Friday, December 01, 2006

الحلول الرأفتانيه للازمه السياسيه



واحد قارئ زكى بعت لى رساله كلها غضب. قال فيها ان معظم كتـابـاتى اسود من قرن الخروب ومليئه بالتشاؤم والسخريه.. وسألنى لماذا لا اكتب حلول رافتانيه للازمه السياسيه.. والحق اقول ان الحلول على قفا من يشيل بس فين النفس اللى تصرف.. وامامكم عشـــر حلــول حكـــايه علشــان الازمــه السيــاسيه

الحل الاول
عمل لجنه مضاده للجنه السياسات فى الحزب الوطنى وتكون هذه اللجنه متساويه فى الشكل والطعم واللون والاتجاه
ويكون شعار هذه اللجنه :
كـايده العُـزال انا من يومى..أيــوه آه

الحل التانى
تغير اسم مجلس الشعب الى مجلس الامــه برئاسه احمد فتحى سرور
تغير اسم مجلس الشورى الى مجلس الشـعب برئاسه احمد فتحى سرور
تغير مجلس اتحاد الكـــوره ونادى السكه الحديد برئاسه احمد فتحى سرور
الغاء كل المجالس اللى فوق دى وفتح دكــان صغير مكتـوب عليه..احمد فتحى سرور لرئاسه مجلس الامه والشعب والشورى واتحاد الكوره ونادى السكه الحديه

الحل الثالث
تعين تــامر حسنى وزيرا للدفـــاع والداخلــيه والحرببيه والكشـــافه والعيال الخشنــه اوى اوى

الحل الرابع
تعين المطرب الذواق بعــروره وزيرا للثقافــه والزراعه

الحل الخامس
تعين فاروق حسنى وزيرا للاوقاف والازهر وبابا للفا تيكان

الحل السادس
تعيين الدكتــور يــوسف والــى وزيرا للصحه والمواصــلات وجمعيه سلامه المواطنيــين والرفـق بالحيـوان

الحل السابــع
تغير نظـام اختيار رئيس الجمهــوريه لنظــام الاقتــراع وده مختــلف عن نظام الانتخابات والاستفتاء.. الاقتــراع جاى من القــرع العســلى

الحل الثامــن
تشجيـــــع نظام الاقطاع والسلب والنهــب والاصـــلاح الزراعــــى والعـــوده الى الملكــــــيه والبــشويه والبهويه و فــراخ الجمــعيه المخليه

الحل التـاســع
اعـــدام كــل المدونين والمدونـــات ما عدا الرافتانى علشان الرافتانى هيبقى المستشــار السيــاسى للدوله الرأفتـــــانيه

الحل العــاشــر
واستعيــــــنوا بالصبـــــــــــــــر والســــــــــــلوان ..واللى مش عاجبه ... يرمــى نفسه فى المـــالح.. قدام بيـــــر مسعود كده علشـــان الحته دى غويطه أو فى البيطاش فى العجمى- الميه اللى هناك وسخه

165 Comment:

الجحيم هو الحقيقه said...

الحمد لله وصلت

بص يا جما عه انا حقو ل كلمتين
مفهمش لف ولا دو ران

الواد رافت ده حا جه كبير ه قوى عندى هوه الصديق الاول والاخير لى شخصيا
هوه يمثل
الصدق
الاخلاق
المجدعه
الرجوله
بكل ما تحمله الكلمه من معا نى
وهذا الكلام ليس فيه مز ايده
بل هو عين الحقيقه
رافت انسان قوى حسا س قوى
لو قعدت
اوصفلك فيه مش خا لص

غريبه ان واحد يكتب حا جه زى دى لو احد زيه بس فعلا رافت
غير اى حد انا عرفته
وانا كل كلمه قلته عنه متكفهوش حقه

ومحدش يقو لى بتقو ل الكلام ده ليه
لانى بقوله وحفضل اقو له

رافت
الر افتا نى
المها جر
الاتحا د سيد البلد
وانته سيد المدونين
تحيا تى الى اجمل انسا ن

المٌهَــــاجِر المَصْـــــــرى said...

خلاص يا اخونا مفيش حد يكتب حاجه تانيه علشان الجحيم اخد كل الصفحه كلها لوحده..

ومحمد بيعمل للمستقبل ..علشان عرف ان هاكون المستشار السياسى للدوله الرأفتانيه..زكى يا محمد..مش عاوز يلعب بالنار... فقال لك اتقى شر الرأفتانى
ههههههه
عشت يا عم محمد..ربنا يكرمك كده ويديم المعروف..

Ma-3lina said...

الحل الاول
----------
بصراحة اهم حاجة فى الحل ده هو الشعار الجامد و ده ان دل على شيئ فهو يدل على ثقافة مصرية لم يلوثها المجتمع الامريكى

" شفتنى و انا بكتب كلام كبير اوعدك مش حيحصل تانى "

الحل التانى
-----------

اشمعنى سرور يعنى متغيرو مش ده اصلاح سياسى يبقى لازم التغيير علشان الشفافية

الحل الثالث
----------

مواااااااااافقة


الحل الرابع
-----------
معرفش مين بعروولر ده بس انت اكيد يهمك مصلحة البلد و اهم حاجة انك مقتنع بيه فى المنصب ده

الحل الخامس
----------
انا معترضة معرفش ليه بس اصله وحش و بيعمل مشاكل كتيير كمان رسمه وحش ممكن تعينى انا ؟؟

الحل السادس
------------
مواااااااااافقة

الحل السابــع
--------
اموت انا فى القرع

الحل الثامــن
------------
اكتر من اللى احنا فيه مفيش

الحل التـاســع
-------------
انا حكنسل البلوج بتاعى

الحل العــاشــر
--------------
مفيش مارينا اصل الناس دى مش متعودة على البيطاشو الحتت دى



و اخيرا احييك على سعة صدرك للانتقاضات و حلولك المسخرة للوضع البتنجانى الحالى

عمر said...

يا عم رأفتاني مش قلنا خلينا في الأغاني وبلاش الحاجات دي... اهو فرع لجنة السياسات في دايرة مانهاتن شم خبر وحاتتشد يا حلو... شكلك مش بتعمل التمرين اللي قلتلك عليه

انا مش معارض غلبان
انا مبايع فرحان

كل يوم يا رأفت الله يخليك علشان صحتك يا ابني

albida said...

حلول عبقرية فعلا يا رأفت!! مش بقولك أنت خسارتك فى البلد دى

وأحب أضيف كمان حل.. تعيين كمال الشاذلى رئيسا لمجلس الأمانات ولجنة اعطاء كل مواطن حقه

تعدمنا ليه بس؟!! احنا مالنا ياعم! مش كفاية مستحملين أرائك السياسية الخزعبلية دى


manal

المزاجنجي said...

والله عال



ورخصت السياسة



لما انت كمان تتكلم فيها



ربنا يستر




بس بجد كان نفسي اقولك
يا راااااااااجل ؟؟؟

HANY said...

اخى الكريم :

مفيش مشكله ولا حاجه فى الموقع , بس ممكن يكون تقيل شويه بس , ابقى جرب تشيل الملفات المؤقته , وتدخل تانى

وبالنسبة للايميل فموصلشى , وخلى بالك اخى الكريم ان الايميل تى واحده مش اتنين تى
EGYPTIMES@HOTMAIL.COM
انما بالنسبة للحل للوضع الراهن فهو باختصار اعتصامات يا جماعه , من هنا ورايح كل حاجه بالدراع ,مفيش حاجه هتيجى بالساهل , ولما تقرأ الموضوع اللى انا كاتبه , هتعرف أقصد ايه

وتقبل تحياتى أخى الكريم دائما , والسلام

الزعيـمة said...

والهي عال اوي الكلام دا

انت اعد هناك عند الفرنجة وبتنظم لنا حال البلد هنا

يا جماعه اوعوا حد يسمع كلام المهاجر لما يباة يرجع نباة نفكر فى كلامة

لان دا يعتبر تدخل فى السياسة الداخلية للبلد
واحنا مش بنقبل اى ضغوط خارجية ولا داخلية وانا الحمشي البلد دي وحفضل معاكم للنفس الاخير

الكلمتين الفوق دول لامانة النقل مش من عندي دول مقتبسين من الخطاب المريخي اقصد التاريخي لعم حسني ابو علاء شريك الحاج احمد فى القهوة

المٌهَــــاجِر المَصْـــــــرى said...

مــا عليــنــا
انت بوظتى الحلول خالص..منك لله..انت اول واحده هتتعدمى..

قدمى طلب عضويه للدوله الرافتانيه عند عمــر علشان هناخدك معانا..

ومتخافيش انا ديموقراطى اوى.فشر الحزب الوطنى

المٌهَــــاجِر المَصْـــــــرى said...

عمــــر
عندك حق يا رفيق..احنا مالنا ومال السياسه..مكنا قاعدين ..اغنيه هنا وقصيده هناك ومقضينها..

هاتعمل ايه..طوله اللسان يا مان

انا مش معارض غضبان
انا مبايع فرحان

وسمعنى سلام انا كده انا كده دلوعه ديما

المٌهَــــاجِر المَصْـــــــرى said...

منـــال
اعدام..
انا كنت ناوى اعينك رئيس الحمله الانتخابيه الرافتانيه..
بس طالما انا هاعدمكم كلكم فا مفيش حد اصلا هيترشح ضدى..
فيا اما الاعدام..يا اما البيطاش

المٌهَــــاجِر المَصْـــــــرى said...

مزاجنجى

عاش من شافك يا عم الحاج..انا قلت انك طبقت فى الناس بتوع القناه اياها ومسكوك..
اخبار الفتاوى الدينيه ايه يا مان
----------------------------------
----------------------------------

هـــانى
انا هاروح تانى..ولا اعتصامات ولا غيرها نافعها يا هانى ..

المٌهَــــاجِر المَصْـــــــرى said...

الزعيــــــــــمه
مبروك ع الصوره الجديده..
وحلوه اوى الخطاب التاريخى ده..

بجد ده كان خطاب ولا انتى اللى كاتبها دلوقت..؟؟

الزعيـمة said...

اه بجد دا كان فى خطابة الاخير يوم 19نوفمبر
لما قال انا اعد معاكم مادام القلب ينبض

تعرف لو قال مادام فى العروق دم كان زمانة مشي من زمان

المٌهَــــاجِر المَصْـــــــرى said...

الزعيـــــــــــمه
تصدقى بالله؟ انا مفكرك بتشتغلينى فى موضوع الخطاب ده..
دا واخدا الموضوع جد بأه؟ لحد اخر نبض
هو فى ايـــــــه

عمر said...

انا كدة دلوعة دايما؟ ياض انت انا نفسي افهم انت حفظت الأغاني دي كلها امتي لما بتقول انك عشت نص عمرك في أمريكا؟ كنت شغال في كافيتريا الإذاعة؟ ولا فاتح محل للأغاني الخليعة في هارلم؟

المٌهَــــاجِر المَصْـــــــرى said...

عمــر
مش انت اللى قولت لى.. اسيبنى من السياسه واتفرغ للاغــانى
فقعدت اجمع كل الاغانى التمام علشان نعمل كتاب الرافتانى فى الاغانى

وبعدين انت عرفت هارلم منين الله يخرب بيتك

عمر said...

هاهاهاها يا مان أنا قضيت طفولتي المحرومة كلها في حواري هارلم

يا عم انت عمال تحنسنا بالأغاني بتاعتك دي.. انا عندي كم من الأسئلة المتشعبة المتقعرة.. خلص بقا ونزل العدد الجديد عشان الجمهور ابتدي يزهق

المٌهَــــاجِر المَصْـــــــرى said...

خلاص هانت يا ورييث
فاضل ع الحلو دقه والاغانى قادمه
انت ايه ظروفك النهارده..مفيش جامعه ولا ايه؟؟

Anonymous said...

أنا عندي مشكلة

Ma-3lina said...

طلب العضوية ده محتاج بطاقة و حركات ولا 6 صور بس مع ختم الرافتاية ؟؟

يا ريت توضح الشروط بدل منتعب الاخ عمر
بس صحيح هوه منصبه اية فى الدولة الجديد ؟؟

المٌهَــــاجِر المَصْـــــــرى said...

ما عليــنا
طلب العضويه لازم يكون معاه 25 صوره الوان..5 بالحجاب و5 من غير حجاب و5 بالخمار 5 بطاقيه الاخفاء 5 بمكياج
والباقى من غير مكياج

الطلب لازم يكون مصحوب بالواسطه بتاعتك؟ يعنى واسطتك مين؟

ومع الواسطه يكون فى ظرف فيه الرشوه

يقدم هذا الطلب لعــمر.. عمر وظيفته المشتشار القانونى للدوله الرأفتانيه

وبعد عمر ما يوافق ع الطلب..

انظر انا الطلب وارفضه علشان الواسطه صغيره

عمر said...

ما علينا: والله انا نفسي مش عارف... انا اتفاجئت اني مش حتعدم زي بقيت الناس... انا حقدم تظلم

رأفت: فيه جامعة والامتحانات بعد اسبوع بس مش طالبة معايا

ضيعونا بقي

Anonymous said...

يا رافت أنا ironcobra معلهش انا بأكتب كمجهول الهوية لأن الحاسوب الموجود في الشغل الظاهر الكهربا قطعت و لا عملوا update لحاجة و أنا مسافر رجعت لقيت أني لازم أدخل اسم المستخدم و كلمة المرور مرة أخرى , واللة يلعن أبو السن و الزهايمر و تصلب شرايين المخ و تدخين البانجو و انت صغير و مليون كلمة سر و pin # لازم تغيرهم كل شوية في خضم معترك الحياة نسيت كلمة السر و مش قادر أفتكرها عموما لحد ماربنا يسهل و أفتكرها هأكتب كمجهول من الشغل أو لو ربنا سهل و لقيت وقت أكتب من البيت هأكتب بأسمي .
المهم ياعم خلينا في المهم سيبك من السياسة و الكلام اللي مايجبش همة دة و خلينا في الهلس أية رأيك في البوم الأخ صادق ووصلك غلاف الألبوم ولا لأ عندي ليك بأة هدية حفلة لايف ساعتين لعدوية أسمها عدوية في أسكنرية من سنة 75بس أية يامان أشطة صباح الدماغ 25 أغنية و عندي كمان أغنيتين للرائع شاندو ( السنجلاب و عبدالهادي) وكمان أغنية ماهو أمريكاني للخالد أيمن راتب و أغنية Lady لصاحب الحنجرة الذهبية اللمبي Peace out .

Anonymous said...

يا عمر شيل الهباب البلوجر كنترول اللي انت حطة دة خليني أعرف أرصلك تعليقين في موضوع التعليم في مصر لاحسن دة حارقني أوي و عندي كلام كتير عايز أقولة فية , حاكم محسوبكم كان مدرس في مصر و بأدرس هنا برضة .

المٌهَــــاجِر المَصْـــــــرى said...

ironcobra
سمسم
انت فيـــن يا عــم..والله بدانا نزعل منك..
المهم انك تمام وبخير.. ودخلت متخفى مش مهم
يا معلم الاغانى اللى انت بعتهالى مسخره بجد يعنى والله..مسخره
باسمعها وانا راكب المترو وابدأ اضحك والناس تفتكر انى مجنون فيمشو من مكانهم وده كويس علشان ما بيبقاش فى كراسى فاضيه..
انا بعد ازنك عاوز الغلاف تانى علشان مسحته بالغلط

بلاش بتعت عدويــه علشان العدوى حبيبى وعندى كــل الاغــانى بتاعته..ابعت لى الناس التاينه دى

ده هيبقى بوست مسخره بتاعى الاغانى

ابقى ابعت لى ايميل يا مان علشان يبقى معانا ايميلاتك وكده..علشان لما تغطس ما نقلقش عليك

Anonymous said...

ياعمر نسيت أقولك ان أنا الأفعى الحديدية صاحب التعليق اللي فوق دة ^^^^^

Anonymous said...

طب أبعت أنت يارأفت كل اللي عندك لعدوية مادام عندك المجموعة الكاملة , حاكم أنا كان عندي ثروة هائلة من الأغاني الغريبة و النادرة في مصر بس لما جيت هنا أمنت أخويا عليهم بس اللة يسامحة بأة بددهم , وليك عليا ياعم أي حاجة تبعتها أحولهالك ديجيتال و نعبي أي بودز وبيع يالطفي .

Anonymous said...

My E-mail is :
ironcobra40@hotmail.com

Ma-3lina said...

25 "صوره الوان..5 بالحجاب و5 من غير حجاب و5 بالخمار 5 بطاقيه الاخفاء 5 بمكياج "


دول كده 25


"الباقى من غير مكياج"

مافيش باقى اصلا سيادتك بليد فى الحساب انت معاك ابتدائية و لا ايه بالظبط؟؟

على العموم مش مشكلة نص مجلس الشعب اميين يعنى انت كدة متفوق

معتقدش طلبى مرفوض علشان سيادتك واسطتى :p

المٌهَــــاجِر المَصْـــــــرى said...

ما عليــنا
انا كنت باختبرك فى العمليه الحسابيه..
لو انت موظفه صالحه للدوله الرأفتانيه كنتى زمانك طنشتى الارقام والكلام الفاضى ده..لكن الظاهر ان دماغك صرمه قديمه ومش هتكلى معانا عيش..
لان الدوله كلها هتقوم على التزوير والسرقه..

بس طالما انا الواسطه بتاعتك..هاكلم عمر..وربنا يعمل اللى فيه الخير

Anonymous said...

الغلاف و الأغاني لازم أبعتهم من البيت ماينفعش من الشغل .

عمر said...

ما علينا: ما تقلقيش خالص.. مؤبد علي أقل تقدير

cat_eyes said...

ايه ايه يا ريس الكلام الجامد دا
اه يا عم ما انت خالع بره خارج تراب الوطن وسيبنا هنا نقرا ونتقلى فى الزيت وسلملى على فراخ كوكى بئا وقطعنى حتت وارمينى فى الزيت
بس سؤال يا سياده الريس انا سمعت ان دوله سعادتك كلها ديمكراطيه ههههه اللى ساكن فى سيدى بشر وعايز يرمى نفسو فى بير مسعود ممكن توفرولو المشاريع امو جني ولا المواطن يغرق كدا اورديحى
وسلملى على الترامى
الله يسمحك بئا ههههههههههه
:)))

المٌهَــــاجِر المَصْـــــــرى said...

كـــــات آيـــز
والنبى انت بتهزرى؟؟؟
بأه اللى ساكن فى سيدى بشر هيعوز مشروع يوديه بير مسعود؟

وماله المشى يا ختى؟ دا يدوب فركه كعب.. ما تقولليش واللى ساكن فى سيدى بشر قبلى

امال بأه اللى ساكن فى المعموره او ابو قير وقرعته جات فى البيطاش هيعمل ايه..
برده هياخدها مشى علشان يوصل تعبان وميت طبيعى

واسلم لك على انى ترماى.. بتاع بحرى لا بتاع محطه الرمل

علاء السادس عشر said...

عزيزى رأفت
ارجو أن يتسع صدرك لكلماتى وأقتراحاتى فهذا مصير دولة لها وزنها وتأثيرها الأستراتيجى على العالم أجمع لذلك يجب التأنى والتفكير , هذه هى التعديلات المقترحة:
البند الثالث الخاص بتامر حسنى حضرتك نسيت عامل الخبرة لذلك أنا أقترح محمد ثروت

البند السابع الخاص بالأنتخاب بالقرعة أقترح هنا أختيار رئيس الجمهورية بالسحب وأن يكون السحب علنى وفى التلفزيون كضمان للشفافية

البند العاشر الخاص بشاطىء البيطاش أقترح الهانوفيل لأن السحب فى الهانوفيل جامد جداً
وفقك الله لصالح الأمة وخيرها

المٌهَــــاجِر المَصْـــــــرى said...

عــــــــــــــلاء
ههههههههههههههههههههههههههههههه
قـــــول يا ســــــادس عشـــر
اهى ادى الاقتــراحات الخبيـــره
هههههههههههههههههههههههههه

محمد ثروت ..ايووووه دا انت قلبك اسود اوى...والنشيد هيكون
وان كان ع القلب ملوش غيرك

والله لا نخير نظام الانتخابات لنظام السحب .. واللى يكسب هياخد ثلاجه
ههههههههههههه

والله منور يا ســــــــادس عشـــــر

tota said...

رأفت
طبعا الواضح ان خبرتك السياسية نضجت واصبحت معدة للاكل

وظهر ده واضح جدا فى اختياراتك

اقتراح دمج وزارة الثقافة مع الزراعة فى وزارة ويرأسها المطرب بعرور هو عين الصواب
فواضح حب بعرور للفاكهة المتنوعة
والدليل العنب العنب العنب المسروقة منه حاليا هذا بالاضافة انه قرر عمل اغنية جديدة اسمها حرامى الفاكهة ردا على سرقة الكام كيلو عنب وبلح بتوعه
وبكده تكون ضربت عصفورين بحجر الثقافة والزراعة

نظام الاقتراع
فعال بشرط كل اللى يقترع يحلق راسه علىالزيرو حتى نتاكد انه اقترع


اللى مش عاجبه يرمى نفسه فىالمالح
وايه مكافأة اللى عاجبه المشروع بتاعك
منصب فى الكيان الجديد ؟
نسيت تغير النشيد القومى
برجاء عمل تصويت على اختيار نشيد جديد

بس تصويت سوبرانو

تحياتى

المٌهَــــاجِر المَصْـــــــرى said...

تـــــوتــــــا
هههه
يا سلام على دماغك يا توتا..والله انا كنت عارف انك هتعرفى تفسير اختيار بعروره لوزاره الثقافه والزراعه مع بعض.. والسبب التانى لهذا الاختيار ان بعروره هيسمح بزراعه الحشيش كمان

وبمناسبه القرع..مفيش مشاكل هنصدر مرسوم رأفتانى ان كله يحلق اقرع..

عدت على موضوع النشيد الوطنى للدوله الرافتانيه..فكره نعمل تصويت

بس عاوزين شويه اختيارات؟؟؟


ولو مرمتيش نفسك فى المالح يا اجمل توتا..خلاص هتشتغلى معانا
هتبقى المشتشار الاعلامى الخاص بالمنشورات

عمر said...

الأفعي الحديدية دي بتفكرني بالنكتة بتاعة الرجل ذو الأيدي الملوثة بالدماء هههههههه ماشي يا عم حشيل الكنترول بس لما المحاضرة اللي انا فيها تخلص

عمر said...

بما ان الدولة الجديدة حتعتمد أساسا علي روح الحماسة والكفاح أعتقد اننا نعتمد رائعة المرحوم عبد المنعم مدبولي "هذا ماذا وإلا.. وفي يوم ما فيهش ضلة.. وقعت في الخناقة.. وقعت في الفانلة" نشيدا وطنيا وشعارا مرحليا

علي أن يكون شعار القوات المسلحة هو: يالهوي يانا

albida said...

رأفت.. أنت كنت ناوى تعينى رئيسة الحملة الانتخابية بتاعتك؟ انا مش مصدقة نفسى
أنت كده خلاص.. ضمنت الفوز يابنى!! هترجع مصر أن شاء الله هتلاقى الناس كلها بتتكلم عن الرأفتانى وهتلاقى صورك فى كل حتة.. على الحيطان, وفى صفحات الحوادث والوفيات وابحث مع الشرطة, وعلى اكياس الشيبسى والبوزو.... يعنى هاعمل كل ما فى وسعى
:) :)
أيدك بقى على 968795$ علشان تمويل الحملة الانتخابية

manal

Ironcobra said...

"كتشاو"

للعظيم لايتننج ماكوين

عمر said...

اسمي رجع عربي تاني

قولوا ورايا: الله يخرب بيتك يا بلوجر

أنـــا حـــــــــرة said...

ايه ده ياعم
انت هتعيش و للا ايه
يعنى بعد ما نهتفلك و نشجعك و نيجى نشقر عليك فى بلوجك
تقول هتعدمنا
هو ايه أصله ده
انت من القطط اللى بياكلوا و ينكروا وللاايه


____________________

رأفت انت بتحل علشان انت مش هنا انت برة
لو كنت هنابشحمك و لحمك كان زمانك لسعت من زمان و متعلق من ودن واحدة علشان تبقى بتتمرجح
و لا مراجيح المولد

______________________

شعار الحملة عبقرى على فكرة
بس لازم يكون مصحوب بموسيقى تصويرية
عارف بتاعة ايه بقى
عارف فيلم اللى فيه فرقة رضا
اللى بيغنوا فيه حلاوة شمسنا

اهى الموسيقى هتبقى الحركة اللى كانوا بيعملوها بصوابعهم فى الاغنيه
اللى هى زى حركة الرقاصات كده يا بطل
هتعمل شغل معاك
خصوصا لما تكون فى خطاب بقى و تعملها بنفسك
:)
و موسيقى تتر الخطاب صاجات يا أبلتشى


اصل البد دى اللى يمشيها على عجين ما تلخبطوش لازم يكون رقاصة علشان الشعب يفرفش يا اخويا
خدنا ايه من قلبة الدماغ

______________

على فكرة ثقافتك الغنائية جامدة
باعتبار انك واحد من هنا بس من هناك

:)

الا صحيح بتحب الحلاوة و للالا
علشان ناوية أبلغ عنك
بس انا بعزك وهخليهوم يحطوك فى سجن زعبل صغير على ادك
و الا تخلينى معاكم فى التنظيم
اصل الخلية الرأفتانية دى شكلها ليها مستقبل و هعملك دعايا جامده جدا
اول يافته هتبقى

هتقولهوملى نيللى نيللى هقولهوملك شيريهان شيريهان
بم براررام بم بم

صفصف لادي said...

هي الحلول العشرة دول على وزن الوصايا العشرة؟
لكن والله الحلول حلوة حلاوة مالهاش حل
بس يا ترى الخطة المصاحبة للحلول خمسيةو لا سنوية و لا مدى العمر؟

المٌهَــــاجِر المَصْـــــــرى said...

عمـــــــــــر
حلــو اوى الشعــار بتاع عبد المنعم مدبولى .. والنبى اكتبه فى ورقه على جنب علشان احنا هنعمل استفتاء على الشعار والنشيد الوطنى..
---------------------------------


منــال
حمله انتخابيه ايه وهباب ايه..هو فى حد اصلا مترشح غيرى..ملهاش لزمه البعزقه..
انا هانجح كده تناحه طالما فى القلب نبض

المٌهَــــاجِر المَصْـــــــرى said...

انــا حره
والنبى يا عمر ما تنساش تعدمها اول واحده..بالرغم من الاقتراحات الموسيقيه الكويسيه اللى هى قالتها
بس هى قاعده ترمى بالكلام على موضوع الحلاوه والحاجات دى

فالباب للى يجيلى لك منه الريح..
فاعدمها وخلاص

المٌهَــــاجِر المَصْـــــــرى said...

حفصـــه
انت عاوزه تودينا فى دايهه رسمى..
وصــايا عشره ايه بس..احنا ناس بتوع سياسه.. الدين لله والوطن للجميع..هههههه

وبعد الحلول دى انا دلوقت شغال فى كتابه الدستور والقوانين الرأفتانيه..
بس الاول نختار النشيد والشعار
ياللاه حسك معانا

حاجه زى بتاعه عبد المنعم مدبولى صاحب عمــر

---------------------

عمر said...

اقتراح آخر: طالما الدولة الجديدة ستتفوق علي القوي العظمي العالمية.. ومن باب الاحتياط ممكن يكون النشيد الوطني هو رائعة هاني شنودة: ماشية السنيورة.. كدة كدة هو

وذلك علي ان يصبح شعار الجيش: إيزي كام إيزي جو

المٌهَــــاجِر المَصْـــــــرى said...

يــاسـلام ياعمـــر

والله يا ورييث عبقرى يابنى
انت جبت ماشيه السنيوره دى منين
هههههههههههه

طاب ايه رايك فى فريق الفور ام؟
ولا سمير الاسكندرانى؟

انا مش معاك فى شعار الجيش
شعار الجيش لازم يكون خشن شويه

ايه رايك فى
سكر حلوه الدنيا سكر

عمر said...

يا سلام يا رأفت يا لعيب، فعلا أنسب أغنية للنشيد الوطني هي درة أعمال خالد الذكر سمير الاسكندراني: طالعة من بيت أبوها داخلة بين الجيران، دة طبعا تجسيدا للمرحلة الانتقالية اللي بتمر بيها المنطقة

وبالنسبة لشعار الجيش انا عندي عليه اعتراضين: اولا ان اللي عنه سكر مش بيدخل الجيش، ثانيا ان سمير صبري ما عندوش سكر بس برده عمره ما كان حايدخل الجيش لأسباب أخري

ولذلك كخطة بديلة ممكن يكون الشعار: الحياة بقي لونها بمبي

المٌهَــــاجِر المَصْـــــــرى said...

خلاص يا وريث
يبقى احنا كده عندنا شعارين
الاول بتاع عبد المنعم مدبولى
والتانى بتاع خالد الذكر سمير الاسكندرانى

عاوزين نجمعهم شويه ونعمل استفتاء شفاف زى بتاع بعروره

ونشيد الجيش رائع.. وهو الحياه بقى لونها بمبى..
بس برده هنسيب الاقتراحات مفتوحه

عمر said...

حلاوتك يا رأفتاني يا ديمقراطي يا بتاع الاستفتاء

وبمناسبة الديمقراطية ممكن يكون النشيد الوطني أغنية عبد المنعم ابراهيم في الفيلم بتاع الحرامي والرقاصة: لالالالالع.. لالالالالع.. لعلع

علشان نثبت للعالم ان الشعب أصبح من حقه يقول لع

المٌهَــــاجِر المَصْـــــــرى said...

ايه يا عم عمـــــر حكايه نهر الحب اللى بتكرهنا عندك دى؟؟؟؟؟؟؟؟؟

صفصف لادي said...

بس توضيح صغير لعمر
طالعة من بيت ابوها مش لسمير الاسكندراني
غناها من مليون سنة ناظم الغزالي العراقي الجنسية
لكن كانت مختلفة شوية عن الرؤية المصرية

المهم
الرافتاني باشا
النشيد العسكري ممكن يكون اغنية توووت توووت لمدبولي برضة و بالذات حيكون للصاعقة و هما بيتمرنوا

و الوطني ممكن يكون يا واد يا تقيل و ده لان اللي حيمسك الحكم مش حيسيبه و حيتبت فيه بايديه و سنانه
ايه رايك؟
و نشيد الشعب حيكون جواز عتريس من فؤاده باطل
تتاا تتتا

اظن مافيش احسن من كده

عمر said...

حفصة: يا مصيبتي؟ نحط نشيد وطني عراقي؟ لا ممكن أبدا

أنا رأيي ان شعار القوات المسلحة يكون: يا حلاوتك يا عنبة وانتي قاعدة عالكنبة

Anonymous said...

أنا الزفت الكوبرا الحديدية : صباح جديد لنج نوفي خالي من البكش و الأونطة و مسح اجوخ , صبحنا و صبح الملك للة , يافتاح ياعليم يارزاق ياكريم .
طالعة من بيت أبوها طول عمرها فول بالكلور مصري و عني ما يثبت و بعدين ناظم الغزالي غناها برؤية عراقية و عندي الأغنية للي عايزها .

عمر said...

لا حول ولا قوة إلا بالله... ياخوانا مش حنخسر بعض عشان أغنية.. مانشالله عنها ما طلعت من بيت أبوها احنا مالنا احنا

المٌهَــــاجِر المَصْـــــــرى said...

يا صبــاح الفل يا كوبـــــرا
اموت واعرف انت بتجيب الناس دى منين
ناظم الغزالى..يا راجل
ههههههههههههههههههههههههههههه

المٌهَــــاجِر المَصْـــــــرى said...

حفصــــــــه
شكرا ع التوضيح المنير ده..ونشيد توت توت جميل والله..

وشعار يا واد يا تقيل ما يختلفش عن شعار الحياه بأه لونها بمبى.. اهم الشعارين للحبوبه سعاد حسنى

عمـــــــــر
ايه الخيبه دى.. هتحطل لنا نشيد وطنى عراقــى.. من اولها هتبقى خيانه

نشكر الله ان احنا عندنا مشتشارين زى
حفصـــــــه علشان ما نروحش فى داهيه يا عم عمــــــــر

Anonymous said...

صباح الفل يارأفت و ياعمر أهمدوا شوية في الردود خليني أصبلي شوية قهوة الساعة هنا لسة 7:30 الصبح .
ناظم الغزالي دة بأة يا رأفت ياخويا مغني عراقي قديم قوي من أيام بديعة مصابني و عبدة الحامولي و هو اللي علم كاظم الساهر الغنا و مشهور أن أغانية كلها هم و نكد و نواح و لطم .
أي خدعة يامعلم .

Anonymous said...

أية يابني أنت و هو النشيد الوطني هو اللي محيركوا أوي , طب ماعندكوا يا حلوة يا بلحة يا مأمعة شرفتي أخواتك الأربعة .

المٌهَــــاجِر المَصْـــــــرى said...

سـمسم(كوبرا)

هرشت انا موضوع ناظم ده علشان كده كاظـــم اسمه على نفس الوزن
ناظم..كاظم..تمام يامان
وع العموم يا كوبــرا اشهد لك امام مواطنين الدوله الرأفتانيه انك انت ملك الاغانى المسخره اللى تموت م الضحك والدليل ال 8 اغانى المسخره اللى انت بعتهم لى

Anonymous said...

أة ياواد يانمس يا رأفت فهمتها و هي طايرة و حتى قبل ماتطير و لا شكر على واجب ياباشا مازال في جعبتنا الثير و الكثير طول مافي الصدر قلب ينبض و نفس يتردد و كلة عشان خاطر مصر واللة مش عشاني .
المهم لايمن أنت بس على الثروة العدوية اللي عندك .

المٌهَــــاجِر المَصْـــــــرى said...

لا تقلـــــق يخصوص عـدويه يا مان

عدويه عندى من الالف الى الياء

شــهــروزة said...

اية دااا؟
هو انا الانترنت يعطل عندى شوية أجى الاقى الزحمة دى كلها؟؟

ازيك يا رأفت باشاا
انا موافقة بالعشرة على اقتراحاتك العشرة بس على شرط
تدينى انا وزارة المالية

ودينى لأفطركم جرجير
واغديكم عيش بملح
وأعشيكم عيش ناشف بمش

شفتش اقتصاد أكتر من كدة؟؟

وبالنوسبة للنشيد الوطنى
فأنا أقترح سونجاية المتألق صاحبك وحبيبك عدوية
متاخدوناش فى دوكة واتعلموها بقا
ومتاكلوناش بالشوكة
وكلونا بالمعلقة


وازيك كدة؟
مش كويس؟؟
طيب الحمد لله

Anonymous said...

بأقولك أية يارأفت عندك أغاني فريق الأصدقاء بتاع عمار الشريعي ومنى عبد الغني و حنان و علاء عبدالخاق قبل مايتشهروا و يتفرقوا و يعتزلوا و يتحجبوا , ليهم أغنية بتقول و أحنا طايرين علحدود مستمرين فى الصعود , أموت و الاقيها لأني باعمل سي دي للأغاني الوطنية الغير هتافية الغير حكومية اللي من العينة دي و عينة شمس المغيب و حدوتة مصرية و يعني أية كلمة وطن .
ينوبكوا فيا الأجر و الثواب .

المٌهَــــاجِر المَصْـــــــرى said...

شهـــــــــــــروزه
وزاره الماليه خلاص بتاعتك يا جميــل يا عنى انت جيتى فى جمــل والله ما تغلى عليك..

والله يا شهروزه انا مش عاوز احط عدويه فى الدوله الرأفتانيه علشــان مايقولوش على متحيز ..
انت عارفه انا بحب عدويه قد ايه..
بس انا راجل ديموقراطى زى ما انت شايفه وسايب الشعب يختار نشيده وشعاره بأيده

ارفع راسك اخى المواطـن فأنت فى الدوله الرأفتانيه

المٌهَــــاجِر المَصْـــــــرى said...

بأقولك ايه يا سمسم
روح هنا وانت تلاقيها
www.sawari.com

عمر said...

حفصة: حتودينا في داهية باين عليكي من أولها وتطيري مننا السبوبة.. اما الحق أخبطلي تصريح سخن من نوعية تشجيع جمهور الكورة في مصر للنادي الأهلي دليل علي التراجع الفكري والتخلف العقلي علشان افضل في منصبي

شهروزة: عيش وجرجير ومش؟؟ وكمان ملح؟؟؟ انتي شكلك كدة جاية تبوظيلنا أخلاق الشعب.. ناقص كمان تقولي حنشربهم شاي بعد الغدا

Anonymous said...

ينصر دينك يا أستاذ .....نفيييششة .

Barracuda said...

عايز تعدم المدونين ؟؟؟ اخصصصصصص
يا ابني انا كنت فاكر مصر خليت من العالم اللي عندها شوية فكر ... لغاية ما اكتشفت موضوع المدونين ده
تقوم انت عايز تبدأ الإصلاح السياسي بإعدام المدونين ؟؟ ايه الاصلاح الأحمر ده ؟؟
أه يا شيوعي

عملولك ايه المدونين ؟؟ مش هم دول اللي عاملينلك حس في غربتك الأمريكاني دي ؟؟
مش هم دول جمهورك اللي بيسمع اقتراحاتك السياسية الهايلة يا فاشي يا ديماجوجي يا نازي ؟؟؟

المدونين دول هم اخر شوية عيال بيفهموا في مصر عارف ليه ؟ ... لأن الباقي يا اما مبرشم يا اما مصرصر يا اما بيضرب كله
وطبعا الكله بتلزق المخ زي ما انت عارف لأن المفروض ان استخدامها هو تصليح الجزم

ودقي يا مزيكا مآسي..إلا انت مقاسك كام ؟

المٌهَــــاجِر المَصْـــــــرى said...

Barracuda
والله عندك حق..المدوننين دول هما اللى عاملين لى حس فى الغربه دى..

بس ما تقلقش يا مان..
ان شاء الله هنقفل المدونه دى قريب اوى ..خـــــــــــلاص ان شاء الله ده اخر بوســـــــــت

وانت عاوز مقاس ايه بالضبــــــط

smraa alnil said...

ادا موضوع الدولة الموحدة دة اتسرق
اصل انا المفروض وزرة امن الدولة في الدولة الي شعارها
الله الوطن حب العزيز الربع بقرش
ليا اصحابي اللي علي الاسبيس عاملين دولة وانا اخدت المنصب دة
بس مش مشكلة انا ممكن اتنحي يا ريس واعمل انقلاب علي الدولة دي واكون معاكم
بس في حاجات ناقصة يا ريس من واقع خبرتي كوزيرة سابقة
فين وزارة قمع الحريات
مين اللي هيمسكها
ووزارة الطبطبة والدلع اومال مين اللي هيطبطب علينا احنا الوزرا
الشعب ؟؟؟ واحنا مالنا ومال الشعب اهم حاجة الوطن سيادتك
وساعتكفي اقتراحات كتير اوي للنشيد الوطني لم تطرح من قبل
طبعا مش في احلي من اغنية هات الازازة واقعد لاعبني
دي المزة طازة والكاس عاجبني
في وزارة تانية يا ريس لازم نسميها وزرة النافوخ لعمل اللزم لمخ الشعب
ووزراة التغيييب عن الوطن عشان نخلص من الشعب
اما بالنسبة لشعار الجيش فانا ارشح اغنية ادحرج واجري يا رمان وتعالي علي حجري يا رمان
اعتقد انها هتكون اوقع نظرا لتدحرج الحالة الامنية في بلدنا
اما بالنسبة للقسم
ما اعتقد مش هيبقي في اوقع وانبل من المثل الشعبي
اللي بيقول
ياما جاب الغراب لامه
واسمحلي يا ريس اني امسك منصب في الدولة الجديدة دي لحد ما اشوف دولة مين فيكم اللي هتنجح
واختار انا براحتي
يعيش الريس يابن الشعب يا كبير يا واكل حقنا
ههههههههههه
كان هذا الموجز واليكم الانباء بالتفصيل

المٌهَــــاجِر المَصْـــــــرى said...

سمــــــــــــراء النيـــل
بارك الله فيك وفى امثالك من ابناء الشعب المخلص

ايه الحلاوه دى.. والله يا شيخه انت قلبتى موازين الدوله الرأفتانيه.. فعلا انت خبيره فى مجالك..وشكلك بقالك ع الاقل 25 فى المنصب ده..

يا سلام على النشيد بتاع هات القزازه ..
كان غايب عنا فين

بس معلش انا لسه المشتاشرين اللى معايا على قد حالهم

والله نورتى المهجر بجد

smraa alnil said...

يا ريس احنا في خدمتك
وبعدين 25 سنة
جايز يكون حكم المماليك
لكن ساعتها اكيد كنت انا لسة بتولد
برضه يا ريس مش قلتلي هاخد منصب ايه

المٌهَــــاجِر المَصْـــــــرى said...

يخرب بيت دماغك يا سمـــــــراء النيل

حتى كلامك زيهم بالضبط.. والله شكلك بجد شغاله فى الحكومه وعاوزه تبعينا هنا

smraa alnil said...

هههههههههههههه عيب عليك يا ريس تشك في وطنيتي
دة انا اولع في المنطقة بصوابع الكفته ولا اني ابيع حامي الحما
وبعدين اصلك بعيد ومش شايف القهر اللي احنا فيه
الظلم وحش اوي ياريس

المٌهَــــاجِر المَصْـــــــرى said...

سمـــــراء
ههههههههههههههههههههههههه
كفايه بأه.. مش قادر اقول الكلمه الله يجازى شيطانك..
والنعمه شكلك شغاله فى مجلس الشعب

smraa alnil said...

هههههههههههههههههه يعني ايه شعب يا ريس
احنا برضه بتوع الكلام دة
بس يا جدعان الريس هيخطب دلوقتي ويوقل كلمته
وبعدين انا زي ما قلتلك في الدولة القديمة كنت ماسكة منصب امن الدولة
وبرضه يا ريس بتتهرب مني ومش عايز تقولي همسك منصب ايه
الله يخريبت الحكومة يا اخي
اشتم في مين تاني عشان اثبتلك ولائي يا ريس

المٌهَــــاجِر المَصْـــــــرى said...

والله يا سمــــــــــراء
بعد اللى انت قولتيه ده..انا بأفكــر
اتنحى عن الحكـــــم وانت تبقى الريس لانى بأمانه مش هلاقــى حد احسن منك..

دا كلامك ده نفخنى خلانــى يجى زى فتحى سرور وكمال الشاذلى مع بعض..

smraa alnil said...

هههههههههه
يا ريس صدقني محدش ينفعلها غيرك
وبعدين انا كدة خلاص عرفت وزارتي
اكيد انا وزراة القرع المباشر
ههههههههه
صحيح يا ريس هما مين اللي انت ذكرت اساميهم في الاخر دول
اااااه مش دول بارديس ونانيس اللي كانوا في تمثيلية محمد صبحي
انت بس يا ريس امسك الحكم وانت مالكش دعوي بالباقي
هههههههههه والنبي شكلنا كدة هنروح في داهية
انت بعيد يا عم ومحدش هيجيبك
وانا هنا اللي هتنفخ مش انت

Epitaph said...

فيه حل رقم 11
احنا نحط السيخ المحمي في سرسور ودنك
و نخلص بلا وجع دماغ و كلام في السياسة
هههههه

مسا الفل

المٌهَــــاجِر المَصْـــــــرى said...

سمــــراء
انت خلاص ياختى معانا فى الهو سوى
اسمك اتلزق فى الصفحه بتاعتى مع اصحاب المهجر اللى ضايعن..وعلا رأيك انا بعيد ولما باجى ... بكون متخفى..
انت بأه اللى عليه العوض ومنه العوض
-----------------------------------

Epitaph

اهــلا ياختى.. عاش من شافك
بأه بعد الغيبه دى..وعاوزه تحطى السيخ المحمى فى سرسور ودنى..
لا ياختى انا قاعد على قلبكم طالما فى القلب نبض وفى العروق دم

واسمــع ســــلام
واقرو الفاتحه لابو العباس
يا اسكندريه يا اجدع ناس

والفاتحه التانيه لابو الدردار
واللى يعدينا يولع نار

smraa alnil said...

انا اسمي حاجات سمراء النيل يا حلولي يا حلولي
حلوالاسم دة
وبعدين انا عايزة اقولك اني ضايعه من زمان
ولو غبت بقي سايق عليك حب العزيز انك تسال عني
لاروح فطيس
بجد دة شرف ليا ان اسمي يتحط عندك
مستنين جديدك ياريس

المٌهَــــاجِر المَصْـــــــرى said...

تمــام يا سمــراء
العدد القادم الدســتور بتاع الدوله الرأفتانيــــــــــــه
وربنا يستر
يمكن ابعت لك كام اميل اسشيرك فى كام قانون كده عاوز انزلهم

smraa alnil said...

يا ريس انت تأمرني بس علي اي اسا هتبعتلي ايميل يعني
لما انك لسة مش ريس يعني وبما اني لسة وزرة امن دولة
يبقي تكتبلي طلب احاطة بانك عايز ايميلي عشان اشوف موضوع الدستور دة
هههههههههههههه

المٌهَــــاجِر المَصْـــــــرى said...

سمـــراء
تصدقى انك بنت خنقه بجد وانا ابتديت اتخنق منك واحس فعلا انك شغاله موظفه فى سجل مدنى قسم شرق فى اسكندريه..

طلب ايحاطه يعنى ايه بأه ان شاء الله

smraa alnil said...

تصدق وتامن بالله ولا انا اعرفها
بس بسمع عنها كتير
وبعدين ياريس اشتم زي مانت عايز احنا راعياك
بس انت انوي انك تحط الدستور واهريني ايميلات ولا يهمك
واقولك راي بمنتهي الصراحة والشفافية
وبعدين مين اللي قالك اني من اسكندرية انا قاهرية ياريس عشان اكون قريبة من قصر الحكم
واقدر اتباع حركة الوزارات اللي حوالينا
وانا مش موظفة
انا لا اصلح اني اكون موظفة نظرا للعادة الموروثة فيا من ايام الرفاعنة وهي اني مش بعرف اروح شغلي بدري حتي لو صحيت الفجر
هموت واعرف ايه السبب

cat_eyes said...

ايييييييييييييه الله يخربيتكو مشفتوش صدعتونا مشفتوش قبل كدا انتخبات ولا ايه عاملين دوشه ليه كل انتخبات بيكون معروف مين االوزرا والريس وكلو بيبقى متظبط من قبلها انتو هتخترعو ديمقراطيه ولا ايه جتكو نيله بوزتو البلد
وعلى فكره النشيد الوطنى حيبقى حبه فوق وحبه تحت لمغنى لمطرب البوب والراى والجاز الوسخ كمان المطرب العالمى صاحب اكبر عوجه بق المرحوم عدويه والسح دح امبووو هو شعار وزاره الميه والرى والصرف الصحى كمان
ووزاره الدفاع هتندمج مع الداخليه وامن الدوله وهيكون نشيدهم صحوه نايم نينه
وطبعا مش هننسى وزاره الصحه نشيدها العالمى للاخت هيفا بوس الواو اللى هتقوم بالاشراف على كل الواوات اللى فى البلد من اول واوت الريس لحد واوات المشتاشرين كلهم وبابا اوبح وسلام عليكم من ارض الفدااا

المٌهَــــاجِر المَصْـــــــرى said...

cat_eyes
فينك من زمان...الناس دى مش موافقه انى انقل القصــر اسكندريه جنب البيت عندنا..
والانتخابات ده حره شريفه..زى شؤيفه فاضل

موضوع هيفاء وهبى محل نظر
امسكى انت وزاره الصحه..ولو ان ملهاش لازمه لان الناس كلها هتكون ماتت

nadine said...

بصراحة دى أول مرة اعدى فيها عالبلوج بتاعك
و أول بوست أقراه و اعلق عليه هو البوست ده

مبدئيا الحلول دى جامدة جدا لتأسيس الدولة الرأفتية
بس ألحق و اطبع دستور الدولة عشان يبقى الكلام على نور من أولها

أسلوبك غاية فى السخرية
بس أفكارك حلوة
هتصفح باقى البلوج و هقولك رأيى
سلام مؤقتا

المٌهَــــاجِر المَصْـــــــرى said...

nadine
نورتى المهجــــر الرأفتـــــانى يا باشا

خدى راحتك فى المهجر.. ولو عندك اى سؤال ممكن نعين لك مرشــد سياحى رأفتـانى
هههههههههههه

صفصف لادي said...

طيب ما دام حكومتك مستنيرة كده و ممسك نصها لبنات
انا بقى حتمسكني ايه؟
عاوزة حاجة شيك و تكون اغنيتها
بوجي و طمطم او ما شابه

صحيح ما دام بقينا حاجة و تسعين كومنت بقول نكملهم لميه و نحتفل بعد كده

smraa alnil said...

طب تصدق ان كدة عيب انت لحد دلوقتي برضه مش قلتلي هتمسكني ايه
ولا امارس سلطتي عليكم يا شعب

المٌهَــــاجِر المَصْـــــــرى said...

حفـصه
والله الحكومه كلها هتبقى حريــم علشان انا راجل ديموقراطى..

كل الحكومات السابقه بيبقى فيه ووزيره واحده من حلاوه الروح

لكن الحكومه دى كلها حريم
وبعون الله الحكومه كلها هتكــون حريم ومش اى حــــريم...

وبعدين منصب ايه اللى انت عاوزاه

دا انت من المؤسسين..
اول واحده هتروحى فى داهيه انتى وعمر

المٌهَــــاجِر المَصْـــــــرى said...

يا سمـــــــراء النيل
مش انتى قلتى عاوزه امن الدوله
واتفقنا على كده
عاوزه ايه تانى..اتنازلت لك ع الحكم بس انتى مش راضيه

اولع فى نفس باه واروح المنفى

smraa alnil said...

لالالالالالالالالالالالالالا يا ريس
ارجع
اوعي تقول الكلمة دي تاني
والشعب الغلبان دة يعمل ايه من بعدك
خلاص امن دولة يعني انا اللي مسؤلة عن حمايتك ياريس
متخافش يا ريس كلنا وراك
هههههههههه متزعلش مني انا بهزر
وبعدين يا كبير انا رفضت منصب الحكم لاننا اخترناك وبايعناك
ومحدش يصلح لها غيرك يا كبيرنا

المٌهَــــاجِر المَصْـــــــرى said...

سمـــــــراء النيل
بجد بأه
انت خنقه ...واحسن واحده تشتغلى فى القرع
واحسن لك بخدى مع امن الدوله وزاره الاعلام..علشان الحماس الشديد اللى انتى فيه ه
ايوووووووووووووه ع القرع يا جدعان

albida said...

ايه ده!! كل ده رغى

ما علينا... عندى خبر ليك يا رأفت بمليون جنيه
المطرب الشعبى الكبير بعرور- ردا على سرقة سعد الصغير لأغنيته العنب- قام باصدار أغنية جديدة بتقول
السمك السمك السمك
بلطى.. مشوى... ومش فاكرة الباقى كالعادة!!! هاحاول أدورلك عليها وأبعتهالك

أعتقد أن الأغنية دى أكتر واحدة هتنفع كشعار للدولة بتاعتك.. خصوصا أنك من أسكندرية
:) :)

manal

المٌهَــــاجِر المَصْـــــــرى said...

منـــــــــوله
سـايق عليكى النبى
لا تجيبى له اغنيه السمك دى علشان الدوله الرافتانيه ناقصه زفاره..

ايه اخبار شكسبير والناس دى
مش كله تمام فى كليه الزراعه

عمر said...

بقي انا اغيب نص ساعة اجي الاقي الدولة هايصة بالطريقة دي؟

بقي انا اللي حروح في داهية يا رافت يابن الرافتاني؟

عليا النعمة لاعمل حركة مضادة اسميها حركة "اف بقه" واجرسك في الخارج وحرفع شعار لا للتوريث لا للتهليس وابقي وريني بقي حتعمل ايه يا رافتاني

albida said...

كله تمام... وبيبعتولك السلام كمان
ماجبلكش حزمتين فجل وبقدونس ولا قفص مانجة من عندنا فى الكلية؟

manal

المٌهَــــاجِر المَصْـــــــرى said...

ولاه يا عمـــــــــر
البنت منال شتمانا بالايطالى عندك

وبعدين انت فاين سايب البلد هايصه كده من غير لا حكومه ولا نيله
دى شكله دوله مسخره من اولها
انا ناوى اتنحى

nadine said...

بجد انتوا كلكوا على بعض كوميديا
ابتداء بالمهاجر المصرى و مرورا بكل من كتب كومنتات
مسخرة (لا مؤاخذة يعنى)
واضح إن الكل متحمس للدولة الرأفتانية
لأ و أيه
كلو عايز يمسك مناصب
أمال مين هيبقى الشعب؟؟؟
ممكن انا اخذ منصب المتحدثة باسم الشعب؟؟؟

Ma-3lina said...

ايـــــــــــــــه كل ده ؟؟؟
سيادتك سايب الحكم و قاعد تتمسخر مع بقية المدونين و الله عال هيا دى الدولة الرافتانية

بقولك شوفلى منصب جامد كدة و انا اظبطلك المزاج انت عارف الصيادلة باة دماااغ جامدة

و ياريت اسمع اغنية جده على عنده جاموسة و لبنها يستاهل بوسة

و اهديها لرافت الهجان و عمر و بقية السهرانين

Ironcobra said...

رأفت أنا عايز أبقى وزير التهليس .... أحم أقصد الأعلام ومش طمعان في أي حاجة تانية .

بنـت ســعد said...

ههههههههههههههههههههههههههههههه

كل ما اكون مخنوقة بادخل مدونتك عشان اضحك

حتى لو ضحكت على خيبتنا

بس بصراحة شوية حلول

انما جايبين من الاخر

تحياتي ايها المهاجر

المٌهَــــاجِر المَصْـــــــرى said...

nadine
طبعا مفيش شعب..ما احنا هنموت كل الشعب من الحسره ..هنحكم احنا فى بعض..وهنلغى الشعب..
ممكن تبقى متحدثه طبعا باسم الدوله الرأفتانيه ليه لأ..
-----------------------------------
ما علينا
هههههههه
شكرا على اغنيه جدوا على عنده جاموسه.. والله اخجلتم تواضعنا..
وزى ما انت عارفه ان احنا دوله ديموقراطيه فشعارنا اخدم نفسك بنفسك اخى المواطن.. فطبعا لازم نهييس
ايه رأيك يا دكتوره تمسكى وزاره المزاج؟؟
-----------------------------------

Ironcobra
سمسم
مع الاسف يا مان الدستور الرافتانى يمنع اى غضو من الاسره الحاكمه يمسك اى منصب..وحيث انك من الاسره الحاكمه وعضو مؤسس فى الدوله الرأفتانيه فا ماينفعش تمسك اى وزاره..
انا عاوزك تركز فى كتابه الدستــور
علشان انا مشغول بكتابه القانون بتاع الدوله
----------------------------------

بنت ســــــعد
الله يسامحك يا دكتــوره..بأه كده..لما تعوزى تضحكى بس تيجى تزورينا..ماشى يا ستى..مقبوله منك..ههههههه
يارب كده نكون سبب فى سعادتك علطول
وتغيبيش كتير كده

عمر said...

بقولك ايه يا رأفت.. عايزين نعمل وزارة نسميها: وزراة الدكر، علشان تهتم بالرجالة المضطهدة.. وممكن أمسكها أنا بس تعينلي تلاتة بودي جارد.. ستات

صفصف لادي said...

يا راجل بقى اقلك مسكني منصب و تضحك عليا تقلي من المؤسسين و تطلع انك مبلغ عليا انا و عمر
طيب ماشي
نداء الى عمر ايه رايك نتوحد و نعمل دولة مضادة للرافتاني و الاسم اللي اخترته فعلا تحفة بدل كفاية يبفى اف باه
و النشيد الوطني يبقى السح الدح امبو

عمر said...

حفصة: حلوة جدا السح الدح امبو نشيد للحركة الجديدة

علي أساس ان الهتاف الشعبي الموحد حيكون: هوبا تيتو مامبو

albida said...

وأنا معاكم يا رجالة.. قصدى يا جماعة
:)
وعايزيين أول ما نتولى مناصبنا نعمل انقلاب على رأفت ونعدمه
:)

manal

عمر said...

منال: بما انك من هواياتك المفضلة القتل والتوابيت والدفن والحاجات دي ... قررنا نمسكك وزارة الإعدام

عمر said...

ما علينا: تصدقي ان انتي ذواقة للفن الراقي؟

الأغنية دي صحيح مقتبسة بس تعتبر من الكلاسيكيات
جدو علي عنده حمار طيب خالص مش مكار، ويقوله شي علطول يمشي ولايزعلشي ويحب اللعب

ياسلااام تأملي المعاني كدة.. الله يمسيك بالخير يا ثروت يا مطرب الشعب

أنـــا حـــــــــرة said...

ايه ده الهيصة اللى هنا
ده و لا اللى بيفرقوا لحمة
يعنى انت يا رافت افندى هتعدمنى لوحدى و كل البنات التانية هتمسكها الحكم دى كوسة ايه دى من اولها
لا بقى يا بابا مش احنا
اللى اتلسع من الشوربة ينفخ فى الزبادى

هتنفخ و للا ننفخك احنا

أنـــا حـــــــــرة said...

بما انى مواطنة شريفة شريفة جدا شريفة خالص ميشرفنيش امسك حاجة فى الحكم بتاعك ده علشان انت مش بتغسل الحاجة قبل ما تديها للناس يمسكوها

حفصة
عمر
منال
معاكم و هنقلبها على رأفت
سموا بالله كده
و انا بقترح ان شعار الحملة المضادة يبقى


اوعى يغرك جسمك يا استاذ لمبى

أنـــا حـــــــــرة said...

صحيح مش معقول هنعمل حملة مضادة و هجمة مرتدى عند الخصم اللدود
المدعو رأفت الخمورجى
:)
"سمعنى صوت زغرودة هنا لوسمحت "

احنا نغير مقر العمليات و نعمله فى مكان سرى و نكتب ممنوع دخول الجاسوس رأفت بقترح يبقى عند عمر
علشان لو حد من المشئلين خد خبر يشيل الليله مش انت الراجل اللى فينا
حركة جنتلة بقى و متعترفش على اسامينا
ولو اتقبض عليك يلغ عن رأفت و احنا نشهد معاك و يشيلها هو

" انزل بالتتر يا ابنى
موسيقى اى حاجة للمرحومة سهير ذكى
ربنا يهز الطوبة اللى تحت راسها "

أنـــا حـــــــــرة said...

رافت علشان تعرف ان قلبى قلب خساية
برضه هرشحلك موسيقى تصويرية
ايه رأيك فى اغنية

1
2
3
كاروليت كاروليتة
انت تبقى فأر و انا أبقى قطة

ماشية مع دكتاتوريتك اللى مصتقصدنى بيها دى

و ممكن برضة اغنية
اجمل ما فى الحفلة مين دبدوبة التخينة اللى لابسة فستان و جيبونة نطى نطة يادبدوبة
هه
هه
هه
و كمان نطة
هه
هه
وعلشان خاطرى نطى يا شيخة سبع نطات
1
2
3
4
5
6
7
هييييييييييييي

و طبعا اثناء العد هنطفى النور زى رأس السنة كده
و الشعب يولع النور يلاقيك اخدت البلد فى عبك و طفشت

و نقعد ندعى عليك بقى
اى خدمة
يعنى احنا عندنا حد يسرقنا اعز منك
اهو ده اللى مش ممكن ابدا


و بالنسبة لشعارك اللى هيتحط فوق كرسى الرئاسة
ممكن تخليه

احلى من الشرف مفيش
يا آه يا آه

أنـــا حـــــــــرة said...

رافت لقيت موسيقى تحفة
فى فيلم اسمه غبى منه فيه
كان فى اغنية خالد بقى بتقولك ايه


لا تقولى آه و لا أقولك هتقوللى لا راح أقولك


يللا اى خدمه


_________________

على هامش الموضوع عمر شهل بقى فى الانقلاب
واياك تبيعنا بعد ما قلبنا ع الراجل
عايزين نعمل اجتماع سرى
و للا هتعمنى انت كمان بقى

و ممكن امسك وزارة الودان
:)

و سيبلى مهمة انى اعلق رأفت باشا من ودانه بنفسى
رأفت ده حبيبى
يعنى مش هتوصينى


يللا انزل بقى بموسيقى
ادبحنى يا معلم
غناء الفرخة ماجى

أنـــا حـــــــــرة said...

مممممممممممممممممممم

انا بفكر نتحد
و زيتنا يبقى فى دقيقنا
و انا و منال و حفصة نفسك وزارة الدكر اللى بيقول عليها عمر دى

و هنكرموكم يا شباب المنطشقة
و هنعملوا معاكم أحلاتوها واجب
احنا عندنا اعز من الشباب المضطهدين

smraa alnil said...

هههههههههههه ازيك يا انا حرة
بصي بقي انا انبارح مسكت منصب امن الدولة
ومهمتي هي الدفاع عن الريس بس بما ان انتوا هتعملوا انقلاب يبقي معاهم معاهم عليهم عليهم
وانا ورا الكسبان قولولي بس هتعملوا الانقلاب دة امتي عشان احمع كل قواتي
واختفي انا
او تقدري تقولي ناوية اعمل زي صدام وقت ما تعملوا الانقلاب ما تلقكوش دولة ولا جيش
ها ناويته علي امتي

عمر said...

أنا حرة: هي سهير زكي ماتت؟ لا حول ولا قوة إلا بالله طب مش كان حد يقوللي يا جماعة؟

بيني وبينكم يا جماعة انا مش مطمن للانقلاب النسائي ده وحكاية "انت الراجل اللي فينا" دي بتقلقني زيادة وبتحسسني ان انا أخرتي حتبقي علي خازوق في محطة الرمل جنب الخازوق بتاع الرأفتاني بالضبط ولا انتي ايه رأيك يا منال يا خبيرة الإعدام؟

أنا عن نفسي قررت أأيد وابايع واطبطب وادلع واهو نار الرأفتاني أحسن من جنة الثورة النسائية وحكومة الرجالة بميت ست والكلام الحمضان اللي انتوا كلكوا عارفينه دة

المٌهَــــاجِر المَصْـــــــرى said...

تســـــــــــلم يا عمــــــــــــر

عمر الوريث كان بيختبر ولائكم يا هبــل ..بس للاسف ..ان كيدهن عظيم
المرأه كائن معوج علشان كده انا ما بأحبهمش
عاوزين تعملو انقلاب..من الولها.. هو انت عملت لكم ايه يا غخجر

حتى سمـــراء النيل
اللى نفختنى امبارح من القرع باعتنى ببلاش..

وانا حـــــــــره
ايوووه دا انت وقعت ســوده واســود من قرن الخروب
داانتى شايله فى قالبك من ناحيتى اوى..يا ام قلب اســود


وانت يا ست حفـــصه
الخيانه تيجى من الحبايب كده..وكمان مش عاوزه تعملى انقلاب بس..دا كمان عاوزه تختـارى حبيبى عدويــه علشان يقــول النشيد الوطنى
اخص الله يكسفك


من الاخــر كده مش عاوز اشــوف حرمه واحده فى الكيان الرأفتــانى ولما انزل مصر فى الاجازه اللى جايه كمان 47 يوم

مش عاوز اشوف حد منكم فى مصر..فعلا راعايا

المٌهَــــاجِر المَصْـــــــرى said...

نسيــت اقــول لكم شعــار الدوله الرأفتانيه ..نسيتونــى

الشعار كالتالى

"بأنظــر وياك لبكره وألقاه جميل ..جميل

كل حب ومحبه ولا يعرف مستحيل"


انتو تغنوا الشعار ده كل ما اروح اخطب فى حته

عمر said...

يا سلام يا رأفتاني يا زعيم

قسم يابا وسمعنا

انا عن نفسي أول ما تمسك الحكم حانضف الوزارة من الحريم والرجالة علي السواء وتنفرد بالحكم يا باشا، وحعمل علي ترويج الشعار الشعبي

قاعد لوحدك ليه يا جميل.. ياللي هويتك؟
ده الحب في الأيام دي قليل.. وانا حبيتك

طبعا ترسيخا لانفرادك الكامل بكرسي الرئاسة في قلوب الجماهير

المٌهَــــاجِر المَصْـــــــرى said...

والله يا عمـــــر
لولا امثالك من ابناء الوطن المخلصين..لكانت الدوله فى مأزق سياسى لا تحسد عليه..
فانت رجل والرجال قليل...

واسمع سلام
عملت ايه يا زمن تخلى اليد محتاجه
وانا للى خيرى ماخلى يد محتاجه
وضاع خيرى على غيرى من غير مااقول حاجه

صفصف لادي said...

لا يا رافت باشا هو انا اقدر
هو انا اقدر برضة انقلب ضدك
انا مش قدك يا عم
و بعيدن انت عارف اني بحب عدوية و من زمان اوي
و لذلك عشان متنطبقش عليا اغنية اديك تقول مخدتش انا حعمل بلقمتي و ارجع معاك في الحكم و امسك وزارة الطيران
و حمنع اي حد يسافر الا لما الاقي انا الاول تذاكر سفر ليا
و البنات انا حبقى اخد بالي منهم متخفش
مش حينقلبو او لا حاجة

الا صحيح
قلي هي مصر الطيران يتنزل دايما في انهي مطار في نيويورك؟؟
ولا ك لمرة ليها حال؟

سيلامو عليكووووم

المٌهَــــاجِر المَصْـــــــرى said...

خلاص يا حفصـــــــــــــه
انا بقيت اخون منك.. ووزاره الطيران دى اخر حاجه تمسيكها.. دا انتى شعللتى العيال..حتى عمر الوريث كان هيغدر بيا

لو عازوه تمسكى وزاره تبقى وزاره
يا وابور الساعه 12 ياللى مقبل ع الصعيد


كل رحلات مصر للطيران والطيران الدولى عموما بتنزل فى مطار
J.F.K

أنـــا حـــــــــرة said...

بقى هى دى آخرتها

ماشى ياعمر
ايه رأيك لما رأفت يبيعك و لا هنعرفك ساعتها

و كيدهن عظيم
احنا لو قلبنا عليكمالتربيزة هتفطسوا تحتيها

ده احنا اغلبية
احنا 5 الى 1 يعنى باى باى يا ذكورة وويلكم يا دلع


سمعونى زغرودة هنا بقى و انزل بالصاجات

المٌهَــــاجِر المَصْـــــــرى said...

ما تسمــعش كلام الحريـــم يا وريث..
انا حره شر كبير يا مان..
الكل رجع لعقله الا هى.. لسه مصممه ع الانقلاب النســائى

الصاجات نازله اهى ..

أنـــا حـــــــــرة said...

رافت باشا

الا قولى
مفيش شكرا على كل الموسيقى التصويرية اللى ضحيت بيها دى

ايه ده من اولها بتصدرلنا الطرشة

احنا الحريم عايزين حتة فى البلد تبقى بتاعتنا ندير منها شئوننا

و مش عايزين راجل يبقى ليه كلمة علينا يا اخويا

و عايزين نسبة من ارباح البلد

و حاجة نشغل بيها نفسنا فى الحكم

افتحلى ياسمين لاند بقى و وعد لو جيت تتمرجح مش هخليك تقطع تذكرة فى الخباثة
هنعملك تخفيض ياريس

هيص بقى

المٌهَــــاجِر المَصْـــــــرى said...

أنـا حره
انا عارف ان ميولك كانت اقطاعيه
عاوزه حتى من البلد..ليه هى صنيه بسبوسه ولا كنافه باللوز

وحده الوطن واجب طالما فى القلب نبض يا ست الدكتــوره

والحريم هنعملهم جناح فى القصر الرأفتانى

ومش عاوز منك موسيقى
انا فى انتظار اغنيه السمك السمك

وابقى خدى الاهرام والقلعه علشان تعملى فيهم الملاهــى بتاعتك

وياريت تخلعى من الدوله الرافتانيه
يعنى ممكن نشوف لك عقد عمل فى الاردن و ليبيا

أنـــا حـــــــــرة said...

ايه ده

انا بقيت لوحدى يعنى

طيب مش هاجى عندكم بقى غير لما الريس ذات نفسه يصالحنى

انزل موسيقى
جئت لا اعلم من اين و لكنى اتيت


مخاصماك يا ريس يا شرير

أنـــا حـــــــــرة said...

انا بحب الورك أكتر م الجناح ياريس

ثم جناح ايه فى القصر يكونش القصر العينى يا عم

و للا حبة جوارى بتحطهم فى فاترينة القصر

احنا عايزين قرية سياحية لينا لوحدنا نجرى فيها وراء بعض و نبلبط



و كده يا عم الريس بتبيعنى و تودينى ليبيا

طب ودينى استراليه و ابقى اقابل ميل جيبسون هناك و اهيص بقى


مليش دعوة يا حضرت المدعى الريس


انا ما اسيبش تراب بلدى
هو فى حد عنده سحابة سوذاء و خضار مسرطن و مية معفنة و سمك عيان و لحمة فيها حمى و قش رز بيتحرق و انفلونزا الطيور و شم كلة زينا

عيب و النبى عيب
يبقى عندنا كل الخير ده و نسيب البلد و نطفش
ده احنا حتى يبقى عقلنا ياراجل
يرضيك

عمر said...

ايوة كدة يا زعيم وريهم الهمة.. شعب يخاف ما يختشيش

بس يعني سيادتك مش كل ماقوللك قسم وسمعنا تروح انت مصدق وفاقعنا موال.. ماحناش قاعدين في دوار العمدة هنا

smraa alnil said...

ههههههههههه يا ريس انت مش واخد بالك
انا مش بعتلك ببلاش ولا حاجة
انت ناسي انا ماسكة ايه في الحكم
امن دولة يا جدعان
يعني لازم اوقع الناس
وعلي العموم يا ريس جاري تحديد الخونة
وسيتم التعامل معهم علي اكمل وجه
يا ريس انا ابيعك برضه
احنا ولادك ياريس ورعاياك
انا دراعك اليمين
ههههههههههه متخافش احنا وراك

المٌهَــــاجِر المَصْـــــــرى said...

خلاص يا سمـــراء
ما باكولش م الكلام ده..بح يا ختى
دا انا يدوب غمضت عنيى وهـــوب القايكى بايعانى للاعداء
خلاص يا جميــل..
انا ما بأمنش لحد

smraa alnil said...

ارجوك يا ريس لا تجرحني اكتر من كدة
انت مش عندك خبرة بالرئاسة وامن الدولة ولا ايه
شئ لزوم الشئ زي النجمة الذهبية كدة
اللي انا عملته دة احتياطات امن عشان الاعداء يطمنولي
و بعدين يا ريس ساعة العشا يحلي الهزار والفرفشة

المٌهَــــاجِر المَصْـــــــرى said...

لا ساعه هزار ولا ساعه عشا
انت شايفانى منيره المهديه

دا انا طلعت رئيس عبيط بشكل.
واكلت من كلامك اللى كله قرع ومسخره..

قدامك شهــر علشان تسيبى البلد بكرامتك..

smraa alnil said...

هو يا جدعان ليه محدش فاهمني في ام البلد دي
بتنفيني يا ريس
طب انت مش لاحظت ان الناس اللي كانت هتنقلب ضدك رجعت لعقلها من تاني
تفتكر مين اللي ورا دة
ايوة يا ريس انا اللي ورا الحركات الجامدة دي
بقي دي اخرت خدمتي ليك
خسارة خسارة فراقك يا ريس
وايظن اني لعبة في يديه
:(

المٌهَــــاجِر المَصْـــــــرى said...

اخلعى يا سمـــراء من غير مشاكل
ان خلاص ياختى هاعلن عن الوظائف الشاغره ومن ضمنها وظيفتك..

دا انتى طلعتى مقلب ...ايوووووه
دا فعلا المريسه دى مش سهله يا جدعان

smraa alnil said...

خلاص يا ريس استعجلت الرحيل
دعني الملم اوراقي واذهب الي حيث يذهب غيري
دعني بحزني الذي طالما لا تعلمه انت دعني لقهري
سارحل مع اول خيط بارد يظهر من اشاعه شمسي
سالملم بقاياي وارحل عن عالمك الوردي الملئ بشعري
اهكذا اتباعك تبيعهم برخص دون عتبي
انا ماشية يارس
ولن اعود

أنـــا حـــــــــرة said...

سمراء

بجد بعد اخر رد ليكى
حسيت ان يوسف وهبى هيقول ياللهول ياللمهزلة الأخلاقية


انتى اتعلمتى الكلام ده فين
و للا دى جينات ؟

smraa alnil said...

دي لزوم الحبكة الدرامية يا انا حرة
الكلام دة حسيته لما الريس طردني
اي خدعه يا سيتي
وبعدين انا ايه اللي جابني هنا
انا قلت مش هاجي هنا تاني

أنـــا حـــــــــرة said...

ايوة يا اختى انضمى للحزب اللى مخاصم الريس
و للا دى حركات من بتوع امن الدولة برضة ؟
" وش واحدة بتهرش فى رأسها "
:)

المٌهَــــاجِر المَصْـــــــرى said...

يا سلام عليكى يا انا حـــره يا هرشاهم
وسمع سلام انا كده انا كده دلوعه دايما

وبعدها سلام
والنبى لا نكيد العزال لمطرب الشباب محرم فؤاد

عمر said...

ياض انت حتجنني بالأغاني المسخرة بتاعتك دي.. عليا النعمة انت ريس آخر مزاج وشكلنا كدة حنشهد أزهي عصور هز الوسط

المٌهَــــاجِر المَصْـــــــرى said...

مش عاوزك تقلق يا وريث على موضوع ازهى العصــور ده

بعون الله يا صديــق
هنعيش ايام ولا فى الاحلام.. فشر ايام القذافى فى ليبيا الشقيق

albida said...

وحدووووووووووووووه
لا اله الا الله!! وزيرة الاعدام والموتى جت

ايه ده؟!! أما أنتوا عيال فشنك بصحيح!!! بقى اسبكم منقلبين.. أجى الاقيكم معدولين

وبالنسبة لعقاب الخونة فدى لعبتى بقى يا عمر... ها
كل واحد وولائه يا حلوين
موضوع الخوازيق والكهربا والحاجات دى راحت عليه خلاص!! الموت هيبقى ليه طعم تانى معايا

أولا: بالاتفاق مع وزير المرافق العامة هنسيب جميع البلاليع اللى فى الشارع مفتوحة
ثانيا: بالاتفاق مع هيئة المرور لن يستلم أى مواطن رخصته دون التأكد من أن فرامل عربيته سايبة
ثالثا: منع بناء أسوار للكبارى منعا باتا
رابعا: بالاتفاق مع وزارتى الزراعة والصحة التشديد على استيراد البقر المصاب بالجنون والطيور المصابة بالانفلونزا والسمك المصاب بالسل والجواميس المصابة بالحساسية
خامسا: بالاتفاق مع وزارة الداخلية.. اعتبار جرائم القتل مجرد جنحة وليست جناية, مع اعطاء المتهم منحة تحفيذية وبوسة
سادسا: تشجيع الستات على قتل أجوازهم مع توفير العدد اللازم من السواطير والأكياس البلاستيك

وبالنسبة للخونة والمنشقين فدول ماقدرش أقولكم بنعمل فيهم ايه!! الموضوع ده هزبطه بينى وبين سمراء النيل وزيرة الداخلية

سلام
وحدوووووووووووه

manal

أنـــا حـــــــــرة said...

منال هو ده الشغل العالى

قشطة عليكى

شعار حملتك بقى

يبقى كل يوم من ده

عايزة حاجه امسكها فى المجزرة دى

:)

المٌهَــــاجِر المَصْـــــــرى said...

ياسلام يا منـــــــــــــــول يا بتاع زمـــــان يا رايــــــــق
ادينى كمان قوانين والنبى..
ادينى علشان الناس دى طلعت عينى خيانه وانقلابات

قررنا نحن الرأفتانى الكبير
التنازل السلمى عن السلطه للاخت منال
وعلى التضرر الروجوع للقضاء

ملحوظه: منال برضوا هتكون وزيره العدل

4:07 PM

albida said...

أنا حرة
ممكن أديك منصب وزيرة التجارة الخارجية.. لأننا عايزين نستورد توابيت كتير جدا.. الانتاج المحلى مش هيقضى الطلب زى ما أنتى عارفة

رأفت
أنت تؤمر يا زعيم!! مش قلتلك أنت معايا كسبان كسبان
شاورلى بس على أى حد مضايقك.. وأنا أضمنلك أنك هتروح تعزى أهله تانى يوم الصبح

وبما أنى وزيرة العدل فشعار الوزارة هيكون
المساواة فى الظلم عدل
:)

manal

المٌهَــــاجِر المَصْـــــــرى said...

ربنا يكــرمك يا منــال يا بنت حوا وادم
هى دى الناس اللى ممكن تشيل اعباء دوله على اكتافهـــا

واسمع احلى سلام
ليه يا حبايب حلى ذادى ومررتوه
عشت الدوا صعبه ع العله ومررتوه
يوم يجى عقلى فى راسى ويوم بيتوه

Ma-3lina said...

انا امسك وزارة المزاج انا مش عاوزة حاجة من الدنيا تانى

ودى زغرودة على السريع لو لو لييييييييي

و الله انتم مسخرة ايه الفضا ده 155 تعليق

albida said...

ما علينا

أنتى كده بتغلطى فى الذات الملكية والدولة السامية والرز بالمهلبية

يا زعيم... تحب تخلينى اتصرف معاها ولا لا؟
لسه جايلنا شحنة توابيت مكيفة من كوالالامبور.. انما ايه.. تحفة
فى انتظار أوامرك يا ريس

وحدووووووووووه

manal

عمر said...

إيه يا جدعان ده.. مليون تعليق عايز أرد عليه، الله يخرب بيوتكم حتضيعونا! عندي امتحان كمان أسبوع والتعليقات كلها مسخرة

بقولكوا إيه.. انا حذاكر الأسبوع دة ومش حفتح ولا بلوج.. وان فتحت بلوج بعد كدة ابقوا

متعملوليش حاجة...

أنـــا حـــــــــرة said...

ماشى يا منال
نبدأها تجارة خارجية لحد ما يبقى فى اكتفاء ذاتى

التوابيت هتبقى بالالوان علشان نكرم الاموات اخر كرم


______________

عمر روح ذاكر

المٌهَــــاجِر المَصْـــــــرى said...

منــال
انت مش محتاجه تخدى اذنى فى حاجه
يعنى لو عاوزه تقتلى ما عليــنا عادى مفيش مشاكل معايا...اهم حاجه الامن يكون تمام


انا حــــره
حاولى توفرى فى موضوع التوابيت ده..يعنى اللى يموت ارموه فى النيل وخلاص

we2am said...

ana geeet met27'r awe kida?!! :S
bs 7lol hyla gedan..shklna hantmlqk b2a llsob7 :D

مصطفيتش ابن حفصوتشا said...

عاش عاش عاش

سـردية said...

عزيزي المهاجر أرجو إلا يزعجك نزع كل الاقنعة، أدعوك لرؤية وجهي الحقيقي
سردية

المٌهَــــاجِر المَصْـــــــرى said...

يا استاذ ســرديه
انت تعرف الاستاذ شــريف الصيفى؟ النديم؟؟؟

copa said...

هههههههههههه جامده اوي الحلول الرافتانيه بس انا عندي حل كمان ارجوك نمسك دينا وزارة الاعلام و كمان الاوقاف
و عادل امام نمسكه القضاء علشان هو بيحبها اوي و انا عايز اطفش من البلد دي نورنا بقي يا مهاجر يا مصري