لما تيجى تشكر انسان قدم لك خدمة معينة او صديق عمل معاك واجب او معروف او رئيس لك فى العمل او اى انسان مهما كان صلتك به بستخدم احدى او بعض كلمات الشكر الاتية
الف الف الف شكر
انا مش عارف من غيرك كنت اعمل ايه
ربنا يقدرنا على رد جمايلك
انت انقذتنى من الورطه دى
ربنا يديم المعروف
انا مش عارف اشكرك ازاى
وغيرها وغيرها من الكلمات الاخرى. وفى ناس بتألف قصايد شكر ومدح. وفى انسان ابلغ من انسان. والانسان البليغ فى اللغه بتكون كلمات الشكر بتاعته معبره عن الانسان الغير بليغ فى اللغه
لكن لما تيجى تشكر ربنا بتقول
الحمد لله
بس هى دى. ربنا عملها سهله وبسيطه مش محتاجه بلاغه فى اللغه ولا براعه فى النحو
من خواطرالشعرواوي
2 comments:
جميلة اختيار مس القلب
لانه صادق وحقيقيى قوي
تحياتى الممتنة للطيب زكى الرائحة الى حسيته فى هذا البوست
يااااااارب تكون بخير وصحة
فريدة الى مقصرة معاك
فريده
عامله ايه. لا تقصير ولاشئ
ربنا يقويكى
ويصلح لك حالك
Post a Comment