Monday, August 13, 2007

جــــــواب

بحبر إسود .. على ورقه بيضا مٍسطْره
كتبت كلامها بالقلم والمسطره
==
جوه الكلام مليون عتاب
مليون سؤال عن الغياب
ايه السبب يا هتلرى
==
تكتب وتمسح
تزعل وتفرح
عايزه الكلام يتحس .. مش ينقرى
==
دمع العيون صار ع الخدود
لونه كلون حبر القلم
تكتب بحبر .. أو بدمع
نفس الشعور نفس الألم
==
مع كل كلمه عاوزه بتعت ابتسامه
وورده ناديه معلقه فى جناح يمامه
عاوزه تقوله وحشتنى
هتيجى امتى بالسلامه
**********
من اللى فات
فى نيويورك مارس 2007

7 Comment:

فريدة... said...

جميلة قوى
فيها غنائية عالية يعنى الاقاع فيها عالى
لكن جميلة وكانها بتحوط تلك الفتاه بنغماتها

حبيت صحبتها
مكثفة الى حد ما
ووصف القصيدة او رصدها للحالة حلو قوى

جميله حقيقي
شكرا يا فنان
ربنا يكرمك

الجحيم said...

الله عليك يارافت

اى كلا م ممكن احكهولك مش هيوفيك حقك


جد مش هزار

وانا بقرا كلا مك قصدى بحسه

اتهزيت اوووووووووووووووووووى


يا مان


شعور جا رف رقيق اخدنى

كانه حلمى وغنوتى

الله

Raafatology said...

فريده
شكرا ليكى انت ..زى ماقلت لك قبل كده.ان ذوقك حلو..علشان كده كل حاجه بتقريها يتكون حلوه
تحياتى
==================
محمد
حقى ايه وكلام ايه يامان
القرد فى عين امه غزال ...احنا بس علشان اصحاب
هههههه
انا سعيد انها عجبتك
ربنا يخليك كده دايما رافع من روحى

SAKAyAR said...

وقوووووووووف
تصفيييييييييييييق

بجد عجبتني أوي

كرياكو said...

رافت

مفيش كلام افدر اوصف مادا اعجابى بيك فى كل كلمة بتكتبها وبتقولها



كرياكو

Raafatology said...

SAKAyAR
لا وقوف ولا حاجه صقف وانت قاعد علشان اللى وراك يشوف.هههههههه
ربنا يخليك ويكرمك
---------------------------------
كرياكو
شكرا على كلماتك المشجعه. ربنا يكرم اصلك

ŠĤŘξשּׂŜθũĽ said...

Beautifuly Written and Expressed :) Like like Like !