الديمقراطيون فى مجلس النواب لن يصوتوا لصالح قانون الاعفاء الضريبى لأوباما


الكتله الديمقراطيه فى مجلس النواب اللى أصدروا قانون يرفضوا فيه إتفاق اوباما ( اللى هو رئيس الحزب بتاعهم) مع الجمهورين بخصوص الإعفاء الضريبى. نائب الرئيس بايدين راح لمبنى العاصمه علشان يروج للاتفاق ورجع قفاه يقمر عيش. اتفاق اوباما مع الجمهورين هيمدد عصر جورج بوش السحيق وهيسمح بالاعفاء الضريبى لمن يزيد دخله عن 250 الف دولار فى السنه. عمك أوباما فى الحمله بتاعته قالك إن الإعفاء الضريبى بتاعه هيكون للطبقه الوسطى ومحدودى الدخل مش لناس بتعمل ربع مليون دولار فى السنه. لكنه كسكس فى الأخر وعمل إتفاق مع الجمهورين لجعل الإعفاء الضريبى لكل الطبقات

نانسى بلوسى رئيسة مجلس النواب الحاليه عملت بيان من اللى ملهومش معنى وقالت فيه إن الكتله الديمقراطيه هتعمل يدا بيد مع الرئيس والحزب الجمهورى لتحسين هذا القانون قبل ما يوصل لمجلس النواب للتصويت عليه. لكن مجموعه من 53 عضو ديمقراطى بعتو له جواب وقالو له استرجلى وانشفى كده علشان نقف فى وش طوفان البيت الأبيض ومنع هذا الاعفاء الضريبى من الوجود

علشان كده باقول لاى واحد فى كل حمله متعرضهاش قوى علشان تعرف تلمها

 

No comments: