Tuesday, March 10, 2009

مجــدى كُـــــسبر

مجدى كُسبر كان لحّــام حديد .. مدخن وحشاش من الطراز الاول. فى اول يوم رمضان ذهب مجدى الى الحلاق علشان يحلق راسه وذقنه . فرصه ان يضيع نهار اول يوم رمضان فى الحلاقه

جلس مجدى على الكرسى وبدأ الحلاق فى مهامه. وبما انه اول يوم رمضان زاد الحلاق من النزعه الدنييه حبيتين وضع الفوطه على مجدى وبدأ الحلاق قائلا مع كل قصه مقص

بسم الله .. الله اكبر .. يا مسهل يارب

لا حول ولا قوه الا بالله

يا فتاح يا عليم .. اللهم بلغنا رمضان

اعوذ بالله .. اعوذ بالله .. اعوذ بالله

استر يا رب .. سلم يارب سلم

وهب مجدى من على الكرسى ثائرا وخلع الفوطه من عليه قائلا للحلاق

ايه يا عم فى ايه وانت بتحلق للشيطان!!!!!!!! وسب الدين للحلاق ومشى مقتنعا ان لا يخرج من بيته فى نهار رمضان

4 Comment:

Anonymous said...

ايه يا رأفت مرة الاخ الي نام 3 ايام ودلوقت المحشش
ناوي علي اية يا جميل

هاهاها

لك وحشة والله

اختك نهي

® الأغانى للرأفتــــانى said...

نهى
هو الناس اللى اعرفها كده
حظى
ههههه

rema_almoraly said...

الله عليك يا استاذ رأفت
كل واحد فينا يعرف مجدي كسبر دا
مش يعرفه شخصيا بس اكيد في عندنا شخص تنطبق عليه نفس المواصفات بتاعت الشخصيه دي
مجدي كسبر مش شخص محدد دا ملامح شخصيه موجوده وعايشه بينا
اجمل حاجه فيك انك شايفنا اوي وعارف الشعب دا شخص شخص
والله وحشتني
وكمان وحشت اسكندريه
وبعتذر على الغيبه الطويله بس انت عارف الجواز بقى
:)

® الأغانى للرأفتــــانى said...

ريما
الف مبروك يا ستى
مبروك لخالد كمان
ربنا يبارك لكم ويرزقكم