Wednesday, February 18, 2015

مرمطينا يا دُنيا

بؤس

- احنا شكلنا هناخد الحياة كلها فى نطة واحدة
- قصدك ان الحياة هى اللى هتاخدنا كلنا فى نطة. الحياة هى اللى عايشانا مش احنا اللى عايشنها.
انت عارف وانت صغير لما كنت تروح البحر، وموجة عالية تيجى تخبطك وتلاقى نفسك طيرت لفوق ونزلت بسرعة تأكل رمل؟ وبعد كده تتشقلب ثلاثة أربعة مرات؟ هو ده اللى بيحصلنا دلوقت.
الدنيا بتشقلبنا. الدنيا كبّرتنا من الشقلبه.
اصلاً مقياس العمر، احداثه. مش بس تاريخ الميلاد وعدد السنين. يعنى ممكن يكون عندك مائة سنة بس أهبل لان اهم حدث فى حياتك تافه ملوش قيمة. وممكن تكون عّيل عنده عشر سنين بس قلبه شاخ من كُتر اللى شافه
مقياس العمر الحقيقى هو المرمطة. شوف بقى انت اتمرمطت قد ايه؟
- مرمطينا يا دُنيا

0 Comment: