بين معارضه الاحزاب ومصداقيه التدوين

الاحزاب فى مصر مشروع حكومى فاشل. فأى مؤسسه نشأت بقانون حكومى فهى مؤسسه فاشله. واحزاب المعارضه المصريه ما هى الا خلفيه علشان الصوره تطلع حلوه فاحزاب المعارضه مثلها مثل غيرها من الاحزاب المصريه التى نشأت وتأسست على اساس قانون الاحزاب..والحزب اللى ما يقفش فى الصف ويضرب تعظيم سلام هيروح ورا الشمس حتى اسألوا ايمـن نور.. واهم انجازات قانون الاحزاب هو انشاء على حزب وداد قلبى وعلى حزب الريح ما يودى الريح الاحزاب المصريه فقدت المصداقيه.. ومن النادر تجد شباب متنور ومتحمس منضم الى اى من تلك الاحزاب.. وانا عن نفسى افضل الانضمام الى فريق الكشافه بتاع تامر حسنى عن الانضمام لاى حزب سياسى مصرى وفى اليد الاخرى تجد التدوين واصحابه.. تجد المعارضه الحقيقيه والشفافيه الواضحه .. تجد المعارضه من اجل الافضل.. والحق اقول ان احنا كمدونين لا نملك الحل السحرى لكل المشاكل.. ولكن نملك عرض المشكله على الراى العام سواء فى مصر او فى الخارج.. فالمدونون بدأو خطوه ومسيره مهمه فى سبيل وطنى ديموقراطى يحترم آدميه ابناؤه.. فالمدونون بدأو حملات كتيره اخرها حمله مقاطعه جرائد الحكومه الفاشله- تابع مدونه جرجس- والمدونون مشغلون بحريه الرأى والعقيده مثل قضيه كريم عامر وقضيه البهائيين وحبس طلبه الازهر وغيرها من القضايا المهمه المهم ان فى شعاع نور وممكن يبقى كشاف كبير لو اهتمينا بقضايانا واحترمنا ارائنا و الاراء المعارضه..فنحن اولى بتشجيع الرأى والرأى الاخر... حتى يظهر الله الحق ويبطل الباطل..فتحيه لكل مدون ومدونه ملحوظه: فتحيه = تحيه . فانا لم اقصد الست فتحيه بتاعه الخضار اللى فى سيدى بشر قبلى عن محطه القطار

64 comments:

الأغاني للرأفتاني said...

منــــــوله
الظاهر انك انت اللى كنت ماسكه وزاره الامن ايام الانتخابات الرئاسيه
ههههههههه
علشان كده الناس دى يقدره قادر حصل لهم اللى حصل..
شغل وزيره رأفتانيه اصلى
ههههههههههههههههههه

الأغاني للرأفتاني said...

احبك يا كـــــوبرا لما تخدنى على قد عقلى..
ماشى يا مان
ايه الاخبار والاشاعات بتاعه الجيم

الأغاني للرأفتاني said...

هههههههههههههههههه
شيخوخه...انت هتشتغلنى يا عم الحاج
اللى يسمعك كده يقول عندك ميت سنه..

الأغاني للرأفتاني said...

أحمـــــــــــد
يا سلام عليك يا مان لما تجيب الاخبار اللى تفرح...
شكرا ع الزياره يا مان

الأغاني للرأفتاني said...

كـــــــــوبرا
خلاص يا مان خد بالك من نفسك بأه وابعد عن المحشى والكلام ده
وماتقراش جرايد مصرى علشان دى هاترفع ضغتك للضعف

همس الليل said...

سيدى بشر قبلى ههههههههههه
العب يا عم المنطقه بتاعتك والقطر وبتاعه الخضار
شكلك كدا قاعد فى نيو يورك قبلى هههههههههههه

الأغاني للرأفتاني said...

همس الليل
ايه الاخبار..الحمد لله انك بخير..
نيويورك قبلى وشارع سيف وعقلى باشا والقاهره والراجل بتاع الهريسه

انا سيبت لك رساله..من كذا يوم

الأغاني للرأفتاني said...

سمسم
قولت لك انا ان عمــــــــر هيروح النهارده عند زيزو نتانه..وناوى يقوله انك كتبت عنه مقاله
هههههههههههه

الأغاني للرأفتاني said...

هههههههههههههههههههههههه
لا لسه يا سمسم ..ما شفتش الرادار بتاع السى اى ايه..بس هاروح اشوفه...
العلم حلو يا ولاد

انحلت سيور العربه وسقط المهر من الاعياء said...

الله عليك يا رافت يا خويا
بجد بوست رائع كا لعا ده
انته بالفعل
عبرت عن ضمير المدونين
تحيا تى

الأغاني للرأفتاني said...

جحيــــــــم
نورت الجنه
وحلو اوى موضوع ضميــــر المدونين ده..
ابعدنى انا عن الضمير والنوايا يا جحيم

Anonymous said...

حلاوتك يا زعيم يا كايدهم

وكما قال الحج أبو رامي: لقد أصبت كبد الحقيقة

كان معكم عمر - مصر الجديدة - القاهرة

الأغاني للرأفتاني said...

ايـــــــوه يا وريث
داخل متنكـــر ليه؟
خير فى قلق هناك ولا ايه

عديت على زيزو نتانه ولا لأ...
الكوبرا كان قلقان عليك ..خايف على معدتك

الأغاني للرأفتاني said...

وياترى يا كـــــوبرا
سموه عبده دولار ليه؟؟
قريبنا يعنى ولا هو تاجر عمله

الأغاني للرأفتاني said...

هههههههههههههه
على فكره الراجل بتاع السوب ده..فعلا موجود فى نيويورك..ولما تيجى هنبقى نروح عنده

Ma 3lina said...

ايه يا باشا الكلام الكبير ده و الله و اتنورت التعليم حلو برده

حكاية الاحزاب فانا منضمة الى على حزب وداد جلبى يا بويا

لا بجد انا قعدت افكر انى انضم لحزب لقيتهم معظمهم كلام على الفاضى

كمان فيه حاجة مفيش اى حزب ينزل الشارع الكلية يعرفنا بمبدائهم انا مسمعش غير عن حزب الوطنى الموالى لحسنى و الغد و الوفد طب فين بقية الاحزاب ؟؟؟؟؟

الأغاني للرأفتاني said...

ما عليـــــــــنا
زى انا ما وضحت انى فى احزاب اخرى
زى على حزب وداد قلبى
وعلى حزب الريح ما يودى الريح

فاى حزب من دول ..ماشى الحال..هيقضى المصلحه..
ولا انتى ايه رأيك

الأغاني للرأفتاني said...

كــــــــوبرا
السردين كان تمام..انا حاولت اتصل بيك وانا بشترى السردين لان كان فى مليون نوع وانا مش عارف انى نوع الكويس..
بس انا رسيت على النوع اللى هو متقشر ومن غير عظم ومحطوط فى زيت زيتون
لان كان فى نوع تانى
smoked

الأغاني للرأفتاني said...

يا ريت يا مان..وبعدين نيوجيرسى خطوه بينا وبينها يدوب كوبرى الهولاند تانل...20 دقيقه بالضبط
امان يا مان...ياريت بجد تيجى قريب..
عمر هيكون معايا هنا الشهر اللى جاى

Ma 3lina said...

انا حزب معاهم معاهم عليهم عليهم

الأغاني للرأفتاني said...

ماعلينــــــا
معاهم معاعهم عليهم عليهم
ده مش حزب..ده قانون
ادرسى القوانين الرأفتانيه علشان متلخبطيش الاحزاب بالقوانين

Ma 3lina said...

سورى سير معلش بذاكر حاجات و مخى قفل

يا ريت تعمل كتيب يوضح القوانين الرافتانيه و الاحزاب فى مملكتك

علشان نذاكره و مغلطش الغلطة الرهيبة دى تانى

سماح عظمتك
:(

masria said...

اخص بتحرض علي الفاحشة اية فتحية لكل مدون ده
اخص اخص اخص


انا عن نفسي دكتاتورية الحرية لمن يستحق لا لمن يسب ويذدري الاخر
او من اعتبرهم مخرفين

او من هم فسادهم واضح

لهم كل الحق في ممارسة خرفهم و انحرافهم لكن بعيدا عن مدونتي


مستبدة بس هو كده و معنديش الا كده

الزعيـمة said...

ومن النادر تجد شباب متنور ومتحمس منضم الى اى من تلك الاحزاب

احم احم ..

دا انا طلعت متنورة ومتحمسة اهه
بس بيني وبينك هما كام مرة اروح فيهم الحزب المعارض الكنت فية وبعدين اعتزلت
لان الاستمرار اكثر كان حيجبلي السكر وشلل الاطفال بعيد عنى وعن السامعين

الاحزاب فعلا وهم ومسرحية لعمل قناع زائف يقول فية ديمقراطية والحقيقة مفيش غير الطعمية ودا الحقيقة الوحيده فى حياة المواطنين

حاة انى طولت بس الموضوع دسم فعلا
ارق تحياتي

Yasmine Adel Fouad said...

عندك حق يا معلم اول مرة مايبقاش ليا نفس اعارضك

سلامى بقى لفتحية

ملحوظة فتحية = فتحية بتاعة الخضار

:)

عايزة اجى تانى علشان مش متعودة احترم نفسى عندك

الأغاني للرأفتاني said...

الزعــــــــيمه
والله كل الاحزاب اوسخ من بعض
وزى ما قلت اى حاجه تشمى فيها ريحه حكومه لازم تكون فاسده..
فالحل هو الانضمام لوزاره المعارضه الرأفتانيه

--------------------------------

أنا حـــــــــــــره
كتمتك انا بموضوع زى ده..
هتعارضى تقولى ايه؟؟؟
انضمى بأه لوزاره المعارضه..

فتحيه= انا باحى الناس كلها..
مش الست فتحيه بتاعه الخضار

smraa alnil said...

لالالالالالالالالالالالالالالالالالالا
انتو بتهرجوا بقي
اسيبكم كام يوم الاقي كل دة حصل
طي تصدقوا ان كدة عيب
وبعدين ايه اصلا اللي خلاك تجيب سيرة فتحية
احنا مش اتفقنا ان البت دي سكتها وحشة
وبعدين احزاب ايه يا ريس انت صدقت
دي كلها حزبة بقدونس ملموم عليها شوية شبت
جرجرت دماغنا معاها
يعني برضه كلها طبخة خضار من عند فتحية
بالنسبة للمدونين فانا من راي ان دي فاكها العالم اللي احنا عايشين فيه قصدي الحلة المطبوخة فيها الخضار

الأغاني للرأفتاني said...

يا سلام عليكى يا سمـــــــــــــراء
وعلى تحيلاتك اللى كلهاخضار وخضره
فعلا مفيش احلى من الخضار..كله غذا وفوائد

الأغاني للرأفتاني said...

منــــــــال
فعلا الست فتحيه بتكون قاعده جنب محطه قطر سيدى بشر قبلى من الشاعه 7 صباحا لحد الساعه 3 عصرا

والظاهـر فعلا ان لا فى امل لا فى اجزاب وانقابات واى مصيبه تانيه

والليله السودا بتبان من عصريتها

smraa alnil said...

منال انا اعترضت
انا وزيرة الامن من زمان
مش تضطريني اني اقمع حريتك
جري ايه يا ريس
انت ساكت ولا ايه
مش انا اللي حامياك

الأغاني للرأفتاني said...

يا سمـــــــــراء
منال وزيره الامن ايام الانتخابات الرئاسيه فى مصر..علشان كده بقدره قادر..ايمن نور اتحبس.. نعمان جمعه اتسجن..والراجل التانى بتاع الطربوش عقله ضرب..
فمنال خبره امنيه جامده

انما انتى بأه الخير والبركه..انت الامن والامان للملكه الرأفتانيه اللى هتقفل عن قريب

الأغاني للرأفتاني said...

ونعم بالله يا منـــال
وزاره الاعدام والموتى...وحدوووه
فهمتى بأه يا سمراء وظيفه منال فى المملكه

اعدام وموتى
وانت يا سمراء امن الرئيس...
ما انا بقيت معمر القذافى..كل الحرس بتاعى حريم

Yasmine Adel Fouad said...

رأفت انا فهمت ان فتحية = تحية لكل مدون

مش انا اللى العربى بتاعى ضايع ها
" وش واحده بتبص للسقف "

بس ده لا يمنع ان اكيد فى واحدة برضة اسمها فتحية بتاعة خضار
و بصفتك حامى الشعب
دور عليها و بوسهالى من هنا و هنا
و ان شاء الله تطلع متجوزة معلم و يرنك علقة


يللا لايمنى ع المعارضة انا جاهزة يا معلمى

الأغاني للرأفتاني said...

انــا حـــــــــــره
والله ما اعرف اذا كانت فتحيه متجوزه ولا لأ..بس لما ارجع الاجازه الجايه..هعدى على الكورنر بتاعها واشوفها لسه بتفرش هناك ولا ايه..
وبعدين معلم ايه ده اللى يرننى علقه..
دا سمراء النيل ومنال وزراء الامن والاعدام والموتى..

جايبهم انا منظره ولا اعلقهم فى النجفه

tota said...

المهاجر

الحق ان معظم موضوعاتك برغم انك تغطيها بالكثير من السخرية الا ان مضمونها جاد ويحتاج الى الكثير من الوقفات
الاحزاب فى مصر اقرب ما يكون الى العشوائيات
يا بنى الموضوع كان ماشى جد سيبه فى حاله
تحياتى

الأغاني للرأفتاني said...

تـــوتا
اهلا اهلا..عاش من شافك..مشاغل انا فاهم علشان الدكانه الجديده..ههه

الاحزاب والمحليات اوسخ شئ حصل فى تاريخ مصر الحديث بلا منافس او منازع

شكرا ع الزياره

الأغاني للرأفتاني said...

ايه يا مصطفبيـــــــش
هو كان كلام ولا ايه..والله دى احلى حاجه فى الوزارات كلها كانت وزاره المعارضه..
فى محلها..وكل ما افتكرها بأضحك..
المهم أنت ايه اخبارك
ما نزلتش طقطوقه جديده ليه؟

يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات بمناسبة عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير

الأغاني للرأفتاني said...

يا كاتب الجوبات لمصر

كل سنه وانت بصحه وخير..وربنا يجعله عيد كريم علينا كلنا وعلى كل الامه

(لاحظ انى لم استخدم كلمه مبارك نهائيا)

واحـــد مـــــن الـنـــاس said...

ياريتني كنت اعرف كده من زمان ياباشا
انا مبدأتش التدوين الفعلي الا من اقل من شهرين
قبلها كنت شغال على منتديات
اليكترونية بس

وكنت بتابع المدونات
وكنت بتحمس اني اعمل مدونة لنفسي


وعملت فعلا واحدة من حوالي 9 شهور
لكن للاسف مكنتش اعرف طريقة التعامل
معاها فركنتها على الرف

ومبدأتش التدوين الفعلي الا لما القسم السياسي في منتدى الديفيدي للعرب اتقفل لدواعي امنية (:

بس بجد التدوين ده ثورة فظيعة
انا حاسس ان المدونات هتبقى بفلوس بعد كده والله
تحياتي ليك ياباشا
اخوك علي

الأغاني للرأفتاني said...

عـــــــــــلى
والله نورت المهجــر بعد يا على بزيارتك الكريمه..
ان شاء الله التدوين هيكون له صوت طالما لا توجد رقابه اونقابه..

مـحـمـد مـفـيـد said...

بوست رائع يستحق الثناء

L'orientale said...

تاني
عزيزي المهاجر، نظرة سريعة على عمال مصانع المحلة وموقفهم الأخير لاسترداد حقوقهم المسلوبة دليل واضح على فشل ما يسمى بالأحزاب... العمال دول عملوا الموقف ده من نفسهم وبغض النظر عن انتماء بعضهم إلى أحزاب مختلفه، المحرك الرئيسي لهم كان تعبهم وكفاحهم ورغبتهم الشديدة فى إحلال الحق.
نفسي أقول لكل الناس... أتفقوا مرة واحدة بس بعيد عن الأحزاب وأعملوا حاجة مفيدة
تحيلتي

الأغاني للرأفتاني said...

محمد مفيـــــــــد
وعلى النعمه انت اللى رائع..مبروك للاهلى يا مان..
ادفع مليون جنى واشوف شكل مرتضى منــصور دلوقتى..ههههههههههه
---------------------------------

tazart
بطل بكش بأه..وعند علشان بقى عند اصحاب مصربين هتكدب انت كمان..ههههه
ايه اخبار الوطن الموبؤ..خلصت الجزء الرابع
----------------------------------
L'orientale
مرحبا بيكى يا عزيزتى..وسعيد جدا على زيارتك للمهجر..وتعليقك على موضوع الاغانى ..يموت م الضحك..

المهم ان احنا مختلفناش فى موضوع الاحزاب..اتففنا انه موضوع فاش بكل المقايييس لان الحكومه بتتحكم فى الاحزاب سواء وطنيه او معارضه..
تحياتــــــــــــى

Anonymous said...

بلااا احزاب بلا بطيخ أقرع بلا بطيخ بشعر

نفعت مين الاحزاب ولا الجماعات ولا الحركات الناس فى اى حاجة لحد دلوقتى
عمال المحلة أخدوا حقهم تالت ومتلت من حنك السبع من غير ما أى حزب ولا حركة ولا جماعة محظورة أو بأستك من فوق تتدخل لهم
ولو كان اى حد من دول اتدخل
ودينى وايمانى
كانت قضيتهم فشششششششش
طارت
ذهبت مع الريح

أحزاب فساكونيا ولا مؤاخذة يا رأفوتة
أنا من حزب رجل الشارع

أعتقد محدش سمع عنه ولا يعرفه
ميعرفوش الا أحزاب السيارات الفارهة والموبايلات البولى والمجسمة وبالكاميرا
ميعرفوش الا العقارات الفاخرة
وكأن مصر كلها انحصرت فى تلك الصور

حزب رجل الشارع
أتمنى ييجى اليوم اللى الناس تعرفه
وتحس بيه

Anonymous said...

i salute u rafat pasha
truely we r the one and only honest voice against all propaganda happening eveyrwhere.
any system whatsoever it is, government, political party, gam3eyah anything , u name it, is nonesense.
it is us only us and that it.

hafsa

We2am said...

w 7tta el modwnat b2t mo7'trqa..w feha tasfyt 7sabat...msh bhze elndafa ya3ni..

الأغاني للرأفتاني said...

منــــــــــال الجميله
كل سنه وانت طيبه وبصحه وبسلامه يا رب يبعد عندك وزراء المملكه الرأفتانيه بحق جاهى النبى خصوصا وزيره الاعدام والموتى
على الطلاق احنا نولع فى البلد ونخلص
انت ايه رأيك بأه
----------------------------------

شهـــــــــــــــروزه الغاليه
انا بس عاوز اعرف معنى كلمه احزاب فاسكونيا والموبيلات البولى....
ههههههههههههههههههههههههههههه
كل سنه وانت طيبه بمناسبه عيد الفلاح يا فمر
-----------------------------------

الكــــــوبرا الصديفه طيب القلب
كل سنه وانت بصحه وسلامه يا صديق
ابعد عن الفارو يا سمسم..انت هرشته ازاى هو اخد عنوانك منين..؟؟؟؟

---------------------------------
Hafsa
thanks for your kind words. you are 100% right. these people has nothing, but big mouth and we are so sick of it.
happy holidays
----------------------------------
وئـــــــــام
اموت وافهم الكلام اللى نصه حروف ونصه ارقام ده...
بس انا فهمت انك قولتى ان المدونات اصبحت مخترقه وفيها تصفيه حسابات؟؟؟
طبعا مش كل المدونات جاده ومش كلهاهدفها توعيه الناس
بس هنعمل ايه يا جميل..الكويس والوحش موجودين..
والحق اقول..ان اوسخ مدونه عندى احسن من اى حزي
كل سنه وانت طيبه وبخير

مراقب مصري said...

يا ابني يا حبيبي

إنت فيـــــــــــن

مش فيه بيننا شغل يا ريس عايزين نخلصه؟
خلص يا ولا شعار الحملتين بسرعة
وبعدين كلامك مظبوط
فعلا فى شعاع نور وممكن يبقى كشاف كبير لو اهتمينا بقضايانا واحترمنا ارائنا و الاراء المعارضه..فنحن اولى بتشجيع الرأى والرأى الاخر... حتى يظهر الله الحق ويبطل الباطل..فتحيه لكل مدون ومدونه

الست فتحية بقى شخصيا بعتاني لسيادتك وبتقول لك مصر كلها مستنية الحملتين يا رأفت

حملة الجرايد القومية
وحملة عماد الكبير
الله يكرمك يا شيخ إنجز

The Eagles said...

ونبى اهم حاجة موضوع شعاع النور اللى بتقول عليهدة وهيبقى كشاف بس يا ريت ما يبقاش كشاف صنع فى الصين
لابجد لابد على جمييييييييييع المصريين وليس الاحزاب ان تتفق على اختلاف وجهات النظر وبكدة تتحل مشاكل كتيييييييييييييير فى البلد
ولكن الموجود الان فى البلد كلها وليس الاحزاب اننا جميعا تنفقنا على اننا نتخانق ونزعق عى نعرب عن وجهة نظرنا
فلابد علينا ان نتق على ان نختلف فى وجهات النظر
والسلام.........

Anonymous said...

أنت طلعت الوش الحلو للمدونين ...متنساش أنهم مجرد بنائدمين ...ساعات بيكونوا هادمين ...يعنى حلو أوى المدونات التكلمت عنها ...بس دعبس تانى وأنت تلاقى مدونات تهدم و الصح يبقى خلط والحيقة تضيع

......

بس أنا معاك ..ننضم لفريق كشافة تامر حسنى أحسن من أى حزب فى البلد

;)

علاء السادس عشر said...

عزيزى رأفت
الأحزاب المصرية لا تختلف عن محلات البقالة
سواء فى القلب أو القالب
تحياتى لك وشكرا على سؤالك المستمر لشخصى المتواضع كما أنى أراك قدوة فى التواصل الأجتماعى وهذه من رأيى موهبة لايملكها الكثيرين.
علاء

همس الليل said...

حبيت اقولك كل سنه وانت طيب عشان العيد وراس السنه وراس الخروف والراس السودا ههههههههههههههه
يلا يا عم محدش ادك فى كندا بتقضى الكريسماس
لا والله من غير حسد ولا قر ولا نق ربنا يهنيك وعيد سعيد عليك يارب
انا بس حبيت اغلس عليك وحشتنا يا عم

ياسر شمس الدين said...

يا باشا حزب العواطليه وحزب الاجرام بقياده التوربينى اللى هو سبب خساره مصر فى حرب 67
هما افضل حزبين فى مصر وحزب النبى حارصه برضه حزب جامد بيقولك
اقولك الحاله الوحيده اللى ممكن انضم فيها لحزب ان الرأفتانى يعملنا حزب سياسى
فى مملكه الرافتانى ويكون حزب وحيد وما فيش معارضه
كمان

الأغاني للرأفتاني said...

Hey Guys
Happy Holidays to all of you.
I am so sorry .I could not type in Arabic. I am in a hotel and they dont have arabic windows.
I am in Canada and I will be back to New York 12/27/2006

Thank you and happy holidays to all of you , and I will talk to you soon inshallah

Anonymous said...

وانا عن نفسى افضل الانضمام الى فريق الكشافه بتاع تامر حسنى عن الانضمام لاى حزب سياسى مصرى

هههههههههههههه
حلوة....بجد وحشتنا

بس المشكلة دلوقتى مش فى الاحزاب المشكلة ان مصر بقى فيها 75 مليون حزب

انا مثلا عامل الحزب العاشورى
تحب تدخل معايا ولا انت رأفتى متزمت؟

Anonymous said...

احيه بالاسكندرانى يا ريس الوزاره بتاعتى انا هسيبهالك واستقيل مش المفروض تاخد كل الوزرا فى مملكه الرافتانى عشان نثتثمر وجودنا لتنميه التعاون بين الشعوب المطحونه زينا وشعوب كندا المطحونه برضه على ما اسمع انهم عندهم نسبه بطاله زينا كده يجى .002 فى الميه
وصيه منن بلدياتك يا رافتانى اى بنت اموره بوسهالى من خدها اليمين بس وقولها ياسر شمس بيبعتلك بوسه حايره طايره من اهدا مكان فى العالم اسكندريه وصيه يا يا رافتانى اوعا تنسى

ياسر شمس الدين

Yasmine Adel Fouad said...

انت فين يا رأفت
مش باين لا هنا و لا هناك
لعل المانع خير
اوعى يكون حصل محاولة اغتيال
انت لحقت يا ولداه

كبدى
ولدى ولدى ولدى ولدى

Racha Khoury said...

انا اسفة جايه متأخر قوي اعمل ايه بس انت عارف ..اخبارك ايه؟؟
انا برضوه شايفة ان في نور وان في عقليات بجد محترمه وفاهمه وده بيدعو للتفاؤل

كتبت حاجه جديدة يهمني رأيك بس مش في اوراقي في نظرة الى الداخل وححط موضوع قريب جدا في اوراقي يهمني رأيك جدا يا عزيزي

وكل سنة وانت بألف خير

smraa alnil said...

راااااااااااافت
اين انت يا فتي
انت فين يا ريس
غريبة مع اني كنت عاملة احتياطات الامن عشان حمايتك
انت فين بقي
يا ريس انا هقدم استقالتي
يلا بقي عشان نقول هابي بيزي تو يو
هابي بيزي تو يو رافتش
هههههههه
اظهر وبان عليك الامان

tota said...

رافت

مبروك على النيو لوك

حبيت اقولك مفتقدينك وكل سنة وانت طيب وعام سعيد عليك وعلى اسرتك واحبائك

تحياتى

Ma 3lina said...

mohager : mabrook el new look

bs ih el colors el kter di gali 3ama alwan ya ebni

el mohem kol sana we enta tayb :)

smraa alnil said...

ازيك يا ريس
انا بس حبيت اقولك كل سنة وانت طيب
ويارب السنة اجاية دي تكون محقق احلامك الي بتتمني انها تحقق
ونفرح فيك كدة

الأغاني للرأفتاني said...

كل سنه وانت طيبين جميعا
ما علينا
هو ده المطلوب..انى اعميكم جميعا

سمسم الحديدى
معلش يا مان..موضوع التعليفات معقد شويه ..بس انت قدها وقدود

سمرا
كل سنه وانت طيبه