Friday, June 15, 2007

يــــــــــوم الأحــد

طول عمرى بأكره يوم الاحد مثل كرهى لكاظم الساهر. ولا ادرى ما العلاقه بين الاثنين. يوم الاحد طول عمره يوم رخم. ايام ابتدائى كان اطول ايام اليوم الدراسى. وكنت دايما اقول لنفسى أيوووه لسه النهارده الاحد. ده فاضل يجى سنه على يوم الجمعه. وفى ايام اعدادى وثانوى كان برده يوم الاحد يعتبر ارخم ايام اليوم الدراسى. كان دايما فى يوم الاحد سبعه حصص. والحصه السادسه والسابعه بتكون مواد رخمه جدا كرخامه يوم الاحد نفسه.. فتجد التاريخ والجغرافيا والتربيه الوطنيه والقوميه وكل التربيات التى لا علاقه لها بالعالم الخارجى. فى الاسكندريه كل المحلات او معظمها بيكون مغلق فى يوم الاحد ولا ادرى ما الحكمه فى ذلك..ناس بتقول انها عاده ورثناها عن اليونانينن والخواجات اللى كانوا عايشين فى اسكندريه. وبعد التخرج والهجره. لازلت اكره يوم الاحد. فهنا فى نيويورك الطرق معظمها بيكون فاضى. والمواصلات العامه مثل المترو بتكون خاليه تماما.. والشوارع فى منتهى الهدوء كأنك ماشى فى بلد بعد حدوث عاصفه او زلزال. وكم اكره هذا الهدوء. ومما زاد من كرهى ليوم الاحد انه بيكون اخر يوم فى الويكيند يعنى اليوم اللى بعده اللى هو يوم الاثنين بيكون صابح اول يوم شغل فى الاسبوع الجديد

49 Comment:

اه يا دماغى said...

انا معاك ان يوم الأحد مش حلو وفعلا دمه تقيل
ولو خت فيه اجازة بحس ان الاسبوع طويل ومش عايز يخلص
لكن انابمووووووووت فى كاظم الساهر

تحياتى

المٌهَــــاجِر المَصْـــــــرى said...

آه يا دماغى
يوم الاحد لو اتلغى من ايام الاسبوع مش هنحس بيه..
بس موضوع كاظم الساهر ده؟؟؟
ليه كده

خليك فى البيت said...

ندعوكم لزيارة مدونة خليك فى البيت والمشاركة فى الحملة

Iskanderani said...

اعزيزي رأفت المٌهَــــاجِر المَصْـــــــرى
أخيرا كتبت؛ مبروك
إسكندريه بالذات في محطة الرمل والمنشية كانت يوم الاجد "ميتة" يعني زي حضرتك ما بتقول البلد ماتتحبش كلهم مقفليين. لكن عندما يكون عندك هواية تمارسها وتفتح لها قلبك وتسعدك ويرفه عنك وعن عناء العمل طوال الاسبوع ستجد الوقت يمر في شئ جميل يسعدك. جرب لوكان عندك رياضة مفلة تُمارس مع أصدقاء لك أو يمكنك أن تُمارسها وحدك . صدقني هناك العديد من الرياضة التي سوف تشغل به وقت الراح )الاحد) وتجد نفسك تنتظرة بدلا من كراهيته

ولا أقول لك هات لك كلبين زي الواد علي وريح نفسك وانت مش راح تلاقي فراغ يوم الاحد أو أعزم البنت الايطاليه علي الغدا في المطعم اليوناني
تحيات إسكندراني في بلاد الله الواسعة

oOo_Mariam_oOo said...

أبناء مصر...
بنحب...هنقدر..هنغير...
http://abna2masr.blogspot.com/

ibn nasser - ابن ناصر said...

فعلا انا كمان مش بحبه وبس دلوقتي مابقتش تفرق حد من سبت

تحياتي

المٌهَــــاجِر المَصْـــــــرى said...

اسكندرانى
فينك يا استاذ ممدوح
اخبار الدنمارك ايه؟ ولا انت رجعت المانيا
والله يا استاذى ما هى فارقه ماذا افعل فى يوم الاحد..هو يوم نحس من اوله لاخره وآخر رخامه
==================================
ابن ناصر
عندك حق
مش فارقه كل الايام شبه بعضها الأن
==================================
حليك فى البيت
ابناء مصر

ربنا معاكم

mesteka said...

عادي هو يوم زي اي يوم تنح عامه اسماء الايام سبت حد اتنين دا بس عشان منظومه عملنا بس لو لغيت يوم الحد عادي مش هتفرق بس تصدق عندك حق يوم رخم فعلا
بس يمكن تحل فيه حاجه كويسه الله اعلم

tota said...

بص يا مواطن احنا نقدم طلب مشترك واحد لمجلس الشعب والشورى عندنا فى مصر يقدموا بيه مذكرة للعرض على رئيس الجمهورية ويعملوا استفتاء مش فتة ولا فتاء بطلب الغاء يوم الاحد ولحم السبت فى الاتنين وفى نفس ذات الوقت انت قدم للكونجرس الامريكى
واللى هيوصل لرد فينا قبل التانى يبقى يقابل التانى فى احد فقعات الهواء سنة 2900

ويبقى الحال على ما هو عليه

المٌهَــــاجِر المَصْـــــــرى said...

Mesteka
انا متأكد ان فى ناس بتحب يوم الاحد وناس تانيه بتكره ايام تانيه..هو تقريبا انا باكره يوم الاحد علشان ذكرياتى معاه مش كويسه..
بس فعلا لو احنا لغنياه من ايام الاسبوع مش هنحس باى فرق
==================================
تــوتا
اصلا انك تقدمى طلب لمجلس العشب والشورى ده لعب بالنار..كده بتضحى بنفسك..لانهم هيحبسوكى لمجرد تقديم الطلب..انا بأه ممكن اقدم طلب للكونجرس وطبعا هيترفض لان معظم الناس هنا بيحبوا يوم الاحد..لانه اجازه

عمر said...

أنا مش معاك يا ريس كاظم الساهر الخالق الناطق شبه يوم التلات بعد الضهر

المٌهَــــاجِر المَصْـــــــرى said...

عمــر
انت سافرت ؟
فى بوسطن يعنى ولا فى الاتوبيس؟؟
كاظم الساهر يا وريث ملوش معالم..وخصوصا لما يضرب شعره مكوه عند شعبان عبد الرحيم ويحط عليه خمسه كيلو زيت حار ويقوم ضارب القميص اللى كله ورد وزهور كانه حديقه المنتزه يوم شم النسيم

Iron Cobra said...

يوم الأحد (الحد) كما كنا نقول علية في أبتدائي "يوم الحد ماحدش بيكلم حد" هو يوم بطبيعتة يميل الى الكآبة لماذا لا أعرف أنا حيادي في المسألوة دي و لو ان مشاعري تميل نحو عدم أستظراف يوم الأحد يمكن لأن اليوم أخر يوم في الويك أند و كل مابيقرب من أخرة بيبدأ العد التنازلي للعودة الى العمل و بالنسبة لي فوقوع البلا أخف من أنتظارة .... بس خلاص.
بالنسبة لكاظم فمشاعري نحوة مثل مشاعري ناحية يوم الأحد.




رأفت نورت بيتك مرة تانية يا مان ، أنا لسة مشأر يوم الجمعة ماكانش في حاجة .
ياتري أية أخبارك انت و عمر خربتوها في الويك أند.

عمر said...

أنا في كمبريدج ماساتشوستس يا معلم... والله نيو يورك أم الدنيا..امبارح أول ما وصلت بوسطن لقيت الساب واي عطلان وعاملين شاتل باص وشغلانة منيلة وفضلت لافع الشنطة علي قفايا ساعتين لحد ما وصلت البيت

المٌهَــــاجِر المَصْـــــــرى said...

سمسم
تمام يا مان
عمر وصل بالسلامه روحنا اكلنا شاورمه فى مطعم اسمه ممبار..ومشينا حوالى 20 كيلوا اخذنا منهاتن من اولها لاخرها

عمــر
مش قلت لك ان بوسطن فلاحين يامان..هههه
يالا هانت كلها كام اسبوع وهتعيش معانا علطول

عمر said...

طب انت مش حتصدق يا معلم اللي عملناه امبارح

خدت السبواي انا ودينا ونزلنا في شارع 14 ومشينا في الفيلدج ومنها الي نوهو وخدنا البرنش التمام وبعدين نزلنا علي ليتل ايتالي وشاينا تاون ومشينا في برودواي لحد الفانانشال ديستريكت ومنه إلي الورلد تريد سنتر وبعد خدنا السبواي اب تاون لسوهو ورجعنا نوهو تاني عشان الغدا وكانت الساعة لسة 3... يعني تقريبا لفينا مانهاتن مرتين.. بس أخوك حاليا خلصان

مجهول said...

نفس وجهة النظر انا برضه
يوم الأحد
زيه زي البصل
وبرضه لنفس الاسباب
يوم رخم ودمه تقيل ويوم الجمعه بيبقا بعيد اوووي
ياساتر
هوه اساسا النهاردة ايه
علشان انا مش بحسب الاسبوع الا من يوم الخميس
وعندي الاسبوع يومين بس خميس وجمعه
وحمد لله علي سلامتك يا مهاجر
ايه انته كنت زعلان من يوم الاحد للدرجة دي ومش عايز تدون ولا ايه
.......
اما كاظم الساهر
فصراحة انا بقيت حولع في نفسي خلاص
الراجل ده دايما مهزوم ومضحوك عليه وضحية للمرأة
ياه لو يروح هوه ويوم الاحد بعيد ويرحيونا خالص

المٌهَــــاجِر المَصْـــــــرى said...

عمـــــر
انا قولت لك انت ودينا انى كنت فخور بيكم اوى لان اغلب السياح اللى من بره نيويورك مش بيحبوا يمشوا لكن انتوا ماشيتوا معايا شويه كويسين
المهم فى انتظارك قريبا ان شاء الله ونيويورك نورت
=================================
مجهـــــــول
ههههههه
وجه نظرك جميله يا صديق..فعلا يوم الاحد عامل زى البصل وممكن تقول بلح خالص..
كاظم الساهر بأه جاى يخنقنا معاه
المهم انت عامل ايه؟

Iron Cobra said...

ملحوظة بالنسبة لكاظم:
أنا كنت بايمع كاظم و ناظم الغزالي في أواخر التمانينات و أوائل التسعينات (عرفني عليهم صديق فلسطيني/مصري) قبل مايتعرف خالص أو أي حد يسمع عنة في مصر و أحقاقاً للحق كان بيعجبني ، وكنت كل ماقول لحد دي في مغنيين أسمهم كذا و كذا يقعدوا يتريقوا عليا و عليهم ، المهم كبرت و ذهب الأثنان الى مكان ما في مؤخرة مخي.
بعدها بكام سنة و فجأة من اللامكان لقيت البلد كلها فيها شوطة دايرة اسمها كاظم و بالذات بين النسوان و البنات و يقعدوا يا خويا يتسهوكولك على كاظم و جمال كاظم ، وبما أن أخوكم في الوقت دة كان في أوج مجدة و عملاً بالمبدأ الأمريكي Anything for a buck أنا كان مبدأي أي حاجة بس نجيب رجل الحرمة ، ركبت الموجة و عشت في دور العاشق الولهان و الحبيب المضحوك علية دايماً و سميع كاظم الساهر .ي صاحبك علي كدة يا رأفت بس هو كان بيشتغل بالكلاب و أنا كنت باشتغل بكاظم.
المهم بعد فترة العملية زادت عن حدها و بضينت زي ماقال مجهول ، الراجل على طول مضحوك علية و على طول متخبور و على طول ضحية دة أنت لا مؤاخذة بأة زبون و خرنج كمان.

عمر said...

أسامة : بتعجبني جدا تحليلاتك الدقيقة للحركة الفنية... حلوة أوي مؤخرة رأسي في اللامكان دي... بس بيني وبينك عمري ما لقيت وصف أكثر بلاغة لكاظم من خرنج دي... فعلا أول ما بشوفه وهو بيغني بفتكر الخرنج... بس هو ايه الخرنج دة؟

الجحيم هو الحقيقه said...

ياه ه ه ه ه هه ه ه اخير ا

والله انا فر حا ن اوي يا زعيم انك رجعت حاسس كاني اتو لدت تاني فكرتنى با لايا م الحلوه يا قبطا ن رحت مدونتك وطعمها غير اي حد يا بر نس والله
تحياتي

المٌهَــــاجِر المَصْـــــــرى said...

سمسم
ههههههههههههههههههههههههههههه
يا لعبك يا 17
ايه الجمال ده يا مان
والله فى الجوووول
ههههههههههههه
كاظم ده عامل زى الواحده الست اللى نفسها تتجوز بس خايفه من الحمل
هههههههههههههههههههههههههههههههههههه
=================================
عمر
والله زى ماقلت..تحليلات اسامه فعلا شيقه ودايما تلاقى ليها علاقه بالواقع
لعيب ابو السماسم لعيب

=================================
الجحيم
انت كمان واحشنى يامان..
وخليك مركز فى القادم من الريف والله المستعان

Iron Cobra said...

فاكر يا عمر في مسرحية عادل أمام لما كان بيقول قلتلي يا كرنب هو كان بيقول طبعأص يا خرنج.
تعريف الخرنج في مختار الصحاح في باب خرنج هو الشخص لا مؤاخذة يعني اللي مش راجل اللي يقبل العيب على نفسة و اهل بيتة و مايعرفش يعمل فية حاجة أو يدور وشة الناحية التانية .
و من مترادفات الخرنج في اللغة العربية الفصحى الديوث و الرجلة و في اللغة المصرية الدارجة المعرس أو المعرص و في اللغة الأمريكية الPimp.

عمر said...

يا سلام حقيقي الحج مختار دة راجل عشرة علي عشرة

هفأ يعني أو زي ما الناظر قال لنجيب الريحاني: لو كانوا بيحترموك مكانوش يلعبوا بك الكورة.. انما انت راجل هزؤ.. انت مرفود من مدرستي

Iron Cobra said...

أنت من الأحرار يا عمر ، وأذا كان حُب أنجي هينسيني حُب مصر يبقى أُم أنجي على أُم مصر.

المٌهَــــاجِر المَصْـــــــرى said...

فاصل اعلانى بأه
ههههههههههههه
والله زمان يا سلاحى

Iron Cobra said...

عايزين تشوفوا مثال للخرنج خشوا على الرابط دة:
http://home-of-the-bridez.blogspot.com/2007/04/blog-post_27.html

المٌهَــــاجِر المَصْـــــــرى said...

اسامه
هههههههههه
ههههههههههههه
روح ربنا ينتقم منك
ايه يامان التعليق اللى انت سايبه لحماده ده
ههههههههههههههه
احا جدا يا بشر
وسمعنى سلام عاش اللى قال للرجال عدو القنال
هههههههههههههههههه

Iron Cobra said...

بذمتم و دينك يا راجل في راجل يبقى عندة 44 سنة و أسمة حمادة.
لأ و الأنقح بأة أن عم الباشا لسة ماتجوزش لحد دلوقتي و عايشلي في دور كاظم الساهر .
بأة بذمتك و دينك يا راجل في واحد في العمر دة و شغال في مجال الفندقة لأ وفين في مصر و مش مفتح و مطقطق و يعرف بدل الحرمة ألف ، وهو نفسة معترف في بوست لة قبل كدة أنة صاحب مزاج (كوباية و سجارة) فعلى رأي أخوانا الأمريكان It doesn't add up و بلغة الصياعة المصرية مبروم على مبروم مايلفش.
قعت أقرأ يا رأفت يا خويا و أنا بضاني عمالة تورم و في الخر قلت لأ مابدهاش و خصوصاً و أنا عمال أقرا التعليقات اللي من نوعية أة و أوة و ياعيني عليك يا حبيبي من بنات أغلبها مراهقة و مسهوكة.
طب قلي أنت راجل عندة 44 سنة بيعمل أية مع بنات عندها 17 و 18 سنة و ماتجوزش لية لحد دلوقت و داخل بيكتب الكلام دة لية ؟؟؟؟؟؟
ماهو حاجة من التلاتة:
1- ياهو لا مؤاخذة ماوش في الحريم من أصلة.
2- ياأما بتاع عيال.
3- يا أما داخل بيعلق (مش بيعلق يعني يحط كومنت لأ التانية).
و بعدين دة مش أول بوست لية يفقع دة لية بوست قبل كدة لما حب البت الصغيرة و كان عايز يجوزها و في الأخر طلعت بنت واحد صاحبة و دفعتة في الكلية.

Iron Cobra said...

على فكرة في مصطلح بيتقال على اللي زية هنا في أمريكا و أنت أكيد عارفة يا رأفت Pervert.

المٌهَــــاجِر المَصْـــــــرى said...

الحق اقول يا سمسم..
ان هذا الحماده صعب على
بغض النظر عن ميوله الجنسيه..بس فى مبدأ يعم عم اسامه..اللى يبعيك بيعه واخسر فيه كمان..يعنى لو انت شاريه بدولار لأ بيعه بخسمين سنت واخلع..
وبعدين عم حماده ده البنت حلقت له ..خلاص بأه يا عم حماده
move on
ههههههههههههه
بس فعلا
يا حرام ياحماده
يا عينى يا حماده
هههههههههههه
تصدق يا سمسم
انا اتولدت كده طووور من غير مشاعر ولا احساسيس
والحمد لله
ميه ميه
هههههههههههههههه

عمر said...

معلش بقي يخوانا الطلعة دي بتاعتي... اسمها "داخل يشقط" يا عم أسامة حتي حتلاقيها في عبدالمجيد الصحاح

بس الصراحة يا ريس انت رزعت الراجل تعليقين في الجون وشكلك كدة قطعت رزقه.. يا عم الراجل كان شغال آخر حلاوة لحد مانت أحبطته.. بيقولك
live and let live...

Iron Cobra said...

ماهو دة اللي أنا قصدي علية و اللي أنا قلتهولة في الرد بتاعي ياباشا.
من باعك بيعة و بالرخيص كمان و اللي مايشلنيش تاج فوق دماغة مالبسوش فردة شبشب خدوجة مقطع في رجلي ، وخلاص واحدة حلقتلك get over it and go on و هو اللي خلقها ماخلقش غيرها يعني .
أمانة عليك يا رأفت تروح تقرا البوست بتاعة في بيت العرايس و العرسان اللي قلت لك علية عن البنت اللي أصغر منة ب25 سنة اللي حبها و طلعت بنت زكيلة و دفعتة في الجامعة و تقولي حاجة تفقع و لا ماتفقعش.
يعني انا على أد مابشوف ناس عوأ كتير و قليل على البلوج سفير بس ماحدش فيهم قدر يخرجني عن شعوري زي الأخ دة حتى أسلوبة في الكلام يا أخي تحس أنة مش أسلوب راجل ناضج ملو هدومة.

Iron Cobra said...

الغلط مردود ياعمر باشا مانقدرش نزعلك .
هو في الواقع يشقط ظهرت في أخوار أيام عهدي بالصياعة و كانت قليلة الأستعمال ، الكلمة اللي كانت مستعملة أكثر كانت يعلق ، لكن أعتقد مع التطور الطبيعي للحاجة الساقعة أندثرت يعلق و بزغت شمس يشقط

Sharm said...

انا بقى بكره يوم التلات جدا جدا

المٌهَــــاجِر المَصْـــــــرى said...

Sharm
ايه سبب كرهك ليوم الثلاثاء ؟؟
جايز علشان فى وسط الاسبوع وملوش معنى..يعنى مش مفرح زى يوم الجمعه ولا كئيب زى يوم الاحد

Iron Cobra said...

يوم التلات فية 3×5 في بيتزا هت و 2 بسعر واحد في دومينوز بيتزا .
حد يكرة يوم التلات برضك بأة دة كلام.
أنا باكرة البيتزا عمى.

عمر said...

هو فعلا يوم التلات في مصر بيبقي سخيف علشان الواحد بيكون لسة راجع من الويك اند ومش طالبة معاه شغل ويا سلام بقي لو علي الساعة خمسة ونص كدة يجي البوس يقوللي عندنا كونفرنس كول الساعة سبعة وبعدين العميل يتلكع ويتصل علي 9 واكون في بيتنا الساعة 12 بالليل وابقي مش عايز اروح الشغل تاني يوم أساسا

بس مش عارف ليه طول عمري مش بحب يوم 4 مايو....

لكن بحب جدا يوم 25 فبراير لأنه اليون اللي خلصت فيه مركز تدريب سنة 2005 واليوم اللي خلصت فيه جيش سنة 2006

عمر said...

الكلام اللي فوق دة علي يوم الحد

صباح الخير.... معلش لسة ما شربتش القهوة

متغيرة شوية said...

تصدق فعلا يوم رخم..
لكن لأ السبت أرخم طبعا

Nohaz said...

حمد الله علي السلامة
اتصلت بيك لكن انت طنشتنا

المٌهَــــاجِر المَصْـــــــرى said...

سمسم
يا سلام عليك يا مان لما تجيب التايهه..يوم الثلاث بتاع بتزا هت ده هنا فى امريكا مش فى مصر..
وبعدين والله لو عملت اللالى.. الايام كلها شبه بعض فى مصر..
===============================
عمــــــر
ههههههههههههههههههههه
هو انا عامل استطلاع للرأى عن احسن يوم فى السنه
ههههههه
ايه جاب فبراير ومايو هنا
صبح يا مان..اخبار استار بوكس ايه؟؟
=============================
متغيره شويه
ايه سبب كرهك ليوم السبت
احنا ما نقدرش نظلم الايام كده
ههههههههه
وليه يا ترى متغيره
===========================

نهاز
الله يسلمك
انا اتصلت بيكى برده وانت عمرك ما رديتى ع التليفون
عيب عليكى يا باشمهندسه..هو انا اقدر اطنشك برده

عمر said...

يابني انت... 4 مايو دة يوم ميلاد الزعيم والصحف القومية بتبقي عاملة فرح ولازم انزل من بدري أجيب للعيلة أدوية الضغط وبيكون نهار مش طالعله شمس

المٌهَــــاجِر المَصْـــــــرى said...

عمـــــر
والله ياوريث الظاهر ان الزعماء كلهم اتولدوا فى شهر مايو
اخوك برده مواليد هذا الشهر اللعين

Gid-Do - جدو said...

رافت

اشكر مرورك عندى ـ ومن الغريب انى متابع الى حد كبير بعض ما تكتب بس بدون ما بسيب تعليق حتى لسة فاكر بوست انت كاتبة قبل نزوله لمصر بتحكى فية عن والدتك وازى اصحابك بيستغلوا كرمها وكان عجبنى جدا هذا النوع من الكرم الغير معروف فى امريكا

بخصوص يوم الحد ـ ألاحد ـ انت خليتنى افتكر انه كان يوم جميل بالنسبة ليا خاصة فى الصيف فى اجازة المدارس لانة كان يوم اجازة والدى يرحمة الله
طول الدراسة كنا فى المدرسة يوم الحد وهو اجازة ويوم الجمعة احنا اجازة وهو شغال لكن فى الصيف كنا بنخرج معاة

كاظم الساهر علق معايا فى اغنية واحدة اسمها زدينى عشقا يمكن لان الفديو كان الحلو ـ تحياتى وارجو ان نستمر فى اللقاءات الافتراضية والحقيقية اذا اراد الله ـ تحياتى

المٌهَــــاجِر المَصْـــــــرى said...

جدو العزيز
طبعا يوم الاحد ايام سنواتك الدراسيه كان يوم كويس لان ايامك كانت كلها كويسه مش زى الايام السواد اللى احنا عايشنها دى
وكويس قوى ان كاظم معلق معاك فى اغنيه واحده لانه شاب خنقه
المهم يارب صحتك تكون كويسه

وان شاء الله تدوم اللقاءات الافتراضيه وباذن الله نتقابل يا فى نيويورك يا فى تكساس
وانا عارف ان لك اخ فى نيويورك فيا ريت لما تيجى نيويورك تبلغنى

Iskanderani said...

أيه ياعم رأفت بس مين مزعلك وقال تسمع الواد "كاظم " بلاش منه ياعم والله لاأعملك س د للراجل المكوجي يعدل لك دماغك أيام الاحد علشان ماتبقاش رٍخمة عليك وهو علي فكرة سمعت له موال مع أبنه "عصام" حاجة تجنن ؛ يالا ياعم هنيالك مع "شعبله" مغني الوطن العربي والفضائيات العربية والعالمية !!!!!!
وبلاش الراجل الساهر ده راح نخليه علشان خاطرك "كاظم النائم" أبو كيلو زيت خروع في شعره

تحيات إسكندراني في بلاد الله الواسعة

أنـــا حـــــــــرة said...

يخرب بيت عقلك يا رأفت
واحشنى اوى جدا يعنى
مفيش مرة اقرا عندك بوست
و ما اضحكش

ربنا يخليك ليا و يبعد عنك يوم الاحد يا ضنايا


بس ايه علاقة كاظم بيوم الاحد يعنى
فين الارتباط الشرطى
و للا مجرد الكره مشترك

:)

جنية فى قارورة said...

أنا بكره يوم الثلاثاء
وبحس نفس أحاسيسك نحية يوم الأجد
لدرجة إنى فكرة أنضم لجمعية مناهضى يوم الثلاثاء
؛)
تدوينة ظريفة أوى