Monday, December 22, 2008

دار الحبايب

دار الحبايب نورها طافى
واهلها هجروا المكان

اخدوا معاهم قلب دافى
وضحكه صافيه من زمان

وردالجنينه ضاع
عبيره وبهجته

والبلبل الفرحان سكت
والحزن اصبح سلوته

وقلب مشتاق من سنه
تاه عن سبيله وسكته

يوماتى اعدى من هنا
وحنينى لسه بيفتكركم
هتعودا امتى لحينا

ولا الجنينه ووردها هيروح لغيركم
عالم بحالنا ربنا
يردكم سالمين لداركم
نيويورك - نوفمبر 2008

7 comments:

انحلت سيور العربه وسقط المهر من الاعياء said...

السلام عليكم

ان شاء الله يا رافت الجنينه وردها هيفضلوا لاحبابك وكل شىء هيعود اليك جايب معاه كل العبير وكل بهجه تدخل لقلبك النضيف وتفرحه

سلام يا صحبى

Raafatology®الأغانى للرأفتانى said...

محمد
عامل ايه يامان
ليك وحشه
ربنا يخليك
كل سنه وانت طيب

Anonymous said...

You wrote this ?
it is beautiful :)
Nostalgic ??

but my favorites are the two lines on the header of your blog..I read them every time I visit your page and every time I smile :)

Raafatology®الأغانى للرأفتانى said...

Noura
yes, I did write it
I am glad you like and I am happy that you smile every time you come here.

I am always delighted when I see your comment.

happy new year

Iskanderani said...

مساء الخير أستاذ رأفت ؛

كل عام وأنت بخير وصحة وسعادة وكل عام وانت بصحة وخير

تحيات إسكندراني في بلاد الله الوسعة

Raafatology®الأغانى للرأفتانى said...

استاذ ممدوح
كل سنه وانت طيب وبخير
ويارب 2009 تكون احسن من 2008
تحياتى
وشاكر تواصلك يا استاذى الفاضل

Unknown said...

اثناء القراءه خيل الي اني استمع الى اغنية الرائع وديع الصافي
دار يا دار يا دار
يا دار قوليلي يا دار
راحوا فين حبايب الدار
فين فين ؟؟؟
قولي يا دار
بجد جامده اوي يا استاذ رأفت واحساسهاعالى
الحنين اللي فيها عذب جدا
والالم المستخبي بين الكلام
بيوصف مدى الحزن المرار اللي سايبه الفراق جواك
بس الجميل ان لسه في امل او حتى طيف امل