(1)
من أجل نسمة حق
فى حر المظــالم
من أجل صرخه رفض
فى وش اللى ظالـــم
ولقمة عيش يدوب
تكفى اليوم وبكره
نقول يا عــالم
(2)
واقفــين على رصيف العدل
مش عاوزين قصــور
ولا مـراكب من دهــب
عايمــه فى بحــــور
وبدون مزايده او مبايعه او غرور
يدوب بنطلب حقنا
فى حد أدنى عادل للأجـــور
(3)
من أجل ما نملى السما أفراح ونــــور
هنكسر السلال والقيود والجسور
وهتضحك المصانع
للعامل اللى صــانع
وتفرح الشوارع
للفلاح اللى زارع
وهيكون الهلاك
مصير كل اللى بايـــع
*************
نيويورك – 10 يونيو 2010
No comments:
Post a Comment