إستكهــــــــولم

استكهولم محكوم عليه بالاعدام فى احدى سجون ولايه مسيسبى فى الجنوب الامريكى. استكهولم غّير اسمه بعد حركات التحرير للافارقه السود فى اواخر الستينات. و صمم على ان يسمى نفسه على اسم ابيض شعب فى العالم..واخو استكهولم سمى نفسه المانيا ولهم اخ آخر يدعى كوبنهاجن

المهم ان المحكوم عليهم بالاعدام هنا بيحظوا بمعامله خاصه فى اواخر ايامهم. من المفارقات العجيبه..ان دكتور السجن لازم يكفشف على المحكوم عليه بالاعدام بصفه دوريه..علشان يتاكد انه معندوش امراض او موانع من تنفيذ حكم الاعدام

ومن ضمن المميزات الاخرى لهؤلاء المساجين هى السماح لهم بالجماع مع نسائهم قبل تنفيذ حكم الاعدام.. يعنى الواحد من دول يروح غرفه الاعدام هو مش نقصه شئ

المهم عم استكهوعندما قدم طلبه انه عاوز ينام مع زوجته كما نص القانون الغير مكتوب.رئيس السجن لم يعترض على اخلاء استكهولم بزوجته. استكهولم وضّح لرئيس السجن انه يملك زوجه وجيرل فريند فى نفس الوقت.. رئيس السجن لم يعترض على زيارتين بدل زياره واحده.. زياره للزوجه وزياره للجيرل فيريند

استكهولم وضّح لرئيس السجن انه فهم زوجته انه عند جير فريند وان زوجته لا تمانع من وجود هذه الجيرفريند معهم فى نفس الغرفه ونفس السريرفى نفس الوقت حتى يتمتع الثلاثه بيوم اخير
رئيس السجن بدأ يشد فى شعره.. وقال لاستكهولم هل انت متأكد ان زوجتك لن تمانع هذا الوضع الغريب؟فآخر شئ ارغب فيه هو فض شباك امرأتين داخل السجن!!!! استكهولم اكد لرئيس السجن ان نسائه لن ولم يعترضن على هذا الوضع من قبل

وفى اليوم الموعود حضرت الزوجه والجيرل فريند فى نفس السياره الى السجن.. حارس السجن اخذهن الى الغرفه المحدده لهذه اللقاءات.. ودقائق قليله وحضر استكهولم الى الغرقه الموعوده

دخل استكهولم الى نسائه واغلق الباب من الداخل.. وحارس الغرفه لم يسمع سوى الآهات والصراخ والعويل.. وبين دقيقه والاخرى يضحك حارس الغرفه.. ويقول ملعون استكهولم له من النساء اثنتان

مدير السجن فى غرفته يدخن السيجاره بشراهه و يلعن الايام والقوانين التى منحت استكهولم حق الجماع بنساءه فى مكان حكومى كسجنه هذا
وفى اثناء لعنته للايام والقوانين رن جرس التليفون.. واذا بمحامى استكهولم يخبر مدير السجن ان الطعن الاخير قد رفض من المحكمه الفدراليه العليا.. وعلى استكهولم ان يبلغ احد اخوته بيميعاد الاعدام للتصرف فى الجثه.. مدير السجن بلّغ المحامى ان زوجه استكهولم تزوره الان وانه سوف يبلغها بنفسه بعد انتهاء الزياره
المحامى فوجئ بما قال مدير السجن وبلغه واكد له ان استكهولم لم يتزوج ولا يملك جيرفيرند منذ دخوله السجن من عشر سنوات

هاج مدير السجن وطار اللى الغرفه الموعوده وطلب من استكهولم ان يخرج من الغرفه ..استكهولم من خلف الباب يطلب عشر دقائق اخرى.. مدير السجن هدده انه سوف يكسر باب الغرفه اذا لم يفتح الباب
فتح استكهولم الباب ورسم على وجهه ابتسامه لم تعرفها شفتيه منذ سنين عجاف

اتضح ان نساء استكهولم ما هن الا موميسات دفع ثمنهن اخو استكهولم المدعو المانيا كهديه منه لاخوه قبل اعدامه

--------------------------------------------------------------
شفت الزمن اتغير ازايا.. دلوقت الاخوات بيقطع بعض علشان قرش حشيش او رنه تليفون
John Grisham thoughts

24 comments:

Ma 3lina said...

دا ايه القصص الى ليها مغزى جامد دا

هههه

انت بتحقد على الراجل فى ايامه الاخيرة يا ساتر على النااااس

ماا عليناااا باه

tota said...

المهاجر الساخر جدا
المغزى من القصة كتير

اولا ان السجين يكون ليه الامتيازات دى كلها وهو فى طريقه للاعدام يا سلام للدرجة دى البنى ادم عندهم ليه قيمة لدرجة الكشف عليه علشان يعدم وهو فى اتم صحة واحسن حال
ثم له الحق فى معاشرة علشان زى ما قلت ميت مش محروم من حاجة

مش هنا ميت محروم من كل حاجة
هو هناك بشر من نوع وهنا بشر من نوع تانى خالص

والاخوة يا سلام على الاخوة ناس ذوووق ذووق ذوووق
بصراحة حاجة تكسف

كويس اننا بنتفرج على النماذج دى علشان كمان نعرف هو لا معرفة ولا واقع
شكرا انك كمان محرمتناش من المعرفة
تحياتى

انحلت سيور العربه وسقط المهر من الاعياء said...

يا سلا م يا رافت يا اخويه


هى دى الاخو ات ولا بلا ش
ههههههههههههههه

طب متبعتلى اتنين من اللى اخو استكو لهم كان بيبعتهمله اصل اخوك اليومين دول تعبا ن خا لص

بعد الموضوع اللى انته عا رفه
سلا م
هههههههههههههههههههههههههه

raspoutine said...

انت عارف يا رأفت ان فى اخر زيارة لاعضاء الكونجرس الامريكى لمصر والاعضاء دول مهتمين بشئون حقوق الانسان فى الشرق الاوسط اوصو الحكومه المصرية بضرورة اعطاء المسجون فى السجون المصرية حق الاجتماع بزوجته مرة كل شهر
وده لما لقو ان نسبة الشذوذ فى السجون المصرية تعدت الاربعين فى المية

تفتكر ممكن يطبقو نظام زى ده فى السجون المصرية
ولو طبقو ايه اللى يضمن للمسجون ان مدير السجن او حتى العساكر بتوعو ميطمعوش فى الولية وياخدوها يجربوها على اساس دواعى امنيه مثلا

Iskanderani said...

مساء الخير والفل عليك يارأفتانى,
موضوع جميل ولو إننى ضد عقوبة الإعدام وهنا التاكيد على ان بعض الاخوة ماهم إلا إخوه أعداء صدقنى بالذات فى مصر ضاعت هذه الصفة وعلى وجه الخصوص لو كانوا من هؤلاء اللى لهم ذبيبه فى الوجه / الجبهه أو من تلك اللاتى يحملن الحجاب على الرأس كعلامه من علامات الخشوع ومعرفة الله... فيجب الحذر أكثر من العاده لإنهم يسرقوا حقوك وعلى المتضرر اللجؤ للقضاء

تحيات إسكندرانى فى بلاد الله الواسعه

عبدالله said...

جامد قوي موضوع مش يبقي نفس في حاجه ده
:)
شايفين اهي دي الاخوات و انت يا اخويا مفيش حاجه تيجي منك كده
:)))))))

تحياتي

smraa alnil said...

هههههههههههههههههه
اهي دي الاخوات ولا بلاش

انا في الاول قعدت اقرا وفاتحة بقي وتنحت اصل بعيد عنك مش فهمت حاجة
بس في الاخر جمعت شوية
هههههههههههههههه
حسيت ان الموضوع داخل علي قلة ادب شوية
وبعدين هي فارقة بقي مراته ولا مش مراته
اهو كلهم ستات

وبعدين الراجل اكيد مش هيموت وهو ناقصه حاجة

اومال ايه لزمة الاخوات

وبعدين مانت ليك اخوات كتير ظبطهم بقي

مش عارفة اقولك ايه
بس اهو استكوهلم راح في المشمش
:))))

الأغاني للرأفتاني said...

ما علينا
اللهم لا حقد ولا حسد... بس المهم استفادتى حاجه؟؟؟؟
--------------------
--------------------

تــــــوتا الجميله
انت عارفه فى قضيه دلوقتى..الدفاع بتاع المتهم عاوز يثبت ان السجين غير متزن عقليًا وبناء عليه لا يجوز تنفيذ حكم الاعدام لان المتهم مش عارف مدى جديه العقوبه... ومش فارقه معاه؟؟؟

المهم يا جميل ان فى كل مكان فى الارض الانسان له قيمه وثمن الا فى مصر التى فى خاطرى..

---------------------------------------------------------------------

الجحيم
انت يا عم جاى تلبسنى قضيه آداب
ما تروح شارع الدول يا شارع شهاب فى المهندسين
دا ايه البلاوى دى
هههههههههه

الأغاني للرأفتاني said...

raspoutine
ايمن
انت عارف كمان ان فى السجون المصريه ما يفرقوش بين القاصرين والمجرمين المحترفين
وبناء عليه زادت نسبه الاغتصاب فى السجون للاطفال والقصر
التقرير الاخير بتاع وزاره الخارجيه الامريكيه فيه النسبه بالضبط
وبالنسبه ان مامور السجن يجرب الحريم قبل ما يدخل للمسجون
اساسى يامان
هيحصل ..الله يخرب عقلك
ههههههههههههههههههههههههههههههههههههههههههههههه
==============================


منووووووووووووول
ايه الاخبار
يعنى انا بس اللى بأقرا لجون جريشم ولا ايه..
على رايك يا منال ..اهى تاء مربوطه وخلاص
اللى على راسه بطحه؟؟؟
انت تمام المهم
=================================


استاذ ممدوح
عقوبه الاعدام فى امريكا بتنفذ فى حوالى خمس ولايات او اكثر قليلا..ها جيب لك العدد الصحيح..
تنفيذ الاعدام هنا غير تنفيذه لمصر..نظرا لموضوع الدين والعقيده وخلافه..
لكن النقطه اللى خلتنى اكتب البوست ده..هو احترام الانسان حتى لو فاضله ساعه ويمونت

مشرفنى دايما يا استاذى
==================================

عبد الله
الله يعلنك يا صديق...مصر مليانه خير..بس انتى اللى ما بتشفوش
المهندسين يا جدعان ..عليكم وعلى المهندسين

==================================

سمرا
اخبار جلسات مجلس الشعب ايه
ههههههههههههههههههه

استكهولم ضاع فى المشمش
يا بخته وحد لاقى مشمش دلوقت
ههههههههههههه

smraa alnil said...

ههههههههههههههه
ماهو المشاميش كتير
وعلي افا من يشيل
دة بقي مش في ارخص من المشمش

وبعدين الجحيم بعد الموضوع اياه شكله نفسه في المشمش

خليه يروح في المشمش بقي

عبدالله said...

حبيب قلبي ما هي الكارثه اني من المهندسين
:)

تحياتي

Anonymous said...

أنا جة.

الأغاني للرأفتاني said...

الكــــــــوبرا
ايه يا عم سمسم
ايه الاخبار..حمد لله ع السلامه..

Anonymous said...

أية يا عم رأفت مالك و مال المهندسين بس .

Anonymous said...

اللة يسلمك يا باشا ، الحمد للة كانت رحلة من العذاب و الضنا هابقى أحكيلكوا عتفاصيل .

الأغاني للرأفتاني said...

سمسم
حمد الله ع السلامه على كل حال..
يعم المهندسين دول اجدع ناس
انا بس باتعجب ع الشباب اللى مش عارف حاجه فى مصر..
بوضح لهم بس ان شارع شهاب وشارع جامعه الدول كله خير..
يروحوا هناك وكله هيبقى تمام

Iskanderani said...

عزيزي المٌهَــــاجِر المَصْـــــــرى ,

من ناحيه إحترام الرغبه الشخصيه فإنني أعتقد إنها أساس تطور هذه المجتمعات وهذا سوف تلاحظه في نواحي كثيرة فى الحياة
ليس فقط قبل الموت وإنما في الحياة عموما

أنا من حيث المبداء ضد عقوبة ألإعدام

تحيات إسكندراني في بلاد الله الواسعه

Music Gates said...

هههههههههههههه علي فكره بوستاتك جامده اوي انا قريت ال 3 الي في الصفحه دي و في واحد تاني علقت عليه بجد مسخره
و ليها مغزا في حاجتين الاولي الاعتراف بحقوق الانسان والتاني الاخوه و تعاونهم مع بعض ايه النصاحه دي ياكوبا المهاجر خلاك محلل ههههههههه بالتوفيق

الأغاني للرأفتاني said...

اسكندرانى
استاذ ممدوح ..مشرفنى دائما
الحريه الشخصيه هنا فى كل شئ يا استاذى.. شوف انت بقالك كام سنه فى المانيا وعارف وحاسس الفرق..

عقوبه الاعدام بأه دى موال ..فى يوم نحدده انا وانت علشان نتعارك مع بعض
ههههههه

----------------------------------------------------------------------
كـــــوبا
شكرا على زيارتك وكلماتك المشجعه
ايه ظروف المدونات عندك..انت عامل فرح..ابو بلاش كتر منه يا عم الحاج
مبروك افتتاح المدونه الجديده

L'orientale said...

يا سالااااام عليك يا رأفت لما تقلب المواجع، إخوات... دي حاجة بتضحكني حتى الثمالة... أنا ليا أخ واحد وبعد وفاة أمى حاولت التقرب منه لان ما لناش غير بعض وكانت رغبة والدتي ان نقترب أكثر من بعضنا ولكنه يرفض باستمرار (على فكرة هو رافض يكلمنى من 4 سنين ومش عارفة السبب، ولما أسأله في ايه يقولي انت عارفةبس والله يا رأفتاني انا مش عارفة في ايه!!!) بس هو كان واضح وصريح وقاللي انا اناني وحفضل كده.. بالنسبة للورث انا ليا الشرع مثل حظ الانثيين...
ده المهم ما تتكلميش تاني معايا في حاجة.... ده لو كان اخويا من اب وام تانيين مش حيعمل كده...
ياريت كان عندي برلين الشرقية بس تبقى اخويا مش ألمانيا
إلا هو ليه للذكر مثل حظ الانثيين؟؟؟ من ناحية الشرع يعني؟؟؟

الأغاني للرأفتاني said...

L'orientale
ازيك يا قمر..
والله ياستى انا ما انا عارف اقول ايه بالنسبه لاخ ما يكلمش اخته علشان مال وخلافه..كله فى الاخر متساوى وكله فى الاخر ماشى من غير فلوس ولا جاه..
بس هى الظروف الصعبه اللى بتغير ناس وبتقلب النفوس
بس انا متأكد انه بيحبك..مهما كان..ولو حصل اى شئ هيكون اول واحد واقف جنبك ان شاء الله
والحمد لله انتى مش محتاجه حد

وبعدين سيبك انت من برلين الشرقيه والغربيه والحاجات دى..انتى شمال امريكا كله معاكى..ههههههه

بالنسبه بأه للذكر مثل حظ الانثيين..فانت يا عزيزتى سالت الشخص الغلط..لانى والله ما اعرف ليه بس ربنا له حكمه فى ذلك..
بس احنا ممكن نكلم المفتى بتعانا..لو عوزاه يغير اى حاجه هو الراجل سبور وحبوب اوى..يعنى مفيش عنده مشاكل

Anonymous said...

basha, ta7eyati men mexico city... ya m3allem el nas le ba3diha... ageblak m3aya tekila?

الأغاني للرأفتاني said...

عمـــــــر
اشطه يا وريث
لا ما تجبليش معاك تكيله..هاتلى معك مزه..هههه
اخبار الحريم هناك ايه الله يلعنك
انت فى كان كووون؟

Anonymous said...

la2 ana fi mexico city.. asl ana mosakkaf (fa2ry ya3ni)