اسكنــــدريه تانى





الحمد لله على نعمه التاكس الاصفر وليس التاكس الابيض فى اسود
الحمد لله على المشروع وليس المكيروباص

الحمد لله على نعمه البحر وليس النيل
الحمد لله على رمله البحر وليس طينه النيل
الحمد لله على الجنى وليس الجنيه
الحمد لله على الفلافل و ليس الطعميه
الحمد لله على الطماطم وليس القوطه
الحمد لله على الصاغ وليس القرش
الحمد لله على الكرنبيت وليس القرنبيط
الحمد لله على الاسكندريه وتغور القاهره بنارها

4 comments:

الأغاني للرأفتاني said...

مشوار جهنم اسهل من مشورا القاهره ده يا عم محمد
يا ساتر
عالم كلها مقريفه وطهقانه
الحمد لله على نعمه الاسكندريه
هههههه

Anonymous said...

جميله
لو عديت نعم اسكندريه مش هتخلص

Iskanderani said...

مساء الفل يا رأفت باشا ،
أنا رايح لها زي كل سنة في أوائل مايو للبحث عن الذكريات والماضي في شوارعها وحواريها ولازم كل مرة أكون فيها هناك لازم أمشي في شوارع كوم الدكة وأزور ألأنفوشي و السيالة وحواريها وزنقة الستات ولازم أزور أبو قير والمنشية الصغيرة والباب ألأخضر والمكس .... يعني كلها كام أسبوع وأشم هواها وأشوف أهلها.
يلزم من هناك أي طلبات (مش عزومة مراكبية ما تخافش)
تحيات إسكندراني في بلاد الله الواسعة

الأغاني للرأفتاني said...

اسكندرانى
ربنا يسهلك يا استاذ ممدوح
الحق تتمتع شويه قبل الصيف والبلاوى اللى بتتحدف هنا
اتمتع باسكندريه يا استاذى دا احنا ملناش غيرها
ههههههه
يارب نستقل عن باقى البلد
ههه