Sunday, March 11, 2007

عـلمنى الخيــابــه يا أحمـــد


تقرير وزاره الخارجيه الامريكيه بخصوص الديمقراطيه والحريات فى مصر مليئ بما يجعل الولدان شيبا
قمع حريات..محسوبيه..وساطه
رشوه..ظلم.. فساد فى معظم الوزارات
بلطجه رجال الشرطه ..تعذيـــب
فبركه تحقيقات..قمع المعارضــه..الرقابه على المواقع الالكترونيه
تقييد حريه التعبيــر والانتخابات
وغيرها من البلاوى اللى موجوده من ايام الزينى بركات

ومن ضمن هذه البلاوى..ان السجون المصريه غيـر جيده التهويه والحاله الصحيه لدورات الميـاه غير صالحه للاستخدام الآدمى

أحمد بيه ابو الغيط وزير الخارجيه الهمام..ساب كل البلاوى اللى فوق دى ومسك بإيده وسنانه فى نقطه تهويه السجون

وعلى رأى المثل: فى واحد عبيط راح لابوه وقاله ..علمنى الخيابه يا آبا..ابوه قاله روح فى الهايفه واتصدر

اهو هوده اللى عمله احمد بيه.. راح فى الهايفه واتصدر
احمد بيه اتصل بالسفير الامريكى فى قاهره المعز يؤكد له ان حالات السجون بخير وعلى ما يرام..وان التهويه جيده جداَ فشر مدينه الشيخ زايد

احمد بيه كان عاوز يحلف بالطلاق ان كل دى اشاعات وان السجون بحرى وترد الروح..لكن احمد بيه راجل دبلوماسى صايع وعارف ان الحلفان بالطلاق و الكلام ده مش هيجيب نتيجه..احمد بيه عارف ان مصداقيه الصوره..اقوى من مصداقيه السمع او الكلام..فراح عامل ايه..؟؟ بعت سى دى بتاع انتهاك عرض عماد الكبير للسفير علشان يوضح له ان مساحه غرفه التحقيق كبيره اوى..فما بالك بالسجن وان كل سجين له عصى مقشه كبيره للاستخدام عند اللزوم

احمد بيه يا اما بيستهبل يا اما واكل ام الهبل..
اعضاء مجلس الشعب طالع دينهم استجوابات بخصوص الفيلم الاسرائيلى بتاع قتل الاسرى المصريين وده مطنش وقاعد يشرح ان السجون بحرى وهواه مفيش زى كده

احا جدا يا احمد بيه

39 Comment:

Ahmed Shokeir said...

مانجيبله دي في دي ياأدهم ، أيوه دي في دي ياأدهم عشان يتسلى وبالمرة نجيبله أوضه جهة بتطل على البحر والتانية على الشارع ونجيبله كمان صوفيا لورين

ده عند امه ياأدهم

هذا حوار سابق في فيلم اللمبي ( اللي بالي بالك ) عندما طلب النقيب أدهم من حكمدار السجن ان يدخل للمسجون موبايل

وبناء عليه نقول للسادة بتوع حقوق الإنسان ماقاله اللمبي

ده عند امه ياأدهم

zenzana said...

هههههههههههه
زعلتني يا شيخ متظلمش الراجل
دا كمان وراهم في السي دي أن في خطة مشروع شراء مقشات محترمةعشان نزلاء السجون المتهوية ع البحري بمختلف المقاسات
وبيطالب الامريكان بتمويله
كمان طلب تمويل سفر فريق المقشات التابع مخابز امن الدولة من ظبابيط لتدريب الظبابيط اللي في امريكا
اهو عشان تبطل تفتري وتقول اننا ملناش اي دور ريادي
يا وحش

المٌهَــــاجِر المَصْـــــــرى said...

استاذ احمــد
ازيك يا استاذ..انتى هتخلينى اروح اشترى الفيلم ده علشان افهم الحوار بالضبط..
اللى دافع عن السجون فى الحاله بتاعتنا دى..هو احمد بيه ابو الغبيط..
الراجل مش بيوضح سبب دخول السجن او نفى الظلم عن الحكومه..لأ..ده عاوز بوضح ان السجون بخير

المٌهَــــاجِر المَصْـــــــرى said...

رانـــــــدا
ايه الاخبار..الشيوكلاته والذى منه
الحق اقول.زان احنا اول ناس عرفوا ستخدموا المقشات فى شى تانى غير الكنيس

المهم انتى تمام وبخير
يارب دايما

bluestone said...

كيف جرؤت يا هذا ؟؟؟؟
انت بتقول ان البيه بن الغيط لم يرد على الفيلم الاسرائيلي مطالبات شعبية بقطع العلاقات طرد السفير والغاء كامب ديفيد ....

ازاااااااااي؟؟؟

ده الراجل رد رد قوي ومفحم وقاطع يؤكد على السيادة المصرية رد ينم عن كرامة هذا الوطن والشعب

الباشمهندس ابو الغيط قالها واضحة وصريحة واعلنها مدوية :

(مش هنقطع العلاقات عشان حتة شريط)

شفت كده رد فعل سيادي جبار وحاسم وقاطع في نفسية ذات الوقت ؟؟؟؟

بنفس المنطق .. جه في الهايفة واتصدر
يعني مش هيقطع العلاقات ولا حتى يقيم دعوى قضائية ولا حتى احتجاج شديد اللهجة عشان حتة شريط .. لكن اللي جوا الشريط؟؟؟؟؟ يالا مش مهم ...

بلدنا صعبانة عليا قوي

المٌهَــــاجِر المَصْـــــــرى said...

bluestone

احمد بيه مش هيقطع العلاقات علشان حته شريط!!!!!!!
وانا نفسى اعرف ما الفائده العايده علينا من العلاقات دى؟؟؟؟

احمد بيه نسى ان حكومته ياما قطعت علاقات وكرامات ونفوس علشان شرايط تانيه..
بس لما الشريط يكون بخصوص كرامه شعب..يبقى مش هنقطع

لكى الله يا مصر

شكرا جدا ع الزياره

عمر said...

ايه الحلاوة دي يا زعيم؟ عليا النعمة انت معارض زي الفل وأجدع من وائل نور كمان.. انا رأيي ان احنا مش لازم نقطع العلاقات علشان حتة شريط لكن لو كان الشريط دة شريط فياجرا مثلا أو حبوب منع الحمل اعتقد ان دة ممكن يأثر علي العلاقات بشدة

المٌهَــــاجِر المَصْـــــــرى said...

عمـــــــــــر
انت فين يا عم الحاج؟؟؟
امال لما تاخ ال 500 دولار فى الساعه فى شهر اغسطس..هتعمل ايه فى تولعنى بجاز

يحكى ان احمد بيه ابو الغيط كان نفسه جزء ثالث من اجزاء دينا وحسام ابو الفتوح ربنا يفك حبسه علشان يمتعنا كمان وكمان

Iskanderani said...

مساء الخير يارأفتانى...
أيه ياعم ده؟ أنت مالك ومال الراجل السكره أبو العبط - قصدي الغيييط- الراجل ميعرفش ومالهوش دعوه بأي شئ بيحصل لأنه لم يتلقى الهام السياده العليا بالكلام والرغي لأن القتلى في هزيمه عام 67 كانوا من المصريين الاسري وهؤلاء كانوا ولاد البطه السوداء.. معاياأنت؟؟ وبعدين هو منتظر الالهام الإلاهي والسماح بالكلام ...هذا خلاف انه تقدم للحصول على برائه إختراع من
ANSI in America و DIN in Germany
للإستخدام للعصي المعدل بالذبده والمرهم فى أقسام الشرطه المصريه ولهذا طلب السفير المحترم لكى يستعجل تسجيل الاختراع لكى تحصل الداخليه على حقوق الملكيه لكل من يستخدم العصى في قياس العمق الاستيراتيجى للشرج لكل من يقوده سوء حظه ودخول القسم متهم او حتى فسحه إجباريه ...أيوه عايزيين يحصٌلوا على رسوم إستخدام من الدول الاخرى .. اللى وقعت غلى إتفاقيه التجاره الدوليه اللى إنتم تعلموا بها خير المعرفه ...
أصل ابو الغيط سمع إن ال ف.ب.آى. عايز يستعمل الاختراع المصري بدون مايدفع ..لأ..لألألألأ..لألألألأ هذا ماينفعش إتفاقيه يعنى إتفاقيه إحنا موش راح نشتغل فى الازرق ...
عرفت بقى دلوقت ؟؟ لماذا إتصل هو بالسفير؟؟؟المحترم ولىٌ النعمه ......
والسي دي ماهي إلا دليل على أحقيه التسجيل باسم الداخليه المصريه كصاحب الاختراع والبرائه - لا دي مالهاش دعوه بالبرائه من قضيه مخدرات او آداب ...
انت أيه كل حاجه تفكر فيها السوء والله -ومالك علىٌ حلفان- الراجل حلو كده.. أقول لك أيه بس ماهو أنت حضرتك موش عايز تفهم الراجل اللى مابيتكلمش الا لما ولىٌ النعمه يلهمه بالافكار النيره


تحياتى لك وفتح مخك

المٌهَــــاجِر المَصْـــــــرى said...

الغالى الاستاذ ممدوح
يا سلام عليك وعلى تحليلاتك العبقريه..
وانا قال ايه كنت مفكر ان السى دى اللى احمد بيه بعته للسفير علشان يوضح له حجم غرفه التحقيق..
لكن اتضح ان الخبيث..كان عاوز يثبت له براءه اختراع استخدام المقشه فى التحقيقات..
فعلا..مصر دى ام العجب...

والله يا استاذ ممدوح ..ساعات الواحد بيصعب عليه نفسه من افعال الحكومه الوسخه..
وبما انك مهاجر زى حلاتى..وجايز انت عشت فى مصر اكثر من انى ..
لكن ساعات باحس بالغيظ..وانا داخل امريكا وموظف الجوازات يقول لى
welcome home sir
وافتكر وانا داخل مطار القاهره..والحلووووووووف اللى فى شباك الجوازات ضارب نفسه ميت جزمه ومعوج اوى ما تقولش السفيره عزيزه

ساعات اسأل ليه يعنى..الناس هنا كويسيين وهناك فى افترى بالطريقه دى

تحياتى على تواصلك يا غالى

الجحيم هو الحقيقه said...

رافت با شا

والله يا ريس عندك حق ولاد هر مه صحيح

تسلم يا مان يا ابو قلب حديد
ههههههههههههه
يا رافت سير سير واحنا ور اك ع المو اسير

سلا م

المٌهَــــاجِر المَصْـــــــرى said...

الجحيم هو الحقيقه
يا محمد..
النداء بتاع سير سير ده..يكون ايام الانتخابات بس
انت هتلخبط الدنيا ليه

Ma-3lina said...

فعلا الهايف هايف

تهوية تهويه ايه بس دول مسجونين يعنى عليهم احكام و فيهم مجرمين كتير يبقى نهويهم ليه ميركبولهم تكيف كمان فى الصيف

مدا اللى ناقص

نموت نموت و يحيا المساجين

علاء السادس عشر said...

عزيزى رأفت
رحلة سعيدة وحمدالله على السلامة, بالنسبة لأبو الغيط أو نطاط الحيط فهو عبد المأمور لا يستطيع أن يأخذ قرار بنفسه وطبعاً لازم يحلل المرتب والبدلات اللى بيقبضهاويقول شىء لزوم الشىء , بس طبعاً قلة الكفاءة والذكاء هى مؤهلات لازمة لأختيار المناصب العليا , يعنى كان يقول مثلاً لازم نتأكد من حقيقة الشريط وسوف نقوم باللازم أو يقول سوف نتشاور مع المسئولين فى القوات المسلحة ونتخذ الأجراءات المناسبة أوسنحول الملف للجنة خاصة وطبعاً حلنى والناس كلها أسبوع وتنسى وزى ماالناس نسيت الألف بتوع العبارة حتنسى المتين وخمسين عسكرى وبعدين دول ماتوا من أربعين سنة يعنى أهلهم أكيد برضوا ماتوا سواء لعوامل الشيخوخة أو بمساعدة يوسف بك والى يعنى مالهموش صاحب .من الأخر الوزراء بتوعنا حالياً كبيرهم يكون موظف فى الجمرك.
الله يرحم شهداءنا ويرحم مصر اللى فقدت جيل كامل من شبابها فى حروب أسرائيل واليمن وعملت أستراحة قصيرة وفقدت جيل تانى هاجر قبل ماتخلص عليه الحكومة.
أسف لمزاجى السوداوى فى هذا التعليق بس شىء يغيظ.
تحياتى ومحبتى.

دكتور مستكنيس said...

بص ياجميل زي مابيقولوا كده الشيء من مأتاه لا يستغرب واحنا زهقنا يعني هتيجي من دي ياراجل كبر دماغك كده وعيش مستكنيس العالم دي متستاهلش حتي الواحد يشوف عملوا ايه
هما مش عاوزين يخربوها ....يخربوها ياسيدي مسيره هييجي اليوم اللي هيبان فيه مين الصح والغلط وعشان ييجي اليوم ده
لازم نفكر بشكل عملي هنفضل نحكي وننكر ونشتم ونشجب وندين ونكتئب وهما زي ماهما بالعكس بيزيدوا كمان فانا رايي نبدأ بنفسنا وربنا قال (ان الله لا يغير مابقوم حتي يغيروا مابانفسهم)وده مبداي في الحياة

المٌهَــــاجِر المَصْـــــــرى said...

ما علينا
ايه الاخبار؟ أخبار الادويه الممنوعه؟؟

----------------------------------------------------------------------

صديقى علاء
والله ياصديق لونك ماهو سوداوى ولا حاجه..ده بالمقارنه بالوان ناس اخرى ..لونك هيكون ابيض من اللبن..
فى مقوله فى اسكندريه بتقول
الليله السوده بتبان من عصريتها

وعصريتها فى الحاله دى يعنى ما بعد الثوره

خلاص يا مان مفيش فايده الظاهر
اجيال ضاعت واجيال بتضيع واجبال هتضيع
ولنا الله

----------------------------------------------------------------------
دكتور مستكنيس
طبعا يا دكتره..انا اتفق معاك ..ان احنا لازم نتغير الاول علشان ربنا يكرمنا ويزيل عنا الغمامه دى

بس ايدى على كتفك..قولى نعمل ايه واحنا معاك..

احنا هاجرناوتركنا المحروسه واحنا عندنا 15 سنه؟؟؟؟؟؟؟

قولى بأه يا دكتور ..بدل الشتايم والحاجات دى نعمل ايه

ندعى ونصلى لحد ما يجى الفرج

دكتور مستكنيس said...

أكيد مش دعا وصلاة بس يامهاجر بس علي الاقل من مكاننا نطبق اللي نفسنا يتعمل يعني مثلا انا هبقي دكتور اعامل المرضي كويس واوفر طرق علاج حديثه بدل الادوية منتهية الصلاحية ولو فيه غلط في المستشفي ماسكتش عليه ومسيري اكبر وابقي اللي ماسك المستشفي فامشيها كويس
لو كل واحد عمل كده في مكانه هنبقي احسن ناس وهتلاقي تلقائي اللي هيبقي مسئول كبير في البلد واحد مننا نضيف زي مالمسئول واحد مننا مش نضيف
صدقني المشكلة مش في الريس ولا في الكبار بس ...دول لو مشوا الصبح هييجي اللي العن منهم
المشكله فينا احنا بنطلع مبنربيش ودلانا صح فبيطلعوا اعضاء فاسدين ننقد الواسطة مثلا ولو جالي مثلا ابن اختي هعينه او هدخله في غير دوره
نمص شفايفنا واحنا بنشوف اطفال الشوارع وشباب البانجو والجواز العرفي واحنا عمرنا ماقعدنا مع ولادنا وفهمناهم
لما نبقي كلنا بنمص دم بعض من اول التباع اللي بيركبك اربعات ويحرق دمك كل يوم ومن اول التمرجي اللي عاوز تغمزه بخمسايه عشان يدخلك للدكتور ولا الفراش اللي مبيديكش النتيجة غير اما تدفعله اجباري مش كهدية حتي
جايز ناس يقولولي الظروف الاقتصادية او المعاناه لكن نبص للرسول ياما اتعمل فيه وعاني وفي الاخر بني أمه
صدقني يامهاجر اصل المشكله فينا احنا ...ابو الغيط ومبارك ونظيف وممدوح اسماعيل كانوا في يوم من الايام شباب صغير عادي لكن المجتع القذر وسخهم وخلاهم كده وطول مالمجتمع قزر بيت ومدرسة وشارع ومصالح حكومية يبقي اللي هييجي اسوأ واسوأ
وبما اننا منعرفش نغير الناس فنشتغل بنفسنا كبر نفسك وكبر عيلتك وربي ولادك صح وصحح اخطاء في اللي حواليك واما هتكبر هتلاقيك بدل مابتنقد في انخفاض مستوي المعيشه والفقر
هتلاقيك فاتح بيوت ومشغل شباب ومطبق نظام صح في شغلك وفي بيتك وحياتك كلها
تخيل معايا بقي لو فيه اتنين كده طب لو فيه مية طب لو مليون ساعتها البلد دي ممكن تتغير
انا مش ضد الشتيمة عشان دول ميستاهلوهاش بالعكس دول يستاهلوا الدبح لكن انا ضد اخد ذنب في واحد من دول
ضد اني اعصب نفسي واكتئب عشان حد منهم ساعتها هبقي انا المتضرر لا هعرف ازاكر ولا اشتغل ولا اتعامل كويس مع اللي حواليا
صدقني الحل اننا نبدا بنفسنا وهنوصل وولو موصلناش يبقي نيجي لربنا يوم القيامة مع اللي ربنا قال فيهم (قالوا معذرة الي ربهم)
صدقني يامهاجر اصل العيب فينا ومش هنتصلح الا لو اتصلحنا من نفسنا ويارب تكون فكرتي وصلتك واسف علي التطويل

MAKSOFA said...

بس يطلعوا منها الأمريكان وهي تعمر



التعليق السابق مجرد غيظ من الأمريكان موش أكتر
احنا أحرار
وبعدين فيه ناس بره السجون ساكنين في مراحيض عموميه

Nohaz said...

تحرقش دمك
انت لو هنا علي طول هيجيلك الضغط
انا اكتشفت ان المهندسين في شركتي
مصابين بالسكر و الضغط تقريبا كلهم
نتيجة النرفزة
منهم واحدة صاحبتي 27 سنة جالها السكر من حرقة الدم

المصريين بقي فيهم تناحة و رزالة غريبة
والله انا بقالي كذا سنة بردد كلام احمد بهجت الي قلبي حاسس والله اعلم احساسي ده صح ولا لا
كان بيقول ان اليهود بعد ما عبدوا العجل ربنا خلاهم يتوهوا 40 سنة عشان الاجيال تتعاقب لحد ما يوصولوا للجيل القادر علي حمل الرسالة

اعتقد العرب محتاجين تيه 40 سنة
قلتها 100 مرة و هقولها تاني

المٌهَــــاجِر المَصْـــــــرى said...

دكتور مستكنيس
والله يا دكتره ما باختلف معاك كلمه واحده..
لكن اى حد غيرنا ..يقرا الكلام ده هيقول علينا ناس بتخرف..
لان الواقع المرير اللى احنا فيه..بيفرض علينا حاجات احنا مش عاوزنها

ومقارنتك بمعاناه الرسول ..بما نعانيه نحن..اعتقد ليس فى محلها..
لان الرسول كان بيعانى لاجل رساله من خالق السموات والارض..

احنا بنعانى علشان طبعا ربنا كاتب علينا كده..وانه سلط علينا حاكم طاغى بخطاينا..

وطبعا ده كله بيؤكد كلامك ان احنا العيب فينا..لان احنا لو كنا عادلين وصادقين مع نفسنا..كان الله قادر انه يولى علينا حاكم عادل

شكرا يا دكتره
----------------------------------------------------------------------

مكســـــــــوفه
برضه الامريكان هم السبب؟؟؟؟؟؟؟
انا مش عارف لما الامريكان يمشوا هنعلق خيابتنا على مين؟؟

امريكا بتعمل لمصلحتها..وكل حاكم محترم المفروض يعمل لمصلحه شعبه..
ان علشان على راسنا ميت بطحه وبطحه عمرنا ما هنعرف نقول لأ
----------------------------------------------------------------------

نهــــــــــــــاز
الله وحده اعلم بما يحتاجه العرب علشان يفوقوا مما هم فيه..
ربنا بيسلط علينا الظلمه لاننا ظلمنا انفسنا

عمر said...

فيه ايه يا عم الحج؟؟؟ خمسميت دولار ايه وبتاع ايه؟؟ منك لله يا شيخ... مانت يا عم بقالك سبعين سنة بتشتغل في نيويورك وتلاقيك كانز من الأخضر علي قلبك

يالهوي علي النفسيات يا جدعان.

المٌهَــــاجِر المَصْـــــــرى said...

باقولك ايه يا وريث..
اسمع يا مان..
اللى انا كنزته على قلبى فى سنين
هتعمله انتى فى تسع شهور يا عم الحاج..

وبعدين انا اتمنالك الخير برده
(وش واحد بيعض على شفايفه)

علشان لو اتزنقت فى كام الف..هاروح لمين غير الوريث

عمر said...

احا بجد... يا ناس يا شر كفاية قر

العين صابتني ورب العرش نجاني

ما تبصليش يا عبيط انا جايبها بالتقسيط

المٌهَــــاجِر المَصْـــــــرى said...

بمناسبه يا ناس يا شر

مره كنت فى هاواى..ولقيت عربيه زى النص نقل كده..مكتوب عليها بالعربى
ما تبوصليش بعين رضيه
انا طلع دينى فى السعوديه

فضلت اجرى ورا العربيه لحد ما اشاره قفلت..
قلت للسواق..ايه يا عم فى ايه؟؟؟
قال مين انتى
قولت له انا من مصر وقريت اللى مكتوب ع العربيه من ورا
قال لى انا من شبرا
وعزبونى هناك ولاد الوسخه
هههههههههههههههههههههه

عمر said...

وكمان بتكسر قواعد المرور... اخرتك سودة يا زعيم

smraa alnil said...

ايوة ايوة
سخنا كدة وشعللنا
لغاية ما هنتهور
مانت بعيد يا بيه
لكن الدور والباقي علينا احنا
هنلاقي العصايا في وشنا يا رافت وهنتعلق علي الكراسي
اشتم يا عم براحتك
دة ابو الغيط دة غال مع شوية ابو قردان عشان ينضفوا الوزارة
افهمومها بقي
يعني الحركات اللي اتقالت دي تموين من الحكومة عشان ينضفواها
ويوقعوا اسرائيل في شر اعمالها
شفت بقي حكمة ابو زرع دة

وبعدين انت علي طول ظالم الراجل
هو اي فيلم الي بيتكلم عليه
عليا النعمة تلاقي الفيلم كتان فيلم من اياهم والراجل اتمزج بيه عشان كدة مش عايز يقطع العلاقات عشان خاطر فيلم
بيتفرج عليه فيديو

tota said...

الرأفتانى السياسى الساخر اوى جدا خالص
احمد به ينتمى الى الطبقة الارستقراطية التى تهتم بالمظاهر الخارجية حسب موقعه السياسى
فبالطبع يسيئه جدا جدا ان تكون السجون فى حالة تهوية غير جيدة والنتيجة هى زيادة الغازات السامة التى من شأنها احداث حالات اختناق للمسجونين ولان انابيب الاكسجين ناقصة على مستوى المرضى وتوفيرها على مستوى السجون شبه مستحيل فهيكتفى بالغاز الطبيعى حلا لمشكلة المساجين
اما مشكلة الاسرى فدى حاجات هامشية كما قال احمد بيه اخدنا بحقنا فى 73 ويابخت ومن قدر وعفى وقلبك ابيض ودول ولاد عمنا
اما شبابنا اللى اتقتل بعنف وقذارة وندالة دمهم رخيص زى دمنا كلنا ملهوش تمن عند حد وهيفضل رخيص طول ما هم موجدين كحكومة فاسدة
نهارك بحرى وكامل التهوية
تحياتى

Iron Cobra said...

رأفت :
صبح صبح ياعم الحج ، على رأيك يا زعيم دي ناس فعلاً خايبة بس دي مش خيابة يا {افت دة اللي أتعلموا من اليهود يلهوك و يدخلوك في النقط الفرعية و يسيبوا صلب الموضوع يا خي أحة يعني ساب كل حاجة في التقرير الطويل العريض عن الفساد و أنتهاك حقوق الأنسان و معدلات الفقر و البطالة و قال جاي يمسك في أم السجون .

بس حتة مصري بعربية نص نقل و بمبر ستكر و فين في هاواي ، حقيقي ياجدعان اللي يعيش ياما يشوف ، دة أنا كنت متخيل أن هاواي دي مافيهاش مصريين من أصلة ( يعني يروحوا للسياحة و كدة يعني ، بس مين يعيش هناك ) .


بأقولك أة بما أنك و الوريث متجمعين هنا ( عند النبي أنشاء اللة ) و أن أنت عندك معلومات سرية أن الوريث كانزهم على قلبة ماتقنعة تقطعولكم تذكرة طيارة على حجز موتيل على برايس لاين و تيجوا على مطار سان هوزية و سيبوا الباقي عليا لاحسن دة كان ناوي يسوق من ماساتشوستس لكاليفورنيا.

المٌهَــــاجِر المَصْـــــــرى said...

سمـــــــراء
طبعا..هو انا عندى اغلى منكم اضحى بيه
وده عشمى فيكم طول الابد..

احمد بيه حريف افلام من اخراج حسام ابو الفتوح..الظاهر هو ده بس اللى بيأثر معاه
----------------------------------------------------------------------

تــــوتا الجميله
احمد بيه مثال واضح على نظام دبلوماسى فاشل من الالف الى الياء..
والحق اقول انى صغير علشان افتكر اى شحصيه دبلوماسيه عربيه ليها شنه ورنه..
اخر واحد افتكره عيسى العوام على ايام صلاح الدين..
اما دبلوماسيه الواسطه دى فهى اللى موديانى لوراء..

الراجل بيتكعبل من اى سؤال او لما حد يحطه فى خانه اليك

المهم
صباحك ابيض يا قمر علشان الاسود خلص

المٌهَــــاجِر المَصْـــــــرى said...

سمــــــــــــسم
ايه الاخبار يازعيم
والله ياسمسم لقيت الراجل ده ومعلق ع العربيه
ما تبص ليش بعين رضيه
انا طلع دينى فى السعوديه

المهم من يومها وانا عارف انى لو روحت المريخ..هلاقى واحد مصرى طهقان وطالع عين امه..

المهم يا مان..عمـــر..هيعمل فلوس نار
اللهم ما لا حسد يعنى..

انا هاتصل بيك علشان احكيلك التفاصيل
( وش واحد مطلع لسانه لعمــر)

انا هاقول لعمــر على موضوع ويك ايند عندك الصيف داخل واسعار التذاكر لسان هوزيه هتنزل..يا ريت والله يا مان

Iron Cobra said...

تنورونا يا باشا ، ولما تنووا بجدكلمني عشان نتفق على التفاصيل ، لأني مش عايش في سان هوزية بالضبط بس مطار سان هوزية أقرب مطار كبير ليا و معظم شركات الطيران على طول بتعمل عروض و تخفيضات على تذاكر الطيران لية يعني مثلاً ممكن تجيبلك تذكرة من J.F.K. لسان هوزية روند تريب ب $180.00 شاملة الضرايب و الرسوم و كل حاجة ، ولما تيجوا بقى ياباشا ممكن نعمل كل اللي أنتوا عايزينة نروح سان فرانسيسكوا يوم و نرجع ، نضربلنا يومين لوس أنجلوس ، تتفسحوا عندنا في مونتيري و المناطق المجاورة ، نروح سان هوزية فيها جالية عربية و مطاعم عربي كتير بالأضافة لأنها مدينة جميلة أنا باحبها .

عمر said...

أيرون: فكرة قوية جدا.. في الصيف بقي ولا ايه النظام؟

رأفت: تصدق انت عيل خنقة؟

المٌهَــــاجِر المَصْـــــــرى said...

يا عم عمــــــر
انا ماجبتش سيره فلوس ولا حاجه اهووه
لا انا بأنق ولا حاجه

ركز بأه يا عم عمر..علشان نختار ويكيند من دلوقت ونحجز التذاكر

IBN BAHYA said...

موضوع جميل تسلم إيديك عليه

مع ألأسف هو ده حال الفاسدين .. لا يتقنون غير الهمبكة والهلفطه على الفاضي .. تلاقيهم خايبين في كله
وصفر في كله

لك عشره على عشره في التضليل والتدليس وتلبيس الحق بالباطل

دي طبيعتهم ومش هيبطلوها لأنهم فاسدون

أرق تحياتي

raspoutine said...

سجون ايه وبتاع ايه اللى بيتكلم فيها احمد باشا ابو الغيط
وبعدين خلاص احنا بقينا بتوع الامريكان بكره الباشا يقدملهم تقرير عنسر انخفاض مبيعات الكاتشب فى مصرنا المحروسه وسيبك من العساكر والجنود اللى ارض سينا اتروت بالكاتشب بتاعهم قصدى اتروت بدمهم
بلد ايه دى
مش ممكن تكون دى مصر اللى ربنا ذكرها فى كتابه مش ممكن تكون دى مصر ارض الانبياء مش ممكن تكون دى مصر بلد الشهيد والفقيد
بقت بلد وعزبه الباشا صاحب العزةوالسيد المحافظ والبيه العميد
قريب اوى هنبقى ولايه لبلد الهبورجر والمزاجات

وسلملى على احمد بيه ابو قردان

ابو الغيط سابقا

ايمن فاروق

جبهة التهييس الشعبية said...

اتقبض على ناس في مظاهرة
اظن التظاهرة التدوينية مش شغب ولا حاجة
رجاء من كل المدونين وضع هذه الأغنية في مدونتهم:
يا قبضتي دقي على الجدار
لحد ليلنا ما يتولد له نهار
يا قبضتي دقي على الحجر
لحد ما تصحي جميع البشر
مش فاهم اللي حاصل
لكن بقلبي واصل
واللي مش فاهمه عقلي
بتشرحه السلاسل
يا قلوب بتنزف دم في العتمة
يا قلوب بتنزف دم وتغني
سجنوكي والكلمة
غصبن عنها وعني
طلعت من القضبان وم الاسوار
الاكواد بتاعة الاغنية اهه
رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
الاكواد بتاعتها في الموقع ده






كنت اخدتها من غزالي
http://www.macromedia.com/go/getflashplayer

جبهة التهييس الشعبية said...

تصحيح اللنك



http://www.mp3asset.com/swf/mp3/minime.swf?myid=1575758&f=3

المٌهَــــاجِر المَصْـــــــرى said...

ابن بهـــــــــيه
الحكومه الميمونه عندها حنكه وقدره سياسيه رهيبه لتضليل الشعب الغلبان..
زى احمد بيه كده ما بيعمل م الحبه قبه وبتيشعلق فى الخايبه..
وبدل ما بينظر لاسباب دخول الناس دى السجون..بيبرر احوال السجن والظروف الصحيه له..
كم اتمنى انه يكون شاطر كده عند تمثيل مصر فى اى مفاوضات تهم البلد

شرفت المهــجر ياباشا
----------------------------------------------------------------------
ايمن فاروق
عندك حق يا مان..
لو الحكومه مشت بما يرضى الله ..واتقوا الله فى الشعب..وحكموا بالعدل..والله ما هيخافوا من تقرير ولا من محاكمه حتى..
لكن دول ناس نسوا الله فانساهم انفسهم..
واتعلقوا بالدنيا والكراسى..
----------------------------------------------------------------------

جبهــــه التهييس الشعبيه
ربنا قادر يفك حبس كل سجين راى وكلمه حره فى وجه الطغاه

عبدالله said...

والله عندك حق يا ابني دي فعلا اصل الهيافه
و البيه احمد ابو قردان ده واضح انه وزير خارجيه دوله تانيه غيرنا يعني محدش ياخد الكلام ده علينا اصله بيقول السجون متهويه كويس يبقي اكيد مش احنا مش عارف انتوا زعلانين كده ليه اكيد تشابه اسماء بس

ياتري بعد ما قبضوا علي الاخوان و كفايه هيجيبوا من فين سجون متهويه كويس اعتقد السجون كمان شهر كده هتبقي اربع ادوار فوق بعض مش دورين زي دلوقتي ومحدش برضه يفهمني غلط اربع ادوار مش معناها سرير اربع ادوار لا اربعه واقفين علي ظهر بعض اصل مفيش مكان بقي نعمل ايه يعني نطلعهم بره و لا يفضوا كده
ومش ننسي في الاخر ان بعد ما مصر خدت حق براءه اختراع استخدام المقشه الجديد امريكا خلاص رضيت عن مصر و هتبعت فرق كامله تتدرب عندنا علي الطريقه الجديده بطلوا قر بقي

تحياتي