الوالى والوزير




مره الوالى قال لوزيرُه

اخبار شعبى وبلدى ايه


رد وزيرٌه وقال له ياوالى

نام وارتاح قلقان من ايه


شعبك داير ويّا الساقيه

وانا بإديّه مغمى عنيه

قال له انا خايف شعبى يفكّر

ياخد الكرسى اللى بيحمينا


وابنى حبيبى خليفتى فى ملكى

هيتوه وسط الناس بعدينا

ها ها ها ها
قصدك يعنى مملوك عادى

يجى القصر ويحكم فينا


مملوك ايه اللى هيوصلك

وانت عساكرك تحت عنينا


كلمه حُر وكلمه حُره

مليا الشارع


شعبى بيحلم بالحريه

وزمنى شكله خلاص مش راجع


عسكر جيشى مش هتأثر

وشعبى هيرفض تانى يبايع

احنا الشعب بإيدنا نكسّر

ترس الساقيه اللى مغمينا


احنا شباب وبنات وشيوخ

اللى حاربنا علشان سينا


الماضى عدى بحلوه ومُره

وبكره بتاعنا وملك ايدينا



يالا تعالوا نشيلوا الوالى

ويّا وزيره


يالا تعالوا وبصوت عالى

نختار غيره

11 comments:

انحلت سيور العربه وسقط المهر من الاعياء said...

اشطه يا رافتا نى
اول واحد ينطلك يا قبطا ن اه الحلاوه دى يا عمى والله شا عر ولا نجم ولا نجيب سرور هوه رافت وبس
هههههههه
تحيا تى

الأغاني للرأفتاني said...

نجيب سرور ده راجل كويس يا جحيم..ولا كمان معاك فى الزنزانه

شكرا يا جحيم.. ربنا يبعدنا عنك دنيا واخره

انحلت سيور العربه وسقط المهر من الاعياء said...

نجيب سرور ابو الادب يا بنى
اللى ميعرفوش يبقه فيه شك فى مصريته
هههههههههههه
ده علم من اعلام الشعر الا000000000000
ههههههههههه
حبعتلك حا جه له قريب
تحيا تى يا مان
وابقه احكم انته

عمر said...

يا عم عمال أقولك المدونة بتاعتك طراوة والواحد عايز يتسنكح فيها.. تقوم قالبها ثورة انت كمان؟

بس حلو الشعر، مسيره يتحلل برده زي ما حللنا نادية مصطفي كدة.. هاهاها

الزعيـمة said...

الماضى عدى بحلوه ومُره
وبكره بتاعنا وملك ايدينا


مهو عشان يجي بكرة ويكون بتاعنا
لازم احنا نتغير النهاردة ونكون اد المسئولية

بهية محتاجة لينا

الأغاني للرأفتاني said...

يا عمر
ما هو من عاشر القوم يا عم الحاج... دا انا لما بأجى عندك كأنى داخل مساكن الضباط الاحرار... وبعدين مفيش تحليل ولا اشعه.. هى كده حلوه

الأغاني للرأفتاني said...

الزعيمه
طبعا طبعا.. النهارده هنيجيب بكره..
بس مين بهيه دى يا زعيمه

عمر said...

أيوة يا باشا قضيت كام يوم في نيويورك الشهر اللي فات.. والله نيويورك أجدع ناس، وربنا يحرق كامبردج واللي عايز يعيش فيها

^ H@fSS@^ said...

wooow!! what is this raafat?!!! its marvellous, really very strong in words and meanings, keep up the high quality she3r

salam

الأغاني للرأفتاني said...

Hafsa
thanks for the kind words... I really appriciate it. in egypt they says,
القرد فى عين امه غزال
ههههههههههههههههههههه

^ H@fSS@^ said...

ولا قرد ولا حاجة الملافظ سعد
بس بجد هي حلوة