بصراحه كسلان اكتب



مفيش حاجه ينكتب عنها. الشغل زحمه ومذاكره الماجستير أرخم من كمال الشاذلى واحمد فتحى سرور.بمناسبه احمد فتحى سرور. بكره ان شاء الله نوفمبر 7 الانتخابات التشريعيه هنا فى امريكا. كونجرس وخلافه وعقبال عندكم لما صوتكم يبقى له قيمه اخوكم رايح ينتخب بكره واتذكر اول مره انتخبت فيها وكانت انتخابات العمده هنا فى نيويورك ولما الناس المشرفين على لجنه الانتخابات عرفوا انها اول مره لى قعدوا يصفقوا ويهنونى بممارسه اول حق ديمقراطى يكفله لى الدستور الامريكى وسلم لى ع الماده 76 ومعدلات الماده 76

7 comments:

Anonymous said...

كل أنتخابات و أنت طيب .

الأغاني للرأفتاني said...

Ironcobra40
وانت بالصحه والسلامه. انتخبت ولا لسه

Anonymous said...

I sent an absente ballot .

^ H@fSS@^ said...

ana 3mori ma sawat, bas i can cry very good, and i can altom and anta7eb, is that good to make my voice reach to congress or parliment etc etc????

heheheheee

الأغاني للرأفتاني said...

حفصه

يا ست حفصه مش مهم الصوت ينسمع المهم
انه موجود. وحق من الحقوق اللى منعرفهاش فى بلادنا الام هو حق الانتخاب. وانا افتكراخر مره انتخبت فيها فى مصر كانت فى سلاح التلميذ

Anonymous said...

رامى ازيك؟؟
والنبى انت صوتت؟؟
يا بختك
انا من كتر ما عارفة انه كله كلام فى الهوا
قطعت بطاقة الانتخاب بتاعتشى
قعدوا يزنوا على راسى انى اروح انتخب فى مجلس الشعب
وروحت وحباتك
وعطيت صوتى للاخوان فى دايرتنا
تعرف عملوا اية؟؟
الراجل فاز بارعة وعشرين الف صوت
المنافس بتاعه من الوطنى اخد اربع الاف صوت
هاااااة
فرق مش كبير
عشرين الف صوت بس يعنى
قام بتاع الوطنى اعترض وقدم تظلم ولحد دلوقتى الدورة الجديد قربت والترشيح علقوه وحيتعاد بس بعد اجل غير مسمى
عارف مين اللى حيفوز؟
بتاع الوطنى
حتى لو محدش رشحه
بتاع اية يقدم تظلم واستشكال ؟؟
ماعرفش
قبها زنوا فوق راسى انى انتخب فى تمثيلية الرئاسة دى
حلفت يمين بالعشرة انى مش رايحة
وغرامة غرامة
لانه معروف مين اللى حياخدها

بعد موضوع المجلس
مزقت البطاقة شر ممزق
حلو العربى الفصيح بتاعى دة
صح؟
وحلفت براس جدى انى ما حانتخب حد الا الرئيس الجديد
اللى هو برة الاسرة المنوفية
هههههههههه
يعنى حكمت على بطاقتى بالاعدام
لانه مش حييجى خارق للاسرة

الأغاني للرأفتاني said...

شهروزه
ازيك يا ستى الكل. انت عارفه الفليم اللى حصل عندكم بتاع مرشح الاخوان ومرشح الحزب الوطنى, حصل نفس الموضوع فى دايره الجمرك فى اسكندريه الحبيبه وعلى ما اعتقد ان لحد فتره معينه دايره الجمرك ما كنش لها ممثل فى المجلس الموقر. ع الاقل يا ستى انتى كان معاكى بطاقه انتخابيه مصريه انا لحد اليوم بأكافح علشا اطلع بطاقه شخصيه.
المهم ايه رايك فى نتيجه الانتخابات بتاعتنا هنا الحزب الديمقراطى مسح البلاط ببوش واعوانه وربنا يسهل فى انتخابات 2008