Friday, November 12, 2010

حــارب النظام بنفس سلاحه : الإستعبـاط

الحكومه عامله زى الست القرشانه العجوز اللى فى الأفلام القديمه. عامله ودن من طين وودن من عجين. تسمع اللى على مزاجها وتنطش اللى على هواها

فى إيطاليا الدنيا هاصت ولاصت وقالك أن الرئيس الإيطالى على علاقه مع حفيده الرئيس المصرى . وقعد الشعب الغلبان منتظر كشف عيله للرئيس لا يوجد فيه أى شخص بإسم روبى. لكن للأسف الحكومه سمعها على قدها وما بيجيبش لحد إيطاليا

وفى مذكراته، كتب الرئيس الهمام جورج بوش أن مصر أكدت له أن العراق يمتلك أسلحة دمار شامل! وبرضه الحكومه لبست وش عبده الأهبل ولم تصدر أى بيان تأكيد أو تكذيب وقالك تلاقى بوش بيتكلم على مصر الفاطميه مش مصر الحديثه هو بوش بيعرف يقرأ ويكتب أصلاً

وأخيراً ، من كام يوم كده نشرت مجلة التايمز الأمريكيه تقرير بأن مصر ساعدت إسرائيل فى إغتيال بعض القيادات الفلسطينيه فى غزه . لكن الحكومه ما بتقرأش اى جرائد غير الأهرام وروز اليوسف

لو سألت أى دكتور هيقولك إبعد عن الزعل وعن أى أخبار تعكر دمك علشان أمراض العصر زى الضغط والسكر والجلطه. والحكومه بتسمع كلام الدكاتره جداً والدليل على كده اللهم لا حسد أن متوسط أعمار الحكومه معدى ال 70 سنه

وأنا من منبر ى هذا أناشد الشعب بكافة طبقاته بمحاربة النظام بنفس سلاحه. أخى المواطن أختى المواطنه : أرجوكم سوقوا الهبل

0 Comment: