Friday, November 23, 2007

الحمله الرأفتانيه .. ضد الحملات التانيه

ناوى اعمل حمله شرسه ... بس مش عارف عن ايه لسه ...باحضر البانرات والشعارات وبافضى ركن فى المدونه علشان جمع التوفيعات
وبعت رسايل للناس جميعا علشان يحضروا للمظاهرات .. والهتافات
وصديق لى هيروح للمفتى يجيب فتوى ان اللى مش هيوقع .. هيروح النار .. ودمه حلال وانه عدو للحريه والوطنيه والقوميه والشرابيه وفراخ الجمعيه
ادعو لى بس اعرف الحمله هتكون عن ايه

30 Comment:

albida said...

أنا عن نفسى أول واحدة هوقع.. وهأمشى بالمنشور ده الف على العيال صحابى علشان يوقعوا هم كمان!! وأنا على فكرة من اشد المناصرين لقضيتك دى قلبا وقالبا... مع أنى مش عارفة هيا ايه!! بس مفرقتش كتير!.. المهم كلنا بنشجب وبندين وبنعترض

بتقبل البصمة؟ ولا توقيعات بس؟
:)

ويابنى مش تقولى أنك غيرت عنوان البلوج بتاعك؟.. ده أنا معرفتش عنوانه الا من وصل النور
:) :)

HafSSa said...

انا كمان حوقع بما ان نوعية حملاتك كانت معايا في ضد سامينا فانا مطمنة لنوعية الحملات بتاعتك و عشان اساعدك خد عندك عباس العبد عمل حملة الحرية لاصابع قدمي
و دلوقتي بيشارك ف يحملة مقاطعة نجيب ساويرس انا كنت بفك راعم لحملة مضادة مشابهة لحملة ابقاء سامينا في السجن لكن يلا متغلاش عليك يا رئيسنا يا رفاتاني
خد انت الحملة بتاعت ابقاء التعامل مع نجيب ساويرس و احنا معاك يا زعيم
تحياتي

رأفــــتلــوجيــا الرأفتـــانى said...

منال
احنا بنقبل البصمات قبل التوقيعات
واهم حاجه انك تؤمنى بالقضيه قبل ما تعرفى ايه هى ولا ايه اصلها
لازم تنددى وتنكرى وتدينى..زى عمرو موسى كده..وبعد كده ربنا هيسهلها وهنعرف الحمله عن ايه اصلا

هو وصل النور وصلك...لازم تعرفى الكون كله انك انتى اللى بتدفعيه
=============================
حفصــــــــه
والله نجيب ساويرس راجل عال
هههههههههه
انت عارفه انااللى مخلينى مش مصدق الكلام عن نجيب ايه
انه اصلا مش عايش فى مصر غير ايام قليله..والكام يوم اللى بيعيشهوم فى مصر عمره ما مشى على رجليه علشان يشوف القاهره فعلا اتغيرت ولا ما اتغيرتش
نجيب ساويرس رجل اعمال..والدولار مبدأه
لا فى دماغه كنيسه ولا جامع
بس احنا اللى عوزين حمله وتوقيعات
ههههههههه

Nani said...

السلام عليكم
انا مني وعلي رح اكون في الصف الاول وبجيبلك 10 - 15 واحد كمان
تديني كام؟
بالنسبة لنجيب سويرس
شكله في حد حقود بحبش مصر وبده يولعها اكتر من هيك
الله يستر

bluestone said...

انا كمان عاوزة العب .. قصدي اشارك معاكم في الحملة ...
فلابد ان نجاهد في سبيل القضايا المهمة بكل ما أوتينا من قوة على المدونات والفيسبوك .. :)

انا معاك يا فندم في حملة (مش هقاطع ساويرس) اللي قالت عليها حفصة ..

Iskanderani said...

مساء الفل يا رأفت ياصاحبي ؛

انا بس بعرف أبصم وكمان ياريت يكون في حبر فوسفوري علشان نعرف العدد بالظبط للموافقين بدون تزوير آه علشان نكون ُمُميزيين مش زي مجلس الاجماع والموافقة ...صاحب (كرارة) قراره.لما تجيب الحبر الفوسفوري والقائمة بالموافقين علي الشجب والتنديد والمقاطعة للبطيخ وأكله راح تلاقيني عندك علي طول ومعي بطيخة وجهاز الكشف علي البطيخ والشمام كمان لاختبار الصدق . اللي اوله شرط آخره (ظُلمة) قصدي نووووووووور. وسلم لي علي الباذنجان ومحشي الكرنب وسمك الشاخورا في الجمعية التعاونية ويجعله عامر بحملات التنديد والشجب.

تحيات إسكندراني في بلاد الله الواسعة

Iskanderani said...

انا نسيت أقول لك انا معاك في أي حملة!! أنا معاك في الحملة لمنع نزول السمك الشاخورة في الجمعية الخيرية قصدي التعاونية طبعا ولابد وان يجد طريقة لسوق وراء الحقانية ويُمنع بيعه في الجمعيات التعاونية خصوصا جمعية الاظاريطة / كلية الطب التعاونية علشان اعرف انام لم اكون في الاسكندرية. آه مش عاوزين وجع دماغ

تحيات إسكندراني في بلاد الله الواسعة

غمض عينيك said...

معاك ياباشا

رأفــــتلــوجيــا الرأفتـــانى said...

نانى
كلك ذوق وشاكرين مجهودك لمساعده الحمله المجهوله..كثرى من اصحابك واصحاب التوقيعات الغامضه والله المستعان
والله نجيب ساويرس ولا فى دماغه
============================
بلوستون
مريان..
موضوع ساويرس ده موضوع بايخ وملوش طعم..واصحاب حملات المقاطعه لمنتجاته..ما هم الا عجزه..
ابسط شئ بيقولو ان قناته التليفزيونيه مخله بالاداب..طاب لو مخله بالاداب..فى روموت كنترول.غير القناه
وغير خط تليفونك..
نجيب ساويرس رجل اعمال مميز وانا كان لى الحظ انى اقابله هو واخته هدى واخوه مجدى..فى نيويورك..ولا فى دماغهم اى شئ سوى اعمالهم
شاكر زيارتك الجميله يا جميله
=============================
اسكندرانى
سبب كتابتى هذه السطور هو الحملات اللى عمال على بطال..مش لهدف معين بس علشان خالف تعرف..
يعنى كل واحد فاضى يطلع بحمله..من غير دراسه عواقب الحمله دى..وهل فعلا هتفيد ولا هتدر..
الدنيا اتغيرت..والمقاطعه والتنديد والكلام ده ما بقاش يجيب نتيجه خالص
السمك الشاخوره ده لسه موجود يا عم ممدوح
ههههههههههههههه
ايوووووووووووه..ربنا يديك الصحه ويسعد ايامك زى ما ضحكتنى كده
============================
غمض عينك
يعجبنى فيك موافقتك من غير مناقشه
هههههه

Iskanderani said...

مساء الفل عليك أستاذ رأفت؛
طبعاً فهمت قصد حضرتك والحملات عمال علي بطال كل ما تزور مدونة تلاقي واحد / واحدة بتشحت وعلي كتفه / كتفها عيل وتقول:" أخي / أختي تضامن معنا في حملة سمك الشاخورا ونزوله في الجمعية . لالالالالالالا. إحنا عايزينه ينزل في حلقة السمك في بحري " وعلشان كده الاسلوب الساخر في تعليقاتي.

هو أنا أقدر انسى سمك الشاخورا وطوابيره المنيلة ؟؟؟ أييييييام وراحت.

تحيات إسكندراني في بلاد الله الواسعة

الجحيم هو الحقيقه said...

زعيم الامه

الرافتانى العظيم قائد سلاح نفخ الشعوب


اؤيد كل خطواتك النبيله فى حماية الامه من المغرضين من المطبيلن وبتوع الهيصه واؤيد حملاتك الفر اغيه فى التصدى لهم
ولكن لى عتاب يا صديق هناك اطراف مسيحيه اصحاب اجندة خاصه لاتظهر الا فى الوقت الذى تخدم فيه مصا لحها ولا تظهر فى القضايا الاخرى؟؟؟؟

ارجو ان تكون ملا حظ لهذه الجزئيه

طبعا انت استاذنا وفاهم عاوز اقول ايه
ولا
اه؟


تحيا تى

كرياكو said...

رررررررررررافت
باشا
استنانى انا معاك
اسف على التاخير بس اكيد انت عامل حسابى
شوف حملتك على اية ومن غير فتوى ولا حاجة
انا افديك بروحى يازعيم

Iron Cobra said...

لاموأخذة سؤال عبيط:
هو أية السمك الشاخورة دة؟

Iskanderani said...

مساء الفل يا أستاذ رأفت؛

قل ليٌ ماذا أعمل مع الاخ الافعي الحديدية
Iron Cobra
يسأل عن السمك الشاخورا.طيب أقول للراجل هذ أيه؟؟ دبرني ياإسكندراني. ماشي يا شرماوي ماشي . في اللنك هنا تجد معلومة عن سمك الماكريل والمعروف عندنا في الاسكندرية بإسم الشاخورا:

هنا بالالماني ياحبيب الملايين

http://de.wikipedia.org/wiki/Makrele

وهنا بالانجليزي يامرسي

http://en.wikipedia.org/wiki/Atlantic_mackerel

وكل سنة وحضراتكم طيبيين

تحيات إسكندراني في بلاد الله الواسعة

رأفــــتلــوجيــا الرأفتـــانى said...

اسكندرانى
ههههه..ايام والله سمك الشاخوره ده
دلوقت مافيش جمعيات اصلا يا استاذى..لو نفسك فى شويه سمك شاخوره..تروح بير مسعو تصداهم
ههههههه
ربنا يديك الصحه وطوله العمر
=============================
الجحيم
حلوه اوى حملاتك الفراغيه دى يامان
بتفكرنى بحصص الفيزياء بتاعه الثانويه العاميه..
انا فاهم النقطه اللى بتوضحها بخصوص ان بعض الاشخاص والجهات بيهللو لما يكون لهم استفاده من موضوع معين..بس الاشخاص دول على الجانبين يا صديق..مسلمين ومسحين..وانت عارف..عدم الوضوح والنفاق هو سبب ذلك..لان لو كل انسان وضح وجه نظره واتمسك بيها..الاخر هيعرف يتعامل معاه او على الاقل يتجاهله..لكن بعض الاشخاص قاعدين بالمرصاد

يعجبنى فيك..انك حولت بوست عبيط زى ده لنقطه جدل ونقاش يا ابو الجحاحيم..الله يلعنك يا شيخ
هههه
============================
كـــــرياكو
يعجبنى فيك ولائك ياكرياكو..من غير ما تعرف احنا هنعمل ايه..معانا ومن غير نقاش..
بصراحه احنا مش عارفين هنعمل ايه..مستنينن الحمله الجايه..وهنكون ضدها ان شاء الله
============================
الافعى الحديديه
هههههههههههه
مش عارف سمك الشاخوره اصل انت قاهرى على باب الله..ملكومش فى السمك يا عينى
ههههههه
اهووه الاستاذ ممدوح وضح لك يعنى ايه سمك الشاخوره..وده مختلف خالص عن الداتوره
ههههههه

Nani said...

السلام عليكم
وصلت لفين بحملتك؟
:)

Iron Cobra said...

معلهش أصل انا زي ماقلت يا أستاذ رأفت قاهري بالأضافة لأن ماليش في السمك أوي لكن طبعاً أنا عارف السمك الماكريل و باعزة اوي حتى لسة عامل صينية من أسبوعين.

رأفــــتلــوجيــا الرأفتـــانى said...

نانى
لسه الحمله لم تستقر على اى شئ..قاعدين نعارض ونندد وخلاص
==============================
الافعى الحديديه
عارف يا باشا ان ملكش فى السمك
ههههههههه
هو بس احنا خدعناك لما غيرنا اسم الماكريل..لسمك الشاخوره الشهير

أمير القلوب said...

إتوكل على الله كلنا بنهتف وراك
عاش الرأفتاني
وحملاته اللي عجباني
تقبل تحياتي

الجحيم هو الحقيقه said...

رافت صحيح
كنت عاوز اسالك سؤال
الشيخ اللى ف المدونه فوق
جلال الدين الرومى ولا مين؟


ابقى رد بسرعه عشا ن الموضوع دا شغلنى
سلا م

رأفــــتلــوجيــا الرأفتـــانى said...

امير القلوب
اهلا بالقلوب الملبيه النداء
===============================
الجحيم
هههههههههههه
انت الوحيداللى ممكن تشغل نفسك بالموضوع ده يا صديق
ههههههههه
ده يا سيدى الاصفهـــانى
مش الرومى

smraa alnil said...

كلنا وراك يا ريس

tota said...

هى الحملة طولت ليه كده هى مش هتولد بقى ؟
يلى مستنين الجنين يطلع للنور علشان نعرف شكله ايه هنوقع ولا هنوقع برده
مش طالبة تحيل علينا مفتى احنا غلابة يا ريس

ياسر شمس الدين said...

الفتوة الاولى
من لم يوقع فى حملة الرافتانى اللى مش عارفين عن ايه فهو اثم اثم اثم قلبة وسيحشر مع هامان وفرعون والمعلم الكبير حسنى
وديه فتوى من جميع شيوخ المحروسة
ولسة طالعه من الخمارة حالا اقصد من بيت الفتوى
واقترح ان يتم التوقيع بالدم عشان يبقى بذل الدم فى سبيل الحملة قد يدخلك الجنة
والله اعلم
والسلام عليكم ورحمه الله
الفتوة الثانية
من لم يوقع قد يدخل فى زمرة الخائنين للوطن وهذا قد يعرضه للدخول الى النار والعياذ بالله
لذلك فلابد ان يتم ذبح خروف يتيم لكل من لم يوقع وبما ان الخروف قد وصل ثمنة الفين جنية فما بالك بالخروف اليتيم هيبقى بكام فهذا قد يعتبر عقاب رادع لكل من تسول له نفسة
ولم يوقع
الفتوه الثالثة
لا يجوز ان تجادل او تناقش مع الرافتانى وقع وقع بالتى هى احسن

رافتانى الفتاوى اللى فاتت ديه كلفتى يجى 2000 جنيه
فقولت كفاية 3 فتاوى

رأفــــتلــوجيــا الرأفتـــانى said...

ايوووه..دا انا لو كنت اعرف ان الحمله المجهوله دى هتلم الحبايب مره واحده كنت عملت ميت حمله وحامل كمان
ياسر باشا وسمرا وتوتا
ياسلام

سمرا النيل
هو ده العشم برده..عامله ايه


توتا
حمدالله ع السلامه..على زى الحمله ما تطلع..اهى حامله مش حمله


ياسر
احب فيك نظرتك للامام والفتاوى دى يا ابو اسكندر
اخبار حوده جوندل ايه
ودبل الخطوبه
ملحوظه: احنا ما بنقولوش جنيه..بنقولو جنى
يعنى 2000 جنى

عمر said...

sanya wa7da, i think I saw a comment by Manal above, enti fen ya okht albida? good to know you're still around...

wenta ya 3am raafat akhbar upstate NY eh? mashi ya 3am tela2ihom kano tabkheen we mezabateen el 2a3da henak... eli edak yedina ya sidi!

فريدة... said...

كل سنة وانت الى الله اقرب وعلى طاعته ادوم

ازيك يا رافت؟

يارب تكون بكل خير ورحمة ورضي من الله العلى القدير

تحياتى وكل امنياتى الطيبة

رأفــــتلــوجيــا الرأفتـــانى said...

عمر
اب ستيت جميله يامان..كله تمام الحمد لله
وبعدين انت جاى تنق عى الاكل
بلاش انق انا..اصل انا مش محامى فى وول ستريت
هههه


فريده
كل سنه وانت طيبه وبصحه وخير
شاكر سؤالك وتواصلك الجميل

Ahmed Al-Sabbagh said...

كُــل عام وأنتم بخير

عــيد سعـــيد

أعادة الله عليكم بالخير والبركـــات

تحياتى

أحمد الصباغ

رأفــــتلــوجيــا الرأفتـــانى said...

كل سنه وانت طيب يا ابو حميد
عيد سعيد