Saturday, April 07, 2007

عـلى والكـــلب

الكلاب والحيوانات الاليفه عموما تحظى بمعامله خاصه هنا فى نيويورك وفى جميع الدول الغربيه كافه.. فتجد المستشفيات والفنادق الخاصه بالكلاب والقطط وتجد خدمات عديده للكلاب والقطط واتذكر صديقى اخذته عند وصوله من مصر لسوبر ماركت كبير جدا ووجدته واقف متنح امام قسم اكل القطط والكلاب والدمعه هتفر من عينه .. وكان يتذكر ايام ما كانت بيحدف الكلاب بالطوب والحجاره
المهم ان لى صديق اسمه على يكره الكلاب كرها شديدا .. وفى يوم م الايام وجدت على داخل علىّ وفى يديه كلبين لولو حكايه واحد ابيض والثانى اسود.. وشعر الكلاب مقصوص بعنايه فائقه.. فزعت من مكانى وسألت على عن الكلاب .. فجاوبنى على انه هيشرح لى فيما بعد وفى مره اخرى وجدت على داخل علىّ ومعه الكلبين وحوالى 4 بنات مزز جدا.. فسالت على عن الكلاب وعن البنات فشرح لى على انه اشترى الكلبين علشان يعلق بيهم بنات
فعلى كان بياخد الكلاب للشارع للتمشيه وفى كل خطوه توقفه بنت اموره وتلعب مع الكلب وتقوله الله جميل اوى وتسأل على عن اسم الكلب وسنه واسرته ..الخ الخ
وعلى المعلون كان يحكى لهن ان الكلب يتيم او ان سياره متهوره قضت على ام الكلب الاسبوع اللى فات او ان ابو الكلب مات والعياز بالله بسرطان بعد صراع طويل مع المرض.. وكانت عيون على تزرف الدموع من التأثر عندما كان يحكى هذه الحكايه وتدمع عيون البنات وترق قلوبهن ويروحوا مع على علشان يمشوا الكلاب وينسوا على الهم والعذاب اللى هو عايشه
والحق اقول ان على عمره ما كان بخيل لما الاقيه داخل كده ومعاه خمس ست بنات ويقولهم ان المهاجر بيحب القطط وكل القطط بتوعى ماتوا للشعور بالوحده

40 Comment:

Iskanderani said...

عزيزي رأفت صاحب علي وصاحب جَريدهٌ المٌــهـــاجِر المَصَــرى

ضحكتني أنت وعلي صاحبك ولله ده واد لقطه وعند أفكار متجدده وعايش حلو بالتأكيد هو والكلاب والمُزز

ممدوح
تحيات إسكندرني في بلاد الله الواسعة

شــهــروزة said...

صحيح يا رأفت؟؟
هو لحم القطط والكلاب عندكم هناك
سعره عالى ؟؟
ولا زى هنا فى مصر فى متناول ايدى الشعب؟؟
زى ما تكون قريت فكرة البوست الجديد فى راسى يا ابن الاية
واحشنى يا ابنى انت
ازيك؟؟

المٌهَــــاجِر المَصْـــــــرى said...

استاذ ممدوح
على صاحبى ده مبدع اوى ..وزيه زى كل المصريين كلهم ابداع
على ما بيروحش لا بارات ولا كلوبات علشان الحريم ..فملقاش امامه الا الكلاب ..
موهوب..باقولك..هههه
انت عامل ايه المهم؟

========================

شهــــرووووزتى
ياستى الكلاب والقطط هنا مش للاكل..دول احلى م البنى آدمين ..لهم دكاتره وفنادق وحدائق وكمان الاكل بتاعهم متنوع ايشى ديوك رومى وايشى سمك وفى منه منزوع الدسم علشان الكلاب اللى بتحافظ على رشاقتها

المهم
انت كمان وحشانى..وان شاء الله اشوفك الاسبوع اللى جاى..رقم تليفون مصر زى ماهوه ما اتغيرش

القادم من الريف said...

العزيز ر افت

والله هى فكره دمها خفيف
بس انا عندى قنا عه ان ما فيش اى واحده ف العالم تستاهل الو احد يشغل نفسه انه يوقعها
ههههههههههههه
وانه يبهدل نفسه
سلا م

المٌهَــــاجِر المَصْـــــــرى said...

القادم من الريف
حلوه اوى حكايه العزيز رافت دى بتفكرنى انى قاعد فى السجل المدنى او دار رعايه المسنين
والله يا محمد كل واحد ودماغه
اللى شايف انها تستاهل كلب ولا قطه

المهم انت دتمام
الجحيم احلى من القادم من الريف
الجحيم تحس ان فيها نار كده

مجهول said...

الرأفتاني الغالي العزيز
بلاش عزيز دي اصل تزعل
ههههههههه
ههههههههههههههههههه
تصدق طريقه كويسه للتعارف والحاجات اياها دي
ميرسي يا رأفت جدا شكلي ححب الكلاب
بس المشكله اننا في مصر مش مشكله الكلاب ولا القطط ولا حتي ال .... الفيران يعني
انا برضه بترعب من الكلاب جدا كلابوفوبيا
ههههههه
بس انا معرفتش ادخل علي البلوج بتاعك بقالي يومين ليه ياتري
خير يا عمنا

المٌهَــــاجِر المَصْـــــــرى said...

صديقى مجهول
والنبى بلاش العزيز دى اصل باتخنق
هههههههههههههههه
وانا كما يا صديق باكره الكلاب جدا والحيوانات عموما..
لكن اتضح ان صنف الحريم هنا بيموت فى الكلاب
هههههههه

المهم يا مان ماعرفش ايه اللى حصيل اليومين اللى فاتوا وليه انت معرفتش تدخل على المدونه
جايز علشان انت عايش فى العالم الثالث؟؟
ههههههههههههههه
باهزر معاك

tota said...

المهاجر
يا سلام على الصداقة المفيدة
يا سلام على الانسانية
يا جمعية حقوق الحيوان
ايه يا عم الاصحاب الذوق دول
على هو فى حد زى على ومجايب على
ربنا يخليلك على وكلابه ويحبب فيك القطط بكل انواعها
تحياتى

albida said...

ههههههههههههه
يا بنى تعالى مصر خدلك كلبين من الكلاب المشردة اللى بتمشى عندنا فى الشوارع.. شكلها يصعب على الكافر!!! صدقنى هتلملك بنات نيويورك كلها وراك
تلاقى الكلب من دول يا عينى عنده أنيميا حادة وديله مقطوع ورجله مكسورة وعينه مفقوعة, تحسهم أسرى حرب مش كلاب
:) :)

وايه
reader discretion is advised
دى؟!! أنت ناوى تقلب البلوج بتاعك موقع من اياهم ولا ايه؟
هههههههههههههه

وعلى فكرة شكل البلوج الاولانى كان أحلى من ده


manal

المٌهَــــاجِر المَصْـــــــرى said...

توتا
اللهم امين
هو الصاحب اللى بجد ليه حد غير صاحبه
======================
منووولتى
على جاب الكلاب علشان يعلق بنات..لكن الكلاب عتدنا فى مصر لما يعوز يعلق غربال او يصطاد نسور

انا غيرت شكل البلوج تانى علشان خاطرك اى خدمه يا فندم
مش عارف ارضى مين ولا مين
هههه

nadiataha said...

عزيزى رأفت
بوست جميل جدا و ظريف يا بخت الكلاب و القطط فى نيويورك
مدونتك جميلة و راقية
كل سنة و انت طيب شم نسيم سعيد
ناديه

المٌهَــــاجِر المَصْـــــــرى said...

أستاذه ناديه
كل سنه وحضرتك طيبه
شكرا جدا على زيارتك الغاليه للمدونه المتواضعه
ان شاء الله اشوفك فى اسكندريه الاسبوع اللى قادم

أنـــا حـــــــــرة said...

هههههههههههههههههههه
انت كل اصحابك بتوع بنات زيك

واحـــد مـــــن الـنـــاس said...

هههههههههههههههه


متهيألي انا اعرف واحد زي علي ده برضه

يخيبك يا رأفت

الواحد من النهاردة هينزل يشتريله كلبين لولو واربع قطط سيامي وسلحفتين وبغبغان يمشي بيه على كتفه
هتبقى مصلحة جامدة والله يارأفت

يا رأفتاني يا مدلعنا

المٌهَــــاجِر المَصْـــــــرى said...

أنا حـره
فالحه اوى..يعنى جيبتى الديب من ديله يا دكتوره
=============================

واحد من الناس
هههههههههههههههههههههههههههه
ههههههههههههههههههههههههههه
والله لو عملت اللالى يا مان
النسوان دول عليهم حاجات غريبه
كلاب وقطط
احنا بتعمل اللى علينا

cat_eyes(همس الليل) said...

الف سمدلع على الحلامه للمره المليون
وبعدين كتر السلامات تقل المعرفه

ايه اللى هيجيبك تانى العالم التالت هههههههههه


بعيدن البنت اللى تحب واحد عشان كلب معلش يعنى دى تبقى من فصيله القرود


انا على ايامنا قبل ما الرجاله تنقرض كانت البت تشوف الجدع من دوله هههههههههههههه
حلوه من دوله دى مش كدا

المهم تشوفو لازق شعرو بجل ومحنتف الجزمه وضاربه وشين بويه
كانت تقع فيه على طول

ومتفهمنيش غلط دا بتقع فيه بس عشان تعلق المحفظه


المهم فى انتظارك ياريس

والحق بيتكو المحافظ شالو عشان يعمل رصيف هههههههههههههههه

فى انتظار سعادتك يا ريس هو انت قليل فى البلد

المٌهَــــاجِر المَصْـــــــرى said...

نورا
تمام يا ريس
انا فى مصر
ههههههههههههههه
ما انت عارفه
ما انا لسه مكلمك

ســــــردية said...

ههههههههههههههههههههههههههههههههه
يمكن اكتر واحد فاهمك
سعات في الظهيرة وانا وكاتوا نتمشى في الغابة تاتي حساء ومعها كلبتها كاتوا ينبسط وانا كمان
ههههههههههههههههههه
بس محدش يقول لمراتي

raspoutine said...

عارف يا رأفت احنا فاضلنا كام سنة كده والكلاب هتخلص من البلد ومعاهم القطط كمان
عارف ليه
عشان الناس هتكولهم
ده لو الوضع فضل على ماهو عليه حالياً
وربنا يستر

تحياتى ليك يا صديقى

ذو النون المصري said...

شيء صعب جدا
الواحد يبقي قاعد يقرا كتب ليل نهار و لا يعجبش اي بنت
انما يتمشي مع حتة كلب ابن كلب
يعجب كل البنات
هههههههههههه
حاجه نكد
موضوع جيد و اسلوب فكاهي
تحياتي

وجع دماغ said...

والله
انا طول عمرى بقول أن المخلوقات دى أكيد ربنا خلقها لسبب
وأخيرا عرفت
تحياتى لصاحبك المصرى الصيل
ألرجاء عدم محاولة تطبيق الفكرة فى مصر
وإلا حدث مالا يحمد عقباه
وكل واحد مسئول عن قفاه

nadiataha said...

عزيزى الاستاذ / رافت
انتظرتك و ما زلت فى الانتظار حضرتك تشرف فى اى وقت
ارجو التكرم و زيارة مدونتى للتعليق على قصتى الجديدة الانثى و الطرطور
وشكرا
ناديه طه
nadiataha.maktoobblog.com

عمر said...

اخبار مصر ايه يا عم الحاج؟ حترجع امتي؟ ابقي هاتلي معاك سندوتش ديناميت

صاحب البوابــة said...

بوست اعجبنى لطرافته

تحياتي لصديقك صاحب الافكار المتجددة

وتحياتي لك عزيزي رأفت

CrAzY-bOy said...

أذا كان كده الواحد يشتر له كام كلب
ولا ايه

تحياتى

مجهول said...

فينك
يا
رأفت

عمر said...

ماتعبرنا يا عم انت

أحمد مختار عاشور said...

انا بقى اعرف واحد العكس
بيمشى مع بنات عشان الكلاب يتلموا عليه
الكلاب البشرية طبعا

حوريه said...

مساء الخير استاذ رافت
اين انت ؟
وحشتنا
ناديه

أحمد مختار عاشور said...

فينك

MAKSOFA said...

دايما شقي يامهاجر

Iron Cobra said...

فينك يا عم رأفت حِن علينا يا عم و طمننا عليك حتى أيميلك شلتة من على البروفايل بتاعك.

عمر said...

ايه يا عم الحج عاش من سمع صوتك... لازم يعني نزعق عشان ترد؟
:)

انت فين أراضيك؟

المٌهَــــاجِر المَصْـــــــرى said...

عمـــر
سمــــسم
استــاذه ناديه
مجهــــــــــول
أحمد عاشور
أستاذ ممدوح


شكرا ع السؤال والتعليقات الرقيقه
الافعى الحديده وعمــر ( بطلوا ضحك)

انا آسف على التأخير ..بس هى ظروف سفر..وبعد الرجوع سفر تانى..
ربنا عالم..
المهم انكم تكونوا تمام وبخير..
سلام

عمر said...

انت طبعا يا رأفت باشا عارف اني طول عمري رقيق المشاعر مرهف الاحساسات شلولخ

انا أول مرة النهاردة آخد بالي انك كاتب جريدة المهاجر المصري بالتشكيل... ايه يا معلم التشكيل الأي كلام اللي انت حاطه دة؟ انا قلت اهي فرصة بردة طالما ظهرت أخيرا الواحد يرخم عليك شوية

لو في أمريكا كلمني يا حج رأفت وبلاش ندالة

سلام

المٌهَــــاجِر المَصْـــــــرى said...

هاكلمك ياوريث حتى لو فى الهند
اصل زى ما احنا بنقولوا
الليله السوده بتبان من عصريتها
انا عندى
jury duty
بقالى 3 ايام
احا جدا يعنى
هى فقر وخراب بيوت

أحمد مختار عاشور said...

حمدالله ع السلامة يا مهاجر
التدوين ضلمة من غيرك

المٌهَــــاجِر المَصْـــــــرى said...

احمد
الله يخليك يا عم الحاج..ظلمه ايه بس..انت كلك ذوق

عمر said...

يا حلاااوة!! كلنا وراك يا زعيم... اعدام ان شاء الله

بقوللك ايه... اعمل مجنون عشان يدولك اعفي زي نظام الجيش عندنا كدة

المٌهَــــاجِر المَصْـــــــرى said...

عمـــــــر يا وريث
اشطه يامان
10 سنين سجن وحياتك
انت عارف اخوك مخنوق قد ايه وما صدقت الاقى حد اطفى فيه غلى...
سمسم كلمنى من يومين..
المهم يامان..كله تمام