Monday, September 26, 2016

الرصاص يختصر كل الحوار! #ناهض_حتر

تعاركت مرة مع شاعر نص لبه لانه كان بيهلل لقرار الدولة بمنع فيلم نوح فى مصر! قلت له بكل بساطة ازاي شاعر وتقول على نفسك مبدع وفى نفس الوقت تفرح لمنع عمل فني! المفروض ان الرقابة هى عدو المبدع! سخن واتشنج و ماعرفش يرد غير انهم بيسرقوا تاريخنا قال يعنى تاريخنا بسم الله ما شاء الله، وبعدين ما تعمل فيلم يا عم اشرح فيه تاريخنا اللى انت خايف عليه يتسرق!

افتكرت الكلام ده لما قرأت خبر اغتيال الكاتب الأردني ناهض حتر من أجل رسمة كرتونية- لم يرسمها - عمل لها شير على صفحته على الفيس بوك. وأنا باكتب حاجة خاصه بالشغل وقع تحت يدي تقرير لجمعية المكتبات الأمريكية. التقرير كان عن الشكاوي التى تتلاقها عن الكتب. الجمعية بيجى لها كل يوم شكاوي رسمية ضد بعض المكتبات العامة والمكتبات المدرسية تطلب منهم سحب بعض الكتب أو حذفها لمحتواها من وجهة نظر الشاكي.

من سنة 1982 تم تقديم شكاوي فى 11 الف كتاب فى اخر عشر سنين بس، تم تقديم شكاوي فى 5099 كتاب :
  • 1577 عشان اللغة كان فيها جنس صريح.
  • 1291 عشان اللغة غير لائقة.
  • 989 غير لائقة لفصيل عمري معين.
  • 619 عنف.
  • 361 تحتوي اللغة على مثلية جنسية.
والباقي متنوع بين الهجوم على الاديان أو هدم القيم الأسرية الخ …
المضحك ان من ضمن الكتب اللى اتقدم فيها شكاوي كتابي أليس فى بلاد العجائب و هاري بوتر! طبعًا مفيش اي كاتب دخل السجن زى احمد ناجي او اتقتل زي ما ناهض حتر اتقتل !

الدواعش موجودين من زمان وفى كل الثقافات وبكل اللغات.الفرق هو كيفية التعامل مع الدواعش.
لما تحارب فكرة تحاربها بفكره
والكلمة بالكلمة
والرسمة بالرسمة
والفيلم بالفيلم
والرأي بالرأي

لكن لما تختصر كل الطرق دي برصاصة، فانت …...

0 Comment: