رضا التعامل مع الوضع

عامل إيه؟  فينك ياعم  من زمان ما حدش شافك؟
الحمد لله رضا على كل حال. انت عارف ان الرضا بالنصيب، والقضاء والقدر ده نوع من التقوى والإيمان. فى بقى نوع تانى من الرضا ما حدش لفت نظرى إليه غير صديق لى إسمه بنجامين. بيكرة الفلسفة جدا مع أن كل كلامى فلسفى. المهم لما كنت باسأله إيه الأخبار؟ كان دايماً يقول كله تمام حتى لو مش تمام. يعنى أنا بأكون متأكد مليون فى الميه ان فى حاجات مضايقاه بس برضه كان يقولى: آه كله تمام. كنت أبص له كده واقوله انت متأكد يعنى مفيش شكوى واحدة؟ فكان يرمى اللى فى إيده ويرد على بغضب جامد ويقول: أيوه يا عم فى الف شكوى، بس إفرض ان انا إشتكيت لك وعرفتك بالشكوى، هتعمل إيه؟؟ ولا حاجة، لأن مفيش بإيدك حاجة. يبقى تاخدها من قصيرها وترضى لحد ما تتعدل من نفسها يا يبقى الوضع كما هو عليه.
هو ده الرضا بتاع بنجامين، إسمه رضا التعامل مع الوضع!

No comments: