Tuesday, April 15, 2008

نجيب محفوظ بالدولار

فى أخر زياره لى لمصر اهدتنى اعز الاصدقاء مجموعه كتب لنجيب محفوظ بعد ان شكوت لها اننى قد قرأت معظم كتب نجيب محفوظ بالانجليزيه ولم اقرأ اى كتاب له بالعربيه. قرأت اول كتاب وشعرت بالفرق بين كتابه نجيب محفوظ بالعربيه وبين ماقرأته بالانجليزيه ووجدت نفسى االتهم كتابا تلو الاخر وقبل ان انتهى من قراءه آخر كتاب ذهبت لمكتب الاهرام فى نيويورك لشراء مزيد من كتب نجيب محفوظ باللغه العربيه. ودخلت المكتب المعود .قضيت به اكثر من ساعتين واختارت العديد من الكتب. وعند ذهابى لدفع ثمن الكتب وجدت ان مجموع اسعار الكتب وصل حوالى اكثر من 300 دولار. تعجبت ومسكت احد الكتب ووجدت ان سعر اغلى كتاب فى الكتب كان عشره جنيهات!!! فسألت الموظفه كيف وصل السعر ل 300 وان معظم اسعار الكتب ما بين خمسه الى عشره جنيهات فقالت لى فرق الشحن وفرق العمله!!!! وضربت كفا على كف وقلت لها ان فارق العمله المفروض يكون لصالح الدولار وليس العكس فلم ترد على باجابه مقنعه
دفعت ثمن الكتب وخرجت من المكتب اسب الدين لنجيب محفوظ ولاولاد حارتنا ولللاهرام والاخبار والجمهوريه واليوم اللى اتعلمت فيه القراء والكتابه و العن صديقتى التى قدمت لى نجيب باللغه العربيه فقد كنت راضيا سعيدا بما اقرأ من كتب بالانجليزيه

6 Comment:

الجحيم هو الحقيقه said...

ههههههههههههههههه

وماله الانجليزى يا مان وبعدين فعلا من حقك دا انا اشتريت المجموعه كلها من بتاوع الروببكيا والكتب القديمه كتاب كتاب وفوقيهم هديه بعشرين جنى
ههههههههههههههههه
اشربهم باه يا مان
هههههههههه

رأفــــتلــوجيــا الرأفتـــانى said...

محمد
اشربها..ههههههههه
هو ده اللى ربنا قدرك عليه
وصلتنى معلومه ان بال300 ممكن ادخل شريك فى صور الازبكيه
منك لله

albida said...

ههههههههههههههه

يا بنى فيه حد يشترى كتب عربى من بلاد الفرنجة؟!! أنت بس كنت تقولى وأنا أجبلك نجيب محفوظ شخصيا بال 300 دولار دول!... ثانيا لو الموضوع مزنق معاك خالص كتب الراجل ملطوعة أون لاين فى كل حته

بس أنت معاك حق.. لو عايز تقرأ عمل أدبى متقرهوش الا فى لغته اللى أتكتبت بيه.. حتى لو كان مكتوب بالموزمبيقى!

رأفــــتلــوجيــا الرأفتـــانى said...

منال
اضحكى براحتك ياختى..الواحد ما بتعملش ببلاش..واهى توبه خلاص اروح مكتب الاهرام ولاالاخبار
بس فعلا..قراءه اى كاتب او ادب بتكون افضل بتكثر لما تكون باللغه الاصليه للكاتب..الترجمه بتكون مختلفه تماما

Rodger L. Grammer said...

Lovely post

Dale L. Thurman said...

في هذا العالم الحديث، هناك تغييرات جذرية في كل مجال لجعل الأمور سهلة للشعب. وفي هذا الصدد لا يوجد استثناء لمخازن الكتب. أجد موقعا جيدا جدا ل كيفية كتابة السيرة الذاتية للتوظيف، إذا كنت تريد أن تتمكن من زيارة هذا الموقع.