Wednesday, April 01, 2009

الاكل .. هو سبب كل المشاكل

اتضح ان الاكل هو سبب كل مشاكل الانسان العصرى . واحسن شعور للبنى آدم وهو جائع . وان العقل بيعمل فى احسن حالته لما البطن بتكون شبه فاضيه

فى الايام الخوالى لما الانسان كان بياكل من ورق الشجر والخضار والمكسرات كان الانسان فى احسن صحه وعندما تطورنا وانفتحنا على التقليه والزيت والسمنه البلدى والسكر والمسبك والملبك بدأنا نشوف الضغط والسكر والكليسترول وامراض القلب وغيرها واصيب العقل بحالات غيبوبه فجائيه

ومع تنوع انواع الفول تنوعت اشكال غياب العقل والفكر فمع الفول ابو زيت حار توجد الغيبوبه والتتنيح المؤقت . الفول ابو طحينه وتوم وصلصله يوجد توهان وشبه فقدان للذاكره. درجه نظافه زيت الفلال مرتبطه ارتباط وثيق بعمل خلايا الذكاء فى المخ

وقس على ذلك الكوارع ولحمه الراس والممبار وغيرها من الاكلات التى لها صله ورد فعل دائم مع العقل والذاكره والتتنيح بكافه درجاته

البيت المصرى عامه بيت كريم فنحن من الشعوب القلائل اللى بتقدم المكرونه والبطاطس والارز والعيش مع بعض فى وجبه واحده برغم ان فايدتها الغذائيه واحده

وبعد الاكل بنحلى وبعد الحلوى بناكل فاكهه وبعد الفاكهه بنشرب حاجه ساقعه وبعدها شاى يا قهوه. ومع الشاى والقهوه يا سيجاره يا معسل . وبعد السجاير والمعسل ممكن شويه لب او سودانى

لو واحد اجنبى صديق لك عزمك فى بيته مثلا وسألك تشرب ايه وانت قولت له ماء بس. عادى جدا هيجيب لك الماء وهيعرف انه مشروبك المفضل

لكن لو كان اللى عازمك مصرى وقولت هاشرب ماء بس. هيموت على نفسه من الضحك و هيفتكرك بتشتغله . فلابد ان تأكل اى حاجه وتشرب اى حاجه

واتذكر مره عزمت صديق اجنبى فى البيت والوالده كانت طابخه اكل يكفى محافظه اسكندريه والبحيره مع بعض. وجلسنا على المائده وراحت الوالده مقدمه لصاحبى طاجن ارز معمر اقسم بالله يوكل عيله " وقالت له : ده منابك لازم تخلصه"

صديقى كان هيموت مش من الاكل لكن من منظر الطاجن

20 Comment:

Noura said...

lool
that is so true. If you ask my mom for water, she thinks that you are sick or something and bombard with ton of questions about your health and her advice is "you have to eat" :D eating is the best remedy !!

Anonymous said...

well raafat i cant work if my mouth is empty .. to do my job right i must eat or drink :D or no work will be done
thats why i have gained 17 kg in 2 years :D since i started working in office

miss u dear bro
and miss mombar we fata we kaware3
( takol sandawitch morta???)

nohaz

lozah said...

Ya Raafat that is so true! My aunt has developed a brilliant system for fitting ferakh, kofta, la7ma, macarona 3adeya, macarona belbashamel, roz abyad, roz belkhalta, khodar matbookh, and salata all on one plate!

Mesh 3arfa bete3melha ezay...

® الأغانى للرأفتــــانى said...

Noura
I think your mom is like all moms. she thinks eating is health!!!


Nohaz

17 Kg in 2 years!!! what do you eat? never eat Kaware3 in my life and I will never do


Lozah

that's what I am saying; we offer 10 kinds of food at once. even though, one of them is more than enough

karam Ba2ah

Anonymous said...

i eat sandwitch morta , i eat i cake ( gatouh ) or om ali .. if they make order i take 2 .. sometimes i add to this 1/4 coctail of basbosa and konafa with cream
at mornining i used to eat fool
and when i get home
i eat at launch then before dinner then dinner and then i sleep
so u have 5 meals for me daily

say allah akbar honey :p
for evil eye not u

nohaz ur sis

ملكة بحجابى said...

هو ليه كل الناس معلقة بالانجليش
طب مااحنا بنعرفو لغات انجليش وفرينش كمان
ماشى
مااااعالينا
انا بالعربى الفصيح
اعجبت بسطورك فى اكتر من توبيك اللى هو موضوع بالبلوج ده
هجيلك تانى قريب اووووى وهيسعدنى تشرب معايا نسكافيه او قهوة لو تحب على شرف سطور مدونتى
والعزومة دى مش لاى حد
هههههههههه
يالله تقبل مرورى
بالانجليش بئى عشان نفسويات الناس اللى معبرالك ماتتأثرش ومااحسش بفوارق طبقيه
Please kindly accept my little words as a little smile on your blog>> itis amazing

C'est tres bien

® الأغانى للرأفتــــانى said...

نهــاز
اللى يسمعك كده ما يشوفكيش وانت عامله زى العصفوره

كلى يا اختى بالهنا


ملكه بحجابى
التعليقات بالانجليش لان
lozah
العربى بتاعها تعبان اسألينى انا. فانا عاذرها
اما نهاز فهى كسلانه تكتب عربى ولو تلاحظى انها بتعلق باسم مجهول مع ان عندها اكثر من بلوج بس زى ما قولت لك انها كسوله شويه

المهم انا شاكر كلماتك ودعوتك الكريمه على الشاى
بس انا رحت هناك ولا لقيت شاى ولا اى حاجه
ههه

lozah said...

LOL, eih ya Raafat el fadaye7 deh? Matsada2ehoosh ya Malika, el moshkela bas fel typing el 3araby le2eny batee2a bot2 al-feel.

We ba3dein e7na sha3b multilingual betab3oh! Mesh lama tela2y el mekaneeky bey2olek "merci" yeb2a dah sha3b multilingual wala ana ghaltana? :D

ملكة بحجابى said...

والله يافندم الشاى كان موجود
وفضلنا مستنينك لحد ما الشاى برد
هقوم اعمل واحد كمان
ايه الناس اللى بتتأخر على ماعيدها دى؟؟

وبعدين يا لوزه
انتى مش غلطانة يا حبيبتى
تؤتؤ
العتب عالنظر
اصل انا بكتب انجليش وفرانكو أراب بس حسيت انى حبه نقول للراجل المتغرب ده بلغه ولهجة اهل بلدة
وحشتنـــــــــــــا
بس

Anonymous said...

rofa
my clothes doesnt fit me anymore :( i eat like a donkey too much choclate
pray for me i lose some wieght

take this link dear http://3arabtv.com/3arabtv/series/type/11P4/index.html
hope u r doing okay and wish to see u soon isa

noha

Anonymous said...

http://3arabtv.com/3arabtv/series/type/11P4/index.html

Anonymous said...

http://3arabtv.com/3arabtv/series/type/11P4/index.html

® الأغانى للرأفتــــانى said...

لوزه
العربى بتاعك تعبان مش عيب.. دى اصبحت موضه دلوقت
هههههههه

ملكه
والله لا كان فى شاى ولا غيره
والبلوج بتاعك راكبه ميت عفريت

نهاز
الله ينتقم منك ع اللينكات اللى انت بتبعتيها دى

Anonymous said...

ليه بس يا روفا
ده بحاول افكرك بمصر

Iskanderani said...

مساء الفل يا أستاذ رأفت ؛

والله موتني من الضحك ؛ تعرف أنا نازل إسكندريه كمان كام إسبوع علي أول مايو وكل مخافي من العزومات اللي كل الناس بعدها بتزعل مني علشان ماباكلش زي ماهم عاوزين - علي نظام الحاجة عندكم ؛ "ده بقي نصيبك ومنالبك واللي ياكله غيرك ....ألخ."- يعني رببنا يستر ويعدوا العشرة أيام علي خير أشوف فيهم الناس وإسكندرية بدون مهضم وفوار لانهم بينسوا إن أنا عشت خارج مصر أكثر مما عشته في مصر وطباع ألأكل تغيرت طبعا ... يعني كرمي فعلا كوب من الماء وشكراًَ ... خوفتني يارأفت ...أعمل فيك أيه دلوقتي...؟؟أصوت ولا أروح أرجع التذكرة لشركة الطيران؟
دمت بالسعادة والعافية

تحيات إسكندراني في بلاد الله الواسعة
ممدوح

® الأغانى للرأفتــــانى said...

استاذ ممدوح
ما انت عارف اللعبه يا استاذ
خد معاك الفوار المحترم وربنا معاك
هو كرم زياده عن اللازم وما تقدرش تقول لأ .. هيقولوا عليك بقيت خواجه ومش بتحب اكلنا واللسته طويله
والحل الامثل يا اخى الاكبر
انك تلغى الرحله
ههههههههه

سلم على اسكندريه الجميله
وتوصل بالف سلامه ان شاء الله

Anonymous said...

والله يا رأفت تعرف إن الفول والزيت الحار دول ها أصح حاجة ، ومش فتي والله ولا حاجة دة حسب كلام الدكتور بتاعي أخصائي ال lipid ، هي مشكلتهم الوحيدة بس تتمثل في التتنيح والتسنيح اللي بيقبهم، والريحة اللي مش ولابد اللي ناتجة من الزيت الحار والتحابيش المصاحبة من بصل وخلافة.
طب تصدق هاقولك على حاجة مش هتصدقها أنا لسة راجع من مصر وخربتها هناك خسرت كل نظام الأكل اللي أنا ماشي علية من عشر سنين، اشي ممبار على سمك على كبدة على جمبري على سجق بلدي على كباب على كفتة على طرب على نيفة على حوواوشي على كوارع على لحمة راس على فسيخ....ألخ ألخ.
وبالصدفة كان عندي ميعاد دكتور بعد رجوعي بعشر تيام ولازم اعمل قبلة تحليل كوليسترول على تراي جليسرايد على انزيمات الكبد والذي منة، تصدق الدكتور قاللي اية؟؟؟ قالي دة أحسن تحايا ليك من ساعة مابتدينا سوا من 8 سنينز
قلتلة في سري أنت باين عليك راجل عبيط ونصاب (بس الرقام مابتكدبش أنا معايا نسخ من كل التحاليل اللي عملتها وفعلاً دي أحسن نتايج)


Iron Cobra

Anonymous said...

على فكرة انا لسة ضارب في الغداطبق فول (مصري تدميس بيتي من محل من المحلات العربي اللي مالية سان هوزية)بالزيت الحار (اللي جايبة معايا من مصر)بالبصل والكمون والشطة واللمون مع رغيفين عيش بلدي (من اللي جايبة معايا من مصر.
بس أية بأة قاعد في الشغل متنح اخر تتنيح وأعتقد أني مش هاكل أي حاجة تاني لحد بكرة في الغدا، حتي المدام لما روحت عاينت أثار العدوان أتصلت بيا في الشغل سألتني إن كنت رجعت البيت ساعة الغدا وأكلت فول، ولما رديت بالأيجاب، قالتلي طيب يعني أنت كدة مش هتتعشى، أنا هاعمل لنفسي حاجة خفيفة للعشا، رديت وقلتلها معاكي انت ربنا بأة.

Iron Cobra

Anonymous said...

الأخ العزيز ممدوح:
هذا هو قدرنا يا أخي ولا فكاك منة، إتكل على الله وكل ولما ترجع ألمانيا أبقى صلح كل حاجة، قاعدة واحدة أنا كنت متبعها وأنا في مصر أن لما حد يعزم عليا بأكل مابكسفهوس بس بافهمهم أني مش هاقدر أكل الكميات اللي هما متوقعين أني اكلها، ومعظم الناس تفهمت.
القاعدة الثانية أني لا أدخن ولا أشرب المشروبات الغازية (لأسباب صحية) ولا المتفرنجة (لأني قرفان منها هنا)، لكنني كنت دائماً أرحب بكوباية شاي كشري مصري مظبوط بالنعناع، طبعاً مع الكثير من الحلويات (سواء الشرقية ام الغربية الفاخرة)، حاول تجرب محل أسمة سِدرة في ارض الجولف، إذا قُدِرَ لك زيارة القاهرة (Heavenly)


Iron Cobra

® الأغانى للرأفتــــانى said...

هههههههههه
سمسم
والله زمان يامان
فول تانى..ليه بس
بس انت ممكن تاكل فول لانك لسه راجع من مصر والمعده اتقوت شويه
بس ازاى انت جايب معاك عيش بلدى من مصر؟؟؟؟؟
وانت رايح الاردن يا عم

الدكتور اللى انت روحت له ده فى مصر؟ ولا عندنا هنا
جايز يا عم الاكلات العجيبه دى لها تاسير معاكس على الكلسترول والحاجات دى

فين ايام السردين

انا بقالى كام يوم مركز مع البسطرمه وباقوم فى نص الليل زى المصروع من العطش
هى دناوه وطفاسه يا سمسم