Thursday, June 28, 2007

دردشــــــــــــه مع جدوووو


سعدت كثيرا بسماع صوت جدووا العزيز
اتصل بى
جدوا الطيب ليطمئن على حالى ... تكلمنا فى اشياء عديده.. قال لى انه عاش فى نيويورك اكثر من 13 سنه قبل ما يروح تكساس.. قال لى ان الناس فى تكساس طيبين غير ما كنت انا متصور ... قولت له انى باكره القاهره بالنهار وباحبها بالليل فقط .. قال لى انه مره راح اسكندريه وازاى ان سحر البحر اخده وفاضل ماشى لحد ما لقى نفسه فى الميه بهدومه

جدووو زعلان وسألنى وقال عاجبك اللى بيحصل بين الاقباط والمسلمين فى مصر؟؟ قولت له لأ مش عاجبنى... وقولت له ان فى مجموعات جاهله من الجانبين تقوم باحياء الفتنه وتفجير النفوس.. قالى ان للاسف اللى بيقوم باحياء هذه الفتن هم اناس مثقفون وعلى وعى بما يفعلون
جدووو قالى انه وهو صغير عمره ما حس ان فى فرق بينه وبين اى شخص يدين بدين آخر..قالى ان الجيل بتاعه كله نشأ وتربى على السماحه والحوار واحترام الغير.., العيب فينا يا جدوو العبيب فى جيلنا
جدووو قالى ياريت كل واحد يبدأ بنفسه ... فترقبوا مدونه جدوووو لبدايه الحوار

8 Comment:

االجحيم هو الحقيقه said...

احلى سلا م لاحلى صديق واجمل جدوو

ان ليه شعر على اده فى الموضوع ده ها نشره فى المدونه حا ولت اعبر عن الليله دى بيقول
:
لمبه جا ز

وجلبيه

وكما ن طاقيه

وسا قيه دايره

ويا الر حا يا

وعمى شمعى

وخا لو لمعى

والحج فوزى

جايين حدانا

والبت سالى
جايه معا ه
وعيشه جا يه

لا جل العزومه

فطير وجبنه
ليله يا عم
لكن سعيده

لبر مصر

يحكى بيها

وفجا ه قا لوا
شوفتوا المصيبه؟
ايه المصيبه
قا لو ا

فيه فتنه قا يمه

بين النصا رى والمسلمين

رديت وقلت


ايه مسلمين
وايه نصا رى
ما اعرفش غير حا جه واحده
غير انى مصرى
قا م عمى شمعى وقف وقال

من امتى مصر فيها الكلا م ده

رد ابويه بنبره عا ليه

من يوم ما حسنى ركب فوقنا

وسا ب بلدنا لقمه سا يغه

للامر يكان وللصها ينه

والوها بيه وبيشوى معا هم

خلا ها يعنى مهلبيه

طنطا وى يشجب
وشنوده يبكى
عالم يا عم
لكن رزيه
مش عا رفه يعنى ايه القضيه
قدموا مصر
تكون ضحيه
فى ليله نحس

لعدلى بيه وما يكل منير

والشيخ اسا مه وصا حبه ايمن

لاجل يعنى ما يدبحونا

وعجبى

بس
هههههههههه

طويله اوووى وشعر مش منتظم بس هى دى مشا عر ى وواقعى المعا ش

حا طيتها عندها عشا ن جما هير مدونتك كتير
ههههههه
سلا م يا صديق

إنـســانـة said...

ما شاء الله ما شاء الله
وكماااان مكالمة ع التليفون من جدو؟؟
يا بختك بقا
وابقى اخطف رجلك وروح اتمشى مع جدو شوية عشان مش بيحب يتمشى لوحده
:D

تحياتى لك ولأحلى جدو
:)

Iskanderani said...

عزيزي الغالي رأفت
شكرا علي تعليقيك ومرورك المنتظم عندي ؛ كمان باشكرك علي التواصل عندك مع جدو وغيره
والله يا رأفت ماكانش فيه الهبل اللي بيحصل في مصر دلوقت واا لسة متكلم مع صديق لي مسيحي من اصل مصري وبانبة لي اكثر من أخ لما يقرب عن 30 نة واكثر بان التهريج اللي يبحصل في مصر راح يروحوا كلهم في داهيه

سلم لي علي جدو وقول له حمد ا لله علي سلامته انا شفته بالفيديو والبيجامة مريض وربنا يشفيه ويرجع بيته قريب من المستشفي واتمني ان يزور إسكندريه قريبا ويسعد بالبحر وموجه


سلامي وتحياتي لك وسلم لي علي الجميع
تحيات إسكندراني في بلاد الله الواسعة

يا مراكبي said...

حلوة قوي الجريدة دي .. موضوعاتها خفيفة ومركزة في نفس الوقت

أنا مارحتش نيويورك أبدا ولا حتى ترانزيت .. بس حسيت إن الكل بيكرهها زي ما إحنا ما بنطيقش زحام القاهرة بالظبط .. وما خفي كان أعظم

أحلى حاجة إستفدت منها من خلال تصفحي للموضوعات هما هو موضوع الكلاب والمزز ده .. فكرة جميلة جدا جدا

في إنتظار جديدك إنت وجدو .. واضح إنه هيكون موضوع قوي جدا

شـــــهــــروزة said...

بأحقد عليك

اعااااااااااااااا


بقا تكلم جدو فى الفون كمان؟؟
دة انت افتريت يا رأفت بجد

والنبى بلاش سيرة الاقباط والمسامين أحسن كل ما الواحد بيتكلم وبيقول فلان بيشعلل بيقولوا عليا متعصبة

زى ما يكون مكتوب على المسلمين بس اللى يتقال عليهم مشعللاتية

والمنظمات اياها هى اللى بنت حلال مصفى وعيب نقول عليهم كدة

يلااا المهم انك على اتصال بجدوو

وانت اخبارك اية؟؟

المٌهَــــاجِر المَصْـــــــرى said...

الجحيم
فى انتظار نشر هذه الاشعار الجميله فى مدونتك
العقول المستنيره قليله يا صديق ولذلك تجد العصبيه فى اماكن عديده
================================
إنسانه
ايوه بالكم جدو علطول وهاروح ازوره كمان
انت جايه تنقى ولا ايه
هههههههههه
شرفتى ومرحب بيكى
===============================
اسكندرانى
زى ما جدوا قالى..ان الايام اللى فاتت كانت اجمل من النهارده ولكن فى فرق بين مسلم ومسيحى ولا يهودى
هو جيل اسود من السواد
ربنا يدينا العمر وانا وانت نرحب بجدوو فى اسكندريه
==============================
يا مراكبى
شرفت المهجر
وشاكر كلامتك المشجعه
=============================
شهـــــــــروووزتى
انا بخير يا قمر وجدو كمان بخير
وان عارف انك مش جايه تنقى
ههههههههه
وعلشان اغيظك اكثر اتكلمنا تانى النهارده بس المحادثه كانت غير قابله للنشر
ههههههههه
وحشانى
معلش انا اللى مقصر
بس خلاص هانت
يوم الثلاثاء هاكلمك واشرح لك الجديد

أنـــا حـــــــــرة said...

الله
حلوة الروح الدافية اللى حسيتها فى البوست
منتظرين يا باشا

Iskanderani said...

مساء الخير رأفت ياعزيزى؛
انت في يام وايه اخبارك واخبار المُزز وبقية لة المصريين عندك واحوالك والتريب لكندا؟

تحيات إسكندراني في بلاد الله الواسعة