى نظريه وحيده يا كوبــرا
لانك دمرت الحل التانى
اللى هو ايام زمان كانت الدنيا فيها بركه

ولذلك ليس امامنا سوى.. برشام الهلوسه

Ma-3lina said...

اه تصدق يبقى لازم نعمل
investigation
فى الموضوع ده طيب نجيب ال
FBI , CIA

ولا نمشيها
IRON FOR عنب INVESTIGATION

Ma-3lina said...

اية يا مهاجر معلش باة انا لسة على راى بتاع البركة و الخير اما حكاية صراصير شفيقة فالاحتمال قائم

Ironcobra said...

أحنا ممكن نستدعي القلم السياسي حيث أن الحاجة شفيقة من الناس المعتقين فلو عرفنا نتحصل على أرشيف البوليس السياسي مش بعيد نلاقيلها ملف و لكن برضة نظرية رأفت أنها ضاربة نوع نوع من المخدرات لا يمكن أستبعادها كلية و لكن يا رأفت أستبعد الرشام لأنة لم يكن معروفا وقتها لأن الكوكايين Was the drug of choice .

المٌهَــــاجِر المَصْـــــــرى said...

احتمـــــــــال البــركه مرفوض واقعيا يا ما علينا
لان زى ما الكــوبرا قال
ان كل الحاجات بتاعه زمان الكويسه كانت صغيره زى الفراخ البلدى والخيار والبيض...

فنحن الان امام حلول قليله

يا اما المخدرات..وممكن نختلف على نوع المخدرات..صراصير او هلوسه او كوكاين..
او غيرها

او حل سياسى..وهو ان شفيقه تكون قد اعتقلت.. وفضلت تنضرب لحد ما عنيها ورمت وبناء عليه حاسه النظر بتاعها بقت ضعيفه

ولذلك اتخيل لها ان العنبه بطيخه

ايه رأيكم فى التفسير الرأفتانى ده

Ironcobra said...

سؤال بأة بما أننا بنتكلم على الأكل و الذي منة مين فيكم لازم يبدأ يومة بكوباية شاي بلبن محترمة و أن ماعمل كدة يبقى معكنن و متأريف طول اليوم .

Ironcobra said...

يا سلام يا زعيم على الأفكار الممخمخة هو كدة .
ال أنت عامل دماغ أية ؟

masria said...

لا يا ماعلينا
فاكرة فيلم بتاع نجيب الريحاني
لعبة الست
اما رجعوا من لبنان و قالوا اية ده عندنا في لبنان المشمشاية قد كده
و دي اية دي
دي عنبة
بس من تغفيلهم بيقولوا بطيخة

فاكرة المشهد ده

و ده يدل علي ان لبنان كانت مبروكة و العنبة فيها قد البطيخة

مما يدل علي صدق اقوال شفيقة

المٌهَــــاجِر المَصْـــــــرى said...

الدماغ دى ربانى يا سمسم لانى فى الشغل
والمسموح بيه يدوب
red bull

اما بالنسبه لموضوع الشاى فانا

انا اخصائى اكسبرسوا يا مان
مليش فى اللبن خالص

اكسبرسوا مع سيجاره واضحك ليومك

المٌهَــــاجِر المَصْـــــــرى said...

مصــــــــــريه الرائعـــــه

اثبتت فشل نظريه ما علينـا بتاعه البركه

برافوووووووووووووووووو

Ironcobra said...

يبقى هي لما غنت الأغنية دي كانت بتتكلم على عنب مستورد بأة ( نظرية يضحضها المثل القائل بلح الشام و عنب اليمن خدتوا بالكم عنب اليمن ماقلش الشام ) أو أنها كانت لسة راجعة من الحج و أحنا عارفين أن اليمن تقع على الحدود الجنوبية للسعودية و لبنان فركة كعب

Ma-3lina said...

مالها حبة البركة ؟؟؟؟؟
قصدى مالها بركة زمان حراام عليم حتى الزمن الجميل بوظتوه و سودتوهااااا

انا ببتدى بساندوتش فوول علشان يكتم و يصمد طول اليوم معيا

مع حبة
zolam
و اديها دماغ جامدة


مصرية : انتى موسوعة افلام ولا اية مش كفاية موسوعة الاغانى للرافتانى

Ironcobra said...

Red bull & Vodka
هاهاهاه

على فكرة كنت كاتبلك كومنت عن الفروقات الجوهرية بين أنواع المارلبورو المختلفة قريتة .

masria said...

في نظرية أخري
في فيلم أونكل زيزو حبيبي
بتاع الليشلكليطة


اكيد عارفينه

الفيلم ده كان حصل ان سفينة فضاء وقعت في المنطقة فتحول كل شئ الي سوبر حجم
و بقت البلحة طول البني ادم


قد يكون المكان الذي قامت المدعوة شفيقة بتناول العنب منه
قريب من مكان سقوط سفينة الفضاء
و ده برضة يدعم أقوالها

Ironcobra said...

معلهش لا مؤاخذة أية هو ال Zolam دة كمان .

المٌهَــــاجِر المَصْـــــــرى said...

فين الكومنت بتاع المارلبورو ده يا سمسم؟؟؟
هنا ولا عندك هناك؟؟
-------------------------------

ما عليــــــــنا
اتضح انها دماغ مهما ان كان..فمعنى انها تبدأ اليوم الصبح بسندوتش فول انها فعلا لها جذور قديمه..ولو انى اشك حيث انها بتسمع اغانى لواحد اسمه محمد حماقى..ومش عارف اذا كان الاسم ده مستعار وللا بجد

المٌهَــــاجِر المَصْـــــــرى said...

والله مصـــــــــــــــريه
متألقه فعلا

جايز تكـــــون شفيقه من سكان المنطقه بتاعه انكل زيزوا حبيبى

masria said...

لا ده اسمه بجد هو مهندس ميكانيكا دفعة 97 او 98 مش فاكرة عين شمس

و اعرف انه من عيلة كويسة جدا
بس شقي و بتاع بنات

Ironcobra said...

يأ رأفت : أنت طلعت مش صاحب مزاج بأة عارف لية لأن المارلبورو المصري الأبيض لايعلى علية خدها كلمة حق ( و أنت عارف أني دايما بأقول الحق) من و احد داخخني قديم ( دخنت حوالي 12 سنة و مبطل بقالي فوق الخمس سنين ) و من أول مابتديت أدخن لحد مابطلت ماكنتش بادخن غير مارلبورو أبيض و جربت المصري و الأمريكاني و دول الأتحاد الأوروبي و جنوب شرق أسيا و اللي مصنوع في أمريكا للتصدير أجدع مارلبورو هو المصنوع في مصر و أسوأهم هو المصنوع في أمريكا للأستهلاك المحلي و دة من ضمن الأسباب اللي ساعدتني أبطل دة يا راجل حتى الكليوباترا تبغ محترم بالمقارنة بالمارلبورو المصنوع هنا و دة بشهادة الأمريكان اللي جربوها .


أهو كان عند عمر رحت جبتة و جيت .

Ma-3lina said...

ايه دى عرفت منين انى بحب حماقى

و اله اللخبطة دى ليه يا اللى خاطفنىمش تقولى اللى حصل لى

لا بجد الا الفول بالطحينة مع بعض طرنشات الطماطم

جوعتووونيى

Ironcobra said...

هي مصرية بتتكلم عن مين بالضبط أنا مش فاهم حاجة مين هو اللي مهندس دفعة 98 و دة أسمة .
الناس دي بتتسطل عاريحة و لا أية .

المٌهَــــاجِر المَصْـــــــرى said...

يا راجل
بأه سجاير مصر احسن من بتاعتنا

دا انا كنت بألاقى فيها خشب وحديد

انت عارف يا كوبرا لما انزل مصر وسجايرى اللى معايا تخلص..

امتنع عن التدخين حتى اعود لارض الوطن
الامريكى

المٌهَــــاجِر المَصْـــــــرى said...

يا كــــــوبرا
ما علينا كاتبه فى البروفيل بتاعها انها بتسمع واحد اسمه محمد واسم العيله
حماقى...

انا مفكر ان اسم العيله ده خدعه

يعنى بزمتك انت عمرك سمعت عن واحد اسمه حماكى

فمصــريه مشكوره جبت لنا اخباره

masria said...

يا كوبرا

انا بتفرج علي فيلم عبود
في مشه الي لقوا فيه غيط البانجو

ده بانجو يالا
هو
هو بعينه ببذرة
بانجو
بالحضن
بالحضن
انا كده ممكن ابطل خالص
تبطل اية؟.
ابطل اشتري خالص


تفتكر مش هتسطل؟؟؟

Ironcobra said...

لا بجد أنا عمري مالقيت حاجة زي كدة في المارلبورو .

Ma-3lina said...

zolam

ده يا استاذ حديد من الادوية الجدول اللى بتخش تحت category
المخدرات و هو ة من المسكنات و المهدات و لما بتطحن و نعملها
..........

شششششش انا كدة بسرب اسرار المهنة

المهم انة من ادوية الدماغ الجامدة

Ironcobra said...

أة محمد حماقي بيعمل أغاني حلوة و ألبومة الأخراني حلو و عندي لو عايز أبعتهولك هو صحيح صوتة مش مسترجل بس بيغني كويس .

المٌهَــــاجِر المَصْـــــــرى said...

اخص عليك يا سمسم

عاوزنى اسمع واحد اسمه حماكى؟؟؟

ليه كده يا مان..دا انت الحبيب والاخ والصديق

وطالما صوته مش مسترجل يبقى خلاص يا مان

لا علاقه لى به

Ironcobra said...

أفادكم اللة ياماعلينا أنا كبيري جربت البانجو مرتين مرة في مصر و مرة في أمريكا تحت مسمى الماريوانا , وأقسمت بعدها أني مش هاقربلة تاني .

masria said...

في فيلم عن الكفار كان جامد قوي قوي قوي


الي هو فيه اليوم خمرا و نساء
كان في حنظلة

ما هذه الرائحة يا حنظلة؟؟ الا تستحم يا رجل
هذه رائحتي و انا فخورون بها

مش عارفة ليه افتكرته دلوقت

masria said...

انا كنت في دولة افريقية
كان بيعرضوا علينا نبات غالبا هو البانجو
بس كان اسمه داجا
و كان بيتباع عادي

masria said...

صحييح يا كوبرا اية لوي مارتان اكس او ده الي بيحكي عنه عزت ابو عوف

Ironcobra said...

لا بجد أغنية بتعمل جو حلو و أنت سليق مشوار طويل على الفري واي حاجة زي أغاني الرحلات كدة , و بعدين أنا من النوع اللي بازهق بسرعة فبحب أن يكون فية حاجة جديدة أسمعها دايما في العربية , الا قولي أية رأيك عجبك ألبوم محمد منير الجديد ؟

Ma-3lina said...

يا جامددددد

لا انا ليا فى الادوية بس علشان تخصصى

مالو حماقى باه هوه اينعم اخنف شوية و عنده اللحمية بس كلمات اغانيه شغالة يعنى

masria said...

انا مسمعتوش يا كوبرا بس شريط مامي الجديد في اغاني كتير حلوة زي اغنية ليه ان شاء الله و حليلي الدنيا واغنية اجلس في المقهي

المٌهَــــاجِر المَصْـــــــرى said...

منير الجديد جميل يا سمسم
هما اغنيتن بس اللى فيه
وبعدين انت عارف
اى حاجه يعملها منير جميله

Ma-3lina said...

بقولكم اية حسيبكم شوية اتفرج على
the Italian job on Mbc2

و ارجعلكم بعد الفاصل ان شاء اللة

و ياريت تكتبو اسماء اغانى منير المفضلة علشان ابقى انزلها

Ironcobra said...

ريمي مارتان أكس أو أو كما ينطقها عزت أبو الفتوح في فيلم عبود على الحدودريمي مارتا أكس أو هو نوع من الكونياك وتمن الأزازة هنا حوالي $400.00 على فكرة أنا بطلت أشرب من زمان ولما كنت باشرب كنت باشرب تفاريحي لزوم القعدة و عشان أنبسط مش عشان أسكر يعني social drinker .

المٌهَــــاجِر المَصْـــــــرى said...

ياكوبــــــــــــرا يا خمورجى
هههههههههههههههههههههههههههه

Ironcobra said...

دة رأيي برضة يا رأفت هما أغنيتين اللي في الألبوم بس عموما أنا سمعت الألبوم عسريع و أنت عارف أغاني منير عايزة تركيز و بعدين الأغاني اللي بتتعمل في الأفلام مش مقياس عموما بأستثناء علي صوتك بالغنا و الخالدة حدوتة مصرية .

masria said...

400 دولار
ولا

40000
اصل تفرق

Ironcobra said...

لأ $400 يامصرية بس هما لما بيكتبوا الأسعار هنا بيحطوا الديسمال العلامة العشرية يعني و بعدين عمر ممكن يتوسع في شرح الموضوع دة لأنة تخصص تسويق .

masria said...

طيب ده احنا بنصرفهم في قعدة

المٌهَــــاجِر المَصْـــــــرى said...

يا عم الكوبــــــــرا ركز بأه فى عرض النبى

انا للى بتاع التسويق
وعمر قانــــــــــون

وهو فى ايه وانت اتسطلت من الكلام
ايووووه

Ironcobra said...

واللة ممكن لأن تمن الأزازة على مايتحول مصري و يتحط علية ال200% جمارك ( دة لو ماكنتش متهربة يعني ) و ضريبة الملهي و ضريبة المبيعات و الموازين و الدغة يا دوبك .

Ironcobra said...

حقك عليا أصلي عامل دماغ ميت بال في الغدا على كوباية شاي الجوهرة حتة سكرة Al-Gawhara tea a piece pf sugar cane .

المٌهَــــاجِر المَصْـــــــرى said...

بأقولك يا كــوبرا

انا عاوز اعمل سردين بالزيت
زى التونه كده

زيت وبصل وكده
فى اى ملاحظات لازم اخد بالى منها

يعنى فى طريقه كــــــوبراويه حلوه كده

Ironcobra said...

أولا السردين لازم يكون مغربي ان ماكانش الأسباني ممكن يقضي الغرض و بعدين هات النوع اللي في زيت الزتون ان مالقتش أبقى صفي الزيت و حط زيت زتون من عندك ( ماتجيبش الأنواع اللي بالمستردة وش عارف أبصر أية كلها زي الزفت ) بعد كدة عليك و على الكي لايم مش اللمون , الكي لايم ممكن يكون غالي عندكوا في نيويورك شوية بس صدقني الفرق يستاهل و طبعا شوية شطة أحم شتة و ENJOY يا باشا .

المٌهَــــاجِر المَصْـــــــرى said...

تمام يا مان
هاجرب النهارده وربنا يستر

Ironcobra said...

بالهنا و الشفا ياباشا بس أجهز بالشاي الكشري بعدها على طول يأما هيحدث مالا تحمد عقباة .

عمر said...

مساء الخير الأنس والنعنشة

ايه يا شباب الهيصة دي كلها؟

انا رحت يا عمو كوبرا اتأكدت بنفسي ان المارجريتا هي اللي بنلحس من عليها الملح.. حقيقي برافو عليك يا عاطف... قصدي يا كوبرا

Ma-3lina said...

قلبتوها سردين

كوبياة شاى معاكم بليززز علشان دماغى ضربت خلاص

المٌهَــــاجِر المَصْـــــــرى said...

اهـــــــــلا يا عمـــــــر
فينك ..احنا بنعمل صنيه سردين

المٌهَــــاجِر المَصْـــــــرى said...

ما علـــــــــــينا
عاوزه شاى

«Oldest ‹Older   1 – 200 of 338   Newer› Newest»