مغاره جحا .. إقف فى الطابور يا سيّد

ذكرنا فى احدى المقالات السابقه ان التمثل الدبلوماسى لاى دوله مهم جدا وان السفراء واعضاء السلك الدبلوماسى لاى دوله لابد ان يكونوا على مستوى المسؤليه لانهم واجهه البلد فى الغربه القنصليه المصريه فى نيويورك اشبه بمغاره جحا ومعظم العالمين بها ليس لهم اى خبره وعلاقتهم بالدبلوماسيه الدوليه كعلاقه ام ربيع بتاعه التوسفان بالكمياء. فأم ربيع بتاعه التوسفان الكائنه فى حجر النواتيه فى اسكندريه الحبيبه تعرف كيف تبيع جميع انواع الادويه المخدره للطلبه . لكنها لاتعرف تركيبه اى دواء من هذه الادويه. كذلك حال موظفى القنصليه المصريه فى نيويورك. فأى سفاره تعتبر الامن والامان لمواطنى هذه الدوله. وتعتبر البيت البعيد عن البيت. لكن القنصليه بتاعتنا فى نيويورك بتتفنن فى تعكير دمك واستفزازك لابعد حد ممكن. فمثلا اجراءات اسخراج شهاده ميلاد او تجديد جواز السفر اشبه بالولاده القيصريه المتعثره وانت وحظك لو الاستاذ فلان مزاجه رايق يبقى 100% ولو مزاجه متعكر يبقى اعمل حسابك تضّيع لك يومين شغل فى الهواء لانك هتنتظر الاستاذ فلان لحد ما يظهر منين الله اعلم. والقنصليه بتاعتنا دايما ما عندهمش فكه. فمثلا لو شهاده الميلاد بتتكلف 15$ وانت دفعت 20$ الموظف هيقول لك ان مفيش فكه وطبعا علشان تخلص وترجع لشغلك هتقول له مش مهم بس خلصنى بما انك تعيش فى نيويورك تعتقد ان المعيشه فى هذه المدينه المتقدمه مدنيا سوف تغير تفكير عقول هؤلاء البشر لكن هيهات هيهات.. كأنك داخل اى سجل مدنى فى مصر المحروسه . وهذا سبب واضح و اكيد عى انقطاع الصله بين المهاجرين وبين الوطن الام. لانهم بيقرفوك فى مصر لحد متهاجر وبعد متهاجر بيقرفوك هنا لحد ما تضرب نفسك بسكينه او تبلع عشره كيلو برشام وحسبى الله ونعم الوكيل

4 comments:

Anonymous said...

yabni enta mashoftesh sefaret Sydney. Mewa2afeen feeha aghba, we aghtat, we arkham bani adam 3al shebak, yekhaleek 3ayeez tenteher, aw tetlob el legoo2 el seyasi lel sudan.

Anonymous said...

حضرتك، البعثة الدبلوماسية مجاملة ينالها الموظفين المرضي عليهم، أو المسنودين أو ال بيعرفوا يسلكوا أحوالهم، و في أحيان نادرة المغضوب عليهم لكن لا يمكن إيذائهم.

لا تنس أن الرئيس كان أقصى طموحه في يوم من الايام أن يعين سفيرا في بلد الإكسلنسات و يعيش في حتة نضيفة بعدين عن هنا.

Anonymous said...

ربنا يستر يا جماعه
العمليه بايظه خالص

Anonymous said...

ماهم يا جماعة موظفين جوه مصر بره مصر موظفين
وبعدين انتى منين فى اسكندرية أصلا
مينا البصل وحجر النواتيه ؟؟؟
بس دمك عسل