علاقة علم الفلسفه بالصياعه

الشخص اللى إخترع الفلسفه كان صايع وملوش شغله ولا مشغله غير انه يجيب فى سيرة الناس؟ بحثت كثيرا على انى اجد العبقرى اللى اخترع علم الفلسفه حتى اصب فى شخصه الكريم غضبى وسخطى لكن للأسف لم اجد شخص محدد قام بإختراع هذا العلم الجبار. فالآراء اجمعت ان الفلسفه موجوده منذ قديم الازل وهناك دلائل على وجودها فى الحضاره الفرعونيه واليونانيه والصنيه القديمه. وهذا دليل قوى على ان الصياعه والبطاله والتسكع فى الحوارى والطرقات له وجود منذ قديم الازل
وفى علم الفلسفه تجد الفيلسوف من دول يبذل قصار جهده بان يقنعك ان اللون البمبى كان فى الاصل فوشيا وان ضوء الشمس ما هو الا ظلام بس انت اللى حمار وما بتفهمش. وبعد ان يستغرف ساعات وساعات من الشرح والتحليل، يسيبك قاعد لوحدك وينظر ويتأمل إلى السماوات العُلى وكانها بيتفرج على فديو كليب لخالدة الذكر هيفاء وهبى
والفيلسوف الناصح يفضل يلخبط بكلام ليس له معنى ولا هدف غير انه يكرهك فى نفسك وفى اصحابك وفى اليوم اللى اتولد فيه.
واجمل حاجه فى هذا العلم الخارق لما فيلسوف من إياهم يحاول يقنعك انه بيحس بيك ويفهم شعورك؟ وهنا وجب على سؤال هؤلاء العباقره؟ لو انت بتكلم واحده ست حامل، كيف لك ان تشعر معاناه الحمل وآلامه ؟
وهناك رأى اخير اميل إليه نوع ما آلا وهوان الفلسفه علم النصب والثلاث ورقات. لان الفيلسوف بيفضل يقول كلام ملوش اى علاقه ببعضه لحد ما كلمة منهم تضرب وتيجى على هواء المستمع الذى يقفذ من مكانه فرحا وتهيللا لما سمعه
ولو كانت الفلسفه علما لكن الاخ العقيد معمر القذافى هو سقراط حيث اننا جميعا نعانى من عدم فهمنا لما يقوله

4 comments:

د/دودى said...

لو وصفنا القذافى انه فيلسوف نبقى ظلمناه لانه لازم يكون ملك ملوك الفلسفه و جامع صولجان الفلسفه العليا كعاده و ميقدرش يتنازل عم كده..

تحياتى

الأغاني للرأفتاني said...

يا دودى
القذافى ده حاجه عظيمه ..ليس لها وصف فى المعاجم..وهيوحشنى جدا بعد اعدامه

Just-An-Egyptian said...

مضطر أختلف معاك يا رأفت لإن علم الفلسفة و المنطق ساعد على إيجاد طرق للتفكير و التحليل و الإجابة على أسألة كتير ... مش مجرد صياعة و لف و دوران بالعكس دة بيساعد على تشغيل المخ

الأغاني للرأفتاني said...

نعم يا عم مينا:)
جاى تخنقنى ع الصبح ..تحليل ايه يا حسره..دى علم بضين