فادعو له بالشفاء

لم اشعر بالخوف او الوحده قط ... حتى سماع خبر مرض والدى ودخوله المستشفى لإجراء جراحه فى القلب. فبرغم الاستقلال الذى أعيشه منذ صغر عمرى حيث سافرت وانا صغير فى السن واعتمدت على نفسى ماديا وانا فى اوائل العشرينات وتعودت على العيش بمفردى فى بلاد بعيده. فبرغم كل هذا فكنت دائما اشعر بالامان واضع فى ذهنى ان هناك حائط للاستناد عليه وقت اللزوم وكنت دائما اقول لنفسى وايه يعنى لو تركت العمل وايه يعنى لو لم استطع سداد مصاريف الجامعه وغيره وغيره وغيره.. وكنت ابتسم واقول لنفسى فى اسوأ الظروف هاروح ارمى بلايا على الحاج وهو بيت العيله واسع
عند سماع خير مرضه ودخوله المفاجئ للمستشفى شعرت بخوف رهيب وفى لحظه شعرت انى كبرت فى السن الف عام ودار بذهنى الف سؤال وسؤال
لقد علمنى والدى كل شئ واى شئ.. واتذكر عند قدومى لنيويورك تحدث معى قائلا انه لمن السهل ان تضيع وتتوه فى نيويورك .. وانا بكل عبط ارد عليه قائلا.. اكيد فى خرائط للشوارع !!! لكنه لم يقصد هذا .. ولكنه قصد الضياع الاخلاقى وحتى هذه اللحظه كلما اقدمت على عمل اى شئ تذكرت كلماته لى
والآن بعد ان رفض ان يأت لنيويورك لاجراء الجراحه وحيث انى لا استطع ان اكون معه فى هذه اللحظات ..الأن لا املك اى شئ سوى الدعاء... فادعوا له معى بالشفاء

20 comments:

Gid-Do - جدو said...

رافت

ان شاء الله والدك حيقوم بالسلامة ومتخفش انا اخى عمل جراحة قلب مفتوح فى مصر فى نوفمبر الماضى والحمد لله النتايج كانت كويسة جدا

وبعدين اللى انت بتسمية جراحة ممكن يكون قسطرة للقلب وتركيب دعامات ودة اصبح اسهل من عملية اللوز للاطفال وبيتعمل فى مصر من سنوات طويلة

اطمئن يارافت لسة مصر فيها اطباء ممتازين والوالد بين الاهل والاصدقاء حيكون نفسيا احسن من اجراء نفس الشئ فى امريكا لان حالة المريض النفسية مهمة جدا

بكل اسف ضاع تليفونك فى وقت مش مناسب ارسلى عن طريق الايميل اى رقم تليفون ليك ـ فى العمل مثلا ـ وانا اتصل بيك فورا باذن الله ـ وان شاء الله الوالد حيكون بخير ـ تحياتى ومنتظر منك اى رقم تليفون اقدر اتصل بيك علية ـ تحياتى

Anonymous said...

i try send u sms but never delivered
i will say prayers for him
and plz not to be worried

عدى النهار said...

ربنا يشفيه ويعافيه هو وكل المرضى

دكتور مستكنيص said...

الف سلامة عليه وبازن الله يقوم بالسلامة وتطمننا عليه

اه يا دماغى said...

لا تقلق

ان شاء الله حيكون بخير

الطب فى مصر تطور كتيبر

وعمليات القلب اى إن كان نوعها
بتتعمل كتير

لن شاء الله حيخرج من المستشفى بالف خير وصحة

خالص دعائى

Iskanderani said...

مساء الخير ياصاحبي العزيز رأفت ،

ارجو من الله ان يكتب له الصحة والعافية والشفاء السريع وربنا يطمئنك عليه يارب وربنا يخرجه لكم بالصحة بعد العملية الجراحية

تحيات إسكندراني في بلاد الله الواسعة

انحلت سيور العربه وسقط المهر من الاعياء said...

الف سلا مه لوالدك يا رافت
اللهم يا رب الناس اذهب الباس اللهم اشفيه شفاء لايغادر سقما اللهم يا من تنجى من كل غبراء مظلمه نجيه يا رب العا لمين

امين

همس الليل said...

هو مش وقت عتاب او انى اقول زعلانه منك وبتاع

انما انت اخويا وقت الشده لازم اكون جمبك حتى لو بكلمه

الف سلامه على والدك يا رأفت انشاله يقوم بالف سلامه
وبعدين يا وله لو عوزت اى حاجه اعتبرنى اختك
واهلك اسكندرنيه جيرانا والله يا رأفت من غير تكليف ان احتجت اى شىء انا تحت امرك

وربنا يطمنك عليه يارب

وازاى تقول انك بعيد عن والدك واحنا اخواتك هنا

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

الأغاني للرأفتاني said...

جدو الحبيب
والله ما انا عارف اشكرك على ايه ولا ايه
ربنا يطمنك ويريح قلبك
================
نهـــــــاز
الرساله وصلت..الف شكر
===============
عدى النهار
آمين يارب
===============
دكتور مسكتنس
ان شاء الله..الف شكر على سؤالك
=============
آه يا دماغى
ربنا يعمل اللى فيه الخير
ربنا يكرمك يارب
============

اسكندرانى
استاذ ممدوح
آمين يارب..الله يخليك ليه
=============
الجحيم

محمد..دعاء جميل اوى..ربنا يجعله من نصيبه..شاكر يا اخى الفاضل

==============

همس الليل
نورا..معلش ما تزعليش..العتاب بعدين.. هى السفريه اللى فاتت دى زعلت اسكندريه كلها منى
بس ع العموم المره الجايه ها كون فى اسكندريه بس ومش خارج منها
خلاص ما بقاش لنا حد فى القاهره

ها قولك لو الحاجه عاوزه مساعده..
ابعتى لى الرقم فى ايميل..تليفونى ضاع من يومين وعليه كل الارقام

Anonymous said...

رأفت: ألف سلامة للوالد وان شاء الله يقوم بالسلامة قريبا.. حاتصل بيك أول ماوصل نيويورك الاسبوع الجاي ولو فاضي يوم الاثنين خلينا نشوفك

Heba Mohammed Najeeb said...

ألف سلامة ..دعاؤنا له ..وقلوبنا معك

tota said...

الف سلامة عليه يا رأفت ان شاء الله هيقوم بالف سلامة
اطمن باذن الله ربنا معاه بدعواتك ودعوات كل اللى بيحبوك وبيحبوا الحج

الأغاني للرأفتاني said...

عمـــــر
ان شاء الله تشرف نيويورك..انا مش عارف جدول شغلى هيكون ايه يون الاثنين..لو بالنهار هاقابلك بالليل ..ولو بالليل هابقابلك بالنهار..ابقى ابعت لى رقم التليفون فى ايميل علشان تليفونى ضاع وفيه كل الارقام
===========
هبــه
ربنا يخليكى..الف شكر
==========
توتا
آمين يارب..شكرا ليكى

^ H@fSS@^ said...

الف سلامة عليه يا رافت
ان شاء الله حيقوم بالسلامة و حتطمن عليه و تسمع صوته
ربنا يخليهولك

الأغاني للرأفتاني said...

حفصــــــــــه
الله يسلمك ويخليكى..اللهم امين ..ربيا يشفيه هو وكل المرضى..
امريكا ضلمت!!!

With Myself said...

ألف سلامة علي والدك يا رأفت ويقوم بالسلامة بإذن الله

الأغاني للرأفتاني said...

مع نفسى
حمد لله على السلامه يا مهندس
فينك من زمان
ربنا يخليك

الايـــــــــــــام said...

تمنيات بالشفاء العاجل

admelmasry said...

اسم رافت دا عزيز عليا جدا
.
.
.
لانه ابويا
وعشان كدا انا هدعيلك

MAKSOFA said...

سلامه والدك وانت فين ؟؟؟؟