Sunday, April 12, 2009

يمكن أعود تانى لحضنك

(1)
يمكــن اعود تانى لحضنك
واكتب فى حبك اغنيــــــه
دا مهما كان انا برضه ابنك
حبك بيتحكـــّم فــــــــىّ
(2)
بأبعد وأقول مش هارجع لك
تضحك دموعى وتسمـــع لك
وحنينى ليكى بيشفـــــــع لك
انسى القسى يا بلدى علــــــىّ
(3)
البلبل الفرحان غنى
وقالى احلم واتمنى
دى بلادنا حته من الجنه
بس الغريب واكل خيرنا
(4)
يا شمس بلدى ليلك طول
وحبى عُمـــــره ما يتحول
فى صفوف حبايبك انا الاول
وشاهــــد ادانك ع المدنـــــه

نيويورك - يونيو 2008

19 Comment:

Mohamed Shedou محمد شدو said...

جميل
بس اوعى تقول انك ناوي ترجع دلوقتي ولا حاجة

® الأغانى للرأفتــــانى said...

ارجع فين بس يا حمام
دى العمليه متكعبله خالص هناك
بس اكيد فى يوم لازم ارجع
امتى الله اعلم

شيكاغو عامله ايه معاك
مفيش زياره لنيويورك قريبا

Mohamed Shedou محمد شدو said...

صحيح الرجوع في الوقت الحالي ما ينفعش خالص
والله شيكاغو الحمد لله على الأقل احسن من إثاكا وان كان الواحد تعب من الاماكن البرد دي عاوز شوية حر
!!

ما اعتقدش اني هنزل نيويورك قريب
مش نازل انت شيكاغو

® الأغانى للرأفتــــانى said...

فعلا لو وقت للرجوع هههههه
شيكاغو جميله يا محمد وصعب مقارنتها بمدينه صغيره زى اثاكا
ان شاء الله لو جيت المؤتمر بتاع شهر مايو
بتاع كل سنه
لازم اعرفك
تحياتى يا صديق

Anonymous said...

hmm raafat :p aih aih el nezam?
dont come back unless u will buy me lots of gifts

notebook, watch, dvd :D , lcd tv and anything eles u wanna buy for ur little sis :D


hope u r fine and everything is ok dear
u remind me of my self
i had hard times at my work ... but now i miss it although i have always been ill when i used to work there because of stress

Anonymous said...

raafat pray for me i have 2 broken toes
its so painfull

Noura said...

You speak the mind of many of us who are in the same situation..but in your case at least you can visit home, it is somewhat stable,you can have fun, see your family, eat ta3miah w falafel and come back all refreshed and happy.. Me, I can't !!

It is unfortunate..inshallah one day we can all go back home ..Patience, all in good time ya Ra'afat :)

® الأغانى للرأفتــــانى said...

Anonymous
i hope all of your toes are broke:)

hahah, just kidding

Noura
our home may be stable from the outside, but in the inside it is boiling

يعنى هى الفلافل والطعميه هى اللى وحشاكى
يا ستى هابعت لك محمد احمد بحالوه
بس انتى ما تعرفيش مين محمد احمد
لما تيجى اسكندريه بتاعه مصر مش لبنان هاخدك عند محمد احمد.
ان شاء الله هيجى وقت وترجعى انت كمان

Anonymous said...

:( its hurts rofa
broken toes plus the joint were also hurt
and i wont be able to go to work
pray for me dear
nohaz

Anonymous said...

raafat i need a favour
i need to pay for things through paypal and its not avilable in egypt
so can i send u the money and u pay for me i will send first then u pay so u can gaurntee ur money
nohaz

Anonymous said...

والله يا رأفت لسة راجع والحالة لا تسر عدو ولا حبيب، بس نقول أية بأة عيطت وأنا في الطيارة أول مادخلت المجال الجوي المصري، وعيطت أول مالطيارة طلعت وأنا راجع، الظاهر انها اعراض الزهايمر ولا التقدم في العمر.



Iron Cobra

® الأغانى للرأفتــــانى said...

سمسم
هى يا صديقى اعراض التقدم فى السن
والبكا مش للحنين او الفرقه ولكن للحاله التى لا تسر عدوا ولا حبيب
احنا ماشين لورا يامان

حدوتة مصرية said...

يا سلام يا صديقى ايه الجمال ده يا معلم واحنا بره مصر نموت فى ام ترابها واحنا جوه مصر نلعن ابو اللى جبوها
ان شاء الله تكون بخير واعذرنى يا صديقى انى ما سالتش عليك ولا زورتك هنا بقالى مده

® الأغانى للرأفتــــانى said...

ياسر حدوته
ايوووه يامان
فينك ياعم
هى قله الاصل فى اهل بحرى كده علطول
ههههه
بهزر معاكى
لك وحشه والله انت كمان
ربنا يعدل الامور
سعيد بتواصلك يا اجمل ياسر

Noura said...

Great..does Mohammad Ahmad sell shawerma too ??

ملكة بحجابى said...

وحشنى صوتك وسكوتك
وحشت حضنى ..ماهو بيتك
عمرك ماجتنى وصديتك
حلمت انا برده برجوعك
امك انا وحاضنه دموعك

ده كان رد من بلدك اللى مشتقالك اوى
وبعدين انت فين اصلا كل ده؟؟
مخمثاك


ملكة بحجابى

® الأغانى للرأفتــــانى said...

Nour
yes he does. but it is different to the one you guys have. at least, it will remind you of home:)


ملـــــــــكه
يا ريت يا ستى يكون ده رد البلد . انما ردها وحش مبعوت من خلال حكومه ظالمه
البلد ما بتحاولش
زى ما تقولى ماتت وسلمت لشويه الحراميه
انا موجود انت فين؟

انحلت سيور العربه وسقط المهر من الاعياء said...

هلا يا خويه انا زعلان منك بس مالوش لازمه الكلام دلوقت


بس حلو انك كتبتها

القسى
مش القسا


انته لعيب فى الحته دى عشان حيرتنى ياله سلام

® الأغانى للرأفتــــانى said...

الراجل اللى الحصان بتاع اتفك وهرب من العربيه
هههههههه
قصدى محمد
عارف انك زعلان بس انت برضه عارف الظروف ويدوب الواحد بيروح مصر خمس ايام او اقل والله العالم

انت مفكر النحو بتاعى ضايع ولا ايه يامان