إمنعو الكلام والسلام .. إحرقوا غصن الزيتون وإقتلو الحمام

تخيل لو مفيش كــلام .. مفيش حروف مفيش سكون مفيش تشكيل ..وعلشان تغير حاجه أو تعبر عن شئ لازم تتحرك وتعمل حاجه . طبعاً وزنك هيخف والكرش هيروح لكن هناك فوائد أعظم
الكلمات والأغانى ما بتموتش حد! رصيدنا من الأغانى  يفوق رصيد بيل جيتس من الدولارات وأعتقد أنه لن يسبقنا أحد فى هذا المجال
خالد سعيد قتلته اللـكمات وليست الكلمات .. واللكمه تتاج إلى مجهود وفعل والأفعال بتموت
أحمد شعبان تم إلقاء جثته فى ترعة المحموديه ..وإلقاء الجثه فى الترعه يتطلب حملها  أو سحبها أو جرها وكلها أفعال
مصطفى عطيه  مات علشان كان عاوز يتكلم وشرح بالكلام أنه سدد القرض ومعاه مصالحه من البنك . لكن للأسف الناس اللى كان عاوز يشرحلهم ما بيؤمنوش بالكلام وبيعدوا الأفعال
الكلمات سحقت الإنسان المصري وأهدرت كرامته. فبفضل الكلام أصبح لا كرامة لمصرى فى وطنه
الكلمات جعلت قيمة الإنسان المصرى 300 جنيه بتسعيرة الدويقه والعباره وقطار الصعيد ومسرح بنى سويف
خلاصة الكلام .. إمنعوا الكلام

No comments: