google-site-verification: google68e1bcdcaa53d669.html Raafatology ® الْأَغــــانّى لِلـــرَأْفَتــانّى: لا يموت الأبطال

Friday, March 13, 2020

لا يموت الأبطال


(١)
  ليه إصابة المشاهير والساسة الكبار بمرض بتكون صدمة. جايز لأن الحقائق عنهم بتكون مش واضحة. ولما تغيب الحقائق، يشتغل الخيال.  أساطير بتتعمل من حكاية صغيرة، وبنصنع أبطال لأن طبيعة الإنسان إن يكون له بطل تقريبا. والأبطال مش بتموت أو يصيبها أمراض الناس العادية. الموت والشيخوخة موجودين من زمان لكن ما بنحسش بيهم غير لما يقربوا مننا
(٢)
أصبحت أوروبا بؤرة وباء فيروس كرونا. بعض الدول الأفريقية منعت دخول الأوروبين لبلادها. سبحان مغير الأحوال
(٣)
الدنيا كلها قفلت المدارس والجامعات وأي تجمعات فيها أعداد كبيرة إلا مصر. هل ده عناد أو جهل. في تقرير لنيويورك تايمز بيقول أن معظم الحالات اللي رجعت أمريكا مصابة كانت من مصر. دول الخليج وقفت السفر لبلدان كتيرة من ضمنها مصر
(٤)
صور وفديوهات الشوارع في مصر بعد المطر تدعو للبؤس. جثث طفت في الشوارع بعد ما اتكهربت. بيوت المدن الجديدة الصرف ضرب فيها. مفيش أي مشهد يدعو للأمل غير الشباب اللي نزل يساعد الناس في الشوارع

(٥)
مشاهد العالم ينتهي. الرأسمالية لسه بتكسب من مصايب الكون زي مليونيرات الحروب.  أهم حاجة المكسب. مش مهم البني آدم
(٦)
السخرية من المصايب اللي احنا فيها مش نابع من قوة أو يقين، بل ناتج عن يأس مطلق وايمان كامل بإن مفيش حاجة هتتغير وإن الإنسان في النهاية بلا قيمة. 

0 Comment: