Sunday, August 12, 2007

محمد حجازى.. الباب اللى يودى

اولا انا مع حريه الاديان. كل انسان حر فى الديانه بتاعته. لان ربنا سبحانه وتعالى غنى عن الناس اجمعين وكما يقول فى الآيات التاليه
المائدة: 48« ولو شاء الله لجعلكم امة واحدة ولكن ليبلوكم في ما أتاكم
يونس : 19 «وما كان الناس الا امة واحدة فاختلفوا
هود : 118 «ولو شاء الله لجعلكم امة و احدة ولا يزالون مختلفين
النحل 93 «ولو شاء الله لجعلكم امة واحدة ولكن يضل من يشاء ويهدي من يشاء
يعنى باختصار محمد حجازى لا هيقلل الاسلام ولا هيزود المسيحيه . وعلى الحكومه ان تغير له هو وامثاله الديانه فى البطاقه علشان نرتاح لان بسلامته مفكر نفسه مجاهد ورايح يستخبى ويعمل افلام عبيطه. والله الاسلام غنى عن امثال هذا الحجازى. وياريت كل منافق مثله يظهر ويبان ويغير ديانته علشان نخلص من الرابش
اللى مزعلنى هو انى خصصت هذه المساحه للكلام عن الموضوع ده. لان اصلا صاحب الشأن مايستاهليش. بس الواحد اتخنق
من بعض المدونين والمدونات اللى عملوا من حجازى شهيد الدين والتدين وما هو الاصعلوك يغوى الشهره. لانه لو بجد عاوز يغير دينه فقط .كان حاول فى هدوء من غير تليفزيون وصحافه

6 Comment:

الجحيم said...

رافتلوجيا

من رايى ان اولا بوستك صغير الحجم محمل بمعا نى عميقه بحا جه الى دراسه من عدة محا ور رئيسيه
الا وهى
انا اؤيدك والعديدون من المسلمين ان حجازى حر لان الله سبحا نه وتعالى قا ل فمن شا ء ء فليؤمن ومن شا ء فليكفر
هذه بدايه
ولكن لى خلا ف معك ياصديق
......................

لماذا نحن المطالبون بهذا التسا مح دون غيرنا اقصد مسيحيو مصر

من هو المهيج الان يا صديق؟

من هو الذى يتحدى مشاعر المسلمين

لماذا لم يقوم المسلمين بعمل مثل ما فعلوا فى ازمة وفاء قسطنطين وما ريه واختها مع علم الجميع باسلا مهم!
من يقوم بالتشنج الان هم المسيحيون يا صديق
اللى هرونا كلا م عن الاضطهاد
لماذا لم يقوم المسلمين وشيخ الازهر بالاعتكاف والهر تله اللى هم عملوها فى ازمات مشا بهه
انها اللعب ع الحبال يا صديق والمتاجره بمصر والدفع الى التازيم

من الطائفى الان يا صديق
؟
من الذى يستفز مشا عر الاخر؟

من هو الذى لا يملك التسا مح؟

من هو الذى يعتقد محمد حجا زى ان مصر كلها تتجه للنصرنه؟

اين؟
اين؟


اعزائى المسيحيون...............
كفاكم هرتله وادعاءات الاضهاد

نحن من يضطهد فى مصر
وانتم المستقون بالخارج

ارحمونا من كلا مكم المقيت
ودندنتكم المفرغه
..................
اختم بكلمة الصديقه شهروزه
...................
بالفعل فى مصر

عاش الهلا ل تحت اقدا م الصليب
................

هكذا ير يدون

وهكذا الواقع

سلا م يا صديق

Raafatology said...

يا محمد
موضوع حجازى زى انا ما قولت موضوع فاشل لان حجازى ده غاوى شهره وخلاص..ويارب يحل بأه عن قفانا ويروح يكتب فى بطاقته اللى هو عاوزه لان زى ما احنا كلنا متفقين ان اسلام حجازى او كفره مش هيزود او ينقص منا فى شئ
..............................

بالنسبه بأه للاضطهاد والهرتله التانيه دى وبما انى اعيش هنا فى امريكا..فاحب اقولك ان خلاص ما حدش بأه يسمع للكلام الفاضى ده...منير مايكل هنا قاعد يهوهو ويلم فى فلوس من جماعات محليه ويعدهم على قلبه ولا هو دارى باقباط مصر ولا غيره.فموضوع الاضطهاد اللى هم مفكرين انه عصايه ضغط على الحكومه ليس له اساس ولا قوه من اساسه
الحكومه الامريكيه يهمها فى المقام الاول وجود حكومه مصريه قويه معتدله..وبناء عليه الحكومه الامريكيه لا تبالى بموضوع الاضطهاد والكلام الفاضى ده

..................................

زى ما قلت لك قبل كده فى موضوع قسطنطين والناس دى..يغوروا فى ستين داهيه يامان والله ما احنا محتاجينهم والدين قائم قائم

ولذلك لازم احنا يكون عندنا التسامح ولا نسمع لكلمات العبط من المدونين والمدونات اياهم اللى قاعدين ينادوا وينددوا باضطهاد الاقباط وماهم الا بمنافقين يتاجرون بالكلمات وعند حدوث الحرب هتلقيهم نسوان يجروا ويفروا فى الجحور ويبقوا يدورا على منير مايكل

مجهول said...

لانه لو بجد عاوز يغير دينه فقط .كان حاول فى هدوء من غير تليفزيون وصحافه

الله ينور عليك يا رأفتلوجيا
جبت المفيد
...........
حجازي حجازي حجازي حجازي

بقيت بنام واصحي وفي كل مصيبة بيتكلموا عنه
هوه كان ابوتريكة يعني

رغم اني زملكاوي علي فكرة
هههههههههه

الواد عايز يبقا مسيحي معنديش اي مانع لا حيضر الاسلام في حاجة ولا حيزود المسيحية برضه
هوه حر ليه بقا بيعمل دوشة
اقولك يا استاذي

شهرة ونغنغة وفلوس وفضائيات وصحف
دنيا تانيه يا عم الحج
غير كده اهوه حيخدم جهات تانيه عايز الدنيا تخرب والمسلمين والمسيحييين يمسكوا في بعض ... ماهوه ده المدخل اللي ممكن اي حد يلعب عليه

واهو قدر حجازي ده يلعب بمشاعر مسلمين ومسيحين وكانت البلد حتولع تاني
...........
المحامي بتاعه اساسا شوف قال عليه ايه ولا وهوه بيتكلم
انسان مشتت تقريبا حس ان اللعبة كبرت وخرجت من ايده
................
نتكلم شوية جد بأه

الي متي ستظل اي مشكلة شخصية بسيطة يمكن حلها في هدوء تتحول دوما لمشكلة كبيرة تضر بوحدة المجتمع المصري

يعني
قضية زي بتاعت اندرو واخوه ده وقضية حجازي وغيرها وغيرها اول ما تطلع للنور يتكهرب الجو كأنها مصيبة وحلت علي البلد

التضخيم عندنا في البلد ممكن يودي في داهيه اكتر من اي مشكلة تانيه

صحف صفرا واهي سبوبة ورزق وجالها
برامج عايزة تكسب مشاهدين
مواقع ومدونات عايزة تعمل هيصة
وجمعيات اهلية ومدنية ميطلعش صوتها غير في المصايب اللي زي دي

ماحقوق المواطن بتنتهك كل يوم ميت مليون مرة انما ده كلام ملهومش دعوة بيه .. يخلوهم في الحاجات اللي تجيب شهرة

بقت حاجة تجيب الضغط
................
جبتلي الضغط يا رأفتولوجي
ياريت مكنش طولت عليك
علي فكرة كنت عايز اكتب حول الموضوع ده بس خلاص اتخنقت زيك بالظبط والله

سلام يا صديقي

Raafatology said...

صديقى مجهول
اعتقد ان مشكلنا كمصرينن هى عدم الاقتناع بان الاخرين لهم الحق فى الاختيار يعنى اللى مش زينا بيكون شاذ.

برغم اختلافى مع حجازى والطريقه اللى حب يغير بيها دينه الا انه حقه.. لان الدين علاقه بينه وبين ربه. المهم لو كان هو فعلا صادق انه يكون مسيحى كان عامل الفيلم ده كله ف الخفاء بعيدا عن عيون الكاميرات واقلام الصحافه الصفرا زى انت ماقولت. لكن الظاهر ان احنا هنفضل كده صفاره تلمنا وكرباج يفرقنا

وبعدين خلينى اسأل سؤال
هو كلمه مسيحى او مسلم فى البطاقه هتزود ولا تنقص ايه؟؟
الدين والايمان فى القلب وليس فى البطاقه

بحلم said...

يا جماعة أنا رأيي بمنتهي الصراحة..احنا مجتمع لا يطبق الحدود
اذن مفيش أي وسيلة تجدي نفعا مع هذا الرجل وأمثاله..بمنتهي البساطة، هو بقلبه مسيحي؛خلاص..مع الف سلامة
وفيه زيه كمان مسيحيين بيعتنقوا الاسلام..أوك..ايه الأزمة..أنا رأيي الموضوع مش ناقص فتن وزعابيب كل دقيقة والتانية..الدين أمتن وأعمق من أن يؤثر فيه شخص واحد،او مجموعة اشخاص..أو حتي ظاهرة كما ان البنيان بتاع الشعب دة-ودة اللي لازم نؤمن بيه بجد-محتاج اننا نتسامح أكتر ف الناحية دي، طالما صار الدين شيء بين العبد وربه،ولم يعد لولي الأمر -أو أنه تخلي عن-حق اقامة الحد،اذن فالأسلم أن نقول للمسيحيين..خدوا كوووول اللي عاوزينهم واتبعوكم..وسيبولنا كوووول اللي عاوزيننا واعتنقوا ديننا..من غير مشاكل ولا وجع قلب ولا فتن
شكرا يا رأفت علي البوست المكثف

Raafatology said...

بحلم
الموضوع بسيط وكلنا متفقين الا قليل من الناس اللى بيحبوا يسخنوا الامور من غير داعى..ولو العمليه قلبت لجد..هتلاقى المنافقين دول اول من يهرب ويولى الادبار
====
حجازى عاوز يبقى مسيحى..خلاص روح
والله لو على انا ..اروح ابنى له كنيسه هو ومراته بس يحلو عن قفانا