عندما تاهت فلسطين بين حماس وفتح

عندما كانت حماس حركه مقاومه تسعى لتحرير الارض المحتله كانت تحظى باحترام جميع الشعوب العربيه وليس طبعا جميع الحكومات
وعندما فازت حماس بتشكيل الحكومه الفلسطنيه.. تشتت افكارها من تحرير الارض والمقاومه الى الكراسى والمناصب
حماس فرّقت الشعوب العربيه بعدما وحدتهم.. فتجد الآن فريق مؤيد لحماس وآخر معارض. كان الجميع يحترم حماس او على الاقل يتعاطف مع غرضهم فى تحرير الارض.. اعضاء حماس حملوا البنادق والمدافع فى وجهه اعضاء حركه فتح المريضه التى لا رجاء منها.. ولا من رئيسها العبيط.. حتى فى مجتمع المدونين تجد من يمجد فى حماس ومن يلعن اجدادها.. فى الماضى .عندما كانت حماس حركه مقاومه من الصعب ان تجد مدونه تسب وتلعن حماس
على حماس واسماعيل هنيه الرجوع الى المقاومه وترك الكراسى والوزارات العبيطه التى لا أمل منها.. الكراسى لها اصحابها..أناث حبوا الدنيا واستقروا لها فحبب الله لهم الحياه. اما المقاومه فلها اناث حبوا لله واشتروا الاخره ورموا الدنيا وراء ظهوره

17 comments:

Anonymous said...

الله يلعن حماس على فتح على اليهود على الكل كليلة

نسى الطرفين أن هناك من يتربص بهم
ونسوا 60سنة من التشريد والكفاح ومحاولة انتزاع واسترجاع الأرض من أنياب الصهاينة
نسوا انهار الدماء وتلال الأشلاء المقطعة على عتبة هذا الوطن

وفى النهاية تناسوا المواطن العادى اللى مالوش فى الور ولا الطحين
لكنه يبحث عن نهار جديد يستطيع الاستيقاظ على قيد الحياة فيه هو وأسرته

نسوا رجل الشارع وتفرغوا فقط لقتال بعضهم البعض وحياكة المؤامرات لبعضهم لابعض وظهرت الأسلحة والعيارات النارية والتصريحات اللوزعية حين تلاقت وجوههم فى صراع مفتوحوالمصيبة أن كله تحت راية قال الله وقال الرسول
تحت راية الاسلام وهو منهم براء


وأخيرا

من اسرائيل لحماس وفتح

نشكركم على حسن تعاونكم وتوفير السلاح والأفراد على الجيش الاسرائيلى
وتكرمكم بالقيام بالمهمة نيابة عنه

الأغاني للرأفتاني said...

شهـــروزتى
اتفق مع كل كلمه كتبتيها..فالجميع اصبح الان فى نظرنا سواسيه..مفيش اختلاف لان ناتج هذا القتال الفاشل هو نصر للعدو وليس لنا منه بنصر
وعندما يعود الجميع الى عقله ويفكر من هو الرابح من هذا القتال..سوف نعود نحن كمواطنين لتشجيع اصحاب الارض
ولنا الله
وحشانى

انحلت سيور العربه وسقط المهر من الاعياء said...

المهاجر المصرى

لى مقال منشور من فتره على موقع الاسلا م اليوم ومجلة العصر بعد نجا ح حماس مبا شرة فى المجلس التشر يعى الفلسطينى ومن ثم تشكيلها الحكومه توقعت فشل حماس وخطئت مسلكهم فى الدخول فى ارتكا سه سياسيه لا امل من السير فى ركا بها لان عظمة حماس هى فى كونها حر كه مقا ومه

ولكنى كنت التمس العذر لهم فى كون الدحلا نيون يمارسون معهم الاعتقا ل والاستبعاد كون انهم المسيطر ون على مقدر ات الشعب والوظائف واستبعا د الاسلا مين عن حقهم فى الحياه والعمل

وقد هوجمت بسبب وجهة النظر هذه من القريب قبل البعيد
ولى تعقيب على تعليق شهر وزه

لا داعى لمصطلحات اللعنه ومسا واة المقا وم با لعميل با لمحتل

حتى وان اختلطت الاوراق حا ليا نتيجة مر حله ضبابيه تمر بها القضيه فليس من العدل نسيا ن دماء الاف الشهداء

من الشيخ احمد ياسين

الى الر نتيسى
الى عياش
الى الشقا قى

الى شهداء الاقص التا بعه لفتح
الى الجها د
الى القسام
ذر اع حماس
بحجة موقف مدبر سلفا من اجهزه مخابر اتيه عا لميه بتو اطؤ دحلا نى قا بلته حما س بسذا جه على كيفية ادارة الصر اع
وهذه كما قا ل المهاجر المصرى نتاج دخول حماس معتر ك ليس معتركهم ان سمحوا ان جعلوا انفسهم نهبا لليمين واليسار يطعن فيهم كما شا ؤا فقد اعطوهم الفر صه الذهبيه لذلك

تحيا تى

tota said...

رأفت

بصراحة حماس لما توصل لمرحلة فتح النار على اى كائن كان فتح او غيره ده لوحده مأساه يعنى الهدف الاساسى اختفى والنضال تحول لحرب اهليه وانتهت انتفاضة الحجارة وسقطت حماس من اعين كل المشجعين الى الوحل وسحقت معها كل امل فى قيام فلسطين مرة اخرى
للاسف الصورة سيئة جدا جدا واللى بيدفع التمن هما الضحايا
ومعدناش نملك حتى المساندة
مش عارفة ايه ممكن يحصل تانى بعد كده هل فى اسوء من كده هل هينتهى بيهم المطاف انهم يقتلوا بقية الشعب بايديهم

مش عارفة بس خايفة

عمر said...

يا رأفت..

اخبارك ايه يا معلم؟ انا هنا كالعادة غرقان في قصة الامتحان بس قلت اعدي اسلم

Iskanderani said...

مساء الخير يا سيدي العزيز رأفت ؛ المٌهَــــاجِر المَصْـــــــرى؛

ماذا أقول لك؟ والله محتار لان انا عبيط شوية فيما يخص السياسة المعاصرة!!
أغني يعني:"ماذا أقول له وهو ليس بين يدي لا يمكني الاكل معه ولا حتي البطيخ والجبنة القديمة اللي بالدووووووووود....." ياعم رأفت أيه أخبارك وعامله الدنيا معاك ايه ..إن شاء الله تكون بخير يارب

انا حبيت بس امر وارمي المسا عليك واسلم

تحيات إسكندراني في بلاد الله الواسعة

الأغاني للرأفتاني said...

الحجيم هو الحقيقه
نحن متفقين يا عم محمد.. لعبه السياسه لعبه وسخه .. والاولى بحماس انهم يهتموا بالدعوه والمقاومه وبلاها السياسه..
بالنسبه لكلمات شهروزه..فهى ما تقصدش طبعا تحط حماس فى نفس كفه اسرائيل ومن سواهم..وهل يستوى الخبيث والطيب يا عم الجحجيم ..طبعا لأ ولكنها زيها زينا كلنا فاض بينا الكيل وطفح

الأغاني للرأفتاني said...

تــوتا
هو فعلا اللى حصل بين حماس وفتح ما هو الا حرب اهليه ..لان الحرب ما كنتش مع العدو المقصود..والحرب اصبحت علشان مين اللى ياخد كرسى الحكومه ومين اللى يمشى البلد..
كل اللى كنت عاوز اقوله فى البوست ان حماس قيمتها قلت بينا كشعب عادى لما تركت المقاومه وراحت تجرى وراى كراسى الحكومه وزى انت ما قولتى ..الشعب الفلسطينى هو الخسران

الأغاني للرأفتاني said...

عمــــــــــر
انا فى كندا يا مان..تورونتوا بالتحديد.. وهارجع ان شاء الله يوم الاحد..شد حيلك ..هانت خلاص

الأغاني للرأفتاني said...

اسكندرانى
عم ممدوح
ايه الاخبار..
انا تمام وبخير الحمد لله بس مسافر وراجع يوم الاحد ان شاء الله..
والله انا كل ما اقول لنفسى ملعون ابو السياسه ..الاقى حاجه سخنتنى كده
يالا الله المستعان

الأغاني للرأفتاني said...

نهاز
معلش اذا كنت مقصر..بس الظروف والله..فيكى الخير ودايما انت اللى سابقه بالواجب
هاطمنك

عمرو المصري said...

مع احترامي الشديد لحضرتك
حضرتك خدت الموضوع من طرف واحد اللي هو وسائل الاعلام اللي ساقت حملة تضليل كبيرة جدا خلت الناس كرهت حماس وفتح وخات واحد زي حضرتك مغترب ميعرفش تفاصيل كتير يكتب ويقول كلام زي ده وخلي كمان واحدة زي شهروزة تكتب تشتم وخلت وخلت وخلت حاجات كتير جدا


طبعا حرية الكتابة والتعبير مكفولة لكل انسان وده رايك لكن انا بوحهلك دعوة تفرا مقالة فهمي هويدي
محاولة لفهم ماجري في غزة
وايضا
حتل لا نفاجا بالزلزال

هناك العديد من المدونات التي كتبت كلاما حياديا بفضل الله علي كنت انا واحد منهم



ادعوك لزيارتي في مدونتي وزيارة كل من كتب في هذا من امثال

شاب مصري
عصفور المدينة
المؤرخ




سلامي لك
من
مملكة الاستشهاديين


من
ارض الحرب

الأغاني للرأفتاني said...

عمرو المصرى
طبعا حريه التعبير مكفوله للجميع ... وانا اؤمن بهذا الكلام جيدا
كلامى كان واضح وصريح ومفيهوش لف ولا دوران..
انا باقول ان حماس اهتمت بموضوع الحكومه والكرسى بعد ان كان كل اهتمامها هو المقاومه والاستشهاد..
وكمان قولت ان الناس اتقسمت نصيين بين مؤيد ومعارض لحماس
اظن ده صح وواضح جدا..فين بأه الكلام اللى مش صحيح فى اللى انا كتبته؟

ما كتبته ليس حكم او قرار تجاه حماس..انما هو احساس..فى الماضى كانت حماس تهتم بالمقاومه ولا شئ غيرها وبناء عليه لفتت انظار العالم لها كحركه..انا عاوز اعرف لما حماس تاخد كرسى الحكومه..هتسفيد ايه او ايه اللى ممكن تعمله كحكومه؟ التفاوض؟؟؟؟؟؟؟
ولا ليه لازمه ولا اهميه

ارجو النظر للامور بموضوعيه بدون مشاعر ولا جعجعه فارغه

تحياتى على زيارتك

عمرو المصري said...

الموضوع مش جعجعة فارغة زي مابتقول
حماس اعلنت في اول حكمها اننا حركة مقاومة بالاساس وان الحكم لن يلهينا عن المقاومة
وحماس متخلتش عن المقاوة واتمسكت بالكرسي زي انت مابتقول بالعكس
مش عارف انت ليه نسيت الوهم المبدد اللي اسروا فيها العسكري الاسرائيلي
وعلي فكرة دي كانت بعد ما مسكوا الحكم
انا شايف انك بصيت للموضوع من جانب واحد وهو الاعلام اللي انا مصر انه ضلل الناس عن اللي حصل وصور لكل الناس ان ده صراع ع السلطة
او انه صراع مابين حماس وفتح
او القسام وشهداء الاقصي
في حين ان الموضوع كان بين الشعب الفلسطيني من جانب وتيار العملاء والخونة الذين خانوا بعضهم قبل ان يخونوا وطنهم
ولك في الوثيقة التي كتب فيها احدهم للصهاينة عن نيته تصفية قائده وولي نعمته بطريقته هو


وبعدين
ايه المشكلة ان تصريف امور الناس وقوت الشعب يكون في ايدين ناس زي حماس علي الاقل هم مش زي اللي كشفت جرايد الصهاينة ان حساباتهم في بنوكها بملايين الدولارات في وقت اشتداد الحصار علي الفلسطينيين ولا زي الملقب بالشهيد والذي وجدوه من اغني عشرة اشخاص بالعالم في الوقت ىالذي كان محاصرا فيه في منزله فماذا فعلت له الاموال التي اخذها من قوت الناس

انا بفضل الله لا انظر للموضوع غير بالحيادية التامة وهي ليست شهادتي بل شهادة من قرا ماكتبته


هو من الواضح انك مقريتش المكتوب سواء عندي او عند الناس اللي كتبتلك اسامي مدوناتهم
بس مش مهم


انا اسف لو كلامي في اي كلمة خارجة ضايقتك

واذا كنت مش عايز تقرا
برضه مش مهم



سلامي
من
ارض الحرب

الأغاني للرأفتاني said...

عمرو المصرى
انا مش عارف يا اخى انت ليه مصمم انى ضد حماس.
اولا انا اقرأ واسمع اعلام محايد جدا وانا من النوع اللى لازم يفحفر لحد ما يلاقى الحقيقه..وعمرى ما قريت الاهرام او الاخبار الا وانا راكب مصر للطيران.

ثانيا: الهدف من البوست كله ان حماس افضل لها تكون حركه مقاومه فقط وسيبك من الكراسى والمناصب
زى ما انت عارف ان فى مليون حكومه عربيه من الرؤساء والوزراء وغيرهم..عملو ايه؟ لاشئ..لكن حماس بكونها حركه مقاومه مش حكومه غيرت ولفتت انتباه العالم كله..

العملاء والخونه معروفين من زمان
السياسه لعبه قذره ليس لحماس فيها من سلطان
كل اللى انا عاوز اقوله..ارجعوا قاوموا علشان تلمو الناس وراكم تانى

اخيرا
مفيش ولا كلمه من كلامك زعلنى فى شئ..انا سعيد جدا يكلماتك..وربنا يوفقك

Anonymous said...

كل حاجة دائما نقول امريكا السبب اسرائيل السبب للاسف العيب فينا نحن وسلام مربع للعروبة ولسة 500 سنة لما نبقى مثقفين وفاهمين ان العدو الحقيقي داخلنا نحن كعرب والا اية

الشريف / جمال طة said...

بــــــــص شـــــــــوف


يافرحتى جائزة خادم الحرميين فى اختتام المؤتمر الاسلامى بمكة للدعاية والاعلان واليكم الدليل
الكيل بمكيالين فى الشرع السعودى وعدل أبناء عبد العزيز المزمع
الملك فهد بن عبد العزيز ملك السعودية السابق
فى حياته أصدر عفوا عن الممرضات البريطانيات فى المنطقة الشرقيه الذين ارتكبـوا
جريمة القتل
ودفــــــــــع لهـم تعويضـا عن ألأيـــــــــام التى تم احتجازهم فيهـا والسعودية فى
شخصــــــــه قدمت لهم اعتـذارا رسميا

والملك عبدالله بن عبد العزيز خـادم الحرمين

لمجـــــــــرد تدخـل السيده / هيلارى كلينتون بالكـلام عن فتاة القطيف التى تم اغتصابها
وصــدر بحقها حكما شرعيا بالجلد سمع عنها وتدخــــل بالعفو عنهـــا لأن السيدة /هيلارى
كلينتون مجرد أنها صرحت بالحديث عنها أى فتاة القطيف
رافضــة جلدهــــــــا
أما أنــا المواطن العربى المصرى الجنسية
ثلاثة عشـر عاما أسيرا فى السعودية من 2/11/1992م حـــتى عودتى بلدى مصر فى
8/5/2005م
ودخولى السجن أكثر من أربع سنوات ظلما وعدوانا بدون أى محاكمات وبدون أى حكما
قضائـى والاستيلاء على أموالى عنوة
لم يسمع عنــى الملك فهد بن عبد العزيز ولا ولـى عهده خادم الحرمين الحالـــى
وبعدها يتاجرون بالاسلام ويتشدقون بالعدل
ويتغنون مضللين بالعلاقات ألأخوية بين مصـر والسعـودية
الحمدلله أن شرعهم
وعدلهم لايطبق فى أى مكان فى العالم واخيرا أقولها
صرخة مدويــة بأعلــى صـوتى لاتلوموا اسرائيل ولا أمريكا وحاسبوا أنفسكم قبل أن
تحاسبـوا ولن أترك حقى ياحكام السعودية
ومــــــــــن مات دون ماله وعرضه فهو شهيد

http://gamal51.blogspot.com