Saturday, June 23, 2007

حفله سعاد ماسى ومقاطعه الهبل والمجانيين

فرحت كثيرا بنجاح حفلات سعاد ماسى فى مصر. وكنت واثق تماما ان مثقفى مصر لن يسمعوا لحملات المقاطعه التافهه. فقد قيل ان سعاد ماسى تنوى القيام بإحياء احدى حفلاتها فى تل ابيب ولذلك يجب مقاطعه حفلاتها فى مصر
اذا كانت سعاد ماسى ستحيى احدى حفلاتها فى تل ابيب فلمن ستغنى؟ كانت ستغنى لعرب 48 وهم مواطنون فلسطنيون تجنسوا بالجنسيه الاسرائليه وهذا ليس مجال المناقشه الآن
ما هى الفائده التى سوف تعود علينا كشعب وامه اذا قاطعنا حفلات سعاد ماسى؟ فهى مجرد فنانه ووجهتها السياسيه تعبر عن شخصها فقط
فما جدوى المقاطعه والجعجعه الفارغه؟
نحن تعودنا على المقاطعه بغض النظر عن نتائج هذه المقاطعه. قاطع وخلاص مش فارقه
هناك فروق كبيره بين المقاطعه العبيطه والمقاطعه المدروسه العواقب. فلقد سمعت نداءات بمقاطعه استفتاء تعديلات الدستور ونداءات بمقاطعه انتخابات مجلس الشعب والشورى. ورغم معرفه نتائج هذه الاستفتاءات مسبقا فمن الاجدى هو الذهاب لهذه الاستفتاءات وادلاء الرأى. اصبحنا نقاطع اكثر مما نتفاعل.. لدرجه اننا اصبحنا نعيش فى قوقعه محكومه بالمقاطعات الواهيه التى لا منفع منها سوى ابعادنا عن العالم
عند الاختلاف فى الراى مع جهه معينه.. اسهل شئ هو اطلاق حمله للمقاطعه بدلا من محاوله تفسير هذا الرأى واقناع الغير بوجهه نظرنا. وفى رأى هذا النوع من المقاطعه ما هو الا سلبيه وروح مهزومه
أى مقاطعه او نداء بالمقاطعه لابد ان يكون مدروس ومحدد. لابد معرفه والتأكد من نتائج المقاطعه. واننا سوف نستفيد من هذه المقاطعه وانها سوف تعود بخساره او على الاقل لفت نظر من سنقاطعه.. اى مقاطعه لا تتوافر فيها هذه الشروط فى مقاطعه عبيطه من نوعيه خدوهم بالصوت لا يغلبوكم
واتذكر ان صديق حنجورى لى قرر ان يقاطع ابيه فى سنوات الدراسه الاعداديه لان والده لم يخبره بتغير الساعه للتوقيت الصيفى وان هذا الصديق راح اطلطع امام المدرسه ساعه بحالها قبل الميعاد
ابو صديقى فرح جدا وقال بركه يا جامع لان هذه المقاطعه سوف توفر له المصروف اليومى الذى كان يعطيه لصديقى
هذا هو النوع العبيط من المقاطعات..بالضبط كمقاطعه حفلات سعاد ماسى
جعجعه على الفاضى

17 Comment:

nael said...

سعاد ماشي اعلنت انها مش رايحة اسرائيل

ما يغيظني ان قضايانا التي نقاطع بسببها عادلة، او على الاقل هكذا تبدو لي، ولكننا نحجم عن الدفاع عنها عبر استخدام سلاح المقاطعة، يبدو اننا لا نثق في عدالتها بالقدر الكافي

شـــــهــــروزة said...

قولى يا رأفت

مين سعاد ماسى دى؟؟

معلش انت عارف بقا أن أختك من البروليتاريا
ملهاش فى التطلعات الطبقية ولا البرجوازية دى

مين بقا سعاد ماسى أو دهبى دى؟؟؟

نرجو الافادة
ولكم جزيل الشكر

==============
بالنسبة لموضوع المقاطعة بوجة عام

مش فالحين الا فى مقاطعة مطرب او مطربة وبس
لكن نفكر فى حل جذرى للمشكلة؟؟؟؟

أسفة
فنحن نستمتع باستحمارنا واستغباءنا لأقصى درجة

وانت ازيك كدة؟؟؟

أنـــا حـــــــــرة said...

المهم ان ناس كتير فعلا ماراحتش
و فى الاخر طلعت اشاعة

:)

انا بقى مكنتش فاضية يومها
لو فاضيه كنت روحت الصراحه


بس يخرب بيت دماغك
فعلا بنبسط عندك
جميل انك كتبت تانى

بخصوص صابحبك ابوتوقيت صيفى
فانا الموضوع حصل معايا السنه دى و روحت الشغل متأخر ساعة علشان محدش قالى برضه
:)
بس ماقاطعتهمش
الظاهر طلعت متساهلة

و صاحبتى برضه كنا رايحين السينما و محدش قالها على تغير الوقت
الظاهر ان الاهالى قاصدين يغلسوا

نعمل بقى مقاطعه جماعيه

:)

ازاى الحاج و الحاجه صحيح
ماشوفناش أكل حضرتك

Iskanderani said...

مساء الخير ياعزيزي رأفت ؛

أيه ياعم الحلاوة دي أنت كده راح تخلي الناس تعيد حساباتها وتعيد التفكير في عملية المقاطعه وبعدين برضه يستحمروا وينسوا إنهم سبق وفكروا قبل كده في الموضوع ده.
أيوه صحيح ؛ أنا برجوازي بالفطرة وطبيعتي أرستقراطية لكن برضه أنا مثل شهروزة مافيش عندي فكرة هي "سعاد الماسي" دي بتبيع أيه؟ هي بتخش الحمام زينا مرة في الشهر ولا نقاطعها علشان بتخش الحمام وتستحمي كل يوم؟ قول وإنصحني ياصاحبي ماتسبنيش علي عمايا في الضلمة ووعييني

تحيات إسكندراني في بلاد الله الواسعة

عمر said...

باشا... القعدة كانت ناقصاك امبارح

انا حنطلق دلوقتي علي بوسطن عشان ورايا شغل كتير... حشوفك بقي بعد الامتحان

صحيح مين سعاد دي؟

Gid-Do - جدو said...

رافت
سلام عليكم ـ اسعدنى سماع صوتك بجد
ويامحاسن الصدف الشهروزة هنا كمان
انا بسال نفس سؤال شهروزة
مين سعاد ماسى ؟؟
انا حجيب من الاخر واقول انا جاهل
مش حعمل زى شهروزة واقول كلام مكلكع
اختصارة يبقى ـ انا جاهل بردة
مش كدة ياشهروزتى

حوريه said...

مساء الخير استاذ رافت
اولا حمدا لله على السلامة
ثانيا واخدة على خاطرى منك عشان ما سمعتش صوتك و شفتك فى اسكندرية
عموما .. يارب تكون بخير و اتبسطت .. تتعوض ان شاء الله
بالنسبة لسعاد ماسى .. فشوف يا سيدى
مشكلتنا اننا نتصرف كقطيع الكل خايف من بعضه ماحدش بيفكر ذيك كده و لو حد فكر و ناقش يقاطعوه هو كمان
انا عن نفسى ياما ناس قاطعونى من مجرد فكرة .. عجبنى حكاية صاحبك اللى قاطع باباه .. كان عايز يعاقبه .. عاقب نفسه .. تصرف اهبل صحيح
,و اعتقد
ان الفن لا وطن و لا جنسية له .. فهو حمامة سلام و نغم جميل فلماذا نقاطعه ؟
تحياتى لك استاذى الفاضل و لافكارك الجميلة
حوريه
nadiataha.maktoobblog.com

Bella said...

سالخير عليكم جميعا

انا عرفت سعاد ماسي من حملات المقاطعة اللي قريت عنها في مدونات المقاطعين ووالحملات المضادة من الرافضين للمقاطعة.


وحكاية مقاطعة المطرب فلان لانه بص في الحتة العلانية ولا مقاطعة الكاتب ترتان لأن الغلاف شكله كان مااعرفش عامل ازاي

الحملات دي لاتعجبني

وشايفة ان الناس بتستسهل صراحة

يعني مثلا بدلا من مساعدة المنكوبين بطريقة عملية كأن نجمع لهم تبرعات
نساعدهم بالدعاء

فتلاقي الكل متحمس يدعي

لكن التبرع مافيش
او لو فيه قليل

فحملات المقاطعة بتفكرني بالحكاية دي بالضبط

بدل مانبذل مجهود في إبداء راينا نقاطع ونعتبر نفسنا عملنا اللى علينا

ثقافة سلبية جدا صراحة

المٌهَــــاجِر المَصْـــــــرى said...

نائل
المقاطعه سلاح جميل وفعال عند استخدامه الاستخدام الصحيح..
مقاطعه مطربه..هيعود علينا بأيه كشعب؟؟
شكرا على زيارتك
===============================
شهـروووووووووووزتى
والله يا غاليه انا لم اسمع عن سعاد دى غير لما قريت حملات المقاطعه وقولت ايوووه دا تلاقيها فنانه من بتوع السياسه وكده..اتريها يا عينى غلبانه وعايشه فى باريس ولا بيها ولا عليها
بس بعض اخوانا قعدوا يجنحروا ويقولو قاطع ومتقاطعش..
المقاطعه احيانا بتكون فعاله فى النواحى الاقتصاديه..تقاطعى كشك سجاير علشان معندوش سجاير فرط..كده مثلا..مش تقاطعى فنانه

المٌهَــــاجِر المَصْـــــــرى said...

انا حــــــره
ايه اخبارك يا ياسمين..وحشانى كثير..
ولا انت مقاطعانى..هههههه
المهم الحاج والحاجه تمام وبيسلموا عليكى..الحاجه جايه هنا قريب..ابقى ابعت لى معاها اى حاجه
================================
أسكنــــدرانـــى
استاذ ممدوح..والله يا عم انا ماكنت اعرف مين سعاد ماسى دى لحد ما قريت عنها فى المدونات
=================================
عمـــر
المهم انك انبسط يا مان؟
دينا كويسه؟ وهتسافر امتى
ما تشغلش بالك بموضوع سعاد ماسى
هههههههه

المٌهَــــاجِر المَصْـــــــرى said...

جدووووووو
والله انا للى كنت فى منتهى السعاده لما كلمت حضرتك فى التليفون..ربنا يديك الصحه دايما يارب
سعاد ماسى دى مطربه تونسيه تقريبا بس عايشه فى باريس
المهم يا جدوا العزيز ..خليك انت مركز فى محمد منير بس
هههه
===============================
حــــــوريه
ازيك يا ناديه..والله ظروف الشغل هى اللى خلتنى اسافر بدرى عن معادى..معلهش انا للى حظى وحش انا ما اقابلكيش
انا اتصلت بيكى دلوقت علشان اشرح لك الظروف بس انت ما ردتيش..هاحاول تانى ان شاء الله

المهم فى المقاطعات زى انت م قولتى ان احنا بنقاطع من غير دراسه وما نصدق نلاقى حمله مقاطعه..ونجرى
============================
بيلا بيلا
انا اتفق معاكى .. انا ممكن اقاطع لو اتأكدت ان المقاطعه هتعود بفايده على وخساره على اللى هاقاطعه والا تكون مقاطعه مشوهه لا نفع منها ولا ضرار

أنـــا حـــــــــرة said...

و انا اقدر اقاطعك
حتى لو هتعود عليا بفايدة
اهو ده اللى مش ممكن ابدا
هو انا عندى كام رأفت

شـــــهــــروزة said...

جــــــدو يا غالى

ماعاش اللى يقول عنك جاهل

دة حتى اللى مايعرفك
هو اللى جاهل

أنت بس مش عارف وكلنا هذا الرجل

ألا مين برضة سعاد دهبى دى؟؟؟

القادم من الريف said...

قا طعوا سعا د ماسى با لعند فى رافت
ايه يا عم انا اول مر ه اسمع عن الاخت دى ما علينا بصر احه وجهة نظر وجيهه للمقا طعه البشر اي حا جه تحصل يقو لك مقا طعه بدون در اسه سليمه فقط على رايك الصياح ويعملوا ليله وخلا ص
سلا م يا صا حبى

المٌهَــــاجِر المَصْـــــــرى said...

انا حره
جدعه يا ياسمين
وانت قولتيها سوى قاطعتى او ما قاطعتيش انا مش عايد عليكى بفايده
===================================
شهـــروزه
سخنتى انت الناس كلها ..على سعاد ماسى دى..بأه كله بيسألنى عنها ما تقوليش ان انى الحاج ماسى نفسه
==================================
القادم من الريف
فينك يا صديق..والله موضوع المقاطعه ده يا محمد خانقنى جدا

عمر said...

دايما ايام نيويورك 100% يا معلم... دينا هناك ليوم الأربع وانا رجعت المخروبة بوسطن

المٌهَــــاجِر المَصْـــــــرى said...

نيويورك دايما فاتحه لك دراعتها يا عمر
ههههه