الامين العام للجنه السياسات بالحزب الوطنى


سألنى صديق جاهـــل عن معنى ومخزى ( الامين العام للجنه السياسات بالحزب الوطنى). وكنت انا فى غايــه السعــاده للاجابـــه عــلى هذا السؤال العويص والمعضل فلجنه السياسات ما هى الا مجموعه من السياسات المتكامله للوصول والعبــور بسفينه الوطـــن الـى بـر الامــان والاستقــرار الاستــراتيــجى المتفاعــل مع المشروع القومــى لتطوير البنيه التحتيه والفوقيه لجامع سيدى المرسى ابو العباس وسيدى بشــر وسيدى جابــر ومركز شباب الانفوشى
.. ومن امثله هذه السياســات القاتله على سبيل المثال وليس الحصر
السياسه الداخليه لتطوير السياسه العامه للجنه السياسات بالحزب الوطنى السياسه الخارجيه لتطوير السياسه الداخليه لتطوير السياسه العامه للجنه السياسات بالحزب الوطنى السياسه القائمه السياسه القاعده السياسه النائمه السياسه النائمه على بطنها (لاحظ الفرق بين دى والسياسه اللى فوقها علطول السياسه النائمه على جنبها اليمين والشمال ( لاحظ الفرق ايضا بين السياسه دى والسياسه اللى فوقها السياسه الصاحيه السياسه المعتدله السياسه الملتويه السياسه الواضحه السياسه الغامقه السياسه المسموعه السياسه الملموسه السياسه المرئيه السياسه المخفيه السياسه اللى مستخبيه (لاحظ الفرق يبنها وبين السياسه المخفيه سياسه الموت علينا حق سياسه غطينى وصوتى سياسه صوتى ياللى ما انتش غرمانه (لاحظ الفرق بين الصويت اللى فوق والصويت ده سياسه رقصنى يا جدع على واحده ونص
سياسه يا ام المتطاهر رشى الملح سبع مرات سياسه ادلع يا رشيـــــدى سياسه سد الحنــــك سياسه سد اســوان ( لاحظ الفرق بين السد ده والسد اللى فوق سياسه السد العالى سياسه الكعب العالى ( لاحظ الفرق بين العالى اللى فوق والعالى اللى تحت سياسه هز الوسط سياسه وسط البلد ( لاحظ الفرق بين الوسطين واخيرا سياسه
......... ولقد اتبعت فى هذا التحليل السيــاسى سياسه البساطه والشفافيه والمصداقيـــه الخلابــــه لحب الله والوطــــن
مع تحيات الرأفتـــــانى السيـــــاســى

60 comments:

^ H@fSS@^ said...

ههههههههههههههههههه
موتني من الضحك
كل دي سياسات و احنا مش واخدين بالنا
و انا اقول البلد متقدمة جدا ليه
طيب ايه رايك لو تروح تطبع البوست ده عند اخونا بتاع مدونة مصر الجديدة عشان هو كمان يدلو لنا بدلوه
و يقول ايه المقصود بلجنة السياسات؟
و اهو منه نكمل ضحك بزيادة
سلامات يا سياسة سلامات

صحيح ايه هي السياسة النايمة؟

الأغاني للرأفتاني said...

حفصــه
انتى والواد عمر بتطلعوا لى من تحت الارض..

المهم..فكره حلوه انى اروح اكتب البوست ده عند الراجل بتاع مصر الفتاه..,

على فكره دول شويه سياسات بسيطه من السياسات العويصه..

والسياسه النايمه اللى هى مش صاحيه يعنى..غير السياسه الغير قائمه

الأغاني للرأفتاني said...

Barracuda
فينك يا عم..عاش من شافك..والله لك وحشه..

على رايك.. والله يعنى هو ابو الجيمس ها يعمل ايه يعنى

واى موسيقى حزاينى عاوز تسمع؟
ياريت تحدد..علشان كل الاغانى بأت حزينى واسود من قرن الخروب

نورت المهجر..وما تبقاش تقطع الزياره

Anonymous said...

حلوة

الأغاني للرأفتاني said...

الاستاذ شريف
يا مرحبه يا مرحبه..نورت المهجر يا استاذ..مع انك فى مهجر تانى برده
عامل ايه واخبار المانيا ايه..؟
يارب تكون بخير
تحياتى

Yasmine Adel Fouad said...

دى ميزة الناس اللى مش بتشتغل
تقدر تضحك فى البيت من غير ما حد يتفرج عليها
الحمد لله ان الدكتور فى الصيدلية معندوش نت
كنت اتفضحت هناك


المهم عايزة اطمنك يا معلم
البوكس جايلك فى الطريق
احترس
من حكمدار مصر الحلوة لنيويورك
لا تخرج للشارع
الطريق فيه بوكس قاتل

الأغاني للرأفتاني said...

انا حــــــــــره
خليكى انت كده حاطه البوكس ده فى دماغك لحد ان شاء الله مانروح فى داهيه..

وماتنسيش ان اسمك مكتوب كبير وعريض كده فى اول الصفحه.. ياعنى معانا معانا ان شاء الله

tota said...

رأفت

الحقيقة مجموعة السياسات المذكورة تستحق التسجيل فى كتاب السياسات فى المالانهايات
هذا الكتاب يصف انواع السياسات المختلفة التى تمتد الى ما لا نهاية التى ∞درسناها فى الرياضة

تم حجز صفحة خاصة باسمك قابلة للاضافة والتجديد فمن الواضح ان السياسات المذكورة سوف تتطور لتأخذ اشكال متعددة متجددة حسب موضة العام والالوان ومواسم الفاكهة والحلويات ومناطق حظر التجول والمناطق السياحية والاثرية
ولكم جزيل الشكر

باب صفحة سياسة بلا حدود


تحياتى

الأغاني للرأفتاني said...

يا سلام يا تـــــــــوتــا

والله عقلك ده يوزن بلد..فعلا انا محتاج صفحه سياسه بلا حدود دى..ربنايجبرك كده ويكرمك زى ما حليتى المشكله العويصه دى

لان فعلا السياسات دى متجدده ومتغيره زى جلد الثعبان والسلحفه..وعلشان اجمع كل السياسات دى لازم استعين بخبير فى الرياضه الجبريه..

ايديك معاى وان شاء الله هنكمل المشوار
من اجل حزب حر وصريح وشفاف وبسوسته من ورا

Anonymous said...

تصدق أنى أصلا تهت و سط كل الساسات ده و ...ومبقتش اعرف يعنى يه سياسة أصلا .....!!!!ا

الأغاني للرأفتاني said...

يا نـــــــــوران
الحاله بتاعتك موجوده فى لجنه السيــاسـات واسمــها
سيـــاسه التواهــان

تحياتى وشكــرا ع الزياره

^ H@fSS@^ said...

batla3lak min ta7n elarad???? eish 7al mana fi elblog elli ganbak
bas bardoh 7agii wa askhafaf 3aleek w ageeb elwad omar ma3ayah

salam ya abou elsayasat

hhhhhh

Anonymous said...

الدنيا برد قوي يا مهاجر
بس بدأت طقوس اعياد الميلاد الجميلة، الأضواء وزينات الشوراع ونوافذ البيوت، مناخ أحبه

الأغاني للرأفتاني said...

استـــاذ شــريف
ومين سمعك...احنا النهارده عندنــا عاصف تلجيه..يعنى التلج ع الابواب

وفعلا احلى وقت بيكون اليومين دول لما الشوارع كلها بتكون بيضاء بلــون التلج والمحلات كلها متزينه باحلى زينه..

كل سنه والناس كلهــا بخير

Anonymous said...

هل تعيش وحدك ام مع اسرتك
إذا كان مسموح لي اسأل

عمر said...

فين التلج ده يا شباب؟ احنا هنا حنموت من الحر

الأغاني للرأفتاني said...

حفصــه
انت عارفه انى ضعيف فى اللغه اللى انت اخترعتوها دى اللى فيها ارقام
بس اللى فهمته انك معندكيش مانع ترخمى زى عمر كده...

وتشرفى فى ايى وقت يا رخمه

الأغاني للرأفتاني said...

انا عايش لوحدى يا استاذ شريف

عندى كام قريب كده ارخم م الرخامه اهم عاطين للدنيا ونس
والحاج والحاجه خلاص..ما بيحبوش نيويورك علشان زحمه..بيجو زيارات

Anonymous said...

الله يكون في عونك، الحياة وحيدا ليها جمالها والحياة مع الاخرين لها جمالها، المهم الابداع والاضافة في الحالتين، هل تدرس ام تعمل، واسمحلي من ا انادي على توتا واسألها مدونتك مختفيه ليه

Anonymous said...

loooooooool
هي دي السياسة الدولية الاقليمية اللولبية الحلزونية

الي الامااااااام يا روميل

الأغاني للرأفتاني said...

epi
شكـــرا ع الزيــاره وكلمات التشجيــع الحـــاره

عمر said...

حج رأفت انت مش قد الكلام اللي انت بتقوله ده يا باشا... وبعدين متقوليش مواطن أمريكاني ولا حلواني.. كله محصل بعضه يا حبيبي

كل يوم قبل النوم تقول عشر مرات

أنا مش معارض وطهقان
أنا مبايع واهبل

أنا عايز مصلحتك يا رأفت ياخويا

الأغاني للرأفتاني said...

عمـــــــــــر

يعنى انت شايف كده يا رفيق السوء..
اقلب مبايعه وتأييد ؟؟

إيمــــان ســعد said...

هههههههههههه

عبقري فعلا انك قدرت تحفظ كل انواع السياسة ده

ربنا يعينك

في الجوون صراحة

تحياتي

الأغاني للرأفتاني said...

بنـت سعـــد

اهلا بيكى ..منوره والله

لا دى فى سياسات تانيه بس مش ظاهره لسه.. ادينا بندور والله المستعان
نورتى المهجر
انا روحت عندك الصيدليه بس انت لسه ما كتبتيش حاجه جديده

همس الليل said...

اول ما دخلت عندك لقيت مليون بلوج فى البروفيل بتاعك لحد ما اتقرعت من كتر شد شعرى عشان اعرف انهو فيهم اللى بتكتب فيه دايما
الحمد لله بعد ما ركبت بروكه قدرت اعرف فين البلوج اللى بتكتب فيه
بجد دهشنى اسلوبك اللى بجد ممتع انا بحب الطريقه دى اوى فى الكلام
للاسف انى مشفتش البلوج بتاعك الا دلوقتى بس
كل سنه وانت طيب وربنا يرجعك بالسلامه لاسكندريه

الأغاني للرأفتاني said...

كـــات آيــز

الف شكر ع الزياره..والنبى فرحتينى كده لما الاقى حد من اسكندريه..

معلش البلوجات دى كانت من ضمن مشروع من مشاريع الجامعه.. يالا الحمد لله ان شعرك رجع تانــى

نورتى المهجر وسلمى ع اسكندريه لحد شهر فبراير..

تحياتــى

الأغاني للرأفتاني said...

اهلا يا منـــــــــــال
انا قلت انك مش هترخمــى بعد الكلمتين الحلوين اللى فى البلوج بتاعك
بس الظاهر انى كنت باحلم وان الرخامه فى الدم..زى الاكسجين كده

انا فخــور بيكى جدا يا منــال انك لقيتى كل السيـاسات الناقصه دى..ولسه والله فى ناس هتجيب حاجات تانيه..يا ما فى الجراب سياسات..

وده اسمه سياسه الاستكشاف الترخيمى..برده تبع الحزب الوطنى..الاخضر ابو دم خفيف

همس الليل said...

ربنا يخليك زيارتى للبلوج بتاعك بستطنى اوى والله
انت فعلا من اسكندريه؟؟؟
عموما اسكندريه جميله وهتنور فى فبراير لو جاى ربنا يرجعك بالسلامه
بس انت بتعمل ايه فى اميكا بتدرس يعنى ولا بتشغل؟
اسفه على تطفلى بس جنانك شدنى

عمر said...

عيد ايه ياخوانا الي قرب؟ دا الثانكسجيفينج كان لسة الاسبوع اللي فات

عمر said...

منال لامؤاخذة اصل انا اتأمركت خلاص

رأفت: بتهبب ايه في مدونة اللي ما يتسماش بتاع الشفافية؟ حدور وراك بقي ألمك من علي المدونات؟ عيب كدة انت كبرت علي الحاجات دي

sara said...

عجبتني قوي سياسة سد الحنل و السد العالي و الكعب العالي ... بجد البوست ده رائع

Anonymous said...

أعجبي شرحك

الأغاني للرأفتاني said...

كــات أيــز
ايوه يا ستى انا سكندرى بلا فخر
وعايش هنا من زمان خالص..
على اى حال لما اجى ان شاء الله الاجازه الجايه نبقى نتقابل..

تحياتى

الأغاني للرأفتاني said...

عمـــر واللى ارخم منه منـــال
منورين والله .. وبطلوا عراك بأه انتوا مولدون فوق روس بعض

نسبه الرخامه قله عندك يا منال انا حسيت بكده..ما كنش داعى تروحى للدكتور وتضيعى فلوسك

يا عمر
ايه رأيك فى الراجل بتاع الشفافيه والمصداقيه..
انا قلت اروح ارازى فيه شويه

والله يا عمر ما اعرف العيد الكبير امتى..خلاص احناتوهنا يا مان

الأغاني للرأفتاني said...

ســـاره وهلوســه اخر الليل

نورتى المهجـــر... فى سياسه تانيه اسمها سياسه شد الحبل..بس لسه مش ظاهره

اخبا ام مريم ايه...هههههه


-------------------------------
tazart

نورت المطرح وشكرا ع الزياره نردها فى الافراح ان شاء الله

عمر said...

منال معلش أصل رأفت مش لاقي حد يتخانق معاه في نيويورك.. ابقي اتعرف علي عم برعي اللي في الفيفث افينو يا رأفت وهو حيظبطك

وبعدين يكفيكي فخرا يا منال انك بقيتي ارخم مني ودة شرف لو تعلمين كبير

الزعيـمة said...

هو حصلت انك تتكلم كمان على السياسات ولجانها ومحاسيبها

انت بتزن لية على خراب مالطة
ماهى انخربت خلاص

بس نسيت انت سياسة الشفافية والتقشف والتشقق ودي بتحتاج كريم ايفا بالجلسرين



على فكرة انا بهزر لا تفتكرني مقريتش البوست برضة زي البوست الفات

والفات فية شبة من بتاع الوقتي بما ان الاتنين






انا رديت فيهم

تحياتي على ابداعك المعتاد

FrEe.PhArAoH said...

هههههههههههههههههههه

روعه ياباشا

مقدرش اقول غير كدااااا

:)
:)
:)
:)
:)

تحياتى

الأغاني للرأفتاني said...

عمــر ومنــال

اتلهـــوا انت الاتنين..دلوقت حبايب وصحاب...وبكره تيجى تعيطوا لى من

يا رب يعنى سعيد بسعيده
جتكم نيله مليتوا البلد

الأغاني للرأفتاني said...

الزعيمة
نورتى وشرفتى كالعاده
ويا باشا تهزرى ولا بجد..خدى راحتك البيت بيتك

حلوه حكايه سياسه القشف والجلسرين دى
ههههههههههههههه
-----------------------------------

FrEe.PhArAoH

عاش من شافك يا حاج
منور والله
ربنا يخليك على ذوقك

عمر said...

نعيطلك من ايه بالظبط يا عم رأفت؟ مش عارف تكتب جملة مفيدة يا عم الحج ولا إيه؟ ابعتلك كتاب علم نفسك العربية في ساعة إلا ربع؟

وبعدين أيوة يا أخي اصحاب مضايق نفسك ليه اوي كدة؟ جتكم البله مليتو الإيست كوست! (الي هوة الشرقي يا رأفت (مش الغربي

عمر said...

ايه يا عم رأفت القفش دة؟ يا معلم انت لو مجيتش البلوج عندي حقفلها.. تبقي ملهاش لزمة يعني
:)

خلاص يا عم حقك عليه.. حعزمك عند الحج برعي المرة الجاية لما اروح نيو يورك

وانتي يا منال ، يا صالحي عمو رأفت وهاتيلو شوية بنجر
:)

انحلت سيور العربه وسقط المهر من الاعياء said...

ازيك يا خويا
انا حا لف اكون الخمسين

طو ل لسا نك كمان
واتكلم فى السياسات

جيلك يوم
بس اوعى تقو ل على اسمى او انك تعرفنى
انا مش ادك
يا منا ضل
هههههههههههههه

الأغاني للرأفتاني said...

الجحيم هو الحقيقه
منور يا ابو الجحمحم

يعنى انت مستنين لما اقول على اسمك..ما انت كده ضــايع ضايع...

Anonymous said...

I'm baaack .

عمر said...

كوبرا: انت فين يا عم الحج دوختنا عليك... عمك رأفت خلاني رحت فيرجينيا لفيتها قسم قسم، ومديرية مديرية

حمد الله عالسلامة يا ريس

Anonymous said...

بعتك ياباشا أنا كنت في ميريلاند بس برضة عديت على فرجينيا و دي سي في السكة اللة يسلمك .

الأغاني للرأفتاني said...

Ironcobra
سمسم
انت فين يا عــــم..والله قلقنا عليك خالص..وخصوصا لما بعت لك ايميل وانت ولا عبرتنى..المهم حمدلله ع السلامــه

منال
ما تشغليش بالك بموضوع البنجر

tota said...

المهاجر
بعد اذنك ولو انه مش من طبعى التطفل الا انى استأذنك ارد على شريف الصيفى فى سؤاله
المدونة ليست مختفية انما اعرف انك قصدت خاوية
لماذا؟

هى خاوية من التدوينات لكن هى مليئة بالتعليقات
التعليقات على الصمت والذى نظنه احيانا اكثر تعبيرا من كلمات كثيرة
هكذا يكون الصمت حين لا يصبح للكلمات فى حياتنا اثر

الصمت حالتى لا عن استعلاء او استحياء عن انتظار حين يكون لكلماتى صدى

اعتذر مرة اخرى يا مهاجر عن استغلال مدونتك فى الرد

الأغاني للرأفتاني said...

توتــــــــــــا
انت تردى على اى حد فى اى وقت..المهجر بيتك..

اصل شريف مش زينا لسه مايعرفش المخزى من انك سايبه المدونه بتاعتك فاضيه..

Ma 3lina said...

هااااااا تصدق انى كنت بتساءل عن المناصب دى و بيعملو فيها ايه و و بنستفيد منها اية و حقيقا انت محيت اميتى السياسية

تعيش و تفهمنى سياسة البلد

بس فيه حاجة " الاسئلة اللى حضرتك كاتبها between brackets"

مش عارفة اجابتها ممكن تعمل موضوع جديد تشرحلنا الاجابة بالتفصيل

و شكرااا

الأغاني للرأفتاني said...

ما عليــنا

انت شكلك زكيه ونبيه وفطينه وسابقه الجيل بتاعك
لان البوست اللى جاى ان شاء الله هيكــون فيه الحلول والجابات
وكل ما ترغبون

تحياتـــى

Ma 3lina said...

"انت شكلك زكيه ونبيه وفطينه وسابقه الجيل بتاعك"


ايه ده عرفت منين ؟؟؟ هو باين عليا اوى كده :)

waiting 4 the new topic isa

على فكرة هيا الحرارة اللى عندى هيا السبب مش طبيعى يعنى

HANY said...

نسيت انت سيايه , يا بخت من وفق راسين فى الحلال , ولا دى سياسه ماما سوزان صحيح

وتقبل تحياتى

الأغاني للرأفتاني said...

ما علينـــا

الذكاء والفطنه انا شفتهم من سؤالك لان بحد والله اللى البوست اللى جاى عن الحلول الرافتانيه للازمه السياسيه..
هههههههههههه
-----------------------------------
----------------------------------
هـــانى

انت فين يا هـــون
فعلا زى انت ما قلت سياسه يا بخت من وفق راسين فى الحلال ده سياسه ماما سوزان بس فى ناس كتير متبعين السياسه دى ..زى قـــرنى مثلا..

نورت المهجــر

انا حاولت ازور egypt time
كذا مره بس الظاهــر فى مشكله..ابقى قولى ايه الاخبار..علشان ابا بعت لك ايميل من كام يوم برده

We2am said...

tab esh6a gedan..e7na 3'r2anen syasa aho..shoft eldomcracy b2a!!:D
ya7'e ...maynf3sh kida :D

الأغاني للرأفتاني said...

وئـــــــــام
ايه الاخبــار
طبعا احنا غارقنين سياسه.
ودى اسمها سياسه تحديد النسل..
عاوزين يموتوا الشعب كله بالسياسات..

علاء السادس عشر said...

الصديق العزيز رأفت
أشكرك على السؤال وعلى مشاعرك الرقيقة ,الحياة تتحرك أسرع منى كثيراً وكما تعلم فأن حسب الكابتن أينشتين فالسرعة تتناسب عكسياً مع الزمن .
سعيد بالتواصل مع شخص مثلك وربما نتلاقى هنا أوهناك
تحياتى ومحبتى

الأغاني للرأفتاني said...

عـــــــــــلاء
ايه الاخبــار يا عم
ما تغيبش كده فى ناس بتقلق
يارب تكون بخير..انا عارف المشاغل
ربنا يكون فى العون يا مان