اسكنــــدريه تانى





الحمد لله على نعمه التاكس الاصفر وليس التاكس الابيض فى اسود
الحمد لله على المشروع وليس المكيروباص

الحمد لله على نعمه البحر وليس النيل
الحمد لله على رمله البحر وليس طينه النيل
الحمد لله على الجنى وليس الجنيه
الحمد لله على الفلافل و ليس الطعميه
الحمد لله على الطماطم وليس القوطه
الحمد لله على الصاغ وليس القرش
الحمد لله على الكرنبيت وليس القرنبيط
الحمد لله على الاسكندريه وتغور القاهره بنارها

شــالو المــراه


يا ميت ندامـــه ع اللى عايش فوق عظام الخلق
ياكل ويشبع وغيره مالاقي لقمه تملى الحلق
شـــالو المراره ووالســــــــــــــــــــــــؤال
ازاى نضيـــــــــــيـّع طعمها م الحــــــــــلق؟

مــــراره الرئيـــــس

(1)

وبعــديــن يا ريّـس
وآخـــرتهـا ايــــه
دول جايبـين مرشح
يغيّــر ويــشرح
ولايــفيــن عليـــــه

(2)

فـقــعولك مــرارتــْك
وحـاسـدين فخــامـتك
وكــُرسى الريــاســـه
عــُيونهـم عليــــه

(3)

الـــهى يا عــالم
بحال الغـلابــه
اشــفلــنـــا الرئيــس
ورجــــع شبـــَابـــُــه
ومَــدد فى عــُمـــره
ويــّسر له أمـــرُه
دا هـــو الحــَمــْـــل
وشعــبُه الديــــــابه

(4)

ودَمــْـــر وكـَســـْر
رُمـــُوز المعـــارضــه
وشـَــتـت جمــُوعـــهــــم
و أسخــطهـــا قــِــردْه
وأنـا متــوضى بأدعـــى
يغــــور البـــرادعــــى
ولا يكـــون لـــه رَدْه

(5)

دُســــتُور دا ايه اللى يغيــّروه
وبــرادعى مين اللى يرشّحــوه
بقى بعد الهنا والرخاء والسعــاده
هنرجــع نغنى يا ناس ظــَلمـــوه

(6)

ما قـــُولت لجنابـــك
بــلاش الجــرايــد
ولازم نــِخــْلص على
من يـُعــارض
لكنــك مســـامح
وقلبك كبير
وشايل هــُموم
الضيعف والفقير
وعـــُمرْك ما تِظلــــم
ولا مـــره تـِحرم
يـا عــايــق يا رايق
وبـــالك طــــويل


نيويورك - مارس 2010

برادعى ايه اللى انت جاى تقـــول عليـــه

الهيصه بتاعه الدكتور البرادعى ان دلت علي شئ فانما تدل على ان الشعب المصرى عامل زى الغريق اللى متعلق فى قشايه . مع انه عارف ومقتنع تمامه ان القشايه لن تمنعه من الموت او الغرق

وان نحن كشعب مستعدون ومهيؤن نفسيا بقبول اى رئيس غير طويل العمر اللى راكب على انفاسنا من قبل الجيل بتاعى ما يتولد

يعنى مثلا لو الفنان شعبولا غلط فى حوار صحفى وقال انه ناوى يترشح , فى ثوانى هنعمل حمله تأييد على الفيس بوك الذى اصبح للمصريين كالماء والهــواء

هذه السطور لا تقلل من قيمه وشخص البرادعى او وطنيته لكن السؤال الان – ما هى مؤهلاته التى تجعله ان يكون رئيسا لدوله الفساد فيها اكبر من الفساد نفسه . دوله بتحاكم مدون فى محكمه عسكــريه كانه جاسوس حرب . دوله مش مؤمنه ان المرأه ممكن تكون قاضى او شئ آخر غير جسد

البرادعى راجل اكاديمى – عالم – ممكن يكون رئيس جامعه محترم او وزير تعليم او لحظه حلو وامه دعياله , يكون وزير خارجيه من أمثال صاحبنى اللى دايما يندد ويدين ويعارض ويجعع

خبره البرادعى الحزبيه والبرلمانيه اوخبرته بفساد المحليات معدومه؟ كيف يتعامل البرادعى مع شيوخ المنصر؟

واحد من المثقفين اياهم قالى ان البرادعى هو رمز التغير!! هو احنا لسه هندور على رمز؟؟؟؟ دا احنا غلبنا رموز : رمز النظاره – رمز الجمل – رمز الهلال – ورامز جلال

النقطه الايجابيه فى الموضوع ده هو مطالبته بتعديل الدستور والغاء المواد بتاعه رئيس بالتفصيل . هى دى البدايه : السعى لتعديل الدستور والغاء قانون الطوارئ وامن الدوله والمحاكم العسكريه

ولما الكمامات تتنزاح عن الافــواه... هتلاقى ناس كتير بدأت تتكلم