Monday, December 24, 2007

لحظه وجع فى حب مصر

(1)

بين الشعوب دور تلاقى
اللى اتظلم واللى اتخــدع


*****

واللى الامان ضاع من
ايديه ولايــــوم رجــــــع

*****
واللى التاريخ شاور عليه
واليه ركـــــــــــــــــــــع

*****
اما انا.. فعمـرى لحظه
اسمهــــا لحظــه وجع
*****
لحظه وجع فى حب
ارض اتفتــــــت
*****
لحظه وجع فى قرب
ناس اتشــــتــت
*****
(2)
من كام سنه..ثار اللى ثار
وهاج اللى هــــــــــــاج

*****
وبدل المـــلك بقى عندنا
يجى الـــــف تـــــــاج

*****
تاج للقصور اللى اتبنت
على ظهر ناس تانيه اتحنت
*****
وتاج للغلابه اللى اتنسوا
والفرحه منهم اتأممت

*****
(3)
ومع العبور...هلت نسايم للزهور
والكل اجمع ان بعد الظلمه نور

*****
وفى يوم حزين ... والدنيا ملمومه وبصه
قتلــــلوا الامل وهو قاعد فى المنصــــــه

*****
(4)
ومن يومها م انش خايف
من امبارح ولابكــــــــره

*****
انا سلاحى قلم فاضى
وحبره الفاضى كان فكره
*****
بقت صرخه فى وش الظلم وسنينه
صارت بلسم تداوى جرح وانينه
*****
وللظالم قولوا معايا... مش عوزينه
مــــــش عوزيـــــــــــــــــــــــنه
*****


نيويورك فى 28 اكتــوبر 2007

اسم الاغنيه كان فكره جيمى هــــود


Friday, November 23, 2007

الحمله الرأفتانيه .. ضد الحملات التانيه

ناوى اعمل حمله شرسه ... بس مش عارف عن ايه لسه ...باحضر البانرات والشعارات وبافضى ركن فى المدونه علشان جمع التوفيعات
وبعت رسايل للناس جميعا علشان يحضروا للمظاهرات .. والهتافات
وصديق لى هيروح للمفتى يجيب فتوى ان اللى مش هيوقع .. هيروح النار .. ودمه حلال وانه عدو للحريه والوطنيه والقوميه والشرابيه وفراخ الجمعيه
ادعو لى بس اعرف الحمله هتكون عن ايه

Sunday, November 18, 2007

شهيناز النجار عضو سيد قراره بتستقيل

استقاله شهيناز النجار عضو مجلس الشعب عن دائره المنيل تعتبر اول استقاله لمسؤل مصرى او عضو فى مجلس الشعب..الله اعلم ماهى دوافعها للاستقاله..بعض الناس بيقولو ان احمد باشا عز زوجها هو اللى طلب منها الاستقاله.. وطبعا انا لو مكان شهيناز..ملعون ابو المجلس فى ظل امان وفلوس ونفوذ احمد عز.. لكن الاستقاله فى حد ذاتها حاجه كويسه.. عضوه فى المجلس الموقر بتستقيل لوحدها..الظاهر ان التناحه السياسيه لم تؤثر فى هذه السيده..حاكم احنا عندنا فى اعضاء مجلس الشعب والمجالس الحكوميه..اول ما المسؤل من دول يقعد على الكرسى يحلف ميت يمين..انه هيخدم الشعب حتى اخر قطره فى الدم ونبضه فى القلب.. طاب يا عم الحاج المعاش وحالتك الصحيه وظروف البلد اللى اسود من قرن الخروب..مليش دعوه انا عاوز اخدم لحد اخر قطره واخر نبض .. وبيقعد صاحبنا من دول على قلوبنا لحد ما يتحبس او يموت او احنا نموت او نهاجر.. وبعد الهجره نرجع البلد نلاقيه برده قاعد بيخدم لحد اخر قطره واخر نبضه
بمرور السنين بيكتسب النائب من دول خبره سياسيه وطبقه سميكه على الجلد اسمها التناحه والتلامه السياسيه ودول مختلفين عن الكرش السياسى اللى بيطلع فقط بعد اول مليون قطره واول مليون نبضه ما يدخلو البنك

Tuesday, November 13, 2007

يا مفتى المعرصين..سافتح دار للافتاء

قرارا رافتانى غاشم

بفتح دار للافتاء تنافس دار الافتاء المصريه

اسعار خاصه لفتاوى تحريم الشهاده وتحليل الخمور والربا

يوجد غرفه مريحه لارضاع الكبير
يوجد ايضا غرف لتعذيب الصحفين وجلدهم اذا لزم الامر

شعارنا خدمه الحاكم .. تعذيب الشعب ..طمس الحقيقه .. وشراء رفاهيه الدنيا بالاخره

Sunday, October 28, 2007

شمس النهار

(1)

شمس النهار زغدت ظلام الليل
وقالت قوم كفــــــــــــــــــــــــايه
جايبه الدفا ويّا الامــــــــــــــــان
والخيـــــــــــــــــــــــــر معــــايـا
*****
(2)
عطر الزهور من يمينى فى صف واقف
وغنى البلابل عن شمالى بصوته حالف
ما يخلى خلق من الخلايق قلبه خايف
*****
(3)
يالا بقى اصحى وقوم خلينى آخد مطرحى
وخُد معاك كل الهموم ويا دنيا قومى وصحصحى
*****
(4)
ونسيت اقول: تاخد شتاك ويّا الغـيــــــــــــــــوم
اصل النهارده يوم جميل والقلب مش محتاج هموم
*****
(5)
ياقلوب يا عاشقــــــــــــه ومغرمه من عمر عدى
قــــــطر السـنين عــــفّر ترابه وجِــــه وهدّى
اصـــــــــــــحوا لهواكم دا الظلام روّح وعدى
*****
حاله فريده
نيويورك فى 5 اغسطس 2007

Saturday, October 20, 2007

بــأمر الدكتــــور

ممنوع السجاير

ممنوع القهوه

ممنوع الشاى

ضحكت بداخلى وسخرت من علمه وشهاداته

فتلك هى هواياتى فكيف اعزف عنها

سألت سؤال خبيث وقولت له يا دكتور اشرب عصير ليمون وبرتقال

قالى آه ده يبقى كويس خالص

شكرته ومشيت بسرعه لا يقولى ابقى اشرب عسل نحل ولبن دافى

Wednesday, October 17, 2007

ريحةالحبايـــب

(1)
هفت علىّ ريحه من ريحه الحبايب
رسمت شفايفى ابتسامه قلب دايب
قعدت افكر فى اللى قلبى حبهم
وسألت نفسى عن اللى راح
وعلى اللى غـــــــــايب
*****
(2)
لمسه ايدين..ضحـــكه عنين
بترجعك عشــــــــــــرين سنه
بنت الجيران ..صُحبه زمان
وأيــام بريئه ملــــــــــــــــــونه
*****
(3)
ايه اللى غير كل حاجه فى يوم وليله
فرحه سنينا اصبحت ايام قليله
وبقينا كالطير فى السما مابيده حيله
غير زى مالريح يؤمره يرتاح له ليله
*****
نيويورك فى 1 اكتوبر 2007

Tuesday, October 16, 2007

يارب البحر ينشف

يارب
بقدرتك ياقادر
تنشف بحر اسكندريه وتخليه صحراء جرداء لازرع فيها ولاماع
علشان ترحمنا من الدخلاء اللى بيحتلوا البلد كل صيف وبيملوا كل رصيف
دول دلوقتى اتعلموا يحبوا البحر فى الشتا زينا
يعنى لا طايلنها صيف ولا شتى
انك على كل شئ قدير
االهم آمين

Thursday, October 11, 2007

كــــل سنه وانت طيبين




وحى الكلمات

طول عمرى وانا اكره الاذاعه المدرسيه وطابور الصباح وموتى وسمى لما المدرس يقولى قوم اقرا قصيده او نشيد فى الفصل. وعلى رغم من تعلقى بالموسيقى الغربيه فى ايام ثانوى الا انى كنت اعشق الشعر العربى وكنت دايما اجيب درجات عاليه فى اللغه العربيه. كنت شغوف باحمد رامى وبيرم التونسى وسيد درويش واكره عبد الوهاب واحمد شوقى. بيرم التونسى خلانى احب الزجل وكتابه الاغنيه. وشوقى كرهنى فى شعر الفصحى وقوافيه. بدأت اكتب اغانى بسيطه واروح اقارنها باغانى بيرم وعاميه احمد رامى واموت على نفسى من الضحك. وقريت مره ان احمد شوقى زعل من احمد رامى لما بدأ يكتب لام كلثوم اغانى بالعاميه. وشوقى قال والله انى لاخاف على اللغه العربيه من عاميه رامى. قولت لنفسى تعالى يا عم شوقى وانا اجيب لك ازمه قلبيه. وفى احدى الايام اعلنت المدرسه عن مسابقه للزجل وللشعر. روحت وسألت الاستاذ عن شروط مسابقه الزجل واذا كان المتسابق هيقرأ ما كتبه اما م جمع من الناس؟ ام هيقدم كتاباته فى ورقه؟ اجاب الاستاذ المتسابق هيقدم كتاباته للجنه الادب بالمدرسه وان الاغنيه اللى هتفوز سوف تمثل المدرسه فى مسابقه الاداره التعليميه. حمدت ربنا لانى مستحيل اقرأ اى شئ امام حد ولو ولعونى بجاز مش هاقف اقرا اغنيه انا كاتبها امام لجنه. تقدمت للمسابقه باغنيه اسمها لو شوفتوا اسكندريه ده مطلعها

لوشوفتوا اسكندريه وجمال اسكندريه
والشمس ياناس بتحضن هواها المغربيه
هتقولوا عندى حق ادوب واعشق وارق
ماهو اصل اسكندريه ام المدن بحق

وفازت اغيتى بالمركز الاول على المدرسه والاداره التعليميه. وكانت مفاجأه للجميع خصوصا مدرس العربى بتاعى اللى كان دايما يقولى يا خواجه نظرا لكثره سماعى الاغانى الغربيه. بعد الفوز بهذه المسابقه اتشجعت للكتابه ودخلت مسابقات تانيه كتير باغانى مختلفه على حسب نوع المسابقه . والسنه الوحيده اللى قضتها فى الجامعه فى مصر كنت باكتب اغانى لكورال الجامعه. وفى الايام دى بس حسيت واتعلمت فعلا ان فى حاجه فى الشعر اسمها الهام. وانا دايما كنت اسخر من اللى بيقول لما الوحى ينزل عليه والكلام الفاضى ده. فى اغانى الكورال كان مدير الكورال يجى يقولى عوزين نكتب اغنيه عن كذا كذا وياريت تكون جاهزه بكره او بعد بكره. والحق اقول ان اكتب المطلع
ومستحيل الاغنيه اللى هو طالبها تخلص..الكلام بيطير. وفى اغانى انا كاتب مطلعها من 7 سنين وخلاص مش راضيه تتكمل واغانى تانيه بتنكتب فى 10 دقايق لما الوحى اللى انا كنت باسخر منه يكون موجود. اعتقد ان وحى الكتابه فعلا موجود وان كتابه الاغنيه او كتابه اى شئ ما هى الا حاله بتستفزك للتعبير عن هذه الحاله بكلمات وحروف

Sunday, October 07, 2007

زاهى محتاس



فى حوار له مع مجله كوندى ناست ترافلر المتخصصه فى السياحه والسفر زاهى حواس جه يكحلها عماها. زاهى حواس هو رئيس المجلس الاعلى للاثار فى مصر ويعتبر اشهر واحد فى علم دراسه المصريات بعد العالم الانجليزى هاورد كارتر. المهم ان عم حواس فى رده على بعض الاسئله لخبط الدنيا خالص واتهم وزاره السياحه انها مش فاهمه قيمه مصر السياحيه ولو انى اتفق معاه فى هذه النقطه. الاجابه اللى زعلت منه الناس هو رده على السؤال ان مصر استقبلت السنه اللى فاتت 9 مليون سايح وده رقم قياسى؟ عمك زاهى قال ايه

قال : انه كان يتمنى ان مصر تستقبل 4.5 مليون سايح اغنياء!!! وطلب من وزاره السياحه انها تغلى اسعار الفنادق والمتاحف واضاف ان فى بعض المجموعات السياحيه بتصرف فقط الف دولار فى الرحله وهذه النوعيه من السياح المفروض يقعدوا فى بلادهم وما يجوش مصر.!!!! هو ده اللى قاله الراجل اللى قاعد على اعلى كرسى للأثار فى مصر. شوف قمه الجهل.!! المهم ان القراء بتوع المجله ما عجبهمش كلام عم زاهى محتاس مع ان كوندى ناست بتخاطب اغنى طبقه سياحيه فى امريكا يعنى معظم قرائها اغنياء ولكنهم لم يعجبهم عنصريه حواس الماديه. وانهالت الخطابات على المحرر اللى عمل الحوار مخاطبه عم زاهى محتاس ومعظم الخطابات كان مضمونها اشبع بمصر بتاعتك احنا هنعمل زى انت ما قولت وهنقعد فى بلادنا ولو عوزنا نزور مكان فى افريقيا هنزور المغرب
زاهى حواس ممكن يكون عالم فى الاثار الفرعونيه لكنه جاهل فى التسويق والدعايه والاعلان وغلط جدا انه يكون واجه السياحه فى مصر وللاسف هو ده الواقع. كل ما افتح قناه ه فى التليفزيون الاقى عم حواس قاعد يبح وحزق من زوره كأنه هيولد!! وشكله يخوف الناس والانجليزى بتاعه يفضح ويموت م الضحك
فى احدى شطحاته ونطحاته عم حواس قال ان توت عنخ امون مش من افريقيا ما هواش اسود وان المصريين لا هم عرب ولا افارقه!!! كسبنا صلاه النبى احسن. لا طولنا نكون افارقه ولا عرب . امال احنا ايه يا عم محتاس

Tuesday, October 02, 2007

القنصليه العامه فى نيويورك

القنصليه العامه لجمهوريه مصر العربيه فى نيويورك لا يوجد بها مكنه تصوير للمستندات. او بمعنى آخر اللى موجوده هناك عطلانه والاستاذ محمد لسه بيحاول يصلحها. يعنى اى واحد عاوز يقضى اى مصلحه يصور ورقه معاه قبل ما يروح. طاب ايه هو الورق المطلوب تصويره؟ ماحدش يعرف. لازم تروح تخبط المشوار الاول وتسأل وبعد كده تنزل الشارع تدور على مكنه تصوير وبعد ما تصور الورق ترجع تانى للقنصليه تاخد دورك وطبعا الورق هيكون ناقص؟ فهيقوللك كمل الاوراق وتعالى ؟ طاب ليه ماقولتليش من الاول وانا نازل اصور ان الاوراق ناقصه؟ ولما تجيب الاوراق الناقصه وتصور المتسندات المطلوبه وتروح تدفع هيقولولك معهمش فكه؟ طاب بتاخدوا كريدت كارد؟ لا كاش بس؟ تنزل الشارع تانى تروح اى محل تدور على فكه؟
ولما تطلع لهم فوق بالفكه علشان تستلم ورقك تلاقيهم قفلوا وروحوا
ايوه ما هو فى رمضان بيشتغلوا 4 ساعات بس
وفى منتهى الاسى بتحس انك لسه عايش فى سجل مدنى السياله رغم انك عايش فى نيويورك
وبتفوق ونجاح منقطع النظير استطاعوا انهم يخلوك تسب الدين وتلعن التمثيل الدبلوماسى وتحس فعلا بمصريتك

Sunday, September 23, 2007

مطار القاهره و مصر للطيران والحمّام بتاع مطار برشلونه

مطار القاهره الدولى اشبه بالوسيه او العزبه اللى ملهاش صاحب. وفى مواسم السفر والاجازات بيكون مثل حديقه الحيوانات او مولد المرسى ابو العباس. اللافتات اللى فى المطار معموله علشان تلخبط الناس واللى رحلته فى المطار القديم هيلاقيها طالعه من المطار الجديد واللى رحلته طالعه من المطار الجديد هيلاقيها طالعه من برج العرب او السلوم. ولا ادرى الحكمه فى مطار قديم ومطار جديد وازاى مطار عاصمه دوله فى 80 مليون بنى آدم يكون بالطريقه دى. ما عليك من التناحه بتاعه العاملين فى المطار وكل امين شرطه منهم مفكر نفسه زكى بدر او الزينى بركات. ولا ادرى ما الحكمه فى ان امناء الشرطه وضباط الجوازات كلهم بيلبسوا زى عسكرى اسود يثير الرعب فى قلب كل مسافر. وعلاقه امناء الشرطه وضباط الجوزات باللغه الانجليزيه عامله كعلاقه ام على بتاعه الجرايد بالكمياء النوويه وابحاث الفضاء. فضايح..تلاقى الشحط من دول قاعد فى الكشك الزجاج وقاعد يشوح بايده للسياح والمسافرين زى الصم والبكم فى برنامج القلوب
الرحيمه

لو حظك اسود تكون حاجز على خطوط مصر للطيران اللى عامله زى اتوبيس غرب الدلتا . وبرده المضيفات والمضيفين معوجين عواجان لا مثيل له وكلهم طبعا شغالين بواسطه فى العزبه. اتذكر ان فى احدى الرحلات التعيسه على خطوط مصر للطيران اتلطعنا فى ممر الاقلاع بتاع ساعه وفى واحده ست كبيره فى السن عاوزه شويه ميه علشان تاخد برشامه السكر فسألت شحط من المضيفين فقالها انه ممنوع اى مشروبات لحد الاقلاع . والست الكبيره مفرهده على الاخر وجالها كرشه نفس. فراح واحد من الركاب ساخن على المضيف الشحط وقام هذا الراكب وراح بنفسه جاب للست الميه علشان تاخد البرشامه

وفى احدى الرحلات السعيده فى طريقى لالمانيا على خطوط لوفتهانزا كان فى طفل قاعد جنبى هو وامه. وطلب الطفل من المضيفه الالمانيه قطعه شيكولاته كانوا بيوزعوها دايما على الخطوط الالمانيه وبعد دقائق رجعت المضيفه وكلها أسف تعتذر لهذا الطفل عن عدم وجود الشيكولاته اللى هو طلبها واحضرت له بتاع 15 نوع آخر من الشيكولاته واللعب والكتب. وبعد عشر دقايق حضرت كبيره المضيفات تعتذر للطفل عن عدم وجود نوع الشيكولاته المطلوب. وكل عشر دقايق مضيف او مضيفه يجى يسأل الطفل لو محتاج حاجه تانيه. وبعد وصولنا لفرانكفورت الكابتن بتاع الطياره استنى الطفل على باب الخروج واعتذر له وعرض على الطفل انه يجى يلعب فى كبينه الطيار شويه. وفرح الطفل ودخل الكبينه وامه قعدت تصور فيه. شوفتوا الخدمه عامله ازاى يا بهايم مصر للطيران

المهم فى الرحله الاخيره بعد معاناتى فى مطار القاهره وصلت برشلونه اسبانيا واجراءات دخولى برشلونه ما اخدتش اكثر من 5 دقايق ولما دخلت الحمام فى المطار عنيه كانت هتدمع من الفرحه من نظافه الحمام اللى كان عامل زى مدخل وزاره الخارجيه فى مصر. والحمام كان فاضى مفيهوش واحد واقف على الباب عاوز بقشيش. طلعت من الحمام احمد ربنا واشكره على اختراع الطياره اللى خلانى اشوف مطارات تانيه غير مطار القاهره القديم والجديد والمايل والمعدول

Sunday, September 16, 2007

خليك سيئ الظن

لى صديق يقول لى دائما - خليك سيئ الظن


اقوله ازاى يعنى


..قال لى مش فى القانون بيقولو ان المتهم برئ حتى تثبت ادانته؟


قولت له ايوه


قالى خلى مبدأك ان الجميع مذنبون حتى يثبتوا العكس. بالطريقه دى عمرك ما هاتزعل لما تلاقى واحد واطى لكنك هتفرح لما تلاقى واحد مش واطى


وفى ا مريكا احنا هنا دايما بنقولو


have low expectations


يعنى ما تتعشمش قوى علشان لو العمليه طلعت على فاشوش تكون انت مستعد مسبقا

Wednesday, September 12, 2007

اهـــــــلا بالرذيله

بعد سنوات من الفضيله ومحاوله مسايره الركب السوى.. تتغير الروح وتسعى الى كل ماهو ممنوع . الان اصبح مرغوب ومطلوب
خمور..مخدرات.. نساء من كل صنف ولون ..انه الانتحار من غير كلمه انتحار.. انه الهروب ممن كان يحب من غير الاختفاء والالتواء . فلقد . جربت الروح الرقى و الايمان والسكن فى الصروح والآن آن الوقت للعيش فى الواقع ومضاجعه الحقيقه..فالكل سواء وغدا سوف يكون على شابه الامس

Thursday, September 06, 2007

احــــــــــزان

(1)
حزينه المدينه والشوارع والبيوت
حتى شمس الصبح غابت
وبحرى ساكت مش سامع له صوت

****
(2)
حزن قلبى جرحـــه اكبــــر م الدموع
دا اللى راح مش جاى تانى مفيش رجوع

****
(3)
جوه قلبى الحزن ساكن نفسه يطلع
وعينى جفّت نفسى اغلط مره وادمع
بأبكى ساكت وبرده خايف حد يسمع

***
(4)
م النهارده مش هأكون زى اللى فات
م النهارده هأعيش واموت ع الذكريات
م النهارده ايام تعدى وفرحى مــــات

****
(5)
تسوى ايه الدنيا بعدك..مش هتسوى
فرح..حزن..عذاب.. دموع ولا قسوه
مش هاخاف من برد ليلها ووحدته
ومش هاحس بنور نهارها وزهوته
زى ريشه فى الهوى مش لاقيه مرسى

****
(6)
آه ياويلى م اللى راح وم اللى جاى
تاه دليلى دا اللى غاب ملهوش زى
حالى اصبح كالعيون ملهومش ضى
****
(7)
هاخسر ايه فى الدنيا تانــــى
ايه هيحصل لوكرهت فى يوم زمانى
او اكون انسان كويس او وحش
وانتهازى واكــــــــــــــون انانى؟؟

****



الاسكندريه فى 19 اغسطس 2007

Wednesday, August 15, 2007

ورده حمرا وسوسنه

بيحبوا بعض وعندهم
ضيّع غرامهم فى الهوى
قاعدين بيبكوا ع اللى عدى
ولحظه حلوه قضوها سوى
=
قاعد بيقرى كل كلمه كتبها ليها
قاعده حزينه والدموع ملين عينها
=
متأكده .. انه حبيبها
وحبه ليها ملهوش حد
متأكده.. رغم الدموع اللى فى عنيها
انهم راجعين لبعض
=
بكره هياخد ورده حمرا وسوسنه
أصل فى غيابها قلبه ما شفش الهنا
=
هيضمها ويبوس جبينها وسُمرته
هيقولها هى حبيبته ودنيته
=
ولانهم بيحبوا بعض
هيصلحوا بعض
ولانهم ملهموش حاجه الا بعض
هيصلحوا بعض
********
من اللى فات
نيويورك-فبراير 2007

Monday, August 13, 2007

جــــــواب

بحبر إسود .. على ورقه بيضا مٍسطْره
كتبت كلامها بالقلم والمسطره
==
جوه الكلام مليون عتاب
مليون سؤال عن الغياب
ايه السبب يا هتلرى
==
تكتب وتمسح
تزعل وتفرح
عايزه الكلام يتحس .. مش ينقرى
==
دمع العيون صار ع الخدود
لونه كلون حبر القلم
تكتب بحبر .. أو بدمع
نفس الشعور نفس الألم
==
مع كل كلمه عاوزه بتعت ابتسامه
وورده ناديه معلقه فى جناح يمامه
عاوزه تقوله وحشتنى
هتيجى امتى بالسلامه
**********
من اللى فات
فى نيويورك مارس 2007

Sunday, August 12, 2007

محمد حجازى.. الباب اللى يودى

اولا انا مع حريه الاديان. كل انسان حر فى الديانه بتاعته. لان ربنا سبحانه وتعالى غنى عن الناس اجمعين وكما يقول فى الآيات التاليه
المائدة: 48« ولو شاء الله لجعلكم امة واحدة ولكن ليبلوكم في ما أتاكم
يونس : 19 «وما كان الناس الا امة واحدة فاختلفوا
هود : 118 «ولو شاء الله لجعلكم امة و احدة ولا يزالون مختلفين
النحل 93 «ولو شاء الله لجعلكم امة واحدة ولكن يضل من يشاء ويهدي من يشاء
يعنى باختصار محمد حجازى لا هيقلل الاسلام ولا هيزود المسيحيه . وعلى الحكومه ان تغير له هو وامثاله الديانه فى البطاقه علشان نرتاح لان بسلامته مفكر نفسه مجاهد ورايح يستخبى ويعمل افلام عبيطه. والله الاسلام غنى عن امثال هذا الحجازى. وياريت كل منافق مثله يظهر ويبان ويغير ديانته علشان نخلص من الرابش
اللى مزعلنى هو انى خصصت هذه المساحه للكلام عن الموضوع ده. لان اصلا صاحب الشأن مايستاهليش. بس الواحد اتخنق
من بعض المدونين والمدونات اللى عملوا من حجازى شهيد الدين والتدين وما هو الاصعلوك يغوى الشهره. لانه لو بجد عاوز يغير دينه فقط .كان حاول فى هدوء من غير تليفزيون وصحافه

Friday, August 10, 2007

100 years in just 18 days

Is it possible to gain 100 years in just 18 days?
Is it possible to feel like you are carrying the whole world on your shoulder?
Age is just a number in your ID and your head. But the surrounding events can make you gain so many years in such a short term of days. Depends on the event, the number of the years can go up or down.
If it is happy events, you will feel like a feather in the air. You will feel like such a child who is looking for his first visit to Disney land!
On the other hand, if it is sad and hard events, you will feel so old. Your heart will beat faster and faster.
Everything is a test from god, and I believe that everything happens for a reason, but we are humans over all and when it comes to bad time we lose some of our faith. And that’s where good friends come to remind you of your faith and no matter what happened and what is going to happen; everything is written before we even born!

Wednesday, August 08, 2007

Name Change

نظرا لكثره المهاجرين فى كل مكان اضطررت لتغير اسم وعنوان مدونتى حيث وجدت تعليقات باسم المهاجر وظن البعض انى كاتب هذه
التعليقات مم تسبب فى بعض سوء الفهم بينى وبين الاصدقاء ولذلك تم تغير اسم وعنوان المدونه
I had to change my blog's name and address. there are so many Mohagers. some people wrote comments under al-mohager's name, and people thought I am the one who wrote these comments which caused missunderstanding between me and my freinds that's why I had to change the name and the address of my blog

Tuesday, July 24, 2007

Islam In America

ده المقال الرئيسى وغلاف العدد لمجله النيوزويك.. والعدد كله عن الاسلام فى امريكا

وعن قصص نجاح المسلمين فى امريكا

العدد مليان معلومات عن المسلمين فى امريكا بس عاوز مجهود كبير للترجمه والنقل. اللى يقدر يشترى العدد يشتريه واللى ما يقدرش ممكن يقراه هنــــــــــــــا على النت على الصفحه بتاعه النيوزويك
=====

The July 30 issue of Newsweek (on newsstands Monday, July 23), "Islam in America" special report examines what it means to be Muslim in America, and how U.S. Muslims balance being true to both their faith and their country. Chris Dickey investigates how radical imams are using the Internet to recruit new jihadists. Plus: Michael Hirsh's exclusive report on the signs of a split between Al Qaeda factions and tips on how not to spend your vacation at the airport. (PRNewsFoto/NEWSWEEK)
NEW YORK, NY UNITED STATES

Muslim Americans are one of The Country's Greatest Strengths and Most Vulnerable.

NEWSWEEK Poll: Forty Percent of Americans Believe Muslims in the United States are as loyal to the U.S. as They are to IslamCongress's first Muslim Keith Ellison: 'For all our criticisms, the idea of America is an amazing thing-a society organized around a set of principles instead of around racial or cultural identity'

NEW YORK, July 22 /PRNewswire/ -- Fareed Siddiq is a successfulbusinessman, a financial adviser at a major investment bank and a father oftwo. He lives in Chagrin Falls, Ohio, but is afraid to use the bathroom onflights because he doesn't want to frighten his fellow passengers as hewalks down the aisle. He thinks anti-Muslim sentiment in the country isgetting worse, not better. "I'm not so much worried about myself," he adds."It's the young people I'm concerned with. Those are the people we need totry -- not only as Muslims but as Americans -- to make them feel part ofAmerica. If you alienate the Muslim young people from America, that isdangerous."

In the July 30 Newsweek cover "Islam in America" (on newsstands Monday,July 23), Senior Editor Lisa Miller and a team of Newsweek correspondentsreport that as the Muslim community expands and becomes more established,tensions within the community are also growing-between young and old,immigrant and native-born. Across the country, second- and third-generationMuslims are visibly grappling with how to be Muslim and American at once,while their parents look on with pride-and, like Siddiq, concern. Americans are largely accepting of the Muslims among them but remainworried about radicals inside the United States, according a new NewsweekPoll-the first the magazine has conducted on attitudes toward IslamicAmericans. Forty percent of those surveyed believe Muslims in the UnitedStates are as loyal to the U.S. as they are to Islam. (Thirty-two percentbelieve American Muslims are less loyal to the U.S.) But close to half (46percent) of Americans say this country allows too many immigrants to comehere from Muslim countries. Newsweek reports that nearly six years after 9/11, the story of Muslimsin America is one of overwhelming success. "Most Muslims in America thinkof themselves as Americans," said Charlie Allen, intelligence chief at theHomeland Security Department. In fact, Muslim Americans represent the most affluent, integrated,politically engaged Muslim community in the Western world. According to amajor survey done by the Pew Research Center and released last spring,Muslims in America earn about the same as their neighbors, and theireducational levels are about the same. An overwhelming number -- 71% --agree that in America, you can "get ahead with hard work." In starkcontrast, Muslims in France, Germany and England are about 20% more likelyto live in poverty. There are 2.35 million Muslims in America according to Pew, though manyestimates put that number much higher, and 65 percent of them are foreign-born. They came for education and advancement, but also to follow family,and -- as is the case of the 35,000 Somalis who began arriving in the 1990s-- to flee war and oppression in their home countries. The pull of theAmerican dream remains strong. "The U.S. is founded on the idea that we'reall connected to a set of ideas, not a set of histories," says KeithEllison, the Democrat from Minnesota who is Congress's first Muslim. "Forall our criticisms, the idea of America is an amazing thing -- a societyorganized around a set of principles instead of around racial or culturalidentity." An equally critical but perhaps less obvious benefit to U.S. Muslims isthe religiosity of the American people. Even if a religious practice isregarded with suspicion in America, it is generally treated with respect.In Newsweek's Poll, 69 percent of Americans said they thought MuslimAmerican students should be allowed to wear headscarves in class. "When Isay to an evangelical Christian, 'It's prayer time,' they might questionthe way I pray, but they understand viscerally the importance of prayer,"says Eboo Patel, founder of the Interfaith Youth Core in Chicago. "When Ilived in England" -- which Patel did from 1998 to 2001 -- "and I said,'It's prayer time,' people looked at me as if I was an alien." It wouldn't be too much of an exaggeration to say that on September 10,2001, the Muslim American universe was largely invisible. If their doctoror accountant was Muslim, the average American probably didn't give it muchthought. The Muslim community itself was partially responsible for thisisolation-like the Italian, Irish, and Jewish immigrants before them, manyhunkered down in ethnic enclaves. They strove to fit in, but quietly. Therelative peace that came with invisibility disappeared after 9/11. WhenMuslims became objects of fear, "people who had never recognized and seenthemselves as Muslims had no choice but to see themselves as Muslim," saysMuzaffar Chisti, director of the Migration Policy Institute at the New YorkUniversity School of Law. For younger Muslims the attention of the world means they have tograpple in a very conscious way with what they call their hyphenatedidentity. The result has been an open embrace of their religion, but in amanner suited to the community's diversity.

Friday, July 20, 2007

I am not Arabic; I am an Egyptian!

One of my co-workers asked me about my name. And when i told him my name, he asked me if i was Arabic? I told him, an Egyptian; I did not say I was not Arabic, but I said I was an Egyptian. I did not know why I said so. May be I am more prouder of being Egyptian than being Arabic. I did not know, but that was I felt.
so, even if i have the American Passport and nothing else, I am still an Egyptian

بيّاع الأغانى

يابيّاع الاغانى
اكتب لى أغنيه
يكون اولها ثوره
وآخرها حريه
==
العدل فى حروفها
والخوف ما يعرفها
اشعارها لحن جميل
يتغنى أغنيـــــــــــه
==
مطلعها كلمه حق
ولُقمه تملى الحلق
وأمان وراحه بال
لولادى بعديّـــــه
==
والخاتمه غُصن زيتون
وسلام وقلب حنـــــون
ونفوس تصون ما تخون
وإيديــــن مداويـــــــــه
==
يابيّاع الأغانى
اكتب لى اغنيه

الوالى والوزير

مره الوالى قال لوزيره ... اخبار شعبى وبلدى ايه
رد وزيره وقاله ياوالى ... نام وارتاح قلقان من ايه
---
شعبك داير ويّا الساقيه ... وانا بإيديا مغمى عنيه
قال له انا خايف شعبى يفكر ... ياخد الكرسى اللى بيحمينا
وإبنى حبيبى خليفتى فى ملكى ... هيتوه وسط الناس بعدينا
---
قصدك يعنى مملوك عادى ... يجى القصر ويحكم فينا
مملوك ايه اللى هيوصلك ... وانت عساكرك تحت عنينا
---
كلمه حر وكلمه حره مليا الشارع ... وزمانى شكله خلاص مش راجع
عسكر جيشى مش هتأثر ... وشعبى هيرفض تانى يبايع
---
إحنا الشعب بإيدنا نكّسر ... ترس الساقيه اللى مغمينا
إحنا شباب وبنات وشيوخ ... اللى حاربنا علشان سينا
الماضى عدى بحلوه ومُره ... وبُكره بتاعنا وملك ايدينا
---
يلا تعالو نشيلوا الوالى ... ويا وزيره
يلا تعالو وبصوت عالى ... نختار غيره

مش واخد ع الحريه

انا مش واخد ع الحريه ... وللزنزانه بأحن
جوه السجن قلوب وطنيه ... وبره دى حاجه تجن
---
تطلع من عركه تخش مظاهره وميت تليفون بيرن
فيه ناس بتكافح وناس متظاهره وعسكر قلبه ما حن
---
إزاى تجرؤ ترفع صوتك ... ده اخلال بالأمن
بكره العسكر يخربوا بيتك ... قصْرّ كده احسن
---
روّح بيبتك وإوعى تفكر ... تُخرج من غير إذن
مش قلت لكم السجن احسن ... يلا نروح السجن

معنى السلام؟

هو البكى ولاّ الكلام ... ممكن يرّجع ارضنا
هو السلام إيه غير غفير ... ساهر بيحرس حقنا
ها نعيش هنا ونموت هنا ... الارض ديّه ارضنا وحقنا
---
يا كل نسمه مروّحه تحضن ... تراب الاقصى وكنيسه القيامه
يا كل حَجَره فى يد ابنى ... روحى لعدوى بالســـــــــــــلامــــه
---
من إمتى دمع العين ... يرجع حق ضايع
ولاّ السلام بالإيدين ... خفف مراره المواجع
لو أبنى مات مليون شهيد ... هيحاربو ولبيتى راجع
لبيتى راجــــــــــــــــــــــــــــــــــــــــــــــــــــــع

كـــلمه وطن

أصل السؤال إتسأل ... ميت مره من تانى
ماحد عارف يجيب ... أسمى وعنوانى
إنسان غريب جوه وطنه ... بأحلم أعيش تانى
---
قالوا زمان الوطن ... إنك تعيش فى أمان
وناس تقول الوطن ... أرض وفلوس وغيطان
وناس تقول الصحاب ... والأهل والخلان
---
نفس الإجابه القديمه ... بكل ما فيـهـــــــــا
اوهام , رسوم , أو رتوش ... بتخفى معانيها
---
أكيــــــد فى يوم راح ... نجاوب ع السؤال المر
كلمـــــــــه وطن يعنى ايه ... مهمـــا السنين هتمر

عايز حقى

لا طعم عيش ولا ملح ... هينزلو فى حلقى
كل اللى عايزه يا ناس ... إنى آخد حقى
---
مسجــون غريب جوه بيتى ... ودمعى علـى خدى
أهرب من السجان آلاقى ... الف غيره بيطلبو ودى
---
آتارى سجنه أمْر من سجنى ... وهــــــو ما بيدرى
أنا قلت أهرْب بعيد ... يمكن فى يوم أنسى
---
جوايا قلب عنيد ... ما قدر فى يوم ينسى
عايش معاكم وليكم ... كل يوم يدعى
ترجع حقوقنا اللى ضايعه ... ومن ضمنها حقى

بلاد الرافدين

سلمتى يا بلاد الرافدين
يا قلعه المجد يا أخت حطين
خانوكى الخائنين
باعوكى البائعين
ورب العالمين
لن انساكى يا بغداد
---
يا عاصمه الخلافه يا قلعه الرشيد
اقسم لك لن اخاف الكى بالحديد
سأجهّز الجيوش لاطرد الوحوش
عن ارضك المجيد
---
يا بغداد حبى يا مولد الحسين
فلن يبال قلبى لوم اللائمين
شتشرف الشموس وتبرأ النفوس
من مستعمر لعيـــــــــــــــــــــــن

بلدى فى محنه

بلدى فى محنه
وشكلها ... زى زهره فى الجنينه
ضـــــــاع عبيرها ... وزهوهـــــا
الظلم واضح ليل نهار
والعدل ما بيسكنش دار
عصابه واحده
سارقه خيرها وارضها

الطــريق الصعب

فضّلت الطريق الصعب ... واختارت ان عنى ها تبعد
مين فينا اللى خان الوعد ... مش فارقه معايا ما تبعد
---
كُنت زمان تؤمر وتأشر ... ولا يوم مره غرامنا إتأثر
جاى دلوقت تقولى هأفكر ... لا من فضلك أحسن إبعد
---
ياللى غرامك كله كلام ... خليك تايه فى الأوهام
عشت زمانك كده فى مكانك ... ولا خطوه لواحده لقدام

مصرى

على كتفى شايل حمل عيله وعيله
شغّال واشقى كل ليله وليله
عشمان اقابل بنت حلوه جميله
وأعيش معاها ألف ليله وليله

الشعب نايم

فينك يا بيرم ... فينك يا سّد
الشعب نايم ... والظلم بيّن
---
عايزين نغنى ... عايزين نثور
من المدن ... ومن الكفور
---
عايزين بلادنا ... وحقوق ولادنا
عايزين نردد ...ما تقوم يا مصرى
عايزين نقول ... وخد بنصرى
---
عايزين مبانى ... عايزين نشيّد
فينك يابيرم ... ايووووه يا سّيد

بحبك يا بلدى

بحبك يا بلدى ... قد بنتى وولدى
حتى أكــثر شويه ... م الدم اللى فى نبضى
---
مهما الغربه خدتنا ... وظروفنا توهتنا
راجعين لك بالسلامه ... نسكن تانى بيتنا
---
لا كنوز الكـون بحال ... هتعوضنا اللى فاتنا
ضيّعنا العُمر كله ... عايشين على ذكرياتنا

كلمــتين

كتبت كلمه وكلمتين لأ خمسه وحداشــر
رسمت رسمه ورسمتين لأ سته وحداشر
فى عيون حبيبى دمعتين لأ سبعه وحداشر
نسونى ناسى مرتين لأ ألف وحداشر

الجحــيم

يكتب بحروفٍ من نارِ
أشعارا تُطفئ مطر الظلم
---
يبنى بكلماته اسورا
كى تحمى شجر الحُلم
--
تفتح افكاره ابواباً
ومناجم علـِـــــــــــم
--
يُسجن أو يُقتْل لا يأْبى
ولا شئ يــــــــــــــــــهَم

أرض الوطن

أرض الوطن واسعه
وبراحها مش لىّ
---
شمس الوطن طالعه
ودفاها مش لىّ
---
فى عيونى 100 دمعه
وفى قلبى أغنيه
---
يا دنيا يا واسعه
خليتى إيه لىّ

اجمل 6 ايام

حتى البحر وموجه العالى
بيســـــــــــــــلم لى عليكى
**
حتى القمره ورمل الشط
نفسه يبوس رجليكى
**
نفسه يجرب لمسه ايديك
ويدوق سحــــــر عنيـــــكى
**
يعنى الدنيا بكل ما فيها
بتوصينى عليــكى
**
شفت النجمه العاليه بعيد
بتوشوش لى كلام
**
عاوزه تقولى حبيبتك عاشت
اجمـــل ست ايام
وم اللحظه دى انا وانت ياقلبى
عايشين احلى غـــــرام
**
برده انا فاكر لمسه ايديك
اول مره قابلتك
وازاى انسى الفرحه فى عينك
دا روحى فاتتنى وجات لك
وأهو من يومها العين والروح
عايشين كده على سيرتك

مره..من زمان

ياللى خونتوا قلبى مره من زمان
ياللى بِعتوا ونستوه طعم الامان

مش هاسيـــبكم مره تانيه تجــــــرحــــــــونى
مش هاسيبكم تفرحوا والدمع نازل من عيونى

هــى مـــره خســـرت فيــــها كــــل حـــــاجـــــه
م النـــــهارده مش راح انسى اى حــــــــاجــــــــــه

مش هـتفرق مين شارينى
ومش هافكر فى اللى خان

زى قلبى م عـــاش معــــاكــــم قصـــه مُــــره
بُكـــــــــره تبكى وتندموا يـــــجى الــــــف مره

بكره تترجونى ارجع
بعد الم الشوق ما يوجع

يومهــــــــا هاضحك ع اللى بيكم
ياللى حبى خساره فيكم
مانتوا خنتوا قلبى مره ... من زمـــان

أول مره

أول مــره قابلتك فيها ... كانت الفرحه ماهيش سيعانى

سيبت الدنيا بكل مافيها ... ولقيت نفسى فى عالم تانى

عمرى ما هانسى الضحكه الحوه ... عمرى ما هانسى كلامك لىّ

همس شفايفك ولا ميت غنوه ... عشت فى حاله جديده علىّ

حد يصدق ان الصدفه ... تجمّع قلبى بقلبك انتً

لسه انا فاكر قُلتى انا خايفه ... وهو من يومها ولا يوم حُفتى

وبعدين ياقلبى

وبعدين ياقلبى
هتفضل لإمتى تدارى ... هتفضل لإمتى تخبى
---
وبعدين يا قلبى
مافكرتش فى مره تحب ... مافكرتش فى مره تخون
وتجــــــــرب كــــــــــلام النـــاس وهمــس العـــيــون
--
لو خايف تحب بجد
هندور على اللى يصونك ... ويشيلك فى نن العين
لا هيقدر فى مره يخونك ... ولزعلك هيبقى حزين
---
وبعدين ياقلبى
مش هاقدر اسيبك تبكى ... واتفرج واقعد ساكت
ما تحبش وبعدين تشكى ... ندمان على الل فاتك

مش معقول

مش معقول تبعد عن قلبى
بعد الحب ده كله يا قلبى
---
تزعل ماشى تعاتب ماشى
انما تقسى كمان وتخبى
---
معنى الحب ان احنا نصالح بعض وننسى
دا اللى يحب بطبعه مسامح ولا يوم يقسى
---
آه يامراره
اللى م جرب زعل الحب وحس بناره
آه يامراره
اللى ما عمروش رق وحب ومشى مشواره

إتغيرت كثير

إتغيرت كثير يا حبيى إتغيرت كثير
إتعلمت تخاف وتخبى وإتعلمت تغير
---
مش ده حبيبى اللى انا حبيته وجوه العين سكنته
مش ده نصيبى اللى إتمنيته وعلى أشوافى آمنته
---
هتقول إيه بعد اللى عملته وهتجيب عٌذر إزاى
مليون عٌذر زمان صدقته دا قلبى ما هوش نساى
---
آسفه خلاص مش هأقدر أكمل روح وابعد لبعيد
كده لا هنجرح ولا نتـألم نعيش عٌمر جديد
---
متلومنيش قبله اسأل نفسك مين إتغير فينا
خليك صادق يوم مع نفسك وما تجرّحش ماضينا

صحبه حبايب

أنا وسط صُحبه من الحبايب
من كل شكل وصنف
---
فيهم اللى حاضر واللى غايب
يتعدوا ميه وألف
---
منهم حبيبى وكمان قريبى
من غير ما أقول وأحلف
---
دورت بين الوشوش
على وش شبه الوصف

كــــــــل مره

كل مره تطلع بحجه بس
النوبه دى فين حجتك
--
إن كنت صادق قرّب تعالى
من غيرى داب فى محبتك
وإن كنت كدّاب لأ
إبعد بعيد..خدعتنى والله ضحكتك
--
هانت عليك دمعه عنيّه فى البعد عنك
خدك الفراق مسيره يوم راح يشكى منك
حيرتنى..لا راضى تواسينى
ولا راضى تجافينى
--
وهو كل مره..تطلع بحجه
بس النوبه دى..فين حجتك

يوم الخطوبه

قولت السلام عليكم ... قالوا عليكم السلام
إتفضل إشرب قهوه ... أصل إحنا بينا كــلام
---
أنا قولت خير يا جماعه ... وخوفت م الاوهام
قالو ما تقلق روحك ... إن شالله كله تمام
---
عاوزين زياره لبيتكم ... نقعد مع جماعتكم
ولدنا بِدُه نسبكم ...شوف الميعاد يوم كام
---
أنا قولت فرصه نفكّر ... وآخد مشوره البنت
يوم الخميس نتقابل ... أو حتى قول السبت
---
قالوا معادنا خميس ... ومعانا احلى عريس
بعد قرايه الفتحه ... تلبس عروسته الشبكه
ويكـــــــــــــــــــــــــــــــون ... له منها ونيس
---
الفرحه خطفت قلبى ... ما قدرت أدارى وأخبى
جريت أوام ع البيت ... وع العروسه نديت
---
قولت لها رأيك إيه ... فى اللى حكيت لك فيه
حطت عنيها فى الأرض ... وقالت لى راح اقول ايه
اللى تشوفه يا والدى ... أنا موافقه عليه

يالا ياقلبى

ياللا يا قلبى نعمل ... زى ما غيرنا بيعمل

أهجر مره وخون كام مره ... لحد ما يجى اليوم ونكمل

ما تقوليش انك مش قادر ... ما تقوليش ان ده مش طبعك

شوف كام خاين كان بيك قادر ... ولا نـبـنـاش غير لوعه سُهدك

ياللا ياقلبى مفيش قُدامنا ... إلا الحل دا هوه وبس

ياللا نقول مانعيش أيامنا ... ولانِفكر غير فينا و بس

مُش هأسمح لك تعشق تانى ... وبعدين تشكى

قولى أنا خايف قول ده انانى ... يا ما شوفتك مجروح وبتبكى

صــوتها العالى

صوتها العالى هيفضل عالى ... تخبى وتهمس ليه
---
مش بإيد يهـــا تدارى جمالها ... تحبسه وتخبيه
---
ما إرتكبتش جريمه تعيبها ... يبقى تخاف من ايه
---
صوتها العالى فى روحى ودمى ... هى حبيبتى وأختى وامى
---
يالا تعالى نسمع صوتها ... نحرسه ونقويه

لكل انسان بدلته

لكل انسان بدلته تخفى عيوبه وعورته
---
منهـــا القطيفه ام فتحه من ورا
وثلاث زراير وكسوه دافيه مشجره
---
وفى ناس هدومها م الحرير من أغلى صنف
ماشين عيوبهم جنب منهم صف صف
---
وناس عرايا عيوبهم مش محتاجه كسوه
القلب صافى وعمره ما بيعرفش قسوه

أنا لى صوت

أنا لى صوت وهيتسمع
مهما السكوت طوّل يا عم
---
أحسن لى أموت أو أتسجن
وتحيا بلدى وده الأهم
---
حطّو الغمامه ع الوجوه
علشان كلامنا يتكتم
---
الحق ما بيسكت له صوت
والظلم بيته هيتهدم

لبنان

ما تبكيش علىّ ... يا لبنان يا غاليه
مهما دمروكى ... الفرحه بكره جايه
---
إيه يعنى أموت فداكى ... ما انا ليكى وانت ليّ
مليون شهيد وراكى ... أرواحهم مش شويه
---
قصرّنا معاكى ياما ... والله ما هو بإيديه
لازم اكون معاكى ... فى المعركه اللى جايه
---
أرفع غصن الزيتون ... وعلمك بين إيديه
وسلاحى يكون حارسنا ... من كل إيد قويه
---
ما تبكيش وقومى ... ياعزيزه يا آبيّه

أجــــــرى

بأجـــرى وأرمح
بس جوه مكانى واقف
---
ومعايا صحبه
ولسه نبض القلب خايف
---
الشمس نورها فى السما
وبرضه مش حاسس وشايف
---
بأقرا وأكتب
لكنى مش فاهم وعارف

هـرب الكلام

هــرب الكــــلام م اللسان
والضحكه مالها مكان
--
إنسان هزيل كسلان
عايش بلا عنــــــــوان
--
وسط الهموم إتحدف
عشمان يلاقى الهدف
--
لكن الهدف يا ناس
عايـــز عزيمه وإيمان

حــــــــــــــــلم

كان كل حلمه ياخد القلب الصغير جو حضنه
---
كان كل امله يلمس الايد اللى طالها جوه حلمه
---
كــان نفسه يسمـــــــــــع كل كــلمه ما إتقالتش
---
كان نفسه يعـشق بس قلبــــه مـــا بيحـــاولش
---
ضاع منه حــــلمه لأن قــــلبه ما يســتــاهلـــش

بنت صغيره

كان مره بنت صغيّره ...ع الرمله سرحانه فى خيالها
المـوج يلاعب شعرها ... ولا هى دريانه بجمالها
---
تبنى فى قصــور ... والمـوجه تيجى تهـــــــــدها لهـــــــا
ولا مره قالت مش راح ابنى ... ولا مره غاب عنها دلا لهـا
---
تيجى الجميله كل يوم ... عشمانه تبنى قصرهـــــــــا
خـايفه من المــوج والغيـوم ... لا فى لحــظـه ياخدوا حلـمها
---
وهـو كل يوم ع الحاله دى ... إدين بتبنى وموج يهد
ومع الجمال موجود عزيمه ...تسد عين الشمس السد
---
وفى يوم جديد , الشم طالعه م السما ... والموجه نايمه فى بحرها
جت الجـــميله من بعيد ... شــــايله فى إيديها حلمـــها
والكــل واقف فى إنتظار ... الحلـــــوه تبنى قصـــــــرهــا
---
وبإيد ما تعرف يعنى ايه ... كلمه ما فيـــش
قالت الجميــله لنفسها ...قومى ما تخافيش
ابنى لأميرك احلى قصر ... فى كل عصر
---
بنت الأميره حلمهــا ...وقصـــرها على احلى شط

بيرم التونسى

شــاعر وبأكتب زجل ... طمعان فى لقمه عيش
ياخدوا القصــيده بجنى ... تتغنى كده بوليش
---
زعّل كــلامى الملك ... وحلف لأعيش فى باريس
وسط الموانى عتّال ... عايش على البقشيش
---
ما يهمنيش أتنفى ... أو فى الصحرا حتى أعيش
أنا كل همى كلامى ... بين القلوب هيعيش
---
قالوا علىّ دا تونسى ... وفى السياسه مليش
التونسى بيكون إسمى ... والإسم ما يعبنيــش
---
أنا مصرى م السياله... حتى إسألوا الكــورنيش

إسألينى

إسألينى .. حتى السؤال بين الحبايب مش حرام
إسألينى .. دمعه عنيه هتكفى عن كل الكـلام
---
كل اللى نفسك فيه قوليه إوعى تداريه
كل اللى عايزه تسأليه يلا إسأليه
---
مفيش حبيب بيخبى حاجه عن حبيبه
دا كل قلب من قلوبنا عرف نصيبه
---
إسالينى .. خايفه ليه
---
إسألينى عن غرامى وعن هيامى بأحلى حب
إسألينى عن آلامى لما قربك يبقى بُعد
---
لو كُنتى عاوزه تعرفى مقدار غلاوتك ما تقوللى
مش كفايه تكونى نورى وشمعتى فى وسط ليلى
---
لو مش كفايه يبقى لازم تعرفى انك حياتى
..ايو حياتى
---
حبيتك انتى يلى صوتك خلى كل الدنيا نور
حبيت عيونك ياللى صورتك احلى من بدر البدور

أيوه يا قلبى

أيوه ياقلبى ما حدش قدك
من زيك فى الدنيا دى مين
---
بعد م كان الحزن مواعدك
يصبح إسمى مع العاشقين
---
أيوه يا قلبى حبيبك باح لك
قالك كل كلام العين
---
بعد إمبـارح بقى مسموح لك
تقسى عليه وتغير وتلين
---
حب دا إيه اللى بيحكوه
فرح دا إيه اللى ما قبلوه
---
دول لو شافوا الحب بعينى
راح يحلفوا ولا يوم صادفوه

بخاف م الحب

بخـــــــاف م الحب مع إنـى بأحــب بجد
=
ومـش محتــــــــار ولا محتاج مساعده حد
=
لكنى بأخاف من النظره ومن كلمه لا تجرح حد
=
وأطيـر وأنكـر غـرامى اللى ملهــوش حـــــد
=
وكل ما أحاول أتكلم أو أسلم ألاقى فى وشى مليون حــــــد
=
وأعود وأرجع وحيد تانى مع نفسى ومن غير حد

فى القريب العاجل

كل ما اقولك طمنى
تقول لى ف القريب العاجل
---
عُمر جواب ليك ما وصلنى
ولا كيفك ولا ايه عامــــــــل
---
حبك علطول ناقص بوسطه
كلم مسؤل او شوف واسطه
---
يمكن يوصل يوم فى ميعاده
مش ف القريب العاجل
---
آخر مره وصلنى بريدك
من سنتين وانا لسه بأريدك
---
دا اللى تعبنى معاك مواعيدك
عندك حق انا اللى استاهل
---
كل ما اقولك حاجه تقولى
هما يومين وجواب يوصلنى
---
انا مش عارف ليه جوابات
من فضلك كلمنى وقولى

القدس

بحلم بيكى تكونى يا قدس
زى عروسه فى ليله العُرس
---
وولادك حواليكى كُتار
يبنوا ويشيّدوا فى عمار
---
بحلم بيكى وحلمى كبير
يالى فى حبك قلبى أسير
---
جامع الاقصى هيرجع تانى
مدنته بتعلى التكبير
---
بكره هيجى صلاح الدين
ويرجع امجاد حطين
---
ايوه إتأخر بس هيرجع
وقلوبنا وياه واقفيـن

دبله المحبوب

مْش هاخلعك من إيدى
يا دبله المحبوب
---
كان مَلبْسك يوم عيدى
صَبح النصيب مكتوب
---
جوم الشباب م البلد
وعلقوا الأنــــــــــوار
---
وهنّوا أمى وأبويا
والفرحه ملت الدار
---
ومن يوميها يا دبله
فى إيدى الشمال ملبوسه
---
ولا عمرى افكر تانى
أكون عريس لعروسه

Wednesday, July 18, 2007

إيـــرل ذو السبعون خريفا

يعمل معى فى احد الاقسام رجل اسمه إيرل يبلغ من العمر ما يقرب من السبعين سنه .. به حيوه ونشاط شاب فى العشرين .. إيرل يعمل فى
الفتره المسائيه وهى الاصعب .. وايرل من اقدم الموظفين فى الشركه ومن حقه ان يعمل الفتره الصباحيه اذا اراد لكنه رفض.. وقال لى ان
الفتره الصباحيه للناس الكسالا وهو ليس بكسول .. سألته متى ينوى ان يطلع على المعاش .. فقال لى لماذا؟ انا احب العمل وما زلت قادر على العطاء .. قانون البلد هنا يمنع التفرقه على اساس الدين , اللون , الجنس والسن . يعنى لا احد يستطيع ان يجبر إيرل على الطلوع على المعاش
ما شدنى هو نظره المجتمع الامريكى للسن.. لا احد يبالى اهتماما بعدد سنين عمرك طالما انت قادرا على العمل .. لا احد يهتم بعدد الشعرات البيضاء. ودائما اذكر نفسى بالفرق بين نظره مجتمعنا العربى والمجتمع الامريكى لكبار السن. فى مصر بعد الوصل لسن الاربعين يبدأ الناس فى نداءك باسم حاج حتى واذا لم تحج. وايضا قبل وصول سن الاربعين يقتنع الشباب فى مصر ان العظمه كبرت وخلاص يلا حسن الختام
اتذكر فى بدايه قدومى لنيويورك كنت اعمل فى محل ما.. وجاءت امرأه تبلغ من العمر الثمانين مثلا .. وسمعتها تقول لزميلى فى العمل ان يسرع فهى متأخره على ميعاد عملها!! ذهبت لزميلى فى العمل وتأكدت منه فعلا ان هذه السيده فى طريقها للعمل.. 80 سنه ولسه بتشتغل..وقال لى وجايز تلاقى عندها بوى فريند كمان.. رحم الله جدتى مات فى سن ال 53

Sunday, July 15, 2007

فادعو له بالشفاء

لم اشعر بالخوف او الوحده قط ... حتى سماع خبر مرض والدى ودخوله المستشفى لإجراء جراحه فى القلب. فبرغم الاستقلال الذى أعيشه منذ صغر عمرى حيث سافرت وانا صغير فى السن واعتمدت على نفسى ماديا وانا فى اوائل العشرينات وتعودت على العيش بمفردى فى بلاد بعيده. فبرغم كل هذا فكنت دائما اشعر بالامان واضع فى ذهنى ان هناك حائط للاستناد عليه وقت اللزوم وكنت دائما اقول لنفسى وايه يعنى لو تركت العمل وايه يعنى لو لم استطع سداد مصاريف الجامعه وغيره وغيره وغيره.. وكنت ابتسم واقول لنفسى فى اسوأ الظروف هاروح ارمى بلايا على الحاج وهو بيت العيله واسع
عند سماع خير مرضه ودخوله المفاجئ للمستشفى شعرت بخوف رهيب وفى لحظه شعرت انى كبرت فى السن الف عام ودار بذهنى الف سؤال وسؤال
لقد علمنى والدى كل شئ واى شئ.. واتذكر عند قدومى لنيويورك تحدث معى قائلا انه لمن السهل ان تضيع وتتوه فى نيويورك .. وانا بكل عبط ارد عليه قائلا.. اكيد فى خرائط للشوارع !!! لكنه لم يقصد هذا .. ولكنه قصد الضياع الاخلاقى وحتى هذه اللحظه كلما اقدمت على عمل اى شئ تذكرت كلماته لى
والآن بعد ان رفض ان يأت لنيويورك لاجراء الجراحه وحيث انى لا استطع ان اكون معه فى هذه اللحظات ..الأن لا املك اى شئ سوى الدعاء... فادعوا له معى بالشفاء

Saturday, July 14, 2007

تليفونى ضاع وضاع معاه ارقامى

تليفونى ضاع ... او بمعنى اصح انا نسيته فين مش فاكر ... المهم ان فيه كل ارقام وايميلات وعناوين اصحابى ... انا اتصلت بالشركه والمفروض استلم واحد تانى بنفس الرقم يوم الاثنين
الناس اللى انا كان معايا ارقامهم من فضلكم ابعتو لى الرقم بإيميل ... لان كل الارقام ضاعت مع التليفون وانا مش حافظ اصلا اى رقم
i have lost my phone some where. the phone had all the contact info of my freinds, so whoever I had his/ her number before, kindley, email me your number agian

Sunday, July 01, 2007

عندما تاهت فلسطين بين حماس وفتح

عندما كانت حماس حركه مقاومه تسعى لتحرير الارض المحتله كانت تحظى باحترام جميع الشعوب العربيه وليس طبعا جميع الحكومات
وعندما فازت حماس بتشكيل الحكومه الفلسطنيه.. تشتت افكارها من تحرير الارض والمقاومه الى الكراسى والمناصب
حماس فرّقت الشعوب العربيه بعدما وحدتهم.. فتجد الآن فريق مؤيد لحماس وآخر معارض. كان الجميع يحترم حماس او على الاقل يتعاطف مع غرضهم فى تحرير الارض.. اعضاء حماس حملوا البنادق والمدافع فى وجهه اعضاء حركه فتح المريضه التى لا رجاء منها.. ولا من رئيسها العبيط.. حتى فى مجتمع المدونين تجد من يمجد فى حماس ومن يلعن اجدادها.. فى الماضى .عندما كانت حماس حركه مقاومه من الصعب ان تجد مدونه تسب وتلعن حماس
على حماس واسماعيل هنيه الرجوع الى المقاومه وترك الكراسى والوزارات العبيطه التى لا أمل منها.. الكراسى لها اصحابها..أناث حبوا الدنيا واستقروا لها فحبب الله لهم الحياه. اما المقاومه فلها اناث حبوا لله واشتروا الاخره ورموا الدنيا وراء ظهوره

Thursday, June 28, 2007

دردشــــــــــــه مع جدوووو


سعدت كثيرا بسماع صوت جدووا العزيز
اتصل بى
جدوا الطيب ليطمئن على حالى ... تكلمنا فى اشياء عديده.. قال لى انه عاش فى نيويورك اكثر من 13 سنه قبل ما يروح تكساس.. قال لى ان الناس فى تكساس طيبين غير ما كنت انا متصور ... قولت له انى باكره القاهره بالنهار وباحبها بالليل فقط .. قال لى انه مره راح اسكندريه وازاى ان سحر البحر اخده وفاضل ماشى لحد ما لقى نفسه فى الميه بهدومه

جدووو زعلان وسألنى وقال عاجبك اللى بيحصل بين الاقباط والمسلمين فى مصر؟؟ قولت له لأ مش عاجبنى... وقولت له ان فى مجموعات جاهله من الجانبين تقوم باحياء الفتنه وتفجير النفوس.. قالى ان للاسف اللى بيقوم باحياء هذه الفتن هم اناس مثقفون وعلى وعى بما يفعلون
جدووو قالى انه وهو صغير عمره ما حس ان فى فرق بينه وبين اى شخص يدين بدين آخر..قالى ان الجيل بتاعه كله نشأ وتربى على السماحه والحوار واحترام الغير.., العيب فينا يا جدوو العبيب فى جيلنا
جدووو قالى ياريت كل واحد يبدأ بنفسه ... فترقبوا مدونه جدوووو لبدايه الحوار

Tuesday, June 26, 2007

مهدى عاكف..حوار مع مجله النيوزويك الامريكيه



فى آخر عدد الجديد المتوقع صدوره 9 يوليو القادم نشرت مجله النيوزويك الامريكيه حوار مع محمد مهدى عاكف مرشد جماعه الاخوان المسلمين تحت هعنوان هل هذا متسقبل الشرق الاوسط

هذه ترجمه حرفيه للحوار والمقدمه

-------------------------

هو يمكن ان يكون اقوى رمز سياسى لم يسمع عنه الامريكان فى الشرق الاوسط. محمد مهدى عاكف , 78 سنه ورئيس اكبر حركه معارضه مصريه . جماعه الاخوان المسلمين المحظوره - حيث يرشح اعضائها انفسهم للمجالس النيابيه كمستقلين- وبالرغم من الجماعه قد اعلنت نيذها للعنف سنه 1928 الا انها لازلت تتعاطف وتؤيد الحركات المعصبه كالقاعده وحماس. مهدى عاكف تحدث مع النيوزويك خلال التليفون وكان هذا نص الحوار
نيوزويك: هل سيصل الاخوان المسلمين للحكم؟
عاكف: هذا سيكون طريق اعظم طريق انسانى ديموقراطى وحضارى لمعامله بنى الانسان. لكن متى؟ هذا هو السؤال الصعب. تحت حكم هذا النظام المستبد المستقبل به قليل جدا من الامل. ولذلك نحن نأمل فى المزيد من حقوق الانسان والتطور الحضارى للمجتمع وانتشار
السلام الذى سيؤكد مستقبل الحركه الاسلاميه

نيوزويك: هل جماعه الاخوان المسلمين هى القياده التى ينظر اليها ويتبعها الشعب المصرى؟
عاكف: الاسلام هو المستقبل وليس جماعه الاخوان

نيوزويك: هل يعرف الامريكان من هو محمد مهدى عاكف وماذا يريد؟
عاكف: أسأل الامريكان. ولكن انا اعتقد انهم يفهمون حجم وقوه جماعه الاخوان. انا اقرأ العديد من التقارير والدراسات التى تؤكد صدق كلامى

Saturday, June 23, 2007

حفله سعاد ماسى ومقاطعه الهبل والمجانيين

فرحت كثيرا بنجاح حفلات سعاد ماسى فى مصر. وكنت واثق تماما ان مثقفى مصر لن يسمعوا لحملات المقاطعه التافهه. فقد قيل ان سعاد ماسى تنوى القيام بإحياء احدى حفلاتها فى تل ابيب ولذلك يجب مقاطعه حفلاتها فى مصر
اذا كانت سعاد ماسى ستحيى احدى حفلاتها فى تل ابيب فلمن ستغنى؟ كانت ستغنى لعرب 48 وهم مواطنون فلسطنيون تجنسوا بالجنسيه الاسرائليه وهذا ليس مجال المناقشه الآن
ما هى الفائده التى سوف تعود علينا كشعب وامه اذا قاطعنا حفلات سعاد ماسى؟ فهى مجرد فنانه ووجهتها السياسيه تعبر عن شخصها فقط
فما جدوى المقاطعه والجعجعه الفارغه؟
نحن تعودنا على المقاطعه بغض النظر عن نتائج هذه المقاطعه. قاطع وخلاص مش فارقه
هناك فروق كبيره بين المقاطعه العبيطه والمقاطعه المدروسه العواقب. فلقد سمعت نداءات بمقاطعه استفتاء تعديلات الدستور ونداءات بمقاطعه انتخابات مجلس الشعب والشورى. ورغم معرفه نتائج هذه الاستفتاءات مسبقا فمن الاجدى هو الذهاب لهذه الاستفتاءات وادلاء الرأى. اصبحنا نقاطع اكثر مما نتفاعل.. لدرجه اننا اصبحنا نعيش فى قوقعه محكومه بالمقاطعات الواهيه التى لا منفع منها سوى ابعادنا عن العالم
عند الاختلاف فى الراى مع جهه معينه.. اسهل شئ هو اطلاق حمله للمقاطعه بدلا من محاوله تفسير هذا الرأى واقناع الغير بوجهه نظرنا. وفى رأى هذا النوع من المقاطعه ما هو الا سلبيه وروح مهزومه
أى مقاطعه او نداء بالمقاطعه لابد ان يكون مدروس ومحدد. لابد معرفه والتأكد من نتائج المقاطعه. واننا سوف نستفيد من هذه المقاطعه وانها سوف تعود بخساره او على الاقل لفت نظر من سنقاطعه.. اى مقاطعه لا تتوافر فيها هذه الشروط فى مقاطعه عبيطه من نوعيه خدوهم بالصوت لا يغلبوكم
واتذكر ان صديق حنجورى لى قرر ان يقاطع ابيه فى سنوات الدراسه الاعداديه لان والده لم يخبره بتغير الساعه للتوقيت الصيفى وان هذا الصديق راح اطلطع امام المدرسه ساعه بحالها قبل الميعاد
ابو صديقى فرح جدا وقال بركه يا جامع لان هذه المقاطعه سوف توفر له المصروف اليومى الذى كان يعطيه لصديقى
هذا هو النوع العبيط من المقاطعات..بالضبط كمقاطعه حفلات سعاد ماسى
جعجعه على الفاضى

Friday, June 15, 2007

يــــــــــوم الأحــد

طول عمرى بأكره يوم الاحد مثل كرهى لكاظم الساهر. ولا ادرى ما العلاقه بين الاثنين. يوم الاحد طول عمره يوم رخم. ايام ابتدائى كان اطول ايام اليوم الدراسى. وكنت دايما اقول لنفسى أيوووه لسه النهارده الاحد. ده فاضل يجى سنه على يوم الجمعه. وفى ايام اعدادى وثانوى كان برده يوم الاحد يعتبر ارخم ايام اليوم الدراسى. كان دايما فى يوم الاحد سبعه حصص. والحصه السادسه والسابعه بتكون مواد رخمه جدا كرخامه يوم الاحد نفسه.. فتجد التاريخ والجغرافيا والتربيه الوطنيه والقوميه وكل التربيات التى لا علاقه لها بالعالم الخارجى. فى الاسكندريه كل المحلات او معظمها بيكون مغلق فى يوم الاحد ولا ادرى ما الحكمه فى ذلك..ناس بتقول انها عاده ورثناها عن اليونانينن والخواجات اللى كانوا عايشين فى اسكندريه. وبعد التخرج والهجره. لازلت اكره يوم الاحد. فهنا فى نيويورك الطرق معظمها بيكون فاضى. والمواصلات العامه مثل المترو بتكون خاليه تماما.. والشوارع فى منتهى الهدوء كأنك ماشى فى بلد بعد حدوث عاصفه او زلزال. وكم اكره هذا الهدوء. ومما زاد من كرهى ليوم الاحد انه بيكون اخر يوم فى الويكيند يعنى اليوم اللى بعده اللى هو يوم الاثنين بيكون صابح اول يوم شغل فى الاسبوع الجديد

Saturday, April 07, 2007

عـلى والكـــلب

الكلاب والحيوانات الاليفه عموما تحظى بمعامله خاصه هنا فى نيويورك وفى جميع الدول الغربيه كافه.. فتجد المستشفيات والفنادق الخاصه بالكلاب والقطط وتجد خدمات عديده للكلاب والقطط واتذكر صديقى اخذته عند وصوله من مصر لسوبر ماركت كبير جدا ووجدته واقف متنح امام قسم اكل القطط والكلاب والدمعه هتفر من عينه .. وكان يتذكر ايام ما كانت بيحدف الكلاب بالطوب والحجاره
المهم ان لى صديق اسمه على يكره الكلاب كرها شديدا .. وفى يوم م الايام وجدت على داخل علىّ وفى يديه كلبين لولو حكايه واحد ابيض والثانى اسود.. وشعر الكلاب مقصوص بعنايه فائقه.. فزعت من مكانى وسألت على عن الكلاب .. فجاوبنى على انه هيشرح لى فيما بعد وفى مره اخرى وجدت على داخل علىّ ومعه الكلبين وحوالى 4 بنات مزز جدا.. فسالت على عن الكلاب وعن البنات فشرح لى على انه اشترى الكلبين علشان يعلق بيهم بنات
فعلى كان بياخد الكلاب للشارع للتمشيه وفى كل خطوه توقفه بنت اموره وتلعب مع الكلب وتقوله الله جميل اوى وتسأل على عن اسم الكلب وسنه واسرته ..الخ الخ
وعلى المعلون كان يحكى لهن ان الكلب يتيم او ان سياره متهوره قضت على ام الكلب الاسبوع اللى فات او ان ابو الكلب مات والعياز بالله بسرطان بعد صراع طويل مع المرض.. وكانت عيون على تزرف الدموع من التأثر عندما كان يحكى هذه الحكايه وتدمع عيون البنات وترق قلوبهن ويروحوا مع على علشان يمشوا الكلاب وينسوا على الهم والعذاب اللى هو عايشه
والحق اقول ان على عمره ما كان بخيل لما الاقيه داخل كده ومعاه خمس ست بنات ويقولهم ان المهاجر بيحب القطط وكل القطط بتوعى ماتوا للشعور بالوحده

Thursday, March 29, 2007

الاكـــل الهندى والانتحار




اصبح الدستور والقوانين والحياه المصريه اشبه باكله هنديه شهيه.. والاكلات الهنديه ما هى الا بهرات كثيره جدا مٌضافه الى العنصر الاساسى فى الطبخه سواء كانت لحوم او اسماك او خضروات
فنادرا ما استطعمت طعم اللحوم ... كل الذى تسطعمه هو طعم البهرات والفلفل الحار.. هذا ما يحدث لنا كشعب
ضعنا فى البهرات الدستوريه والقوانين المفصله وتسلخت جلودنا من شده حراره الظلم واللا مبالاه الحكوميه

والحق اقول ان اعظم سياسى فى التاريخ لا يستطع التكهن بما هو آت لهذه البقعه من الارض التى طالما حبها قلبى

عٌصبه مٌختاره من أٌولى الامر يعرفون ما سوف يحدث لهذا البلد الطيب لانهم يقومون بتخطيط ما هو فى مصلحتهم وليس فى مصلحه الشعب

واى شخص متفائل او حسن الظن بالمستقبل يعلم جيدا ان المستقبل مرير وان هذه الفتره من تاريخ المحروسه تعتبر اسوأ الفترات بلا منازع

المواطن البسيط ليس بيده شئ سوى الدعاء والحسبنه
المثقفون يكتبون والحكومه تسمح لهم بذلك على سبيل اثبات حسن النيه.. مظاهرات واعتصامات واضرابات لن تؤثر.. فالسجون والمعتقلات جاهزه اذا تخطت المظاهره الحد المسموح به.. حقوق الانسان والحريات ما هى الا كلمات رقيقه تضيف للحكومه رونق وبرستيج

الشرطه محكومه بيد من حديد.. عساكر الامن المركزى يؤمنون بان هؤلاء المشاغبون ما هم الا اعداء للوطن ( الله يرحم احمد زكى)...ما حدش يقولى ان هؤلاء الجنود اظهروا تعاطف فى كثير من المظاهرات .. لان التعاطف وحده لايكفى.. يا فرحتى بالتعاطف.. يا فرحتى على قلبى معاكم يا شباب.. شدوا حيلكم

الجيش المصرى مات... بعد ان كان الجيش المصرى مليئ بالمفكرين والكتّاب والشعراء ..اصبح الجيش مليئ بالجهله الذين دخلوا هذا الجيش بواسطه وليس بالكفاءه.. فجميع الضباط فى الجيش تم اختيارهم حسب عيارات محدده ولذلك لا امل منهم فى ان يثوروا او يغضبوا

فى تقرير للكونجرس الامريكى عن المعونه الامريكيه لمصر وفى تقرير فى جريده النيويورك تايمز.. اتضح ان اعلى مرتبات واعلى مستوى معيشه فى مصر المحروسه من نصيب ضباط ولواءات الجيش

واللى ما عرفش طعم الجوع ... عٌمره ما هيفكر انه يدور على طعام واللى طول عٌمره مأنتخ ويملك معلقه ذهب عٌمره ما هيفكر فى اى شخص آخر.. فهؤلاء اللواءات نسوا معنى الغضب وتناسوا معنى العدل

والحل ... حيث انى اسود القلب وغير متفائل.. اعتقد ان الحل هو يا اما التعود على الاكـــل الهندى يا اما الانتحار وفى كلا الحالتين انت الخســـــــــــــران

Tuesday, March 27, 2007

شكرا لمن قال نعم

اعلان هام
====
يعلن الحزب الوطنى عن شكره الجزيل لكل من قال نعم
ويشكر ايضا كل ما قال لا
ويخص بالشكر امه نعيمه لانها قالت نعمين
احا يا بلد
====
فى امريكا بيقولوا ان نسبه الاقبال ع الاستفتاء اقل من 26 فى المائه
فى مصر المحروسه بيقول اقبال منقطع النظير
فى بعض البقاع من دول العالم الاخر
بيقولو ان الاستفتاء لسه الاسبوع اللى جاى

Wednesday, March 21, 2007

إستكهــــــــولم

استكهولم محكوم عليه بالاعدام فى احدى سجون ولايه مسيسبى فى الجنوب الامريكى. استكهولم غّير اسمه بعد حركات التحرير للافارقه السود فى اواخر الستينات. و صمم على ان يسمى نفسه على اسم ابيض شعب فى العالم..واخو استكهولم سمى نفسه المانيا ولهم اخ آخر يدعى كوبنهاجن

المهم ان المحكوم عليهم بالاعدام هنا بيحظوا بمعامله خاصه فى اواخر ايامهم. من المفارقات العجيبه..ان دكتور السجن لازم يكفشف على المحكوم عليه بالاعدام بصفه دوريه..علشان يتاكد انه معندوش امراض او موانع من تنفيذ حكم الاعدام

ومن ضمن المميزات الاخرى لهؤلاء المساجين هى السماح لهم بالجماع مع نسائهم قبل تنفيذ حكم الاعدام.. يعنى الواحد من دول يروح غرفه الاعدام هو مش نقصه شئ

المهم عم استكهوعندما قدم طلبه انه عاوز ينام مع زوجته كما نص القانون الغير مكتوب.رئيس السجن لم يعترض على اخلاء استكهولم بزوجته. استكهولم وضّح لرئيس السجن انه يملك زوجه وجيرل فريند فى نفس الوقت.. رئيس السجن لم يعترض على زيارتين بدل زياره واحده.. زياره للزوجه وزياره للجيرل فيريند

استكهولم وضّح لرئيس السجن انه فهم زوجته انه عند جير فريند وان زوجته لا تمانع من وجود هذه الجيرفريند معهم فى نفس الغرفه ونفس السريرفى نفس الوقت حتى يتمتع الثلاثه بيوم اخير
رئيس السجن بدأ يشد فى شعره.. وقال لاستكهولم هل انت متأكد ان زوجتك لن تمانع هذا الوضع الغريب؟فآخر شئ ارغب فيه هو فض شباك امرأتين داخل السجن!!!! استكهولم اكد لرئيس السجن ان نسائه لن ولم يعترضن على هذا الوضع من قبل

وفى اليوم الموعود حضرت الزوجه والجيرل فريند فى نفس السياره الى السجن.. حارس السجن اخذهن الى الغرفه المحدده لهذه اللقاءات.. ودقائق قليله وحضر استكهولم الى الغرقه الموعوده

دخل استكهولم الى نسائه واغلق الباب من الداخل.. وحارس الغرفه لم يسمع سوى الآهات والصراخ والعويل.. وبين دقيقه والاخرى يضحك حارس الغرفه.. ويقول ملعون استكهولم له من النساء اثنتان

مدير السجن فى غرفته يدخن السيجاره بشراهه و يلعن الايام والقوانين التى منحت استكهولم حق الجماع بنساءه فى مكان حكومى كسجنه هذا
وفى اثناء لعنته للايام والقوانين رن جرس التليفون.. واذا بمحامى استكهولم يخبر مدير السجن ان الطعن الاخير قد رفض من المحكمه الفدراليه العليا.. وعلى استكهولم ان يبلغ احد اخوته بيميعاد الاعدام للتصرف فى الجثه.. مدير السجن بلّغ المحامى ان زوجه استكهولم تزوره الان وانه سوف يبلغها بنفسه بعد انتهاء الزياره
المحامى فوجئ بما قال مدير السجن وبلغه واكد له ان استكهولم لم يتزوج ولا يملك جيرفيرند منذ دخوله السجن من عشر سنوات

هاج مدير السجن وطار اللى الغرفه الموعوده وطلب من استكهولم ان يخرج من الغرفه ..استكهولم من خلف الباب يطلب عشر دقائق اخرى.. مدير السجن هدده انه سوف يكسر باب الغرفه اذا لم يفتح الباب
فتح استكهولم الباب ورسم على وجهه ابتسامه لم تعرفها شفتيه منذ سنين عجاف

اتضح ان نساء استكهولم ما هن الا موميسات دفع ثمنهن اخو استكهولم المدعو المانيا كهديه منه لاخوه قبل اعدامه

--------------------------------------------------------------
شفت الزمن اتغير ازايا.. دلوقت الاخوات بيقطع بعض علشان قرش حشيش او رنه تليفون
John Grisham thoughts

Tuesday, March 20, 2007

يا دَاستــــــتور الهنـــا...يا رتنى كنت أنا

فى اى بلد محترمه.. بيطلع دين ام رئيسها علشان يعدل فقره او بند او سطر من الدستور ... فى بلاد بتاخد سنين وسنين علشان يشيلوا نقطه او يحطوا فصله فى احدى فقرات دستورها ... اتذكر ان الموكوس بتاعنا هنا بوش افندى علم الغزل.. بقاله اكثر من 6 سنين عاوز يحط تعديل على قانون المعاشات ...لكن الكونجرس مطلع دين ابوه .. كل ما يحاول يفبرك القانون .. يطلع له ميت عفريت.. لكن فى مصر التى فى خاطرى ... عصابه احمد فتحى سرور ...وافقوا وبالاجماع باكثر من 315 صوت انهم يغيروا نصف الدستور علشان الوريث ... والحق اقول انى اشعر بالخزى والعار لانى لا اعرف دستور بلدى الام ...واحفظ عن ظهر قلب دستور بلد المهجــر ... والعيب مش فى انا لانى حاولت ادور على دستور مصر التى فى خاطرى ..بس لقيت التعديلات اكثر من الدستور نفسه
فتجد مثلا تعديل بتاع
دستـــورنا ستايره حرير
من نسمه شوق بيطير
وفى تعديل آخـــر كان حصل عليه مظاهرات .. آلا وهو
يا طالعه من باب الدستــور .. .وكل خد عليه خوخه
ونجد التعديل اللى جنن الشعب بكل فصائله ... وهذا هو تعديل
دستور وحياتك دستور ...ولاخر الاسبوع دستور
وكانت خاتمه الكلام وعبير التغيرات والتعديلات
إش إش إش ... عُمر ك شوفتش دستور باربع عجلات كوتش
مبروك عيك يا زين يا عم السواقين
عقبال لما تسدد ... القسط والتأمين

Sunday, March 11, 2007

عـلمنى الخيــابــه يا أحمـــد


تقرير وزاره الخارجيه الامريكيه بخصوص الديمقراطيه والحريات فى مصر مليئ بما يجعل الولدان شيبا
قمع حريات..محسوبيه..وساطه
رشوه..ظلم.. فساد فى معظم الوزارات
بلطجه رجال الشرطه ..تعذيـــب
فبركه تحقيقات..قمع المعارضــه..الرقابه على المواقع الالكترونيه
تقييد حريه التعبيــر والانتخابات
وغيرها من البلاوى اللى موجوده من ايام الزينى بركات

ومن ضمن هذه البلاوى..ان السجون المصريه غيـر جيده التهويه والحاله الصحيه لدورات الميـاه غير صالحه للاستخدام الآدمى

أحمد بيه ابو الغيط وزير الخارجيه الهمام..ساب كل البلاوى اللى فوق دى ومسك بإيده وسنانه فى نقطه تهويه السجون

وعلى رأى المثل: فى واحد عبيط راح لابوه وقاله ..علمنى الخيابه يا آبا..ابوه قاله روح فى الهايفه واتصدر

اهو هوده اللى عمله احمد بيه.. راح فى الهايفه واتصدر
احمد بيه اتصل بالسفير الامريكى فى قاهره المعز يؤكد له ان حالات السجون بخير وعلى ما يرام..وان التهويه جيده جداَ فشر مدينه الشيخ زايد

احمد بيه كان عاوز يحلف بالطلاق ان كل دى اشاعات وان السجون بحرى وترد الروح..لكن احمد بيه راجل دبلوماسى صايع وعارف ان الحلفان بالطلاق و الكلام ده مش هيجيب نتيجه..احمد بيه عارف ان مصداقيه الصوره..اقوى من مصداقيه السمع او الكلام..فراح عامل ايه..؟؟ بعت سى دى بتاع انتهاك عرض عماد الكبير للسفير علشان يوضح له ان مساحه غرفه التحقيق كبيره اوى..فما بالك بالسجن وان كل سجين له عصى مقشه كبيره للاستخدام عند اللزوم

احمد بيه يا اما بيستهبل يا اما واكل ام الهبل..
اعضاء مجلس الشعب طالع دينهم استجوابات بخصوص الفيلم الاسرائيلى بتاع قتل الاسرى المصريين وده مطنش وقاعد يشرح ان السجون بحرى وهواه مفيش زى كده

احا جدا يا احمد بيه

Sunday, March 04, 2007

عيد الحب...ورمانيسه العبط والدباديب


عمرى فى حياتى ما كرهت عيد بعد عيدى الشرطه وعيد القمح قدر كرهى لعيد الحب..او الفلانتين دى
وعيد الحب مهما اختلف اسمه او تاريخه هو نفس العيد الرخم الذى لا يحمل اى معنى وفى نظرى لا يدل على اى شئ سوى العبط
فى نيويورك تجد كل شحط واخوه يحمل من الورود والازهار ما لا يستطع حمله كتيبه امن مركزى
وبجانب الورود تجد شيكولاته وشمبانيا..وما حل وطاب من اللذات والمسكرات
فى قاهره المعز تجد كل فحل واخوه ..شنبه ممكن ينفع يتعمل منه مكنسه او حائط شائك ..شايل دبدوب ابيض وماشى بيه فى الشارع وفرحان اوى..كانه جاب الديب من ديله
وبقدره قادر يتحول ويتغير لون قاهره المعزمن اللون الترابى اللى اللون الاحمر..فشر يوم الاهلى ما اخد كاس افريقيا
وبرغم اختلاف السعر واللغه والمكان والزمان..الغرض من الدباديب والورود والازهار والشمبانيا والشيكولاته هو نفس الغرض
فى قاهره المعز..سى روميوا طمعان فى بوسه آخر الليله
فى ينويورك وغيرها من العواصم الغربيه..سى روميوا طمعان فى ما هو اكثر من البوسه
وعند سؤال اى شحط او حلوف من حمله الدباديب والازهار عن السببب فى شراء كل هذا ...يرد وعينها كلها احاسيس وعواطف كانه ضارب عشره كيلو حشيش..ويقول..عاوز ابين لها حبى
ونسى هذا الحلوف الدبدوبى.. ان الحب ليس بالدباديب والورود ..الحب هو فعلا ان تحب..لان اللى بيحب بجد..مش محتاج انه يبين حبه ويشترى دبدوب
جاتكم نيله ..رجاله تعر

Thursday, January 25, 2007

لظــــروف الســـــــــــــــــفر


مٌـــغلــــــــــــــــــــــــــــــــــــــق

لظـــــــــــــــــروف الســـــــــــــــــــفر وخلافــــــــــــــــــــــــــــــــــه
الناس اللى انا معايا تليفونتها وانا حاسس انهم عاوزين يشوفونى بجد هنتصل بيهم علشان نسلم على بعض ونحط الوشوش ع الاسماء

الناس بتوع سيدى ابراهيم.. هنخبط لكم زياره انا والسياح اللى معايا علشان نزور ابو طاحون.. والحدق يفهم

الناس بتوع اسكندريه.. هى عزومه عند محمد احمد.. وواحد قهوه فى البن البرازيلى..مش عاوز اسمع سيره ابو اشرف وقدوره

الناس بتوع القاهره..هى عزومه عند الجحش يا حجر معسل فى وسط البلد.. يا ساندوتش عند زيزو نتانه

الناس بتوع الاقاليم .. ربنا معاكم..اذا كانت الحكومه نسياكم يبقى انا اللى هافتكركم....ربنا كريم ادعوا انتوا بس




استودعتكم الله الذى لا تضيع ودائعه

Tuesday, January 16, 2007

فى بلاد العجائب

القوانيـــن الرأفتــــانيه

مصر التى فى خاطرى غيرها غير كل البلاد.. مصر التى فى خاطرى مليئه بالعجائب العجيبه.. ولو كانت المرحومه آليــس لسه عايشه كانت عملت فليمها الشهير فى مصر بدل آليـس فى بلاد العجائب

مصر التى فى خاطرى ملئيه بالقوانين التى تحمـى حق المواطن البســـيط وتعمل على ذياده الدخل ونماء الجسد
وحــلاوه الروح وانشراح السرائر وانفراج الخواطر وحمايه الحريه وتسليك المناخير وتعريض القفا وقطع اللسان
ففى مصر المحروسه تجد

قانـــون الطوارئ
الجميــل اللى عامل زى نسمه بحر اسكندريه فى ساعه عصارى
ولولا هذا القانون لوجدت كل الناس ماشيه ع الكورنيش فى سعاده وسرور ومش لاقيه اللى يلمها

قانـــون الاحــزاب
هذا القانون فتح طاقه النور لاحزاب عديده..زى وعلى حزب وداد قلبــى يا بوى وعلى حزب الريح ما يودى الريح مايودى وحزب النبى حارصه وصاينه

قانـــون اللى ملوش ظهر يطلع عين اللى خلفوه
والقانــون ده بالزات معمول علشان حمايه الناس الغلابه زى المناضل ابـراهيم نافع و الفدائى سمــير رجب لان من غير القانون ده, كانت الناس دى ماتت من الجوع

قانـــون النشــــــر
قانون حريه الرأى والحمايه الفكريه.. ولولا هذا القانون لانقرضت كل الصحف وخصوصا صحف المعارضه
زى الاهــرام والاخبــار والجمهــوريه.. وكنا اتحرمنا من كتّـــاب معارضين زى اسامه سرايا وكـرم جبــر
والتوتو بــكر والرائع الاستاذ الآنّــا ابو زيد وشيخ المعارضه العملاق كمال الشاذلى

قانـــون الموت علينا حق
وهذا القانون من اجمل القوانين على الاطلاق.. والمفروض كل مواطن يعلق فى بيته صوره من هذا القانون... وانت نازل من البيت الصبح تفتكر القانون ده.. مثلا لو رايح تركب القطار او اى وسيله مواصلات.. افتكر قانون الموت علينا حق لانك ممكن ما ترجعش.. ويا ريت كل واحد معاه تليفون محمول.. يخلى الرنه بتاعته.. قانون الموت علينا حق

قانــون انا وابن عمى ع الغريب
وهذا القانون معدل سنه 81 .. الاصل بتاع القانون ده بيقول انا واخويا وابويا وامى وعمــــــو حبيب على الشعب اللى عاوز يتربــى

قانــون اللى على راسه بطحه
وبرده القانون ده تم تعديله من الاصل بتاعه اللى هو اللى بيته من زجاج.. ما يحدفش الناس بالطوب
والقانون معمول علشان كسـر العين .. حتى اسألوا حســام ابو الفتوح.. صفاء ابو السعــود .. طلعت السادات


Thursday, January 11, 2007

انا وابن عمى



لى ابن عم فى سنى..وكان دايما معى فى نفس الفصل ونفس المدرسه لحد اول ثانوى عام كده لما انا سافرت
خالد ابن عمى كان مهمل شويه.. يعنى مفيش كتب مفيش كراسه مفيش قلم.. عادى يعنى.. كان بيجى الفصل اثبات حاله وكأنه بيعمل جميل فى وزاره التربيه والتعليم
وكان لنا مدرس رسم اسمه الاستاذ حافظ.. وكان الاستاذ حافظ مفكر نفسه بيكاسوا .. وكان بيصدعنا بالفن والفنانين ولوحات .. ومتاحف وغيرها من الحاجات اللى بتخنق.. وكان نص الفصل يا اما بيذاكر ماده تانيه مهمه.. يا اما بيشربوا سجاير ورا
المهم ان فى احدى الحصص.. الاستاذ حافظ زعل ان خالد ابن عمى ماجبش كراسه الرسم ولا الالوان بتاعته.. والاستاذ حافظ وقف خالد فى وسط الفصل وقاله

انت ليه مش زى ابن عمك الرأفتانى ملتزم وبتجيب اداوات الرسم معاك
وأنا قاعد جنب خالد والاستاذ حافظ قاعد يهزأه وخالد ابن عمى اتخنق منه ع الاخر

والاستاذ حافظ قالى يا رأفتانى.. انا احترت مع ابن عمك ومش عارف اعمل ايه معاه.. ياريت تخليه يلتزم زيك

انا كان لازم انقذ الموقف لان خالد كان على شفا انه يطلع المطواه ويخبط الاستاذ حافظ سن ويريح المدرسه والمنطقه التعليميه من قرفه

اقوم انا اعمل ايه؟
اقوم اقلع الجزمه وافقع خالد ابن عمى جزمتين على دماغه
واقوله : كده يا ابن الكلب... كده
جايب لنا الكلام من اللى يسوه واللى ما يسواش

خالد ابن عمى نام ع الارض من الضحك
وانا شغال ضرب بالاقلام والجزمه وهيصه ما تقولش عركه فى سوق زنانيرى

الاستاذ حافظ قعد يسلك فينا ويقولى خلاص ... الكلام ده فى البيت مش هنا... خلاص كده كفايه
وانا اقول .. لا يا استاذ حافظ .. لا انت مش عارف الولد ده بقله التزامه عامل ايه فى والده؟ دا عمى خلاص غلب معاه وقرب يموت

وصممت ان اخد خالد واروحه البيت علشان اكمل العلقه هناك ويكون ابوه حاضر المعركه

ووافق الاستاذ حافظ.. ما هو عاوز يخلص مننا... وطلعت انا وخالد طيران على قهوه عم حسنى نستنى مدرسه البنات لما تطلع

Friday, January 05, 2007

فى ذكــريات تحضير الشنط

الحاجه ام الرأفتانى.. اطيب من الطيبه.. وده يرجع لجذورها الريفيه الكريمه..فرغم زحمه المدن من اسكندريه والقاهره وحتى السفر لنيويورك..الا انها مازلت الست الطيبه اللى بتحب الناس كلها..والحاجه لما تفرح تعيط..ولما تزعل تعيط..لما اسافر واسيبها تعيط..لما ارجع م السفر تعيط...اخود البكالريوس تعيط..ماجستير تعيط..وده سبب خلانى افكر جادا انى اعمل الدكتوراه..يمكن تغلط وتزغرط
واتذكر مره واحنا فى نيويورك..كنا رايحين مطعم وكان فى ناس يهود..وقلت لها ان الراجل اللى قاعد ورانا ده..يهودى.. فالحاجه مصمصت على شفايفها... وقالت يا عينى..يا حول الله يا رب.. ما تقولش ان الراجل عنده جرب ولا حاجه
والحاجه طيبه اوى.. وفاتحه البيت بتاعنا وكاله..اللى الرايح واللى جاى يدخل ..ولازم تحلف ميت يمين انهم لازم يكلوا.. او يشربوا ..وفى اغلب الاحيان..لازم يكلوا ويشربوا.. ولو كان مسموح كانت تحميهم كمان.. وانا لما كنت بابعت حاجات من نيويورك هنا مع اصحاب لى نازلين مصر..كنت با حذرهم ..انهم مايكلوش يومين قبل مايروحوا للحاجه..علشان الحاجه لازم تطبخ لهم.. وبناء عليه كل اصحابى هرشوا الفيلم.. وبقوا يروحوا البيت عندنا واقعين من الجوع وبناء على طيبه قلب الحاجه.. كل اصحابى بنين وبنات حسوا بالاطمئنان لها وارتاحوا لها خالص ..فساعات اكون انا بره البيت ..وارجع متأخر..وادخل البيت الاقى واحد صاحبى حلوف نازل اكل ماتقولش انه فى موائد الرحمن..واسأله انت هنا من امتى.. يقول لى من فتره..عادى يعنى..قيمه طبقين رز وطبق بطاطس واحيانا اخرى ادخل البيت الاقى واحده صديقه قاعده مع الحاجه والاثنين نازلين سح سح سح.. خير يا جماعه.. كانت صديقتى دى بتشكيلها من خطيبها او جوزها او انها تعبانه فى شغلها
والحق اقول..انا لما انزل مصر اجازه..بأنزل فى فنادق..وباحجز للحاجه معايا علشان نتفادى اصدقائى من الحلاليف الجياع لمده معينه..بس بعد يومين بالكتير الحاجه بتحن للبيت لان الناس وحشوها والجيران.. وبناءا عليه نسيب الفندق وارجع البيت اتفرج على اصحابى وهما بيكلوا اويجوا يعيطوا من هجر الحبيب خلاص هانت..ان شاء الله.. هاشوف الحاجه..واللى مزنوق يبقى يقولى وانا
اخليها تدعى له

الدعوه بدولار