لظــــروف الســـــــــــــــــفر


مٌـــغلــــــــــــــــــــــــــــــــــــــق

لظـــــــــــــــــروف الســـــــــــــــــــفر وخلافــــــــــــــــــــــــــــــــــه
الناس اللى انا معايا تليفونتها وانا حاسس انهم عاوزين يشوفونى بجد هنتصل بيهم علشان نسلم على بعض ونحط الوشوش ع الاسماء

الناس بتوع سيدى ابراهيم.. هنخبط لكم زياره انا والسياح اللى معايا علشان نزور ابو طاحون.. والحدق يفهم

الناس بتوع اسكندريه.. هى عزومه عند محمد احمد.. وواحد قهوه فى البن البرازيلى..مش عاوز اسمع سيره ابو اشرف وقدوره

الناس بتوع القاهره..هى عزومه عند الجحش يا حجر معسل فى وسط البلد.. يا ساندوتش عند زيزو نتانه

الناس بتوع الاقاليم .. ربنا معاكم..اذا كانت الحكومه نسياكم يبقى انا اللى هافتكركم....ربنا كريم ادعوا انتوا بس




استودعتكم الله الذى لا تضيع ودائعه

26 comments:

Anonymous said...

ترجع بالسلامة ان شاء الله

سلامي للحاجة

و متقطعش الجوابات

Ma 3lina said...

روروووووووو:

انا قلت برده متهونش عليك العشرة و تقفل قهوتك فى وش المتشردين امثالنا

وحشنا يا راجل و انا اقول اختفى فين اتاريك

مصر نورت يا باشا

ايه بقى انت ظالم بتوع القاهرة ايه الحتت ال ياااااااي دى

مين زيزو ده؟؟؟

معنديش مانع على الحجر المعسل هههههه

سلملنا على الحاجة و متنساش صينية البطاطس

ماشى

enjoy ur time nd hope ur in better mood now

Ma 3lina said...

Ironcobra:

lol shaklk kont darb dem3' 3alia awii

7elwa awii 7arket lindsy lohan di shaklk metbe3 el 7arka el fania

همس الليل said...

رأفت اخويا والله وحشنى بجد وكنت زعلانه ان غرزتك قصدى مدونتك هههههههه كانت مقفوله
والله بجد انت عارف كنت مشغوله عليك لما كلمتنى اخر مره
عموما هتنور مصر
وانت عارف هتجبنى ازاى بئا لما تنزل
اسكندريه هتنور من سيدى بشر لحد ابو العباس
وهنشيلك مواسير الصرف الصحى اللى فى الشاطبى
و هفرشلك ورد من اول محطه الرمل لحد المنشيه
التجاريه بتناديك يا ريس هههههههههههه
تيجى بالف سلامه يا رافت بجد هتنور
ياري بس مترجعش وتسافر قبل 11/2 يارب يا رافت
يلا اسيبك وان شاء الله نتقابل قريب

L'orientale said...

يا سيدي خليها علينا العزومة ولا يهمك مقامك أكبر بكتير... تيجي بالسلامة انشاء الله...

smraa alnil said...

دة انا هفرجك عليك امه لا اله الا الله
انا رقم خمسة يا بيه
يلا مش مشكلة هسامحك بس عشان انت هتقرفنا ااااه قصدي هتشرفنا في مصر

هههههههه
ياااااااااااااااااه
اخيرا هنشوف طلعتك البهية
تروح وترجع بالف سلامة يارب

Yasmine Adel Fouad said...

رأفت ابن الحاج روحى روحى روحى
تيجى بالسلامه ياباشا
طبعا مش هوصيك ع الهدايا
و الفلوس الورق الاخضر يا معلم
:)

يللا تجيلنا بالسلامه
ابقى بلغنا بالوصول علشان اجهزلك مزيكة حسب الله
و الرقاصه ام محسن بس قول ربنا يكون قومها بالسلامه وولدت

و كويس ربنا كملك بعقلك و فتحت البلوج
فاكرة بتاعك لوحدك اظن
شيكوبون

Yasmine Adel Fouad said...

فين التاج يا واد

Anonymous said...

الغالى أوى أوى رأفت
يعنى انت معندكش صبر انى اتنيل على عينى وأكون عالبى سى؟؟

سيدى ابراهيم حينور وتنور دسوق وأحلا اكلة سمك لعيونك يا غالى
بس انت تيجى بالسلامة

فرحت لما لقيت البلوج فتح تانى
كنت سايب فراغ كبير وانت مش موجود فى التدوين

حتوحشنا وقت توقفك عن التدوين للسفر

تحياتى

واحـــد مـــــن الـنـــاس said...

تروح وترجع بالسلامة يا رأفت
وبقولك
اول ما ترجع تجاوب على البوستين اللي بتعهوملك يا اما هعملك فيك حاجات مش كويسة
انا بحذرك اهو

MAKSOFA said...

اجازة سعيده وتروح وترجع بالسلامه

tota said...

رأفت
خدلك ساتر علشان اللكمات متجيش فى وشك

مش فاهمة قفلت المنتجع وضيعت المفاتيح وبعدين كسرت القفل ودخلت علشان تقول انا قافل
ما كان واضح انك قافل المفروض بقى
تدخل تقول انك كنت قافل علشان المفتاح ضاع وانك جاى مصر مخصوص تدور عليه تشوف مين من المدونين سرقوا وكله يعترف من غير ما حد يمد ايده
تنور يا مواطن المقهورة هى هتزيد ايه غير نور على النور اللى فيها
تشرف يا رأفت

تحياتى

The Eagles said...

ترجع بالسلامة وتنور مصر كلها يا عن رافت
بس وانت راجع ماتطلعش ايدك من الطيارة ولما تنزل منها خلى كل فلوسك فى البنك هناك لحسن تدفعك الحومة جمارك او ضرايب وكمان ما تلبسش شيك اوى عشان محدش منهم ياخد باله منك ويتربصلك
ترجع بالسلامة ان شاء الله
انا مستنيك عن هوهو بتاع الكلاب او عبده نتانة
ههههههههههههه


والسلام..........

Anonymous said...

ايه النظام يا زعيم؟

مش سامعين صوتك من يوم ما سافرت يعني.. انت منسجم قوي في مصر ولا جالك صدمة زيي؟

سمعنا اخبارك كدة وادينا بريف عن المهاجر وهوة مش مهاجر

Memo said...

تروح و ترجع بالسلامه
يوه كنت هنسا اقولك الفطير بقا و المش و اللازي منه
و ليك و حشه و لا هي
يا سلام

Yasmine Adel Fouad said...

ياواد فين عنوان الحاجه عايزين نتعشى بقى

وش واحدة بتطلعلك لسانها
فين الدولارات طيب

ههههههههه

Anonymous said...

Terga3 bel salam insha Allah!!

salmy ela el 7agga :))

عمر said...

يا عم هو انا اسألك أخبارك ايه تيجي تقولي شكرا علي السؤال؟

هههههههههه اما انك عيل اسكندراني صحيح

يا عم عايزين اخبار... فااااااكتس

ذو النون المصري said...

انا من الاقاليم و كويس انك فاكرنا

وجع دماغ said...

عم رأفت
تعيش وترجع تنور بلدك
لا ما حد حوشويا عم خلى عزومة البن البرازيلى على حسابى
وكمان قعده على القهوة التجارية فى المنشية
أن شا

Anonymous said...

دمك زى العسل بجد يا رأفت

Anonymous said...

رحلة موفقة

zenzana said...

خلاص يا عم الحلو عرفنا ان معجبينك متنتورين في كل حتة مستنيين سعادتك

اولا شكرا ع الشيكولاتة اللي مأكلتهاش
ثانيا مش عاوزين الحاجات التانية انا بيوصلني التموين من اطاليا ولا الحوجة
ثالثا بحقد عليك عشان البن البرازيلي اللي هتتفحه من غير حتي ما اشمه (لاني اعز القهوة والبن والناس الكييفة)
رابعا قطعت برزقك كنت هطفحك سمك او مقادم غنم ، واخليك تحبس بكوزين ....كولا دايت من بتوع الحرية
يلا بقي بالشفة وشكرا ع الشيكولاتة اللي ولا طلعت سودا ولا بيضة ولا حتي فوشيا
انما انت راجع مصر بالمخلة وقفة الصعايدة دي اللي فالصورة؟
خللي بقالك هيفتكروك من قنا ويقولولك ف المطار ان الفيزا غير سارية
سلام

Yasmine Adel Fouad said...

واد يا رأفت
انت بتستهبل وواخد السفر حجه
انا عارفاك
بس لما اشوفك

Anonymous said...

eh ya 7ag? enta fi masr walla amreeka?

omar

Anonymous said...

مدونة ممتازة