الرأفتانى فى الزواج

هى: تصحو من النوم مفزوعه فى نصف الليل..تصرخ ..تصرخ..تصرخ..تصرخ هو: مفزوع من صراخها..خير يا رب..خير يارب.. اللهم اجعله خير..فى ايه هى: ماسكه مرآه فى ايديها... بٌص وفى وشى انت اتعميت ولا ايه.. بٌص كويس يا اعمى البصر هو:يدعك عنيه الاثنين.. ويبص فى وجها..لامش شايف حاجه ..خير ..خير..لدعتك عقربه ولا حد رشك بميه نار ولا ركبك عفريت هى: لا يا طور..فى فُسفسه فى خدى اليمين..شايفها؟ هو: لامش شايف الفسفسه يا حبيبتى..جايز تكون حسنه او وحمه اويمكن تكون لدغه برغوت او قمله هى : وحمه هاتطلع لى فى نص الليل يا عديم الاحساس..دى اكيد فٌسفسه قاتله هو: يا حبيبتى حتى لو فسفسه لا قدر الله.. نامى والصباح رباح هى : انام ازاى يا ابو قلب حجر والفسفسه دى على خدى.. لازم اروح للدكتور هو: دكتور ايه دلوقت دا احنا وش الفجر هى: طبعا وانت هيهمك جمالى فى ايه..الاسبوع اللى فات طلعت لى حبايه فى ضوفر رجلى الصغيّر ودلوقتى فسفسه فى خدى اليمين ويا عالم بكره هيكون ايه..وانت ولا على بالك هو: يفتح الباب ويرمى نفسه من بلكونه شقته فى الدور ال50 هى: طلعت البلكونه تصرخ..تصرخ.. وتقول ... مين اللى هيسوق العربيه للدكتور دلوقت يا عديم المسؤليه
هو: مرمى على الارض فى وسط بركه من الدماء.. يطلع مسدس من جيب البجامه ويضرب نفسه 10 طلقات
هى: تصرخ من البلكونه كده عورت نفسك.. خلاص مش مهم الدكتور دلوقت
هو: يطلع قنبله صغيره من الجيب التانى بتاع البجامه ويبلعها

35 comments:

انحلت سيور العربه وسقط المهر من الاعياء said...

هههههههههههههههه
والله من امته بقه الجما ل ده انته متا ثر با فلا م الكرتون بتا عة ميكى موس
ينطمن البلكونه
وبضرب نفسه عشر طلقا ت
ويبلع قنبله
صحيح عديم المسئو ليه ومين حيوديها للدكتور ر اجل نطع صحيح
هيه الشها مه خلصت ولا اه يا جدعا ن
تحيا تى الصا دقه ليك

الأغاني للرأفتاني said...

الزمن اتغير يا جحيم
على ايامنا..كان الواحد ما يصدق يشوف فسفوسه واحده.. ويطير ع الدكتور.. انما رجاله اليومين دول..ما فيش اى مسؤليه يا مان.. يضرب نفسه بالنار قبل ما يطمئن ع الفسفسه

عمر said...

بقولك إيه يا رأفت ياخويا

بصرف النظر عن القيمة الجمالية والمحسنات البديعية في النص، فيه حاجة مش فاهمها: هو ليه طلع برة الأوضة علشان ينط من البلكونة؟ هو مفيش شباك في الأوضة ولا إيه؟

الأغاني للرأفتاني said...

يا عمر..يا عمر
هو فى مصر شقق فيها شبا بيك يا عمر.. الاوده للى واخده الراجل كانت مساكن شعبيه من بتاعه محمد منير.. يدوب بلكونه.. وبعدين انت جاى تكتم على نفسى ليه يا عمر

Anonymous said...

ههههههههههههههههه
الله يقطعك
وقعتنى على قفايا من الضحك
=====
انت مستهون بالفسفوسة فى الوش الحريمى يا رأفت؟؟؟
ما انت لو ست كنت عرفت وقدّرت
يا ابنى الست تنسى جوزها
تنسى عشيقها
تنسى أولادها
لكن متنساش بشرتها ولا مجوهراتها
على رأى الست يسرا رضى الله عنها
مع بعض التعديلات

طيب هى رحيمة جدااااا
أنا لو مكانها كنت أنا اللى رميته من البلكونة ودوست عليه كمان بالعربية وانا رايحة فى سكتى للدكتور

وازيك كدة؟
مش كويس؟؟؟
طيب الحمد لله

عمر said...

مساكن شعبية في الدور الخمسين؟ ومراته بتصوت عشان عندها فسفوسة؟ وعايزاه يوديها بالعربية عند الدكتور؟

مش شايف سيادتك إنها مش راكبة؟

:)

أنا من رأيي إنك تكلمله محمد منير يفتحله شباك في الأوضة علشان ما نتعبش الراجل لما ييجي ينتحر المرة الجاية

الأغاني للرأفتاني said...

الحمد لله يا شهروزه.. منوره القعده كالعاده
ادينى بأتعلم عن الفسافيس والحاجات دى.. اخوكى فى العلاقات العاطفيه عامل عامل زى الطوور..
وانتى عامله ايه يا شهرزوه..معلش الواد عمر ومنال مش هنا علشان يعملو ليك شاى او حاجه..

الأغاني للرأفتاني said...

مش بأولك يا عمر انك جاى تخنقنى..
وبعدين انا نسيبت اوضح انه ساكن فى الدور الخمسين ومن غير اسانسير كمان يا عمر..عاوز ايه بأه......
لو عاوز تتعارك يا عمر..اطلع لى بره والميدان واسع وفارس لفارس

انحلت سيور العربه وسقط المهر من الاعياء said...

حرب الفسا فيس
الفسفوسه اهم من الزو اج والحبيب
وخيبتا ه
ونيبتا ه
ويا
لهووووووووووووووووووووووو ى
ع الحب والعو اطف
ههههههههههههههه

عمر said...

هما شباب نيو يورك كدة يموتوا في الخناق. يا عم خلاص مش عايز تكلمله محمد منير أكلمهوله أنا

وكما قال الشاعر: فيه ناس كدة بتحبش حد يكلمها، مش عارف ليه

Yasmine Adel Fouad said...

الله عليك
الراجل ده ليه الجنة
تخيل بقى لو دخل الجنه لقى مراته
و كان هيتجوزها كمان فى الجنه
يا ولداه ياعينى يا ضنايا

ب عارف فكرتنى بخيرية احمد لما كانت فى فيلم متجوزة فؤاد المهندس و كانت تقعد تقوله محمووووووووووود حودة جارنا بيعمل كذا و كذا و لما انتحر و شنق نفسه قالتله محمووووووووود انت بتتمرجح يا حودة ؟


ربنا يسترها علينا من امثال ام فسفوسة دى

الزعيـمة said...

اما راجل ندل صحيح
يعني يرمي نفسة من البلكونة ويضرب نفسة بالرصاص ويبلع قنبلة كل دا عشان مكسل يوديها للدكتور ؟

هو المشوار كان حياخد منة اية يعني
لا بجد هو كبر الموضوع فعلا

الأغاني للرأفتاني said...

منال
ماشى يا ستى..انا لخمه فى كل حاجه..سيحوا سيحوا...
ايوه يا ختى انتى وعمر بتختفوا لما الضيوف يجوا

اهو الزعيمه وانا حره هنا..وانتى والمخفى عمر مش هنا..مين هيعمل الشاى للناس دى.. والله فى نص هدومى

الأغاني للرأفتاني said...

انا حره
والله ضحكتينى على موضوع خيريه احمد
بس انا عارف ان مصر مليانه بنات رجاله مش بتوع فسافيس
هههههههههه

الأغاني للرأفتاني said...

الزعيمه
بقيه الحوار انها قالت له خلاص مش هاروح للدكتور ما تزعلش.. فطلع دبابه من جيب البجامه التانى وهدم العماره باللى فيها

نورتى المطرح يا زعيمه

عمر said...

يا عم الراجل دة ساكن في عمارة خمسين دور ومافيهاش شباك، وعنه بجامة بخمس جيوب.. يكونش دة أدهم صبري؟

الأغاني للرأفتاني said...

عمر
وانبى اتلهى..
ادهم صبرى مين يابنى؟ اخو سمير صبرى؟
يابنى دا انت ما شفتش البيجاما.. بأولك كان معاه دبابه فى الجيب اللى صغير بتاع بيجامه البنطلون..

عمر said...

بيجامة البنطلون؟ صباح الفل

:)

ما تجيب نفس يا عم الحج

الأغاني للرأفتاني said...

عمر
هههههههههههههههههههههههههههههههههه
سيح سيح..انا فى الشغل والله يا عم...متلخبط شويه... لكن انت قاعد لى ع الواحده

Adel said...

الله الله الله يا عمر ربنا يبارك لي في عمركم والنبي ما اعرفك لكن حبيتك لله فلله لانك عرفت تعكنن على خميرة العكننة والمادة الخام للقفش اخونا رامي رافت تحياتي والكومنت ده ليك انت بس يا بطل

الأغاني للرأفتاني said...

ماشى يا مزاج
دا انا حبيبك..تقوم تشجع عمر الرخم..
ولا انت يا مزاج علشان ضارب على عاطفى اليومين دول واخوك هرشك.. ما انيش نازلك من ظور..
ههههههههه

Adel said...

اما اانت بقى تعالا لي يا حبيبي تعالا لي


الموضوع ده انت كاتبه علشان تعرف الناس ان انت قلبك حنين صح انا بقى قريت ما بين السطور بترسم يا واد اشرد لك انت وام على بتاعه الجرايد

وبعدين راجل ايه اللي يرمي نفسه من البلكونة في الفجرية ده كافر بينتحر ؟
ما كان يقوم يتوضا ويستهدى بالله ويصلي له ركعتين قيام ليل ومن بعدهم الفجر

انت بتحرض على الانتجار اي الكفر منك لله

وبعدين انت تقصد ايه بانه نايم جنب مراته وفي فجيبه مسدس وقنبلة ودبابة كمان

اكيد تقصد انه من تنظيم القاعدة وانت بتتهكم على الناس المجاهدين من موقعي ده بابلغك اخر قرارات تنظيم القاعده في بلاد واق الواق


احل دم رامي رافت الرافتاني واللي يشوفه فالمعركة يفسفسة
نفسك في ايه قبل ما تتفسفس ؟؟؟؟

الأغاني للرأفتاني said...

مزاج
هههههههههههههههههههههههههههه
ربنا ينتقم منك يا شيخ..العيال للى فى الشغل معاى فكروا ان اتهبلت من الضحك قدام الكمبيوتر
وبعدين يا مزاج فى كمنت واحد تعملى قضيه دعاره وارهاب وقضيه تكفير وتحريض ع الانتحار
كل ده علشان قولت لك انك ضارب على عاطفى ورومانسى ..
انت اللى بدأت الحرب يا مزاج..

عمر said...

المزاجنجي: يا باشا انت بس تؤمر، هو بس شباب نيويورك طول عمره كدة غشيم ومتعافي، بس اسأل أي حد هنا يقلك شباب بوسطن موريهم العين الحمرة، ولا إيه يا رأفتاني؟

الأغاني للرأفتاني said...

يا عمر
المزاجنجى عازو يوقعنا فى بعض.. وبعدين شباب بوسطن ايه.. هى بوسطن فيها رجاله اصلا..
وبعدين ما تلعبش بالنار ياعمر..انت معاك فيزا طلبه.. يعنى تليفون معفن ب10 سنت يرجعك تانى لمصر التى خاطرى وفى دمى
هههههههههههههههههههه

عمر said...

يا عم رامسفيلد بالراحة علينا شوية، كلنا في الهوا سوا يا ريس، أراهنك ان ترجمة اللوج بتاعتك دي بتروح للحج بوش كل يوم وزمانه دلوقتي بيعمل تحريات عن علاقة شفيق جلال بتنظيم القاعدة! كل سنة وانت طيب

الأغاني للرأفتاني said...

ياعمر
انت معلوماتك قديمه اوى.. رامسفيلد مشى يا بنى من زمان
وبعدين انا مواطن امريكى شريف..ادفع الضرائب وامارس حقى الدستورى فى الانتخابات..الحره الشريفه..

بمناسبه شفيق جلال..الكوبرا الحديديه..سمس.. فاكره..بعت لى شويه اغانى تقطع القلب.واحده منهم عن النظاره وديل الحصان..هابعتهم لك بس لما تفوق شويه من المذاكره..

tota said...

رأفت
مع اول زيارة
موضوع الفسافيس ارقنى شوية
حاولت بس اعرف هى الفسافيس كانت معدية ولا عادى علشان بس الدخول على البوست فيه قلق وكده
بس هو ارتاح بصراحة ماذا لو كانت فسافيس معدية وبقت مش فى وشها بس كانت هتكون مشكله وبعدين لو اتعدى هو منها وبعدين اتعديت انت بصفتك كاتب البوست وبعدين اتعدى كل المعلقين جميعا
ده كتير قوى
انا روحت اعمل كشف احتياطى لان فى فسفوسة ظهرت عندى
تحياتى من عند دكتور الفسافيس

الأغاني للرأفتاني said...

توتا
يا سلام على عبقريتك ومخك المتسنير.ولا واحد من الناس للى جم كتبو وعلقوا هنا فكروا فى موضوع العدوى ده..ولو فكروا زيك كده..ماكنش ولا واحد كتب اى شئى..
بس حرصا منى كاكتب البوست..انا راشش جاز وبنزين وسبرتوا..فا مش عازوك تقلقى من موضوع العدوى..الحمد لله المدونه متطهره..وخاليه من الامراض

MAKSOFA said...

ايه يامهاجر الأستهانه دي بمشاعر الست المفسفسه

ياأخي حرام عليك
انت موش مقدر حجم المعاناه اللي فيها الست المسكينه


دا الرجاله دول حاجه وحشين قوي يأخي

الأغاني للرأفتاني said...

مكسوفه
نورتى المهجر
والله يا ستى ما هو انا اللى مش مقدر..دا انا كتبت البوست ده علشان اندد بهذا الطور عديم الاحساس اللى مش مقدر خطوره الفسافيس

Anonymous said...

la2 fi moshkela

w 3an eznak tel3tly fasfosa ana kaman w ebtadeit a2la2 :D loooool

الأغاني للرأفتاني said...

Epitaph
نورتى المطرح والله نيويورك كله نورت..
مستحيل يكون طلعت لك فسفوسه .. لان احنا راشين المدونه كويس بالفلت وبايزالو كمان

Anonymous said...

لما تطلعكوم فسفوسة ...متتكلموش عليها بعد كده ومتعملوش غاغة
.....
:(

ليه شوفت الموضوع من الناحية ده ..مش يمكن هى بتزعق علشان الفسفوسة ده ميكروبات ...وهى واحده عاقلة و فاهمة يعنى إيه ميكروبات
يا ظالمين الستات و البنات ...أنتوا تقدروا تعيشوا من غير واحدة تنبهكم..بالفاسفيس ...مش تخليكم تنتحروا !!!!!!
:)

الأغاني للرأفتاني said...

وجهـــه نظــر برده يا نوران
كانت غايبه عننا موضوع الميكروبات دى

ما انت عارفه ان احنا رجاله قلوبنا حجر ما بنقدرش خطوره الفسافيس

شكرا ع الزياره