بــــــركـــــان ســـــخطــ

(١)
بركــــــــــــــــان سخـــــــــط .. حـــــــــط وهبــــــطً
على الحــرامى اللى اتظلم .. وعلى الفقير اللى اتربط

(٢)
أصــــــــل الحكـــــــــــــــــــايه مـــــــن البدايـــــــــه
إن الحــــــــــــرامـــــى ماهــــــوش حــــــــــــــــرامــى
ولا الفقيـــــــــــــــــــــر كــــان يـــوم فقير اوكان عصامى

(٣)
فى بلـــــدى عـــايش فرقتين مختلفتيـــــــــــــــــــــــــن
فــــريق وعايش فى السمـــــــــــــــــــــــــــــــــــــــــــا
احـــــــــــــلامه اوامـــــــــــــــــــــــــــر ملزمــــــــــــــه
وفـــــريق بياكـــــــــــــــل م التــــــــــــــــــــــــــــــراب
عشمــــــــــان فى طقه تشبعه مش طقتيـــــــــــــــــن

(٤)
بدأ الفقير يسأل سؤال عارف جوابه مـــــن سنين
هيــــــــــــــــروح لميــــــــــــن ويجـــيب منيــــــــــــن
وإجـــــــــــــــــــــــابتــــه كــــانت من عيونه دمعتين

(٥)
أدى الفقير اللى اتحكم عليه فى يوم يكون فقيــــــــر
ما طلبش قصر من الدهب ولا جنه ناعمه من الحرير
ولا قـــــــــالش نفسى وعـزهــــا ولا كـــــان انــــانى
إحنا اللى سمينــــاه كــــده انســـــــــــان عصامى

(٦)
أما الحرامى فقال لنفسه مفيش امل وحلـــــــــــول امامى
ياأكون فقير يا أكون فى عين المجتمع انســــــان حـــرامى
حقى اللى منهــــــــــــــوب من سنين هاخده بإيديــــــــــــه
والدنيا والناس والزمــــــــان شـــــاهدين عليًـــــــــــــــــــــه

(٧)
كــــــــــــــــــــــــــــــل اللى ســــــــرقه رغيف وملـــــــــــــــــح
طــــــــــول عمـــــــــــــــــره عايش فى العذاب ولا داقش فرح

(٨)
أدى الحكـــــــــــــــــــــــــــــايه من البدايــــــــه للنهـــــــــــايــــه
فقيـــــــــــــــر بيحلم بالامــــــــــان وحرامى مستنى البدايـــــــه
احنا اللى بنظــــــــــــــلم بعضنـــــــــــــا ياناس كفــــــــــــــايه

*********************


نيويورك
٨ ابريل 2008


2 comments:

انحلت سيور العربه وسقط المهر من الاعياء said...

جميل كالعاده يا سعادة الباشا


تفسير منطقى للواقع ان السرقه تكون نوع من انواع الرفض ونوع من انواع الاعتراض ومحاولة الحياه تحت ضغط الحاجه والذل اللى البشر عايشنه بيكون كل شىء فى اللحظه دى مباح والانسان ساعتها مش بيبص على اى شىء غير انها يفكر ازاى انه يستمر فى الحياه هو وولاده

0000000000000
اخبارك يا مان؟

ربنا يقويك
تحياتى

الأغاني للرأفتاني said...

صدقت يا صديق
اصبح لا منجى ولا ملاذ غير للحراميه ... والباحث عن حقه المهضوم ماهو الا مجرم مغتصب فى عين قله قليه اغتصبت الحقوق واستباحت الاعراض
لا كرامه لنبى فى وطنه..ابناء البلد اصبحوا غرباء لا قيمه لهم وحفنه قليله يتربعون على عرش المجتمع المتهالك
كيف حالك؟
آراك عن قريب ان شاء الرحمن.. دعواتك