Thursday, March 29, 2007

الاكـــل الهندى والانتحار




اصبح الدستور والقوانين والحياه المصريه اشبه باكله هنديه شهيه.. والاكلات الهنديه ما هى الا بهرات كثيره جدا مٌضافه الى العنصر الاساسى فى الطبخه سواء كانت لحوم او اسماك او خضروات
فنادرا ما استطعمت طعم اللحوم ... كل الذى تسطعمه هو طعم البهرات والفلفل الحار.. هذا ما يحدث لنا كشعب
ضعنا فى البهرات الدستوريه والقوانين المفصله وتسلخت جلودنا من شده حراره الظلم واللا مبالاه الحكوميه

والحق اقول ان اعظم سياسى فى التاريخ لا يستطع التكهن بما هو آت لهذه البقعه من الارض التى طالما حبها قلبى

عٌصبه مٌختاره من أٌولى الامر يعرفون ما سوف يحدث لهذا البلد الطيب لانهم يقومون بتخطيط ما هو فى مصلحتهم وليس فى مصلحه الشعب

واى شخص متفائل او حسن الظن بالمستقبل يعلم جيدا ان المستقبل مرير وان هذه الفتره من تاريخ المحروسه تعتبر اسوأ الفترات بلا منازع

المواطن البسيط ليس بيده شئ سوى الدعاء والحسبنه
المثقفون يكتبون والحكومه تسمح لهم بذلك على سبيل اثبات حسن النيه.. مظاهرات واعتصامات واضرابات لن تؤثر.. فالسجون والمعتقلات جاهزه اذا تخطت المظاهره الحد المسموح به.. حقوق الانسان والحريات ما هى الا كلمات رقيقه تضيف للحكومه رونق وبرستيج

الشرطه محكومه بيد من حديد.. عساكر الامن المركزى يؤمنون بان هؤلاء المشاغبون ما هم الا اعداء للوطن ( الله يرحم احمد زكى)...ما حدش يقولى ان هؤلاء الجنود اظهروا تعاطف فى كثير من المظاهرات .. لان التعاطف وحده لايكفى.. يا فرحتى بالتعاطف.. يا فرحتى على قلبى معاكم يا شباب.. شدوا حيلكم

الجيش المصرى مات... بعد ان كان الجيش المصرى مليئ بالمفكرين والكتّاب والشعراء ..اصبح الجيش مليئ بالجهله الذين دخلوا هذا الجيش بواسطه وليس بالكفاءه.. فجميع الضباط فى الجيش تم اختيارهم حسب عيارات محدده ولذلك لا امل منهم فى ان يثوروا او يغضبوا

فى تقرير للكونجرس الامريكى عن المعونه الامريكيه لمصر وفى تقرير فى جريده النيويورك تايمز.. اتضح ان اعلى مرتبات واعلى مستوى معيشه فى مصر المحروسه من نصيب ضباط ولواءات الجيش

واللى ما عرفش طعم الجوع ... عٌمره ما هيفكر انه يدور على طعام واللى طول عٌمره مأنتخ ويملك معلقه ذهب عٌمره ما هيفكر فى اى شخص آخر.. فهؤلاء اللواءات نسوا معنى الغضب وتناسوا معنى العدل

والحل ... حيث انى اسود القلب وغير متفائل.. اعتقد ان الحل هو يا اما التعود على الاكـــل الهندى يا اما الانتحار وفى كلا الحالتين انت الخســـــــــــــران

34 Comment:

cat_eyes(همس الليل) said...

الحل الامثل هو تقيؤ تلك الاطعمه المزيف طعمها بتوابل تملىء الامعاء انتفاخ الى حد الانفجار

ربنا يعوض علينا
ولا عزاء للرجال

بيسوو said...

مفيش حل تاني
طب والي عنده حساسية من البهارات؟
والي بيخاف من ربنا ومش عايز ينتحر؟
يعمل ايه؟
هو احنا مش ممكن نسبلهم البلد يشبعوا بيها ونهج احنا على برة..ده طبعا لو قدرنا
لنا الله

المٌهَــــاجِر المَصْـــــــرى said...

نـــورا
لقد تم تقيؤ تلك الاطعمه منذ 1952. لكن هذه الاطعمه كالامراض الجلديه من الصعب الخلاص منها..
========================

بيســــــــوو
والله يا بيسوو..هو الحل هيجى من عند ربنا فى يومٍ ما..بس امتى ..الله اعلم..
جايز نحضر اليوم ده وجايز احفادنا يحضروه..
حتى الهججان بره مش هينفع..لانك لما تهجى..سوف تبقى نقطه فى القلب معلقه بحب هذه الارض..
وبرده يا هندور ع الانتحار يا ع الاكل الهندى

Iron Cobra said...

أنا من عشاق الأكل الهندي !!!!!
الأكل الهندي بس .

المٌهَــــاجِر المَصْـــــــرى said...

اشطه ياسمسم
هو فى احلى من الهندى فى كل حاجه:)
وشكرا على فرح التعليقات اللى انت عملته هناك ده
انا عارف انك هتكون السبب انى اولع فى البلوج اصلا

عباس العبد said...

يا سيدى انا مش شايف مشكلة
البهارات و الفلفل الحار
بتدمر الجهاز الهضمى
و حيجى اليوم الى اكيد حنبطلها و نفوق منها
اما حكاية الانتحار
فدى
تمام قوى
ابتدى انت بس و احنا وراك علطول
سمى و نط علطول
متترددش
سؤال
انت كنت بتكتب فى مندرة حركة كفاية
تحت اسم مهاجر برضه
اصل لو كده
احب اعرفك بنفسى
قرشى
فاكرنى

المٌهَــــاجِر المَصْـــــــرى said...

عباس العبد الشهير بقرشى
ولا زمان يارفيق
ايه حكايه عباس العبد دى؟
على اى حال شرفت ونورت
بينى وبينك يا صديق..انا مش ناوى ع الانتحار لسبين..انى اتعودت ع الاكل الهندى..ولما اعوز احس انى بنى آدم..اروح انتخب هنا فى المهجر
ما اتولدناش هنا..بس محترمنا اوى

انت صوت فى الدستور ولا لأ

Nohaz said...

يا فرعون مين فرعنك ملقيتش حد يلمني
و متزعلش مني احنا شعب اتفرج كده لو مديرنا طيب نركبه و نستغله
و لو وحش نبقي زي الكلاب تحت ايده و نخاف منه

صح ولا انت شايف اية؟؟؟؟
برضك فرعون كنا نخاف منه فكنا نمشي وراه و نسمع كلامه والا تصب علينا لعنة الالهة
لو كان كويس ندور ازاي نستغله بكل الطرق
و علي فكرة انا مش بحي الاكل الهندي
صحيح انت مقلتليش رأيك في الصفحة العجيبة الي بعتها لك عن الاغاني الشعبية
اتفرج علي الافلام العربي القديمة الي كانت فيها طبقات الشعب الكادحة
معلش حتي الغلبان كتان عنده ذوق في اللبس و بيلبس بدلة
دلوقت اتفرد في يو تيوب علي المشاهد الي جاية من الافراح
والرقاصات الي في منتهي البشاعة
انا شفت رقاصة غريبة بجد
و سبب ان بدور في موضوع الرقص ان بروح ايروبكس و من ضمنها دروس رقص شرقي للتخسيس يعني كان غرضي شريف و انا بدور في يو تيوب
المهم
اسمع الاغاني الي نازلة واتفرج علي افلام السبكي الي قارفنا بيها
اتفرج المبي الي بيمثل طبقات الشعب الكادحة عامل ازاي
اقسم بالله معايا سواق مفروض مراته مدرسة يعني مفروض يكون راقي شوية
تحسه مقربع بيرة ومنقوع صرم
و اتكلم معاه بشع
الي اقصده ان الشعب غارق في ملذاته شواق الطبقات الدنيا او العليا او حتي المتوسطة
من يوميين بتفرج في هاي فايف علي الناس الي متسجلة منهم واحد متسجل عند واحدة صاحبتي
كاتب اسمه و تليفونة و صورته و صورة عضوة التاناسلي سوري يعني
وكاتب انه مدير في بنك حاجة كده

حاجة مقززة و مقرفة
بس كل ده تحس ان الشعب كله ملهي في حاجتين ملذاته سواء حلال او حرام و لقمة عيشة
ومش بقول ان الصيع بس الي ضايعيين
في ناس معايا في الشغل ممكن يعمل نفسه مبيعرفش يعمل حاجة عشان المهندس الي بيطلب منه الشغل متعب
او يستهبل و يقول انه نازل مأمورية و هو مش نازل بس عشان يملص منه و دي الكلمة الي قالها باللفظ
و مربي دقنه
و بيكدب كتير و عامل فيها بيحفظ قرأن
الشعب لا عنده وعي بالدين الصح ولا عنده وعي ثقافي ولا عنده اي حاجة
شوية ناس تايهة و غرقانة عاملين زي السكرانيين

شفت القناة الي اسمها الحقيقة او شهرزاد
شفت الحاجة سناء الي بيقولك بتشفي من كل الامراض
ولا المذيع الي كل حالة يشخصها انها سحر
و دول قنوات مسموح لها تذيع و متوفر لها علي النيل سات ان تبث الكلام ده
لمصلحة مين ان تنتشر الشعوذة دي و يتنتشر علي الوجه الاخر الاغاني و الافلام المسفة؟؟؟؟؟
طولت عليك انا اسفة
ممكن اكون تهت و كلامي ملخبط بس انت فاهم قصدي اية

ان احنا بقينا ملخبطين لا مثقفين و لا متدينيين ولا محترمين ولا اي حاجة

المٌهَــــاجِر المَصْـــــــرى said...

نوهاز
ايوووووووووووووووووووووه
ههههههههههههه
دا انتى شايله فى قلبك اوى وده غلط
الحل هو الطناش علشان انت لسه صغيره على امراض الضغط والقلب والسكر

tota said...

مهاجر
انا معاك ان اليأس اللى وصلناله مع كل حركة نضال وصرخة واعتصام وصراخ وشجب
وصولنا الى لا شئ بيحبط بصورة فظيعة يمكن بيعجز ناس كتير انها تكمل تانى
بس لو كل الناس وقعت يا رأفت يبقى مفيش نهاية لليل الظلم اللى احنا عايشين فيه
عارفة ان الصورة مظلمة وانا البلد منهوبة وان ده اسوء العصور اللى مر بيها الشعب من ناحية سلوكه وتقبله للذل الغير طبيعى والاهانات واستباحة الاعراض وكل شىء بداية من السلوك نهاية الى كل الانتهاكات
انا شايفة الصورة مظلمة ومش عارفة اعمل ايه وحيرة ما بعدها حيرة وده اللى مخلينا فى حالة خوف من المستقبل لان زى ما قلت مفيش صورة واضحة
ومش عارفين اخرة الاكل الهندى ايه غير وجع البطون

المٌهَــــاجِر المَصْـــــــرى said...

تــوتا
مفيش حل دلوقت خالص..هو ربنا مسلط ناس على ناس..وهو اللى قادر يشيل ويرفع الظلم ده
مظاهرات مؤتمرات لقاءات اجمتاعات كل ده مش نافع خلاص بأه
حتى الكتابه فى السياسه ملهاش معنى ولا طعم
احلى م الهجص مفيش على راى الواد عمر صحبى

albida said...

أكل هندى ايه بس يا رأفت... المصريين لا يعرفوا أكل هندى ولا تنزانى حتى

قول مثلا الحياة عندنا بقت عاملة زى حلة المحشى أو المسقعة اللى بتكبس على أنفاس الواحد وبتجبلوا جلطة أو زبحة صدرية
:)

يا بنى خلاص الكلام ده مبقاش منه فايدة!! حسبى الله ونعم الوكيل.. يمهل ولا يهمل

سيبك أنت.. مبروك على افتتاح دارء الافتاء هنا فى المدونة!! صدقنى هتكسب دهب
ههههههههههه


manal

Iskanderani said...

مساء الخير ياصاحبي العزيز رأفت,

والله صدقنى لما قرأت التعليقات عندك على موضوعك المهم ده لقيت إنك عندك حق وكمان العزيزه هانوزه في تعليقها الواقعي وتحليلها للشعب النائم في العسل والملذات والمظاهر الكدابه في كل نواحي الحياه ومايزيد المبله طين إنهم يحاولوا فرض طريقتهم في الحياة عليك بدون مراعاة لأحاسيسك وشعورك
هل قدم لك حص في المحروسه مرة اي وسألك قبلها كم معلقة كر تريد؟ لا، يراعي اي شئ ويضع لك سكر علي مزاجه

والله ربنا يستر لإن العقاب علي الَسَرحَان والتنْاحه هذه لابد وأن يروه عاجلا أو آجلا

تحيات إسكندراني في بلاد الله الواسعه

المٌهَــــاجِر المَصْـــــــرى said...

منوووووووول
مش فارقه نوع الاكل ايه..المهم ان كله بقى بيوجع ..مفيش امل
ايه رايك فى موضوع دار الافتاء..البركه فيكى..فكرتك..هههههههه
==================================

استاذ ممدوح
دايما مشرفنى
والله يا اتساذى مافى حل فى حاجه خلاص العمليه اسود م السواد..والجميع فى حاله احباط..
احنا بنكتب السئ والسلبيات لكن مفيش اى حد ممكن يكتب عن الحلول..
مفيش قباده تبشر بالامل

عبدالله said...

بوست جميل مليان شطه و ريحته طالعه
حاسب بقي ريحته توصل مصر و يستنوك علي المطار يا حلو علشان يسالوك عن طعم الاكل الهندي ايه
:)

هوا في حل تاني اننا نبطل نعتقد ان الاكل الهندي ده هندي و نعتبر اننا هنود ساعتها مش هنحس بفرق كبير و هنبقي مبسوطين من الشطه و ده الي الشعب عمله

تحياتي

مجهول said...

والله يا استاذي
دي مبقتش اكل هندي
دي بقت ملوخيه بلدي بايته وحمضانه
بس حنعمل ايه ؟؟؟؟؟؟؟
ادينا قاعدين نتفرج ونشوف ايه اللي حيحصل
ولا نقنع نفسنا بالتفاؤل والجمال والامل ونستني
تحياتي

عمر said...

يا ابني مش قلنا اصحاب المدونات الصفراء يبطلوا يعارضوا عن غير علم؟ ايش فهمك انت في الأكل الهندي؟ يا أستاذ الحكومة قررت توفر البهارات للشعب وذلك لثقتها في قدرتها علي التعامل مع حالات الامساك المزمن بكل سهولة ويسر وقد وصل الي علمي ان الحكومة وفرت في الأسواق وبأعداد وفيرة ملينات ماركة المقشة... استخدموه وحتشوفوا الفرق

المٌهَــــاجِر المَصْـــــــرى said...

عبد الله
الشعب اتهرى شطه..ههههه
وماتخافش على ..مفيش حد بيستنانى فى المطار خالص يا مان.
==============================

مجهول العزيـــز
الملوخيه جميله يا صديقى..وعلى رأيك هنعمل ايه..كل اللى فى ايدينا عملناه والله المستعان

=============================
عمـــــــر
حمد لله ع السلامه ..اخبار الحريم فى المكسيك ايه..؟؟؟؟
حلوه موضوع الملينات بالمقشه ده..
يعنى غصب عنك هتتلين
هههههههه

smraa alnil said...

اعععععععععع

انا قرفت من ام الاكل الهندي وانا في سلطنة عمان اجي الاقي عندك

انا عن نفسي هروح انتحر ارحملي

طبعا انت لما هتصدق وهتعملي فرح

المٌهَــــاجِر المَصْـــــــرى said...

سمــــــرا
سؤالين
1- اين تقع سلطنه عمان؟
2- امتى ناويه الانتجار؟ لو محتاجه اى سموم او عقارات اخوكى موجود
يلا علشان الخنقه تخـف

smraa alnil said...

سلطنة عمان دي حضرتك دولة عربية بتقع في حتة وخلا ومش موضوعنا
بس كل اللي بيشتغلوا هناك هنود
والمكان اللي كنت قاعدة فيه اكلهم كله هندي
دة علي اساس اني كنت مسافرة علي الفيل
بالنسبة لموضوع الانتحار
طبعا انت عارف اننا مش قادرين نستغني عن خدماتك
فياريت اي حاجة سريعه كدة من الحاج سام
عشان نخلص
وبعدين هرحمك من الخنقة
ومين بعدي هيخنقك يا غالي

Iron Cobra said...

سمرا:
مالك بأة و مال الأكل الهندي ، دة حبيبي .
صحيح أنا مابطقش أم الهنود و عندي أسبابي عشان ماحدش يقول متعصب و عنصري بس صدقيني الهنود دول يخلوكي تطلعي من دينك .
و بعدين تنتحري أية بس يا ست الكل هو أحنا عندنا كام سمرا .
رأفت ، خف علبونية يا زعيم ، هي بس بتحب تغلس عليك ، و بعدين لازم تلاقي حد يغلس عليك و يقرف هيشتك ، لأن الحياة لو حلوة و مزهزهه على طول هتزهق .

المٌهَــــاجِر المَصْـــــــرى said...

سمرا
برغم انى شاكك ان سلطنه عمان دى لعبه من الاعبيك بس ماشى هصدقك انها دوله ولها حكومه وكده
وبالنسبه للخنقه ما تقلقيش لو اللى بيخنقونى كثير ولو ملقتش حد ..باخنق نفسى ساعات
=========================
سمـــــــسم
امان يامان مفيش احلى من الاكل الهندى بس فى الويكند بس؟
وانا عارف شعورك نحو الاخوه الهنود..هههههه
مش عاوزك تقلق لو سمرا انتحرت عادى يامان
وحلو اوى موضع الحياه حلوه مزهزه ده
ههههههههههه
ايوووه فين ايام الاستاذ سعد عبد الوهاب

raspoutine said...

عندك حق يا رأفت
مبقاش قدام الغالابة الا انهم ياكلو الطبخة الحكومية الغير شهية المليانة بهرات وملح وطب وزلط
بيقولو ان طباخ السم بيدوقو
لكن انا مبقتش اعتقد بالمثل ده
لانهم لو داقو طعم سمهم كانو عرفو قد ايه مر طعم الذل والجبروت
مفيش امر من حكم النفس على المفس
تحياتى ليك

المٌهَــــاجِر المَصْـــــــرى said...

raspoutine
مفيش امل خلاص يا ايموووون
العمليه اسودت خالص
والناس دى بتطبخ فينا من زمان..يعنى الاكله عفنت..ومفيش قدامنا الا ان ندير ظهورنا لهم وخلاص
ولا حول ولا قوه الا بالله

smraa alnil said...

اجي اوريك الباسبور يعني
فيها الفيزا بتاع سلطنة عمان
ومش مشكلتي انك ضعيف في الجغرافيا
وبعدين طالما هتخنق علي نفسك اقدر انتحر وانا مطمنة دلوقتي

**********
ironcopra

الاكل الهندي اللي انا كلته هناك تقريبا والله اعلم لا يمت بالهندي بصلة
اول مرة رحت المطعم لقيت واحدة بتقولي هريس
قلت يمكن تكون هريسة
لقيتها بتجيبلي حاجات غريبة كدة باديها
اي نعم دي كانت اكلة عماني
بس هما اللي كانوا طبيخنها
بس كنت باكل الجوع وحش اوي يا سمسم
وبعدين قول لرافت مين غيري هيغلس عليه

Iron Cobra said...

رأفت :
حلوة حتة Reader Discretion is Advised حاسس أني هتفرج على جاك باور و لا ذى سيمسونس و لا حاجة كدة ، اللة يحظك يا شيخ .

المٌهَــــاجِر المَصْـــــــرى said...

سمرا
حلوه اوى حكايه البازبور دى
انت بعون الله اخرك بطاقه ورق مش رقم قومى كمان
بقى فى دوله اسمها سلطنه عمان..هو لسه فى سلاطين..انا اخر سلطان اسمع عنه شارع السلطان حسين
=========================

سمسم
ههههههههههههههه
ايه رايك فى الحته اللى فوق دى
اصلى ناوى اغير النشاط للكبار فقط..يالا بلا وجع قلب
no more سياسه يامان
من هنا ورايح
jenna Jameson
Asia Careera
وبس يامان
ههههههههه

Iron Cobra said...

رأفت :
ألا لا مؤاخذة مين الأختين الفضلتين اللي حضرتك ذكرتهم دول .

يالا تكونش شاكاليتة.

هعهعهعهعهعهععع

أحمد مختار عاشور said...

الهنود بيحطوا الشطة على كل حاجة
حتى على المانجو
معلومة حقيقية

Iskanderani said...

مين دول يرأفت؟
1. jenna Jameson
2. Asia Careera

هم دول اللي كانوا هديه الواد إستكهولم اللي راح يتعدم؟

قوووووووول الحقيقه يارأفت ولا تخبيش!!!!
إحيييييييييييه الواد راح يعمل مدونته للكبار فقط

تحيات إسكندراني في بلاد الله الواسعة

Iskanderani said...

مين دول يرأفت؟
1. jenna Jameson
2. Asia Careera

هم دول اللي كانوا هديه الواد إستكهولم اللي راح يتعدم؟

قوووووووول الحقيقه يارأفت ولا تخبيش!!!!
إحيييييييييييه الواد راح يعمل مدونته للكبار فقط

تحيات إسكندراني في بلاد الله الواسعة

ســــــردية said...

اصدقائي الأعزاء
نظراً لأنشغالي الشديد ولحتى نهية العام قررت دمج مدونتي سردية وسرديات مصرية وإليكم العنوان الجديد
http://maraseel60.blogspot.com

Anonymous said...

طيب الحل ايه .. نعمل ايه لو فقدنا إيمانا بأن في حاجة ممكن تتغير