Wednesday, August 15, 2007

ورده حمرا وسوسنه

بيحبوا بعض وعندهم
ضيّع غرامهم فى الهوى
قاعدين بيبكوا ع اللى عدى
ولحظه حلوه قضوها سوى
=
قاعد بيقرى كل كلمه كتبها ليها
قاعده حزينه والدموع ملين عينها
=
متأكده .. انه حبيبها
وحبه ليها ملهوش حد
متأكده.. رغم الدموع اللى فى عنيها
انهم راجعين لبعض
=
بكره هياخد ورده حمرا وسوسنه
أصل فى غيابها قلبه ما شفش الهنا
=
هيضمها ويبوس جبينها وسُمرته
هيقولها هى حبيبته ودنيته
=
ولانهم بيحبوا بعض
هيصلحوا بعض
ولانهم ملهموش حاجه الا بعض
هيصلحوا بعض
********
من اللى فات
نيويورك-فبراير 2007

16 Comment:

الجحيم said...

خلصت فيك كل الكلام


عا رف ياض


دخلت امبا رح طول اليل على الر افتانى الغنائى وطو ل الليل عايش مع كلامك والاغنيه دى بالذات وبتاعة جواب

وكل اللى انت كاتبه


بجد ربنا يحميك


ويوفقك

صدقنى هيجى يوم الناس كلها تتكلم عنك

ولا اقولك كفايه عليك العبد لله
بدل ماتنسانا لما تبقى مشهور
ههههههههههههههه
تحياتى ياصديق
يالهوىىىى
ع الروعه
اصلى قريتها تانى
ههههههههههههههه

تحياتى

Raafatology said...

يا عم محمد
هتنفخ فى اكثر من كده ايه بس ياعم ..ربنا يخليك كده وما يحرمنى منك

انت عارف الاغنيه دى خاصه قوووى يامان..جات كده من ريحه الحبايب
ههههههه
الله يخليك ياعم انت دايما جابر بخاطرى كده

tota said...

رافت
يااااه هى كانت مزعلاك كده

اظن كلمة واحدة من الكلمات المكتوبة دى تصالح اى حد فى الدنيا ما بالك بالرقة دى هتعمل ايه

ربنا يحميك ويحلى ايامك ويبعد الزعل والحزن عنها
تحياتى

الجحيم said...

ياصورك يامان



ههههههههههههههههههههه


يا مولعه ياباشا

والله يابنى الباشا باشا

هههههههههههههههههههههههههههههه

تحيا تى

Raafatology said...

توتا
هى مين دى اللى تقدر تزعلنى
هههههههههههههههههههههههه
حشريه بشكل
ههههه
انتيم بأه..قدر
ربنا يخليكى ويخلى لى دعاكى الجميل ده يارب دايما ما يحرمنى منك
---------------------

Raafatology said...

الجحيم
وللاه يا محمد
ما تجيش هنا تانى يالا
هههههههه
انت قاعد لى كده
سخن فى انت وخلاص

فريدة... said...

جميلة يارأفت

صفية وطيبه دى الى تركته هذه الكلمات داخلى من اثر

شكرا حقيقي جميلة وصدقة يا فنان

بحلم said...
This comment has been removed by the author.
بحلم said...

الأغنية مليانة احساس،بجد بحييك
بس فيه بعض الهنات لقطتها ودني-الغير مختصة-واعتقدت ان تعديلها سهل جدا
زي مثلا"وحبه ليها ملهوش حد
سهل جدا تتحول ل" وحبه ليها ملهش حد"وكلها اشياء من هذا القبيل

جميلة ومؤثرة هي كلماتك
اتمني الا تتوقف

Raafatology said...

فريده
ازيك
الحمد لله انك حبيتها
ربنا يكرمك ويفرحك دايما
--------------------------------
بنحلم
انا مش عارف انت قصدك ايه
ملوهش وملهش هيتنطقو زى بعض لما تحطى على الهاء ضمه فى ملهش

وبما انى اسكندرانى واعتز جدا بلهجتى الاسكندرانيه..اعتقد ان احنا بنقولوا ملهوش مش زيكم انتم يا ساكنى قاهره المعز

انت عارفه..اى اغنيه عندى عامله زى الضنا..مااقدرش اغير فيها حرف ولا كلمه

لو انتى خلفتى ولد او بنت لون عينهم اخضر.ينفع ترجعيه وتقولى انا عاوزه لون عنيه ازرق مثلا؟؟
ده الحال مع كل شئ اكتبه..كل اغنيه عامله زى الابن والبنت.عمرى ما اغير فيها حرف

تحياتى على زيارتك

alzaher said...

بدأت لتوي بإنشاء مدونة جديدة باللغة الإنجليزية
http://meansnecessary.blogspot.com
أرجو زيارتها وإبداء الرأي فيها

حـنــين said...

قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

Iskanderani said...

مساء الفل ياسيدي العزيز ؛

كلام جميل ..كلام معقول ..ما أقدرش أقول حاجة عنه...واللي يحب ما كرهش ياسيدي مهما كان الخصام ...وربنا يوفق
تحيات إسكندارني في بلاد الله الواسعة
دور واحد مُنادي في الشوارع يدور علي الرأفتلوجي في كل مكان

دولة خرابستان العظمى said...

عسل طول عمرك عسل انا متابعك من زماااااااااااان

Raafatology said...

الازهر
مبروك

حنين
الدعوات والندوات ملهاش لازمه..اللى ليه حق ضايع ياخده بايده مش يستنى لما الغرب يجتمع
الناس دى لازم تصالح وتصارح بعض الاول علشان ربنا يكرمهم وياخدو حقهم
ربنا يقويكى للخير اللى انت بتعمليه

استاذ ممدوح
بعت لك ايميل
ربنا يخليك

دوله خربستان
ربنا يكرمك

ŠĤŘξשּׂŜθũĽ said...

:)))) Warda 7amra for you for this lovely poem