Tuesday, October 16, 2007

يارب البحر ينشف

يارب
بقدرتك ياقادر
تنشف بحر اسكندريه وتخليه صحراء جرداء لازرع فيها ولاماع
علشان ترحمنا من الدخلاء اللى بيحتلوا البلد كل صيف وبيملوا كل رصيف
دول دلوقتى اتعلموا يحبوا البحر فى الشتا زينا
يعنى لا طايلنها صيف ولا شتى
انك على كل شئ قدير
االهم آمين

8 Comment:

Nani said...

السلام عليكم
كل سنة وانت طيب
متشكرة على الزيارة
بس ليه يا بني تدعي كده ده في ناس رزقها بالبحر والسياح
طب مش احسن انك تدعي ربنا يوسعها وتكون للكل جميلة وحلوة
انا بحب الشتا اوي وبموت في البحر يعني مجيش اسكندرية
:)

simple girl.. ..simple dream said...

انت بخيل ولا ايه ؟! دة احنا ضيوفك
بدل ما توجب معانا باكلة سمك معتبرة بتدعى ان ربنا ينشف بحره
انا بتهيألى حتى لو اسكندرية بئت من غير بحر برضه هتفضل احلى مكان فى الدنيا وبرضه هافضل اروحلها
انا بصراحة ادمنتها وعشقتها

HafSSa said...

توف من بوقك يا راجل
حرام عليك
اعوذ بالله
يعني هيا يا اطخه يا اكسر مخه
مينفعش تعملوا حاجة تانية تخلينا نستمتع كلنا بالشط
طب ربنا حاباكوا ببحر تحفة زي ده نعمل احنا ايه بقى؟؟؟
توف من بقك يا خويا

hamasat said...

الرافتاني
الحقيقة دي اول مرة ازور فيها مدونتك اللطيفة دي والحقيقة كمان عجبتني جدا جدا خصوصا انتقاداتك البناءة لبلدنا الحبيب ومرافقها في الخارج اللي عمرها ما سترت معانالا في دول عربية ولا اجنبيه
اما ما دكرته عن قنصليتنا الحبيبه هنا في اميركا فحدث ولا حرج خصوصا ادا كنت قادم مخصوص من ولايه اخري لقضاء مصلحة معينه فعليك سلام الله
تحياتي لكل المغتربين

رأفــــتلــوجيــا الأغــانى للرأفتانى said...

نانى
سياح ايه بس يا نانى؟ ابقى تعالى فى الصيف كنت وانت تولعى فى نفسك
------------------------------
simple girl
والله ما بخل بس هى خنقه
حتى واحد صاحبى مخنوق زى كده قال..ايه رأيك فى نظام الفيزا؟ يعنى اللى يزور اسكندريه لازم ياخد فيزا
ههههههههههههه
----------------------------
حفصـــــه
انت معاكى اقامه
مش ليكى قرايب هناك
هههههههه
--------------------------------
همســـــات
شاكر زيارتك وكلامتك المشجعه
شاكلك اتلدعتى من السفاره بتاعتنا زى حلاتى
ربنا يهديهم

ياسر شمس الدين said...

هههههههههههههههههههههههههههههههههههههههههههههههههههههههههههههههه
حرام عليك يا رافتانى
طيب لما الواحد يعد على جوهرة ستانلى
هيبص على ايه
ولا لما نعد على دوار جحا هنشوف ايه ولا كافيه نابولى لو تعرفة تبقى اسكندرانى صايع
وبعدين الناس اللى بتيجى من بره بيطروا الدنيا عندنا يا رافتانى فية حاجات جامده بتيجى وبعدين انت هتنشفها علينا ليه يا حاج
يا رب ما تسمعش كلامة
يا رب ما تنشفش البحر بتاع اسكندريه ولا تجبلنا تسونامى
وسموحة تحى كل اسكندرانى جدع يا معلم رافتانى يا جامد اوى

رأفــــتلــوجيــا الرأفتـــانى said...

ولاااااه يا ياسر
الله يخرب بيتك
دوار جحا
ههههههه
ايوووه
انت رجعتنى لايام زفت
ايام الفقر
ههههههه
كافيه نابولى
طاب ايه رايك فى النادى اليونانى
بس اتغير ورواده اصبحوا من اللى بالى بالك
يعنى سموحه
يعنى غيط العنب
يعنى جبل نعسه
يعنى كرموز
يعنى مينا البصل
ورمانسيه لوران

Iskanderani said...

رأفتــلوجيــا الأغــانى للرأفتـانى مساء الخير ياأستاذنا
وعزيزي الصديق رأفت

وكمان عايز تنشف البحر في إسكندرية قبل ماشوفه؛ حرام عليك ده أخوك العبد لله مافهوش من أكثر من ثمناني سنوات ونفسي اتمشي عليه مرة تانية؛ أنا حاضم صوتي لصوت الاستاذ ياسر السموحي وأقول ربنا مايسمعش طلبك وتشرب قهوتك في دوار جحا عقابا لك

تحيات إسكندراني في بلاد الله الواسعة