الرافتانى فى الاغانى الوطنيه


لحد ما الواد


عمر
الرخم صاحبى يساعدنى تجميع كل الاغانى الفاشله. ها نناقش شويه اغانى وطنيه ... حاكم الاغانى الوطنيه دى هى سبب الخراب للى احنا فيه .. ايام الحرب نغنى.. ايام السلم نغنى .. لما ننضرب على قفانا.. نلبس اسود ونغنى.. لما نكسب ماتش كوره نغنى.. لما ا صبحنا احسن ناس نغنى على بعض

خد عندك دى من اغنيه اخترناه لا هيدينى ولا يغدينى ولا فى مصلحه بينو وبيينى غير لولادنا وحب بلادنا وعشان كده احنا اختارناه اخترناه.. اخترناه وفى لقائاته ببلدياته بينسى معاهم رسمياته واما يحاسب حد يعاتب. ما سمعناش عن حد اذاه وباقوله ورزفى على الله

ايووووووه ع الكذب يا جدعان.. ما سمعتوش عن حد اذاه خالص. ولا حتى واحد اتأذى... ياولاد الكذّابه.. احييييييييييييييييييييييييييييييييييييه

ودى من اغنيه يا جريد النخل العالى ميل وارمى السلام..اسمع الكلام

الراحه فيكى واحه.. مريحه وساحه خضرا قادره على السباحه .. لو حتى الموجه غادره

راحه ايه وساحه ايه وخضرا ايه.. الناس دى باين عليهم ساكنين فى الملاهى... ما سمعوش عن امن الدوله والله لو كنت حتى مولود فى بير مسعود.. ما ها تعرف تعوم ولا حتى ترفص برجليك.. انت غريق غريق

الحل الوحيد معاهم انك تحصل لك معجزه غراميه زى عبد الحليم وتصبح تتنفس تحت الماء... بس برده هتغرق

40 comments:

Anonymous said...

يا لهوووى عليك أما تقلب المواجع؟؟
الواحد ما صدق يغسل دماغه من اخترناه وهببناه
جاى تفكرنا بيها؟؟


يا ابنى احنا لو ملقيناش مناسبة نغنى لها نغنى على بعض

او نغنى على روحنا فى النهاية


عشان خاطر اختك
ارجع للاغانى العاتشيفية
عشان الواحد مرارته اتفقعت من أم ددول ناس قابضة


وقبل ما تقفل ملف السونجات الوتشنية
ابقا ترجملنا اغنية اديها كمان حرية من اولها

عمر said...

إيه يا عم الفضايح العنكبوتية اللي انت عاملها دي؟؟

ههههه

يا معلم انت بس تأشر، كلها بس تلتمية وخمسين صفحة لازم أقراهم ليوم الاتنين وبعدين حروقك

الأغاني للرأفتاني said...

حلوه يا شهروزه
طول عمرك مجدده فشر محمد العزبى..ان شاء الله هندور على اديها كمان حريه.. عند اى عجلاتى

الأغاني للرأفتاني said...

مش بأقولك بتذاكر يا عمر
بعتنى ببلاش.. انا قاعد اغنى هنا وانتى بتذاكر

انحلت سيور العربه وسقط المهر من الاعياء said...

هلا يا خويه


بقولك اه يا عم المنا ضل متنزلش مصر ولا كمان 3شهور ولا 3
سنين احسنلك مش عا جبك صا نع نهضة مصر العظيمه يا ض
جلالة الملك منفا خ الاعظم
الا تعرف ان مصر هى مبا رك ومبا رك هو مصر
يا عدو النفخ
هههههههههههه

الأغاني للرأفتاني said...

حسبى الله فيك ياجحيم..
انا يا عم جيبت سيره حد ولا قلت اى اسم.. انت جاى ترمى بلاك على .. انا برد على حسن الاسمر..ومحمد العزبى ولطيفه

Adel said...

تصدق ان من كام يوم بدات قرات الرأفتاني بس ما تفهمش ليه مش عارف العلق يمكن علشان الاغاني اكتر من واحدة ولا هلشان انت فقري جدا ومش لاقي كلام احدفك بيه ومش عارف راح اقولك ايه ولا ايه ولا ايه ؟؟؟؟؟
بس بجد هايل هههههههههههههههه

عمر said...

طبعا في موضوع علاقة الأكل بالغرام أو بمعني أصح التعبير عن معدة الحبيبة فهناك الكثير مما يحتاج تدخل الرأفتاني فورا، فأيام زمان كانوا المطربين جعانين جدا، أما الآن فقد أصبحوا مليونيرات وأصبح لديهم هوس بالأكل

فالحاج عدوية مثلا وصف حبيبته بأنها "فروت وأناناس" مع عدم تحديد مفهوم الفروت بالضبط، هل هي الفواكه المجففة؟ أم هي الجيلي بالفواكه؟ أم الفواكه المركزة؟ أم الفواكه المخلوطة زي الفخفخينا؟ وهل معني التعبير ان الفروت هو خليط من كل الفواكه فيما عدا الأناناس؟ طب اشمعني يعني هل الأناناس ابن البطة السودة مثلا فبقيت الفواكه قررت ما تلعبش معاه؟

أما المطرب إلي انا مش عارفه في أغنية "يا وله يا وله" فرغم جوعه الشديد إلا انه كان يتمتع بعقلية تجارية بحتة فكان ينادي علي حبيبته كما الباعة الجائلين حتي بدأ يستفز منافسه بائع التفاح ويقوله "فين تفاحك راح" مستغلا عدم وجود قانون لحماية المنافسة ومنع الاحتكار في هذا الوقت

أما كارول سماحة فماكنش عندها المشكلة دي لأن البيه ما كانش عاجبه الأكل فبالتالي كانت هي بتخلص الأكل كله، لكن واضح انها يوم الأغنية كانت طابخة سمك حمضان فالراجل أخد قطمة واحدة ونام زي البغل وهي جالها جفاف في البلعوم وقعدت تصوت وتقوله "ولا العطش إلي في قلبي ارتوي" وربنا يصبرنا جميعا

عمر said...

آه.. وكمان مش لازم ننسي درة أعمال خالدة الذكر سميرة سعيد "ياللي اديت لحياتي في حبك طعم ولون" وطبعا واضح جدا انها كانت بتحب واحد عطار.. أو كانت بتحب اتنين منهم واحد نقاش والله أعلم

الأغاني للرأفتاني said...

مزاج
والله زمان يا مزاجى..زى والله زمان يا سلاحى..وحشتنا يا عم.. هاتصل بيك اليوم ان شاء الله

منال
الجحيم جى يأفلنا الدكان..عاوز يجيب درفها..
والعموم فى اغانى وطنيه جميله فعلا بس لحب مصر..مش زى الاغانى التانيه اللى كلها معمول كرد فعل لحاجه تانيه..زى يوم اغتيال المرحوم محمد الدره..كل الفنانين راحو لبسو اسود وعملو اغنيه ولو كان كل واحد منهم اتبرع بعشره جنى كان احسن

عمر الرخم
اتصلت بيك امبارح يا مان بس انت اماردتش وانا كسلت اسيبلك فويس ميل..
لا تسبق الاحداث فى موضوع الاغانى يا معلم.. بالذات موضوع معده الحبيب ده.....ههههههههه

HANY said...

ممكن اتفق معاك , بس فى الجزىء الخاص بالاغانى اللى بتمجد فى نظام أو فى حاكم , انما الاغانى اللى بتغنى لمصر بصرف النظر عن مين اللى بيحكم أو النظام , يعنى أغانى ولا بلاش أغانى دى , خلينا فى الشعر , اقصد الشعر اللى بيكون فى حب مصر ده انا اختلف معاك , لانه مهم جدا وتقبل تحياتى أخى

الأغاني للرأفتاني said...

هانى
سعيد بزيارتك يا باشا. طبعا انا معاك ان الاغانى للى فى حب مصر ماحدش يقول حاجه فهيا.. مصر التى بخاطرى .. عظيمه يا مصر.. وغيرها.. لكن الاغانى اللى رحعتنا لعصر قريش بسبب النفاق والتمجيد هى دى المشكله.. احنا اصبحنا نحارب بالاغانى. ودى والله كمان مش عارفين نستخدمها صح..
عموما شاكر زيارتك وها ارودهالك دلوقتى
ومعلش ماعزمتش عليك بشاى واحاجه اصل عمر ومنال مش هنا علشان يعملو الشاى

Anonymous said...

يا رأفت سمعت عن واحد كان بيغني زمان في النص التاني من التمانينات أسمة صادق قليني .

الأغاني للرأفتاني said...

Ironcobra
روح يا شيخ.. ربنا ينتفم منك...هههههههههههههههههههههه.. سمه قلينى بجد؟؟؟ولا اشتغاله..
انا لم اسمع عنه حيث انى من مواليد قانون الطوارئ

Anonymous said...

أة واللة العظيم الراجل دة عمل 3 ألبومات في تلات سنين من 86 ل 89 بس مافيهمش غير الألبوم الأولاني أسمة ربك هو العالم , الراجل دة أشتغل مع ناس فطاحل منهم الحاج اللة يرحمة و عبد الرحيم منصور و فؤاد حداد و طارق مدكور I managed to digitalized but I can't post it do you have a fix hock a brother up .

الأغاني للرأفتاني said...

Ironcobra
ما ينفعش تبعتى لى ايميل ؟

Anonymous said...

و بعدين أنا بأدور على ألبومات فرقة الجيتس و فرقة المصريين أي مساعدة اللة يكرمكم .

Anonymous said...

أديني أيميلك بس المشكلة ان أنا عملتهم MP3 ومش عارف أقلبهم RM or RAM عندي برنامج يحول من RM or RAM to audio أي فورمات بس مش العكس .

الأغاني للرأفتاني said...

r4rr2000@yahoo.com

Anonymous said...

بص لو بعتهوملك على هيئة MP3 هبعتهوملك على 4 ايميلات .

Anonymous said...

حد عندة البومات عمر فتحي .

Anonymous said...

Ironcobra
عمر فتحى
ههههههههههههههههههههههههههههههههههههههههههههههههههههههههههههههههههههههههههههههه
دا انتوا عيال ارخم من الرخامه

Anonymous said...

أية بس ياعم دة بقى كلاسيك دلوقتي ياعم أنونيمس .

Anonymous said...

أية ياعم رأفت وصلتك أول دفعة ولا لسة .

الأغاني للرأفتاني said...

no
i did not get anything yet

Anonymous said...

ياعم بعتلك أيميلين باربع أغاني و الأتنين رجعولي من البوست ماستر مش عارفين يسلموهم .

Anonymous said...

بالنسبة للتصويت مافيش جميع ماسبق و لا أية .

الأغاني للرأفتاني said...

Ironcobra
تصدق انت واد فقرى ههههههههه..فعلا التصويت بوكس محتاج جميع ما سبق.. ها احاول اصلحها
الاغانى لم تصل يامان..حاول تبعت واحده بواحده

الأغاني للرأفتاني said...

يا منال
يعنى الراجل هانى يجى من اخر الدنيا وانت والمخفى عمر مش موجودين.. يأيت فى نص هدومى والله.. واتصل بعمر افندى فى التليفون مصدر لى الانسر ماشين..

المهم شفتى الاستفتاء بتاع اغنيه العنب فى الركن اليمن من الصفحه

الأغاني للرأفتاني said...

منال
شكرا على صوتك.. فعلا صوتك امانه..
لسه قارئ تعليقك عند عمر..والله لاهاجيب بنجر انتى حره..
وهاتى الاغانى اللى عندك.. دا انا مفسمهم دلوقت اقسام.. قسم للرخامه وقسم للمخدرات وقسم ليكى انت وعمر وقسم تانى خالص ل Ironcobra
لانه الحقيقه بيجيب اسماء عجيبه زى عمر فتحى وواحد اسمه سوقينى

ربنا ينتقم منكم جميعا

Anonymous said...

طبعا جميع ماسبق دي بتاعتي أنا ياباشا.

الأغاني للرأفتاني said...

منال
بعتت لى واحده راقصه اسمها بوسى سمير.. عاوزه تحط النقط ع الحروف.. وبعد الاستفسار وسؤال الناس الخبره .. قال لو لى ان بوسى سمير تتشاف ما تتسمعش..
والله يا جدعان مصر دى هتروح الجنه ببلاش علشان بعروره وبوسى سمير

Anonymous said...

قبل سعد الصغير كان فية زمان عربي الصغير دة كان مشهور في موقف المظلات .
و تعرف طبعا أسماعيل البلبيسي و فاكرين أسلام بكرة جاي و الا أبراهيم عبد القادر و كان فية واحد بيتنافس مع محمد فؤاد أسمة عصام حاجة مش فاكر باقي أسمة باضبط عملوا خناقة كبيرة على أغنية الشمس فاكرينها

Anonymous said...

سمعتوا بقى عن أغنية ما هو أمريكاني .

عمر said...

رأفت باشا، أسفرت النتائج الأولية للاستفتاء الشعبي عن زيادة ملحوظة في شعبية حزب "ضرب الجزمة" وتحليلي الشخصي للموقف اننا كشعب مصري تأثرنا بشدة بطريقة تعامل عساكر الأمن المركزي وأمن الدولة مع المتظاهرين حتي أصبحت جزءا لا يتجزأ من الوجدان الشعبي.. وإلي اللقاء

We2am said...

eh ya gma3a..ento 2lbenha chatting room hena wla eh? :D
esh6a ya mohager..mahy kanet na2sa..tab belmonasba el s3eda deh mmken asma3 awel darba gawya fat7et bab el 7oryya? :D

Anonymous said...

عندى سؤال برئ
فى اغنية أخترناة ( طبعا كلنا حافظنها )بيقولوا "أدى أدى أدى أديها كمان "
تفتكر اقصدهم اية بأدى و أديها كمان؟
هى أية دية اللى يديها؟
تفتكر كان أقصدهم باللى انا بفكر فية؟

الأغاني للرأفتاني said...

يا منال
ما تقلقيش على عمر.. زى القرد والله.اتكلمنى امبارح فى التليفون ورخم على برده..
ما تركزيش اوى مع الIroncobra.. ده بيجيب اغانى واسماء من اللى عفى عنها الزمن والله.. دا عيل حقنه بجد

عمر
اتفق معاك على نتائج الاستطلاع الاوليه..ربنا يسهل .. الا ستفتاء اللى جاى صعب شويه..


وئام

ايه السعاده اللى احنا فيها دى. زيارتك شرف لنا والله. واهل بيكى فى عالم الاغانى.. وهندور على اغنيه اول ضربه جويه.
معلش عمر ومنال مش هنا علشان يعملوا الشاى


Anonymous

طبعا يا باشا امال هم هيقصدوا ايه يعنى..

Yasmine Adel Fouad said...

اصلا احنا العرب الوحيدين اللى بيغنوا لبلدهم

مقضينها اغانى بعيد عنك
و ياريت فى حد بيسمع

Anonymous said...

صادق قليني بيشتغل في فندق السلام في مصر الجديده كل يوم اربعاء في سوشي بار