Wednesday, November 15, 2006

الرأفتانى فى الغرام


اخوكم فى ملاعب العواطف والغرام عامل زى الضيف احمد فى حلبات الملاكمه والمصارعه وزى هشام يكن فى ملاعب الكوره ومحمد رضا فى سباق 100 متر حواجز.. وعندما تأتى الى الحديث مع الصنف الناعم.. اخوكم بيحدف دبش عند الكلام فشر اطفال الانتفاضه او اولاد الحاره لما كانوا بيجروا وراء كلب جربان
ففى احدى الصولات الغراميه..كانت فى بنت ايطاليه جميله ..صاروخ فشر صاروخ شهاب 2 الايرانى.. واخوكم نازل نظرات لمده شهر كافلاطون.. البنت اتخنقت منى وقالت ابوالهول ده هينطق امتى وجاءت فى يوم وقالت لى تحب تتعشى معاياه فقلت طبعا طبعا.. وفى اليوم الموعود اخوكم لبس على سنجه عشره وكبييت على نفسى جردل كولونيا واخدت زجاجه تانيه فى جيبى.. بأقيت ماشى فى الشارع كأنى محل عطور متنقل..وروحنا المطعم .. وكان مطعم يونانى هنا فى نيويورك.. المزيكا حلوه والنور هادئ.. وقمر قاعد على الناحيه التانيه من الترابيزه والعبد لله قاعد ما تقولش قالب طوب.. القمر يلاغى وويتكلم واخوكم قاعد فى نصف هدومه زى بنت بنوت.. ومنذ هذا اليوم اللعين وانا بطّلت اروح مطاعم هاديه تانى.. انا شكيت ان الجو الهادى ده هواللى سّبب سد الحنك

وفى جوله غراميه تانيه ايام ما كنت فى مصر تقريبا فى اولى ثانوى..عملت فيها روميوبتاع العصر الجديد اللى مابيكتبش جوابات وروحت عامل شريط عاطفى.. ع الاقل فى نظرى انا كان عاطفى.. وارسلت الشريط للحبيب ..وعرفت بعدها بكذا يوم من واحد صاحبى ان( هناء) راحت المستشفى من القرف
فى صولات تانيه مسخره.. بس خلى الطابق مستور

47 Comment:

عمر said...

أنا شايف ان الأستاذ الرأفتاني سايب شغله وقاعد يكتب في السياسة والعواطف وحاجات كدة

وما زالت الجماهير تنتظر الجزء الثالث من الأغاني للرأفتاني

لكن علي رأي المثل القائل: يا تري الرأفتاني اتأخر ليه؟ قال زمانه جي هو حيروح فين يعني

المٌهَــــاجِر المَصْـــــــرى said...

اسكت ياض يا عمر دا انا لقيت كنز اغانى واحده منهم اسمها العنب.. والمطلع بتاعها عن الحشيش.. واغنيه تانيه فى معناها ان الحبيب وحبيبته بيأكلو غرام بس.. مش عيش وفشه وكلاوى زينا..

عمر said...

فشة وكلاوي؟ انت متأكد انك في نيو يورك؟ شكلك بتشتغلنا

عالعموم هات اللي عندك يا معلم

بلاها مذاكرة بلا كلام فارغ.. شاكلنا ضايعين ضايعين السنة دي

المٌهَــــاجِر المَصْـــــــرى said...

انا ما فتحتش كتاب من اسبوعين ..ز
بس البوست ده مش غرام ولاحاجه .. اقراه وانت تضحك.. وانت مش ناوى تيجى تزور نيويورك

عمر said...

والله نفسي، بس ضميري ناقح عليها اليومين دول وعايز اتنيل أذاكر زي ما العالم كلها نازلة مدح هنا.. الله يخرب بيوتهم، مابيعتقوش يا معلم

أنا رايح أوماها-نبراسكا في الثانكسجيفينج، بس عايز بخطط اخطفلي ويك اند في نيو يورك قريبا

albida said...

منك لله يا رأفت! بجد موتنى على نفسى من الضحك
:)
أنا كنت ماشية أساسا ورايحة أذاكر بس قلت لما اعدى الأول على البلوج بتاعك

ايه يا عم ده؟ ده أنت ظروفك صعبة خالص.... أنت محتاجلك دروس خصوصية فى الموضوع ده, هبقى أخلى ابن خالتى الصغير يدهالك, على الأقل أجدع منك مع البنات
:)

بقى حد يبقى قاعد قدامه صاروخ أرض جو كده ويفضل ساكت... يا شيخ حرام عليك.. زمان البنت مشلولة دلوقتى
وايه موضوع الشريط ده؟ أنت كنت مسجلها ايه عليه؟... العنب؟
:)


manal

المٌهَــــاجِر المَصْـــــــرى said...

البيدا
الشريط انا معملتوش بنفسى.. كان فى راجل بتاع كاسيت بيعمل كوكتيلات جاهزه وبيبعها جاهزه كده.. انا روحت اخترت شريط عليه واد وبنت ماسكين ادين بعض ومكتوب عليه" مجموعه من الاشراقات الاولى" انا قلت هو ده.. واكتشفت بعدين ان اول اغنيه عليه " انا كنت عيدك" بتاعه على الحجار واللى بعدها علطول "حاضر" بتاعه محمد فؤاد.. يعنى اللى عمل الشريط كان ناوى شر من الاول

Hafsa said...

looooooooooooooooooool. maotini min elde7k ya raffat, to7fah, looooooooooooooooooooool

salam

المٌهَــــاجِر المَصْـــــــرى said...

حفصه
انا اللى تحفه ولا الكتابه...
الله يسامحك..ههههههه

Hafsa said...

both of u , enta and what u wrote, am still laughing and imagining how did the whole situation looked like.

شــهــروزة said...

تعالى يا رأفت يا ابنى وانا اعلمك ازاى متبقاش بروطة كدة
كدة مش كويس على صحتك
ولا على عقلك الباطن على راى الست زينات صدقى


اختك موسوعة فى العواطف
ههههههههههه

المٌهَــــاجِر المَصْـــــــرى said...

شهروزه:
بروطه..هههه..بروطه دى لوحدها عايزه قصيده.. بوظتوا اللغه العربيه ربنا ينتقم منكم ..

Ironcobra40 said...

وعمال تقولي عايش نص حياتي في أمريكا , واللة لو ماكنش الواحد أتجوز و عمل ماتش أعتزالة من زمان كنت جيت وريتكوا الشغل اللي على مية بيضا .

Ironcobra40 said...

أغنية العنب دي بقى مسخرة أنا حملتها على ال Ipod already .

المٌهَــــاجِر المَصْـــــــرى said...

Ironcobra40
لزمته ايه بس السيحان يا عم الحاج.. ما هى العمليه متقضيه من غير عواطف.. ربنا بيرزق برده.. فى حريم ملوش فى الكلام برده.. ارزاق

بس ايه رايك فى اغنيه العنب

Ironcobra40 said...

أحلى مسخرة ياعم الحاج دة شعبولا بيقدم فن راقي بالمقارنة بيها , الأغنية دي أستحضرتلي أجواء أفراح العشواءيات بالفراشة الجربانة و المكرفونات اللي تحول صوت العندليب الأسمر للغراب الأسود و أزايز البيرة الستلا و دخان الحشيش و الأصوات المنكرة للسكاري و المحششين , وبعدين هو باين أن بعرة دة بيغني أصلا و هو عامل أحلى دماغ .

المٌهَــــاجِر المَصْـــــــرى said...

Ironcobra40
اشك ان بعروره يعرف الاستلا.. لانها بالنسبه له رفاهيه.. بعروره شكله طاحن برشام صارصيرو ضارب عليه شويه كولّه وتِنر.. وخالطهم مع زجاجه توسيفان... وبعد الخلطه دى.. بعروره مأجر واحد ماسك جزمه من بتوع الجيش ونازل ضرب على دماغ بعروره وهو بيغنى..هو ده العذر الوحيد للصوت بتاع بعروره

Ironcobra40 said...

لا يامعلم الاستلا مابقتش رفاهية مصانع البيرة بسم اللة ماشاء اللة بقت مالية البلد أشي هاينكن علي مايستر على على على أتباعة لسياسة الحكومة الرشيدة في توصيل الدعم لمستحقية و زجاجة بيرة لكل مواطن فبقت الستلا هي البيرة الشعبية دلوقتي .

Ironcobra40 said...

لكن دة مايمنعش برضة انة يكون ضارب دة كلة و ضيف علية من عندي ربع بولاناكي .

Ironcobra40 said...

سمعت بقى أغنية Lady لطيب الذكر كتكوت ( محمد سعد ) .

الجحيم هو الحقيقه said...

ههههههههههههههههههه
جيتك يا عبد المعين تعنى لقيتك يا عبد المعين عا وز تنعا ن يخرب بيت عقلك يا ض كا نى انا اللى كا تب الكلا م يا زمل متعرفش حته نتعلم فيها
هههههههههههه
تحيا تى

المٌهَــــاجِر المَصْـــــــرى said...

الجحيم هو الحقيقه
سيّحوا سيّحوا.. وانت يا عم الجحيم كنت عاوزنى اعينك على ايه.. قالوا لك على يثينه كامل ولا بابا شاور..
بأولك صاروخ ايطالى يا عم الحاج

Ironcobra40 said...

الصواريخ الأيطالية دي مالهاش حل صاحبت مرة واحدة أيطالية أول ماجيت أمريكا قبل ماتجوز ماقولكش .
ويسلام بقى لما يكون مخلط على أيرلندي زي البت راتشيل راي أية رأيك فيها , بس ياخسارة أتجوزت ياعم رأفت .

Ironcobra40 said...

لأ رأفت دلوقتي فية واحد أسمة أسامة منير في نجوم FM .

المٌهَــــاجِر المَصْـــــــرى said...

Ironcobra40
يا ميت خساره عى الحلو لما بتهدله الايام.. معلهش الجواز علينا حق..
اديك شوفت لك يومين قيل الزاوج.. وبرده الامر مايسلمش.. تعك هنا شويه وتبص بصه بتاع.. اى الامور تمشى

Ironcobra40 said...

واللة يارأفت ياخويا سبع سنين كان المفروض أخرج حسن سير و سلوك بأة .

Ironcobra40 said...

بس كلام جد بأة يارأفت لو جابولي ملكات جمال العالم و وقفوهم قدامي صف عشان أختار منهم حد غير مراتي ماختارش غير مراتي سبع سنين جواز عدوا زي الحلم ياباشا ماحستش بيهم .

المٌهَــــاجِر المَصْـــــــرى said...

Ironcobra40
يا عم هو احنا هانفتح برنامج اسرتى.. بس بجد.. ربنا يهنيك.. ابعد بأه عن المنطقه الوعره اللى احنا فيها هنا دى.. بأحدف دبش يا عم

albida said...

عجبك كده يا سى رأفت؟!! أهو البوست ده هيبين الفضايح وهيكشف المستخبى كله
:)

ironcobra40
حرام عليك! ليه عايز تعرفه بأسامة منير؟ بعدين يسمعه ويتشل وميلاقيش حد ينجده وهو قاعد فى الغربة كده لوحده... بص يا رأفت يابنى, نصيحة أخوية.. أوعى عقلك فى يوم يوزك تسمع اللى اسمه أسامة منير ده
:)

manal

المٌهَــــاجِر المَصْـــــــرى said...

Ironcobra40/Albida
ممكن حد يبعتى لى اسامه منير ده علشان انزله مع اغنيه العنب العدد القادم.. وان شاء الله شكلها هتبقى اخر اغنيه عربى اسمعها

albida said...

بص يا رأفت... أسامة منير ده أساسا مش مغنى هو مذيع راديو وبعد كده اتجه للغنى! هو شخصية تنيحة وثقيلة وغتيتة فوق ماتتصور
البرنامج بتاعه اللى شهره هو برنامج عن الحب, طبعا هو عايشلك فيها دور كازانوف وكيوبيد ودون جوان.. ناهيك أن البرنامج أساسا يشل ويعل ويرفع الضغط
الناس بيتكلموا ويقولوله على مشاكل مستفزة فى الحب وهو بيرد عليهم ردود أكثر استفزازا
المشكلة ب ان فى كتير من الشباب بيحبوه!! أموت وأعرف ليه؟

تعرف انى مرة كنت بتفرج على برنامج فى التلفزيون يوم رأس السنة وكانوا عاملين استفتاء مين أسوأ شخصية على مستوى العالم السنة دى... تعرف أن أسامة منير احتل المركز الأول قبل شارون؟
:)

وعلى العموم ده لنك ممكن من خلاله تشوف شكله وتعرف عنه أكتر
http://www.alriyadh.com/2005/09/05/article92184.html

manal

المٌهَــــاجِر المَصْـــــــرى said...

شكرا يا منال ع اللينك
فعلا اسامه ده شكله رخم اوى.. بس لازم اسمع الاغانى بتاعته.. وبعدين شكله كده دفعت محرم فؤاد.. يعنى من نفس العينه.. المفروض يروح يحج ويتوب

عمر said...

تخيل يا رأفتاني من كتر رخامة الراجل دة، عمل أغنية بتقول "حغنيلك وححكيلك وحشكيلك..." يعني البنت أساسا شكلها منفضاله تنفيضة سودة ودة بعيد عنك ما عندوش ريحة الدم وعنده إصرار غريب علي إنه يغنيلها ويحكلها بالعافية لدرجة إيه في آخر الأغنية ابتدي يشحت ويقطع في هدومه ويقلها "لملميني..." ما هي الأشكال دي اللي بتخلي البنات تتعقد وتطفش مننا

المٌهَــــاجِر المَصْـــــــرى said...

يا عمر
والنبى لو تعرف تبعت الاغنيه دى.. ابعتها علشان اسمعها.. البوست اللى جاى شكله كله اغانى مسخره والعياذ بالله

عمر said...

حادور عليها... أكيد موجودة عالنت في مكان ما

ولتحيا المسخرة

عمر said...

http://song4.6arab.com/osama-moneer_haghanelek.rm

اللنك يا ريس وأي خدمة

الي ييجي منك كويس، كلك ذوق يعني

المٌهَــــاجِر المَصْـــــــرى said...

عمر
حتى اللينك اللى انت باعته رخم
ابقى تعالى بكره.. انا بافتح بدرى هاديك عسليه وملبن

عمر said...

تصدق أنا غلطان؟ ابقي شوف مين حيجيبلك لينكات الأغاني الهابطة بعد كدة

بقي أنا ناقع الكركديه من الصبح وانت تقولي عسلية؟

Ironcobra40 said...

http://6arab.com/singers-ar/middle/m7ammad-al-lemby-ar.shtml


http://www.mazika.com/Ar/NogoumFM.aspx

المٌهَــــاجِر المَصْـــــــرى said...

Ironcobra40
انت فين يا عم.. وصلت الساحل الشرقى ولا لسه؟
شكرا ع الاغانى الهابطه.. اسكت مش واحد اسمه سعد الصغير ناوى ينزل اغنيه اسمها السمك السمك السمك.. لانه بيقول ان بعروره سرق منه اغنيه العنب العنب العنب

Ironcobra40 said...

بص ياعم اللي فوق دول وصلتين واحدة لأغاني محمد سعد فيهم أغنية أسمها lady دي أعادة للأغنية المشهورة لكيني روجرز بس أية فلة .
الوصلة التانية لأذاعة نجوم FM وأبقي أسمع الأخ أسامة فوزي و هو عمال يسبل للبنات المراهقات في الراديو و أتفقع .

Ironcobra40 said...

وصلت ياعم و الجو 100% So far .

المٌهَــــاجِر المَصْـــــــرى said...

حمد لله ع السلامه
نورت ال
east coast

أنـــا حـــــــــرة said...

الله عليك يا بطل
كده تكسفنا بره
يعنى البنت تقول عى ولاد مصر ايه دلوقتى
ضربت السياحة انت كده
منك لله هى ناقصة

عموما انت لازملك دكتور نفسانى زى عبد المنعم مدبولى يمشيك على جملتين

انا مش بنت بنوت انا اسد مغوار و انت هتوصل يا ابنى و هتدعيلى

او اقولك فؤاد المهندس كان ماشى بخطة لولبية
تمشى وراء الواحده و تروح قايل
بوز جزمتك بيعكس انوثة ضاغية
بس ترجمها بقى الاول مش تقولها كده بالعربى
او اقولك قولها بالعربى علشان يبقى فى suspense

هههههههههه

صحيح
البنت اللى بعتلها الشريط مارفعتش عليك قضية تعويض ليه
دى كانت مضمونة يا معلم

المٌهَــــاجِر المَصْـــــــرى said...

انا حره
الله ينتفم منك يا شيخه انتى كمان زى ماانتى قاعده تسيحى كده..
ماردوده لك ان شاء الله .. ما تقلقيش
وايه حكايه فؤاد المهندس وعبد المنعم مدبولى معاكى..

Epitaph said...

LOOOOOOOOOOOOOOOOOL


Hilarious!

da7kteny wana ely maknsh leya nefs ad7ak looooooooool


:D

A VERY Nice blog you have here :)
masha Allah wtg ya basha ;)

Memo said...

مالكش في الكلام
عوض عليه يا رب
تحياتشي