Monday, October 02, 2006

قرأت فى جريده الاسبوع عن جريده الاهرام


فى العدد 497 للسنه العاشره المؤرخ الاثنين 2 اكتوبر لسنه 2006 , كتبت جريده الاسبوع ان هناك اتجاه لتحويل 8 مسؤلين من اداره الاهرام السابقه والحاليه للتحقيق بتهمه الفساد والاضرار بالمال العام. وده مش المهم لان الاضرار بالمال العام فى كل مكان وعلى عينك يا تاجر اللى لفت انتباهى هو الدرجات الرفيعه فى السلم الوظيفى لهؤلاء البشر
'إبراهيم نافع' رئيس مجلس الإدارة ورئيس تحرير 'الأهرام' السابق
و'علي غنيم' نائب رئيس مجلس الإدارة، مدير عام مؤسسة 'الأهرام' السابق
و'محمد محمود حمدي' الشهير 'بحسن حمدي' المدير العام المشرف علي قطاعات الاعلانات ووكالة الأهرام للاعلان
و'محمد منصور' مدير عام وكالة الاهرام للاعلان
و'محمد علي محمدين' مدير عام الادارة المركزية لحسابات الاعلانات والوكالة
و'هدي عوض الله' مدير عام الادارة المركزية لحسابات الاعلانات والوكالة
و'فتحي فهمي عبدالموجود' مدير عام الادارة المركزية لتحصيل الاعلانات
و'محمد يوسف حبيب' مدير عام الاعلانات المبوبة


يعنى اللهم صلى ع النبى كده جريده الاهرام دى فيها كام مدير وكام رئيس مجلس اداره وكام هيئه مركزيه وكام وكاله. كل هذه المناصب و جريده الاهرام عاجزه على نشر خبر واحد صحيح أمال لو كانت جريده من اللى بجد كنا متنا بأه علشا ن نوفر رواتب المديرين
المناصب اللى مكتوبه دى مش موجوده فى مايكروسفت ولا فى النيويورك تايمز. عليه العوض و منه العوض و صوتى ياللى مش غرمانه

3 Comment:

شــهــروزة said...

اهلااا رامى
على فكرة بقا
الاسماء اللى انت قلتها دى المفروض يكونوا لقحين فى السجن من سنة ولا حاجة
لكن القضية اتطرمخت علشان نافع بيه اللى مشفناش منه حاجة نافعة
هدد الكبارات بتوع البلد انه لو اتأذى حيقدم مستندات تودى الكل فى داهية
انا كتبت بوست عن ارقام فلكية دخلت جيب نافع لوحدة على قفانا احنا والاهرام
مش عارفة اجيبهولك هنا بس افتح ارشيف اغسطس عندى حتلاقيه اول بوست خبط لزق
لدرجة انى اتلخبطت فى عد الاصفار الى ان وصلت من مصدر موثوق منه الى ان الرصيد الشبة نهائى لنافع هو
اتنين مليار ونص


وعمار يا مصر
وتحيا الكوسة والقرع والبطيخ
-----
ثم تعالى هنا يا واد انت
اية تعلقاتى بتخليك تضحك دى؟؟
على اساس انى اراجوز يعنى ولا مؤاخذة؟؟
ولا باشبة الست زينات صدقى؟؟

حاسلط عليك شوية بلطجية يكسروك



حلو البلوج بتاعك
منعش كدة

شــهــروزة said...
This comment has been removed by a blog administrator.
Hafsa said...

انا كمان عاوزة ابقي مدير تحرير سنة واحدة اشتري عربية جديدة و الحوش قرشين و اجيب شاليه في الساحل و يكون دور ارضي و فيه تكييف و اللذي منه وبعدين استكيل
ممكن يا اونكل ممكن لو سمحت؟