الحمد لله السجن طلع كويس ومريج
هو سجن زى اى سجن بس مش زى ما انا كنت متخليه
مفيش معنى الاهانه اللى هما متخيلينه بره
لما هما بيعاملونى كويس؟ امال ماسكنى ليه؟
احلى اكل ... احلى شرب.. ونيمونى احسن نومه..عيشه زى اى عيشه
.........
باحب اشكر السيد الرئيس والسيد وزير الداخليه استجابه لندائنا
........
ماحدش يسمعنى شخره؟
........
شوف الفديو هنا
........
ليه ما بيختاروش السجون المريحه دى؟
--------------
على اى حال حمد لله على السلامه
2 comments:
ازيك يازعيم
والله مفتقدة الكلام معك بشدة
نيجي بقى لموضوع اسراء
احب بس افكرك ان مش مطلوب ان كل الناس يبقى عندهم نفس قدرات محمد شرقاوي
انا صحيح لااعرفه شخصيا ولكني احترمه واقدره تقدير غير عادي
بالنسبة لاسراء الناس هي اللى عملتها قائدة وزعيمة ويبدو ان الحكاية عجبتها
لكن لاهي صاحبة فكرة الاضراب ولا هي نظمته
كل مافي الموضوع انها جات لها رسالة على الميل زي ماجات لنا كلنا بالدعوة للاضراب
وهي عملت الجروب والناس اشتركت فيه ووسعت المشاركات
وانا متابعة موضوع الجروب بتاعهم من بداية تكوينه
يعني البنت لاهي بطلة ولا ناشطة سياسية ولا يحزنون
هي جت معاها صدفة
ثم ماحدش يعرف ايه اللى هي اتعرضت له في المعتقل
لاتنسى انها بنت ومش كل الناس قدراتهم على الاحتمال واحدة
طيب ح اقول لك حاجة تانية
عارف انت طلعت السادات وانه اتسجن سنة بتهمة اهانة القوات المسحلة
ماهو خرج يمدح في السجن ويقول انه كان بياكل احسن اكل وعايش احسن عيشة
اشمعنى يعني ماحدش قال عليه انه خاين ولا عميل ولا اي حاجة من دي
الناس هم اللى عملوها بطلة وشحنوا نفسهم عاطفيا لانهم يبحثون عن رمز يتشبثوا به ويحل لهم مشاكلهم
ولما فاجأتهم الحقيقة المرة ان اسراء بنت عادية ممكن تخاف زي اي حد انهالوا عليها بالسب والشتم.
طيب يعني ياريت حد يتبرع يعتقل مكانها ونشوف ح يفضل ثابت على مبدأه ولا ح يحصل ايه
الكلام في الوسع سهل
والنظام بالتأكيد كان قاصد انه يخليها عبرة لمن تسول له نفسه يعمل اي اضراب
وكل واحد واحتماله بقى
تحياتي
بيلا
انت كمان وحشانى
موضوع اسراء اخد اكبر من حجمه..بس زى انت ماقولتى ..الظاهر والله اعلم انهم عاملوها كويس اوى لحد ما ارهبوها خالص
وفعلا اللى ايديه فى الميه مش زى اللى ايديه فى النار
هى مشاعر متباينه تجاه الداخليه..احنا عمرنا ما هنقتنع او ع الاقل انا عمرى ما هاقتنع ان الداخليه بتعامل الناس كويس
بس هو نوع جديد من الارهاب..كانت ضحيته البنت دى
الله المتسعان
Post a Comment