Tuesday, July 27, 2010

الحــلول الرأفتانيه لإلغـاء قانــون الطوارئ

قانون الطوارئ المصرى اصبح بفضل سيادة الرئيس ومصداقية الحزب الوطنى وطهارة وشفافية مجلسي الشعب والشورى هو قانون لمحاربة الإرهاب والمخدرات فقط لا غير

وبناءاً على ذلك ومن منبرى هذا، أطالب جميع الشعب المصرى بكافة فئاته وبأكمله حاضره وغائبه أن بكْف عن تجارة المخدرات والعمليات الإرهابيه بكافة اشكالها وانواعها لان الحكومه اصبحت فى غاية الخجل والكسوف من أعمالكم

يدك فى يدى أخى المواطن لبندأ حمله “ الكْف عن الإرهاب وتجارة المخدرات” ولنبدأ صحفه جديده

قبل ما تفكر فى تفجير بيت جارك … فكر فى قانون الطوارئ

قبل ما تنزل من البيت الصبح مسطول وبتتطوح … فكر فى قانون الطوارئ

الحكومه تمد لك يد العون فلا تردها خائبه. بلغ عن اصحابك تجار المخدرات. لو كان ابوك أو اخوك أو مراتك أو حماتك من الجماعات الإرهابيه، ما تترددش لحظه واحده فى انك تبلغ عنهم

معاُ من اجل مستقبل أفضل وتذكر دائما بأنُ

قانون الطوارئ بدأ بقنبله وانتهى بنفس حشيش

الصوره من عند عمرو سلامه

2 Comment:

Mohamed Shedou محمد شدو said...

يا سلام لسه في مصر شباب واعي ومخلص وفاهم الحقائق ولا يقع فريسة لدعاوي الأفاكين الكارهين لأمن هذا الوطن واستقراره الذي استمر ثلاثين عاماً من الحكمة حكمة الحرب والسلام والضربة الجوية الخالدة
ومع ان ده خارج الموضوع لكن مش قوي
وهو اننا لازم كلنا نقف ورا جيمي مبارك لانه هو الاصلح لحكم مصر حيث تربى وترعرع في بيت الحكمة وتعلم مباشرة وتلقى تربيته من حكمة الرئيس مبارك التي لا مثيل لها ولم ير التاريخ لها شبيهاً يقاربها في العظمة
عشان كده كلنا لازم نقف ورا جمال من شباب واعي مخلص لا يبغي شيئا الا وجه الله ومصلحة الوطن ومش لازم ننسى ابدا ان جمال وصل لمنصب مدير فرع بنك في انجلترا وهو دليل دامغ على عبقريته القيادية والادارية والمالية

يحيا الوطن

Raafatology®الأغانى للرأفتانى said...

ربنا يكملك بعقلك يا محمد ..انت كده فاهم معنى الاستقرار يعنى
كانك بترمى طوبه فى بير غويط. عمرك شوفت الطوبه دى طلعت تانى على وجه المياه؟ مستحيل
احنا عاوزين النوع ده من الاستقرار للشعب ,وجيمى مفيش احسن منه للموضوع
يحيا الوطن