مآساة الحياه إن ملهاش بروڤة!


عيب الحياة ان ملهاش بروڤة زي حاجات تانية بتفضل تعيد وتزيد في ممارستها لحد ما تبقي حرّيف فيها.
بروڤة الحياة الوحيدة هي الحياة نفسها تعيشها. صفحة بيضاء وتفضل تلغوّص فيها. في ناس بتموت وهي لسه مخلصتش لغوّصه. بتجرب وبتضيع وقت تتعلم وتدي لفلان فرصة، وتسامح عِلاّن ده وتغفر لناس تانية. 
والمغفرة والعدل أساساً من صفات الآلهة.  وفي فصيل من الناس بأحبهم وبأتشرف بأني بالانتماء ليهم، ودول اللي عارفين ومتأكدين انهم مش آلهة ولا أنبياء. مجرد بني آدميين ،عشان كده ما بيغفروش ولا بيسامحو ولا بينسو وكمان بيكرهو علي قد ما يحبو.
تعريف "الصديق"زي تعريف "الوطن" تعريف نسبي، في اعتقادي ان الصديق بالنسبة لي بيكون تعريفه مختلف عنه عند ناس تانيه وهكذا. زي السعادة بالظبط. تعريفها برضه نسبي. لان ممكن اللي يسعدني، يكون سبب تعاسة ناس تانية والعكس صحيح. 
ال٤٨ ساعة اللي فاتوا دول فعلاً ، ساعدوني واكدو لي اني مش نبيّ ولا عمري هاكون رب وهافضل إنسان لا هسامح ولا هاغفر. وبرضه عرَّفوا لي معني الصديق او الصديقه اللي بجد . مش مهم تكون الصديقة أو الصديق بغل عنده ١٠٠٠ سنه مثلاً وخلّف قورطة عيال ومش مهم برضه مراحل التعليم اللي وصلها او النجاحات المادية اللي حققها. 
الصديق اللي بجد هو عفريت العلبه اللي بيطلع لك ساعة ما تبقي محتاجه ومكسوف تقوله انك محتاجه. بيجي يساعدك ويقف في ظهرك مش منتظر منك جزاءاً او شكوراً. يخلص مرمطه وبهدله معاك ويذهب من حيث اتي زي العصفوره اللي بتقف علي شباك بيتك تغني وتملأه بهجه وأول ما تقرب منها تطير. اما البغل ابو ١٠٠٠ سنه اللي احنا اتكلمنا عنه ، ده هيجي لك فقط عشان تملي له مربع فارغ من مربعات حياته التعيسة . 
ولما يجي لك البغل ، لازم تختار ان تكون إنسان او تكون رب ونبي! 

الشمس أجمل

IMG_7492

-الشمس أجمل.
- شمس الفقراء قبيحة.
- الشمس عادلة. 
- شمس الفقراء أشدّ لهيبا.
- إذن ...
- الموت أصدق، أكثر عدلاً، يساوي بين الأعمار والأنساب. الديمقراطية الوحيدة الموجودة ولا تريها. 
- لكن الشمس هي البدايات.
- الموت هو الشئ الوحيد القادر علي إنهاء المواعيد !

Meet the Reader: The (Real) Rules of Screenwriting - Script Magazine


1. Tell a good story.
2. Screenwriting is dramatic writing
3. Always remember you are writing a movie.
4. Employ the proper format
5. Make sure it’s entertaining

فى الغربة والخوف

نصوص بالعامية المصرية

- خايف من إيه؟
- من الغربة. يعنى انت مش خايف منها؟
- كل الحاجات اللى بتخوّف الناس خصلت لى خلاص. لحد ما يخترعوا حاجات جديدة تخوف، أحب أقولك انا مش خايف. وبعدين ايه الغربة ا للى انت خايف منها قوى كده؟
- الغربة هى اللى ماتوا وما أخدناش عزائهم، واللى فرحوا وما ضحكناش معاهم، واللى عيطوا وما طبطناش عليهم أو حتى قلنا لهم معلش .

صانعة الحلوى

بنت فاطمة

.... ثم أما بعد
أصبحت انا الآخر مثل بطل قصتى، عندما اضع رأسى على وسادتى ابحث عنك فى كل مكان. رأيتك ترتدين فستان اسود قصير بلا أذرعة. رأيت جمال بشرتك يحارب سواد الفستان وينتصر عليه. رأيت شعرك اسودا منهدل على كتفيك. هناك خصلة وحيدة تضايقك وتنزل من جبهتك على عينيك الواسعة الصافية. أرانى ارفع تلك الخصلة واعيدها إلى سيرتها الاولى. أرانى اضمك وارقص معك بعد أن أضع رأسى على كتفك. رائحة عطرك تنتصر على كل ما هو حولى. الكون كله اصبح لا شئ الا من لمستك الدافئة.  أرى احضاننا تتناحر حتى ينتصر الأقوى، الأدفأ. أو ربما الأضعف المحتاج إلى حُضن الآخر.
جزء من مشروع - نصوص بائعة الحلوى.