Friday, December 29, 2006

كل سنه وانتوا طيبين




قرار رأفتانى غاشم


بالغاء عيد الاضحى والكريسماس وراس السنه واعياد الميلاد لهذا العام ودمجها جميعا مع عيدى الشرطه وعيد القمح


وكل عام وانت بصحه وخير

48 Comment:

واحـــد مـــــن الـنـــاس said...

هههههههههه
يا عم كل سنة انت طيب

متخليه على عيد ميلادك احسن
اهو نوفر على نفسنا

طب بذمتك
انتا مش شايف جــمـــال العيد الـــمــــبـــــارك ؟؟؟

المٌهَــــاجِر المَصْـــــــرى said...

واحد من الناس
كل سنه وانت طيب..انت جاى تفول علينا ليه ع الصبح يا عم الحاج
وترمى بالكلام..الجمال والمبارك..والكلام الممنوع ده
ههههههههههههه

smraa alnil said...

لالالالالالالالا
واحد من النس غلط هي مش بتتقال كدة
هي بتتقال عيد مبارك ونظيف كله جمال وسرور وهضيف من عندي انه بهاء
كل سنة وانت طيب ياريس
انا عفة ان الكلام دة منوعانا بس حبيت اوضح لعامة لشعب ان هما مش يكرروا الكلام دة تاني وقد اعذر من انذر
وانتو حرين بقي
ولا ايه رايك يا ريس
سيبك انت كل سنة وانت طيب

المٌهَــــاجِر المَصْـــــــرى said...

كل سنه وانت طيبه يا سمرا
عيد رافتانى

أنـــا حـــــــــرة said...

ليه دخلة الغدر و الشر دى ياريس
طب انا موافقه تدمجهم
بس بشرط فى ايام لوحدها
يعنى تشوف الاعياد دى
قاطعة كام يوم
وتحطهم على بعض
يعنى ناخدلنا شهر اجازة مرة واحدة
واهو كده احسن
بدل اجازات متقطعة


كل سنة وانت طيب يا باشا
و مبرووك ع النيولوك
ولو انى اتخضيت اول مادخلت
بس يللا هتعود


اعياد سعيدة

المٌهَــــاجِر المَصْـــــــرى said...

انا حــره
دا اناناوى كمان الغى صلاه العيد..والحج
والناس تشتغل سنه وتأجز سنه..ايه رأيك؟

كل سنه وانت بخير وطيبه يا رب

الجحيم هو الحقيقه said...

هييييييييييييه
رافت رجع يا يشر

كل سنه وانتا طيب يا باشا
والسنه الجايه تكون فى بيت العدل
انتا وشوقيه
ان شا ء الله
والله با دعلك يا رافت يا خويا
هههههههههههه

المٌهَــــاجِر المَصْـــــــرى said...

احــه جدا يا جحيم
انك جاى تعزى ولا ايه يامان

بيت عدل ايه يا عم الحاج هو انا زعلتك فى حاجه..

ومين شوقيه دى..؟ بعد العمر ده كله..احب م المبدبح

علاء السادس عشر said...

العزيز رأفت
كل عام وأنت والجميع بخير
تحياتى

Epitaph said...

ههههه

كل سنة و انت طيب

و عيد رأفتاني سعيد
:)

المٌهَــــاجِر المَصْـــــــرى said...

علاء
كل سنه وانت بخير يا سادس عشر

ايبيتاف
كل سنه وانت طيبه ...
عيد رأفتانى عليكى وعلى الاسره الكريمه

شــهــروزة said...

رأفوتة باشا
كل سنة وانت طيب
وعيد سعيد عليك يا رب
ومبروك على النيولوك الحلو أوى دة
===

نسيت ان الرسايل بتوصل بالانجلش معلش بقا
جل من لا يسهوو

المٌهَــــاجِر المَصْـــــــرى said...

شــــــهروزه يا اغلى الصحاب
ايه الاخبار
ملعون ابو التليفونات فى العالم التالت
انا قلت مصر لكن ليها فى المحمول والانترنت ..بس منه لله آل جور
المهم
كل سنه وانت طيبه عيد رأفتانى عليكى وعلى الاسره الكريمه..
الرسايل وصلت بس ملخبطه كده بس انا فهمت انها كلها كل سنه وانت طيب

هانت يا شهروز..ايام معدودات والرأفتانى يرجع لأرض الوطن

islamz said...

كل سنة وانت طيب .. وفكرة حلوة اوى دى بس ليه الافترا ده تلغى كل الاعياد حرام عليك يا جدع ... بس يلا كل سنة وانت طيب برده ...

وعاوزين ندبح الخروف الكبير اوى ... ههههههههههههههههههه

ربنا ياخده يا رب دا خروف مبارك وكله جمااال .... بس هيدبح يعنى هيدبح .. وده مصير كل الخرفاااان ....

تحياااتى .. :]

The Eagles said...
This comment has been removed by the author.
The Eagles said...

انا رايى من راى سمراء النيل
عيد مبارك ونظيف كله جمال وسرور
بس هو ايه بهاء ده انا مش واخد بالى
وعلى العموم كل سنة وانت طيب يا عم رافت
بقولك ماتلغى السنة دى كمان عشان اكون خلصت الجامعة ولا تكتفى بالعياد
كل سنة وانت وكل اللى بتحبهم بخييييير يا عم رافت
نحن فى انتظار فرماناتك القادمة
والسلام.........

cat_eyes(همس الليل) said...

كشطه عليك يا عم رافت
كل سنه وانت طيب انت والعيله الرافتانيه الكريمه
وكل عام وعيد العمال بخير مش دا بردك عيد العمال هههههههههههه
ومبروك على النيولوك
وبعدين انت ماشى بمبدا شاورهن وخالفهن مش قلتلك تعمل التصميم اخضر زرعى امبارح هههههههههههه
يلا وبلاش القمصه بتاعه امبارح دى ازعل منك كدا
يارب المسدج بتاعتى متكونش وصلت وانت نايم انا اصلى مش عارفه مواعيدكو
عموما الف مبروك مش مبارك ههههههههه
على العيد وعلى النيولوك بس مش شايف ان لسه محتاج نفخ شويه عشان النيولوك يبقى مظبوط هههههههههه
يلا سلام

بنـت ســعد said...

كل سنة و انت طيب يا مهاجر

:)

بس على فكرة

كده الاجازات ح تقل

:(

يا ريت لو كده يبقى الوقت اللى ح نشتغله زيادة يتحسب

اوفر تيم

:)

تحياتي

barracuda said...

الله الله الله .. إيه ده يا باشا ؟؟ لأ لأ لأ.. بقى انا يعني انشغل شوية في مسائل سياسية ومساعي حزبية من شأنها تدعيم وزارة القفا إللي وعدتني بيها... ألاقي التغييرات دي كلها ؟؟ بس بجد حلو جدا الشكل كده علشان تبقى اسمها على حق جريدة
بس عملت الكلام ده ازاي من غير استشارة الحزب ؟؟ شكلك مش ناوي تجيبها لبر ولا حتى لجو

كل سنة وانت طيب وكرسيك في أمان ورعيتك بخير يا رأفت وميرسي على سؤالك ياجميل

وإلغي ياعم الأعياد براحتك ..حطه مع عيد القمح ولا عيد السكر ولا حتى عيد الصابون وأهه كله نضافة.. عيد بقى.. ههههههه تحياتي

وله نهايه said...

عام سعيد عليكم ياشبيبه
بس ممكن اعرف يعني ايه قرار رأفتانى غاشم

؟

وله نهايه said...

كل سنه وانت طيب
رغم ان طيبتنا كعرب بقت تهمه
وبقي الغرب بيستغلها غلط
شوف انت بقي عايز تبقي طيب ولا شر

Rasha said...

:) ايه يا رأفت احنا عايشين على الاجازات دي حتلغيهم وتحطهم مع بعض
يا معلم انا بقول نزيدهم كام عيد كده على زوقك
عيد النيو لوك بتاع البلوج
اديني قولتلك وحده
والعيد التاني عليك

:)

كل سنة وانت زي العسل

نهاز said...

لو لغيتهم انا هتحرم من الكحك و الفتة باللحمة الضاني انا اشجب و ادندن

ادعوا بالرحمة لصدام

tota said...

رافت المهاجر تعالى بقى كفاية هجرة

شوف هو فى كام شهر فى السنة بصراحة خنقة والواحد عايز يلغيهم
يعنى فبراير الغيه وادخل من يناير على مارس على طول وفوت كام شهر وشيل اغسطس وسبتمبر واكتوبر خانقة برده

واقفل السنة على كده

واى عيد ما يعجبكش خليه بس غير اسمه سيادتك وافتح باب لاسماء الاعياد واللوجو الخاص بكل عيد


اتمنى ان السنة الجديدة يكون كل ايامها سعيدة عليك وعلى اسرتك واحبائك
وبدأ العد التنازلى ومنتظرينك

تحياتى

المٌهَــــاجِر المَصْـــــــرى said...

islamz
كل سنه وانت طيب..وخلى بالك ..انا ممكن الغى الاعياد الدينيه كمان..افترى بأه..
-----------------------------------
The Eagles
انت رأيك رخم زى راى سمرا بالظبط..هههه
بأه احنا جاين نقول سنه سعيده..وانت عاوز تلزق كل اسامى الوزراء المحترمين لتحيه العيد
----------------------------------
وله نهـــــــايه
قرار رأفتانى غاشم..يعنى قرار صادر عن المملكه الرأفتانيه..طبعا غاشم يعنى مش عادل..اصل انت ما تعرفش ظروف الممكله..فكر فى اى وزاره وانا اديها لك
-----------------------------------

رشــــــــا الجميله
ازيك؟ كل سنه وانت طيبه..اخبار الشغل ايه..يا رب كله يكون تمام..
والله يا رشـــا انا بأفكر الغى الوقت..يالا ربنا يسهل
----------------------------------

همس الليـــل
شكرا ع السياح يا ختى..سيحى كمان..
المهم انا مش هارد عليكى هنا قدام الناس..فى بيت يلمنا

كل سنه وانت بخير
----------------------------------
بنت ســـــــعد
كل سنه وانت طيبه واسعارد الدواء فى غلاء..ملعون ابو الشعب..
مفيش افر تايمز..هو انتو اصلا بتقبضوا المرتب
----------------------------------
barracuda
بسأل عليك علطول .يا رب تكون بخير..انا عارف انك مشغول لأنك ما غيرتش البوست بتاعك من فتره
اخبار وزاره القفا ايه يامان..
عاوزه عريض وناعم علشان الضرب
----------------------------------
نهـــــــــــــــــاز
جايه متنكره ليه؟؟؟
مش هنلغى الاعياد علشان تكلى لحمه ضانى..
الله يرحم صدام يارب
----------------------------------

تــــــــــــوتــا
كل سنه وانت طيبه..
والله يا توتا انا بأفكر الغى الوقت نهائيا..يعنى مفيش ساعه ولا يوم ولا شهر..
كل واحد يروح الشغل بمزاجه..ويطلع ع المعاش بمزاجه..ويقضى عقوبه السجن بمزاجه
ايه رأيك يا جميل؟؟

smraa alnil said...

رأفت باشا
والله انا شاكة فيك
ومش مصدقة بقك
في اللي انت قلته ليا
وشكلي كدة هسيحلك تسيحة سودة
وبعدين انت بتقول ل eagles
انه رايه رخم
عايزة افهم رخم زي ايه زي انا ولا زي راي
ماشي يا رافت
عامة اثبتت الاحصائيات والدلائل والمقايسس الانثروبمترية
اني مش بلاستيك
هههههههههههههه
طمني عليك ياريس

المٌهَــــاجِر المَصْـــــــرى said...

سمـــــــــــرا
الله يخرب بيتك دنيا واخره يا شيخه ..اللهم آمين
وع النعمه بلاستيك

Ironcobra said...

يا رأفت :
ماتظبط ياعم البلوج بتاعك , كل مرة أخش أبقى أنا و حظي يالاقي عربي يالاقي جيبرش .

المٌهَــــاجِر المَصْـــــــرى said...

كــــــــوبرا
احلى سمسم
على الطلاق ..دا انا أولع فى البلوج بحاله بجاز وسخ لو ما انظبط معاك يا مان

بس هو البلوج اعرض منى شويه..

albida said...

ايه ده؟ ايه الفرح اللى أنت عامله فى البلوج ده؟.. يالله! اهو تغيير

كل سنة وأنت طيب يا زعيم
المملكة كانت عاملة ايه من غيرى؟ أكيد كنوا لايصيين طبعا
:)

manal

المٌهَــــاجِر المَصْـــــــرى said...

منال
كل سنه وانت طيبه..
انا عن نفسى ما كنتش عارف المملكه عامله ايه..
ومتقلقيش
عن قريب هنجيب درفها ان شاء الله

الزعيـمة said...

كل سنة وانت طيب يا استاذ رافت
وكل اعيادك وانت بخير

ومبروك اللوك الجديد للمدونه
وتتربي فى عزك

بالنسبة لاعياد القمح والشرطة فالافضل نخليهم مولد سيدي الدكرور على الاقل نلاقي حد يجيب لنا مشبك وحلويات من طنطا وشا الله يا مرسي يا ابو العباس


حاسة انى دخلت كلة فى بعضة بس عشان لسة طالعه من اجازة وجاية الشغل مضروبة ميييييييييت

وردة وفلة وياسمينة :)

المٌهَــــاجِر المَصْـــــــرى said...

الزعيــــــــــــــــمه
كل سنه وانت طيبه وبخير..
عام سعيد ان شاء الله

Ma-3lina said...

ih dah aan neset 2a3yad 3leek

anyway hope u enjoyed el 3eed isa we matkonsh katret fe el la7ma

ah sa7i7 entom bet7tflo bel 3eed in america ezai ????

المٌهَــــاجِر المَصْـــــــرى said...

ما علينا
كل سنه وانت طيبه..وعام سعيد
احنا بنحتفل بالعيد فى امريكا من الشمال لليمين

ROMIL said...

كل سنه وانت طيب

ROMIL

cat_eyes(همس الليل) said...

مش عارفه يا ابنى شكلك اتحسدت ولا ايه
حاسه ان فى حاجه متغير انت شويه يارب يكون خير باذن الله وميكونش عندك لا قدر الله مشاكل ولا حاجه ويكون اللى خنقك بس هو انا ههههههههه
شكلى انا ؟؟؟
:((((

سـردية said...

ايها الناس
في الثامن عشر من يناير عام 1977
خرجت جماهير الشعب المصري بعفوية ضد مهازل النظام الفاسد الجاسم على أنفاسها
يومها خرج علينا رئيس الجمهورية السابق واطلق على انتفاضة الجياع في مصر لفظ حرامية على الانتفاضة وعلى فقراء وجياع شعبه
بعد أسبوعين من اليوم تهل علينا الذكرى الثلاثين لهذه الانتفاضة، علينا رد الاعتبار لهذا الشعب ولخروجة المقدس
ورد الاعتبار لشهداء يومي الإنتفاضة في القاهرة والإسكندرية الذي تجاوز الألفين من المصريين الفقراء

albida said...

رأفت... هل أنت بخير؟
:)
cat-eyes
عندها حق.. فعلا شكلك متغير. لا!! احنا كده عايزين الوزيرة حفصة تيجى تبخرك... شكلك خت عين يا زعيم

manal

أحمد مختار عاشور said...

عارف كلمة الاعياد اللى بنقولها
الف مبارك علينا
الكلمة ديه نبوءة اكتر منها كلمة معايدة
عشان مع التوريث اكيد هيجى كذا مبارك
و طبعا كلهم علينا
بدام احنا قاعدين بنتفرج

malk almasria said...

فعلا تم ضم الاعياد جميعا ولكن الى وقت غير معلوم

المٌهَــــاجِر المَصْـــــــرى said...

همس الليل
شكرا على سؤالك..يارب تكونى بخير



منــال
ايه اخبار الامتحانات؟؟؟ يارب يكون كله تمام


عاشـــــــــور
ازيك يامان..وايه اخبار الاغانى..
الخير قادم بينا او من غيرنا يا عاشور


ملك المصريه
شكرا على زيارتك..كل سنه وانت طيبه

Ironcobra said...

رأفت الولة عمر فين بجد , انا أبتديت أقلق علية .

المٌهَــــاجِر المَصْـــــــرى said...

والله يا سممسم
انا اتصلت بيه مرتين..وسيبت له اكتر من
voice mail
بس مش عارف هو فين..؟ هو اتصل بى من اسبوع كده وخلاص..

انا فعلا ابتديت اقلق..يارب يكون غطسان مع البنت الروسيه وخلاص..
انا هاكلمه تانى النهارده

Ironcobra said...

هو رجع أمريكا و لا لسة في مصر؟

المٌهَــــاجِر المَصْـــــــرى said...

لا يامان
هو هنا من اسبوع..بدأ محاضرات يوم 2
رجع من مصر خلاص

A L A B D E L R H M A N . said...

بداية يامهاجر دي اول زيارة ليا عندك وكل سنة وانتا طيب

اعياد مبارك
.العَبدِالرَحَمن

المٌهَــــاجِر المَصْـــــــرى said...

عبد الرحمن
طالما هى اول زياره ليك يا عم الحاج
جاى تخنفنى ليه وتقولى اعياد مبارك؟؟؟

مالها عيد سعيد؟؟؟؟؟؟؟؟

ع العموم نورت وكل سنه وانت بخير وبصحه اللهم امين