غزه والجزمه

تذكرت الاحتفالات بيوم الجزمه العالمى وتذكرت كلمات المدح لللبطل- الذى لا اذكر اسمه- الذى قذف جزمته فى وجه بوش اللعين . تذكرت هذا وانا اتصفح وجوه اطفال غزه وتذكرت
كيف اعادت الجزمه الكرامه العربيه الضائعه وكيف ان الجزمه حررت العراق والقدس وجميع البلاد العربيه من ظلم حكامها تذكرت كل هذا فى يوم الجزمه. اقتنعت تماما اننا ليس فى حاجه الى جيش قوى وسلاح متطور او ومنظمه اعلاميه تعادل ما يمتكله العدو الصهيونى . كل الذى نحتاجه هو جزمه

وانا اتطلع وجوه شهداء غزه كتبت مطلع اغنيه لن اكملها حيث انى لا اعرف النهايه بعد


هى هتيجى عليكى يا غزه
قبلك ضاعت منا النخوه وتاهت العزه

9 comments:

Mohamed Shedou محمد شدو said...

أكمل معاك حتة في القصيدة ليه لأ

كل حاجة ما لهاش لازمة
إلا اننا نحدف جزمة
في وش اسرائيل وفي وش بوش
ووش كل اللي العروبة ما يحبوش

من الطريف أن الجزمة التي هي أحقر الأشياء أصبحت هي مصدر فخر العرب وكرامتهم
:)

الأغاني للرأفتاني said...

تخيل يا محمد؟
الجزمه اصبحت شئ مهم . الحدث نفسه اصبح اهم من اشياء كتيره
ولو بصيت لاى منفعه ملموسه بعد موضوع الجزمه مش هتلاقى
والشئ المضحك زى ما انت عارف ان ما تضرب واحد بالجزمه واتحدفها عليه هنا فى امريكا مش عيب زى عندنا لكن بيكون شئ مضحك

الجزمه شئ بسيط من اشياء عديده احنا رضينا بيها بدل المقاومه الحقيقيه

المهم انت عامل ايه يا صديق
امتى هتيجى نيويورك ان شاء الله

Mohamed Shedou محمد شدو said...

يا سيدي انا نقلت شيكاغو خلاص في ظروف غريبة شوية ويبدو انها ارادة ربنا
انت جيت شيكاغو قبل كده؟
هبقى احاول اكلمك في الويك اند شاء الله

الأغاني للرأفتاني said...

شيكاغو
الله يقويك يا عم
انا روحت شيكاغوا كتير
الله يكون فى عونك فى البرد ده
يعنى احنا بنشتكى من نيويورك
شيكاغو العن

ربنا يصلح لك الحال يا محمد

Anonymous said...

May Allah put an end to this suffering..It feels like a nightmare!!

^ H@fSS@^ said...

مدونة خالد اختفت فين يا زعيم؟
جيت افتح علهيا لقيتها مش موجودة
لحق يزهق؟

الأغاني للرأفتاني said...

حفصه
خالد غير عنوان المدونه بس
http://al-iskandarani.blogspot.com/
انتى عامله ايه

^ H@fSS@^ said...

شكرا يا رافتاني
انا عاملة عجة
تاخد؟

الأغاني للرأفتاني said...

لا يا اختى
انا لسه جاى من مصر
وطفحت فول وفلافل وعجه
بالهنا